روح راشد
02-11-2007, 01:19 PM
السلام عليكم ورحمة الله وبركاته
يشرفني ان اكتب لك يا دكتور عبدالله
ووفقك الله لما يحبه ويرضاه
هذه مشكلة احدى صديقاتي
عمرها الان 24 سنه متزوجه هذه السنه
عاشت مايقارب 20 سنه من عمرها لم تعرف بها امها ..الا عن طريق الاتصال السنوي اي كل سنه تتصل امها بها او اخوها الكبير يتصل ليسلم على والدته وتسلم هي معه عليها من دون رغبه بذالك علما بأن امها تطلقت وعمرها سنتان وامها من جنسية عربيه.
تحدثك صديقتي فتقول
بعد ماتطلقت امي ابوي حطني انا واختي واخواني الاثنين عند جدتي وعماتي يربونا وكانت المسافه بينا طويله يعني ماشوف ابوي الا بالعطل الدراسيه لانه كان متزوج حرمه ثانيه وكانت اكثر من ظالمه علي انا واخواني فأبوي ماستحمل معاملتها لنا وخلانا عند جدتي
لما كنت اشوف عماتي يدلعون بناتهم وبليل كل وحده من بنات عماتي تنام بحضن امها كنت اموت قهر صح انا عماتي ماقصروا ويموتون فينا بس كنت احس معاملتهم لعيالهم تختلف عن معاملتهم عن اعيال اخوهم كنت ابيهم لي ابي الدلع لي ابي كل شي لي كنت انام بالليل بحضن جدتي وكنت كثير ما احلم
دكتور انا حياتي متنقله خلال ال 20 سنه الماضيه من حياتي... بعد السبع اسنين من عمري خذانا ابوي وسكنا كم سنه مع مرة ابوي اللي ماقصرت ... طبعا بحنانها ودلالها الزايد ( اتغشمر طبعا )..
بعدها سكنا ابوي ببيت لحالنا احنا الاربعه مع خدامه واختي الكبيره كان عمرها 14 سنه تركت المدرسه وخدمتنا انا واخواني وكان ابوي على طول عندنا لان بيته الثاني جنبنا على طول
المهم
تزوجت اختي ... لما كان عمري 13 سنه وبحكم اني صغيره سافرت مره ثانيه وعشت عند جدتي وعماتي... ماكذب عليك .. كنت بموت من الفرحه لاني بروح لجدتي وعماتي ... مع اني متعلقه ببوي كثير واموت فيه وهو بعد لكن حياتي عنده ممله ماحد يجينا ولا اطلع ولا اروح من البيت للمدرسه محد يزورنا لان مافي حرمه بالبيت ومالنا قرايب .. عند جدتي ماطلع كثير بعد بس احس بالامان والدفا احس بالحياه عند جدتي في حد يسألني شربتي حليب.. تعشيتي .. ليش مسمره .. شعرج خف .. ذاكري .. قومي .. تعالي .. روحي ... تفاصيل بسيطه لكن احتاج اسمعها
كنت احسد بنات عمتي لمن قالو يمه
كنت ابكي مرات لاني احس اني وحيده .. كنت خجوله ولازلت وكتومه ولازلت وماحب اجرح حد ومانسى الاسائه اذكر كل من قد جرحني ونا صغيره
اذكر نضرات العطف من جيرانا لما اروح مع جدتي لهم ويسألونها ذي بنت الفلانيه
بعد الثانوي كان ودي اسجل بكلية الدمام مع بنت عمتي حبيبتي ورفيقة دربي
لكن كوني مو سعوديه رديت لابوي وسجلت بالجامعه .. وفشلت بالدراسه رغم ان طموحي كان ولازال عالي لكن الحظ والنفسيه دمروني
انا كثير ما اضحك وامزح واتغشمر اللي يشوفني مايقول اني عانيت وقاسيت بحياتي وانحرمت من اشيا كثيره الولها واخرها بسبب امي وغلطها...
عمتي تقول لما كنت صغيره كنت دوم مكتأبه لان اختي ماكانت تعطيني فرصه كانت دوم تضربني اختي تولت مسؤليتنا قبل لاتزوج كانت حيل عصبيه كانت مرات تدخلني بالحمام وتضربني بهوز الماي لاتفه سبب ( انا صح عنيده وراسي يابس بس ماستاهل)
اخوي الكبير مثل اختي عصبي مو صاحي لاعصب مايعرف ابوه من امه لدرجة ممكن يشيل التلفزيون ويحذفه على اللي قدامه بس مايحط حرته الا على اخوي اللي اصغر منه ومرات على اختي
انا واختي حساسات لابعد حد واختي اكثر لدرجة تفسر الكلمه اللي تسمعها الف مره اذا كان فيها اهانه او مسبه او او ..... واحسها ماتفهمني مالنا غير بعض بس ماتفهمني واخاف عليها لانها كذا مره تنهار وتضرب عمرها وللسانها يثقل وتقعد تصيح (ايام المشاكل)
انا واختي عندنا رعب من زوجة ابوي مانحب انشوفها ولا اضطرينا انشوفها بالمناسبات نتحاشاها
اذكر كان فيه بالمدرسه وحده تشبه زوجة ابوي بالمشيه وطريقة الكلام ..كنت لا شفتها قدامي اغير طريقي مع انها ماسوت لي شي بس اكتشفت ( ان زوجة ابوي تسير بنت خالة امها ) طلع معي حق لا كرهتها
اخوي الثاني اللي اكبر مني كان متين تقريبا 100 كيلوا جات فتره تغيرت نفسيته وكان كثير يتهيأ له ان بالقرفه اشباح عايشين معه يقول انه يشوفهم ويكلمونه وكانوا يخنقونه وهو نايم كان يقول انهم يلحقوني وين ماروح وكان يطالع جدار الحوش ويقول تعالي ارويج شوفيه فوق الجدار ليت صغير هذي عيونه كنت خايفه عليه قلت لابوي واخوي العود عنه واهملوا وقعدوا يضحكون
اخوي انسل حاله صار هيكل على عضم
ابوي واخوي شكوا انه يتعاطى وفحصوا دمه والحمد لله طلع سليم
لكنه مريض نفسي وبنفس الوقت يحب بنت عمتي اللي طلبه وماصار نصيب ومن بعد ماتزوجت سأت حالته زياده
اخوي صار له حادث والحين بغيبوبه له 6 سنوات
دكتور انا طولت عليك .. لكن ابي ارتاح
انا بعد مارديت اعيش ببيت ابوي كان اخوي متزوج وكان ساكن بالبيت وكنت قاعده معاه هو وزوجته واعياله وكنت مرتاحه لكن قبل 4 سنين اخوي قرر يجيب امي تسكن معنا ومن هنا بأت مأساتي
امي فرقت بينا كلنا
انا
وزوجة اخوي
انا
واخوي
وتحاول تفرق بيني انا واختي
امي ماترتاح الا اذا فرقت بينا كلنا .... <<<< تكمن لذتها لاشافتنا متزاعلين
امي ماتحبنا ولاعمرها حبتنا
امي ولدت بس ماربت .. ماتعبت
تكرهني اكثر وحده لاني مو متقبلتها
امي ماتفرق عن زوجة ابوي بشي الا انها اسوأ منها
على الاقل زوجة الاب لاكرهت ماتنلام احنا اعيال ضرتها
لكن امي ليه تكرهنا
تقول امي انا احنا ماتربينا
حضرتها تبي تربينا من جد وجديد
امي تموت بالماده وهذا اللي مجننها فلوس اخوي
تبيه يطلق مرته وتشتت اعيال اخوي وتعيد مأساتها مع اعيال اخوي
اخوي بروحه قاضي ماعنده اعصاب
كفايه مشاكله هو وزوجته .... مو ناقصها
دكتور ....
سوالف اكثيره مانتقال سوتها امي معي
لدرجة اني لما ادخل المطبخ بشرب كاس مويه تصد بوجها عني
تأفف
تخيل لما صار الحادث لاخوي وطاح بالغيبوبه كنت اروح له يوميا كانت تقول لاخوي ماله داعي توديها شبتفيده فيه اخوك مايحس باللي حواليه ماله داعي روحتها لين زهق اخوي من كلامها وصرت اروح بالاسبوع مرتين بعدين مره بعدين بالشهر مره وامي ماتروح لها ولا يطرى عليها ليه اللي بالمستشفى ولد الجيران ( بس الحمد لله انه بالمستشفى من قبل لاتجي امي حياتنا ... احسن انه ماعرفها )
مرات تبقق عيونها علي
جاتني فتره ماقدرت صرت ارتجف لاشفتها وكلامي يرتجف
تخيل
كانت تخش الاكل مني
تقول ان انا خلصت اكل البيت وخلصت الصابون
لما اقعد بالصاله وافتح الشباك تقول انتي مخربه تبين تقبرين عالسراميك
لما اكلم اختي بالتلفون تقول (ايه هذا اللي تبينه تبين تفرقين بيني وبين بنتي ) ونا مو بنتها مع اني ماشكي لاختي .. لان اختي تعصب بسرعه وتكبر السالفه
وكله تشتكي من اخوي مقصر ومقصر ومقصر وجاب للزوجته وشرالها ووداها ونا لا .... عذبتنا
جننة اخوي ..<<<< اخوي مستحمل وصابر <<<< بس اعصابه تلفت
فرقت بين اختي وزوجة اخوي ... وانا عمري ماكانت بيني وبين زوجة اخوي مشاكل الا لمن جات امي
امي كله تسب ابوي وتشوه صورته قدامي انا واخواني وقدام زوجة اخوي وعماتي وبناتهم
انا مارضى على ابوي
ابوي من جات امي ماعاد يدخل البيت نهائيا احرمتنا منه
انا اشكي بس لبوي
وياليت ابوي يسوي شي ابيه يقول لأخوي ردها مانبيها
لا يقولي
هذي امكم مالي حكم عليها
اصبري
تحملي
مابي اضايق اخوك
اخوي تشتت بينا يرضي زوجته ولا امه ولا خواته ومن على حساب من
انا اذا علي
صرت ماطلع من قرفتي مقيمه فيها صيف شتا.. وماصحى الا بالليل لاناموا الكل قعدت على التلفزيون ولا رحت عند ابوي بالمجلس برى اسولف معه واغط ظهره
الحين انا يادكتور تزوجت
طبعا صرت حبيبه من زوجة اخوي ومن امي
لأني ماراح اشاركهم بخير اخوي
دكتور اخوي طيب
وانا والله طيبه وحتى زوجة اخوي بعد طيبه بس امي ساس البلا
دكتور انا كنت اكره امي بشده وكنت اسبها لاسولفت عنها قدام اختي كان عادي عندي ادري انه خطأ وحرام...
ادري ان الجنه تحت اقدام الامهات
ادري ان الرسول صلى الله عليه وسلم بالام ثلاث امك ثم امك ثم امك
ادري بعضم رضى الام ومدى استجابة دعائها
لكن شسوي قلبي مو بيدي
دكتور انا من سنه شعوري معها اتجاها خف يعني ماكرها كثر اول لكن ماحبها صرت ماسبها ولادعي عليها حسيت بعمري وانتبهت دكتور شعوري خف لاني صرت اتحاشاها لابعد حد ولا سولف معها باي شي خاص مجرد عرض اراء وسوالف سطحيه ان وجدت سوالف
تخيل امي تقول لاختي تظنين ان ابوك يردني له ثاني امي تحب ابوي للحين وتغير عليه وتسب زوجته واخواني من ابوي وفنفس الوقت تسب ابوي وتقول انها لو يبي يردها بتوافق
امي تخيل
لو تنطبق السما على الارض ماراح يردها الا اذا انجن ( بسم الله عليه ) انا مو موافقه اصلا الموضوع مو مطروح... الا للسخريه
دكتور انا مخطأه بشكل او بأخر لكني غير مذنبه
انا ماحاولت اكسبها لانها كانت تبي حد دون حدماتبينا جميع يا اعيالها
دكتور مأسي حياتي خلتني خايبة الامل
كم مره اسجل بالجامعه واسحب ملفي واتحسف
قدمت وظيفه داومت شهر وطلعت ماعجبني الشغل رغم ان المعاش ممتاز وتحسفت
الحين بجامعه اجنبيه... وافكر اطلع
انا دوم متردده بكل شي بكل شي
خوافه
احلام يوميا كوابيس والله تخرع
اقوم احيانا ابكي من الاحلام
اتحلم دايما اني بفقد اعز ناسي ابوي ومن هالافلام
دايما احلامي حروب
حيايا
عقارب
عناكب
ذيابه
زوجي زهق من احلامي كل يوم يقوم متخرع مني
مرات ماحس بنفسي الا اني اقوم ميته بكى ودموعي مغرقه الوساده
دكتور انا اقدر اعيش مع امي ونا متحاشيتها <<<<< كذيه برتاح
لكن خيبة الامل بدراستي اهي اللي متعبتني
احس ان كل المشاكل اللي تصير لي سببها اولا واخيرا امي
لان الام اساس كل بيت ناجح
ادري تعبتك
لكن جزاك الله الف خير مسبقا
وعسى الله يجمعنا بجنات النعيم
وياليت تترك أيميلك... أكيد بحتاجك
يشرفني ان اكتب لك يا دكتور عبدالله
ووفقك الله لما يحبه ويرضاه
هذه مشكلة احدى صديقاتي
عمرها الان 24 سنه متزوجه هذه السنه
عاشت مايقارب 20 سنه من عمرها لم تعرف بها امها ..الا عن طريق الاتصال السنوي اي كل سنه تتصل امها بها او اخوها الكبير يتصل ليسلم على والدته وتسلم هي معه عليها من دون رغبه بذالك علما بأن امها تطلقت وعمرها سنتان وامها من جنسية عربيه.
تحدثك صديقتي فتقول
بعد ماتطلقت امي ابوي حطني انا واختي واخواني الاثنين عند جدتي وعماتي يربونا وكانت المسافه بينا طويله يعني ماشوف ابوي الا بالعطل الدراسيه لانه كان متزوج حرمه ثانيه وكانت اكثر من ظالمه علي انا واخواني فأبوي ماستحمل معاملتها لنا وخلانا عند جدتي
لما كنت اشوف عماتي يدلعون بناتهم وبليل كل وحده من بنات عماتي تنام بحضن امها كنت اموت قهر صح انا عماتي ماقصروا ويموتون فينا بس كنت احس معاملتهم لعيالهم تختلف عن معاملتهم عن اعيال اخوهم كنت ابيهم لي ابي الدلع لي ابي كل شي لي كنت انام بالليل بحضن جدتي وكنت كثير ما احلم
دكتور انا حياتي متنقله خلال ال 20 سنه الماضيه من حياتي... بعد السبع اسنين من عمري خذانا ابوي وسكنا كم سنه مع مرة ابوي اللي ماقصرت ... طبعا بحنانها ودلالها الزايد ( اتغشمر طبعا )..
بعدها سكنا ابوي ببيت لحالنا احنا الاربعه مع خدامه واختي الكبيره كان عمرها 14 سنه تركت المدرسه وخدمتنا انا واخواني وكان ابوي على طول عندنا لان بيته الثاني جنبنا على طول
المهم
تزوجت اختي ... لما كان عمري 13 سنه وبحكم اني صغيره سافرت مره ثانيه وعشت عند جدتي وعماتي... ماكذب عليك .. كنت بموت من الفرحه لاني بروح لجدتي وعماتي ... مع اني متعلقه ببوي كثير واموت فيه وهو بعد لكن حياتي عنده ممله ماحد يجينا ولا اطلع ولا اروح من البيت للمدرسه محد يزورنا لان مافي حرمه بالبيت ومالنا قرايب .. عند جدتي ماطلع كثير بعد بس احس بالامان والدفا احس بالحياه عند جدتي في حد يسألني شربتي حليب.. تعشيتي .. ليش مسمره .. شعرج خف .. ذاكري .. قومي .. تعالي .. روحي ... تفاصيل بسيطه لكن احتاج اسمعها
كنت احسد بنات عمتي لمن قالو يمه
كنت ابكي مرات لاني احس اني وحيده .. كنت خجوله ولازلت وكتومه ولازلت وماحب اجرح حد ومانسى الاسائه اذكر كل من قد جرحني ونا صغيره
اذكر نضرات العطف من جيرانا لما اروح مع جدتي لهم ويسألونها ذي بنت الفلانيه
بعد الثانوي كان ودي اسجل بكلية الدمام مع بنت عمتي حبيبتي ورفيقة دربي
لكن كوني مو سعوديه رديت لابوي وسجلت بالجامعه .. وفشلت بالدراسه رغم ان طموحي كان ولازال عالي لكن الحظ والنفسيه دمروني
انا كثير ما اضحك وامزح واتغشمر اللي يشوفني مايقول اني عانيت وقاسيت بحياتي وانحرمت من اشيا كثيره الولها واخرها بسبب امي وغلطها...
عمتي تقول لما كنت صغيره كنت دوم مكتأبه لان اختي ماكانت تعطيني فرصه كانت دوم تضربني اختي تولت مسؤليتنا قبل لاتزوج كانت حيل عصبيه كانت مرات تدخلني بالحمام وتضربني بهوز الماي لاتفه سبب ( انا صح عنيده وراسي يابس بس ماستاهل)
اخوي الكبير مثل اختي عصبي مو صاحي لاعصب مايعرف ابوه من امه لدرجة ممكن يشيل التلفزيون ويحذفه على اللي قدامه بس مايحط حرته الا على اخوي اللي اصغر منه ومرات على اختي
انا واختي حساسات لابعد حد واختي اكثر لدرجة تفسر الكلمه اللي تسمعها الف مره اذا كان فيها اهانه او مسبه او او ..... واحسها ماتفهمني مالنا غير بعض بس ماتفهمني واخاف عليها لانها كذا مره تنهار وتضرب عمرها وللسانها يثقل وتقعد تصيح (ايام المشاكل)
انا واختي عندنا رعب من زوجة ابوي مانحب انشوفها ولا اضطرينا انشوفها بالمناسبات نتحاشاها
اذكر كان فيه بالمدرسه وحده تشبه زوجة ابوي بالمشيه وطريقة الكلام ..كنت لا شفتها قدامي اغير طريقي مع انها ماسوت لي شي بس اكتشفت ( ان زوجة ابوي تسير بنت خالة امها ) طلع معي حق لا كرهتها
اخوي الثاني اللي اكبر مني كان متين تقريبا 100 كيلوا جات فتره تغيرت نفسيته وكان كثير يتهيأ له ان بالقرفه اشباح عايشين معه يقول انه يشوفهم ويكلمونه وكانوا يخنقونه وهو نايم كان يقول انهم يلحقوني وين ماروح وكان يطالع جدار الحوش ويقول تعالي ارويج شوفيه فوق الجدار ليت صغير هذي عيونه كنت خايفه عليه قلت لابوي واخوي العود عنه واهملوا وقعدوا يضحكون
اخوي انسل حاله صار هيكل على عضم
ابوي واخوي شكوا انه يتعاطى وفحصوا دمه والحمد لله طلع سليم
لكنه مريض نفسي وبنفس الوقت يحب بنت عمتي اللي طلبه وماصار نصيب ومن بعد ماتزوجت سأت حالته زياده
اخوي صار له حادث والحين بغيبوبه له 6 سنوات
دكتور انا طولت عليك .. لكن ابي ارتاح
انا بعد مارديت اعيش ببيت ابوي كان اخوي متزوج وكان ساكن بالبيت وكنت قاعده معاه هو وزوجته واعياله وكنت مرتاحه لكن قبل 4 سنين اخوي قرر يجيب امي تسكن معنا ومن هنا بأت مأساتي
امي فرقت بينا كلنا
انا
وزوجة اخوي
انا
واخوي
وتحاول تفرق بيني انا واختي
امي ماترتاح الا اذا فرقت بينا كلنا .... <<<< تكمن لذتها لاشافتنا متزاعلين
امي ماتحبنا ولاعمرها حبتنا
امي ولدت بس ماربت .. ماتعبت
تكرهني اكثر وحده لاني مو متقبلتها
امي ماتفرق عن زوجة ابوي بشي الا انها اسوأ منها
على الاقل زوجة الاب لاكرهت ماتنلام احنا اعيال ضرتها
لكن امي ليه تكرهنا
تقول امي انا احنا ماتربينا
حضرتها تبي تربينا من جد وجديد
امي تموت بالماده وهذا اللي مجننها فلوس اخوي
تبيه يطلق مرته وتشتت اعيال اخوي وتعيد مأساتها مع اعيال اخوي
اخوي بروحه قاضي ماعنده اعصاب
كفايه مشاكله هو وزوجته .... مو ناقصها
دكتور ....
سوالف اكثيره مانتقال سوتها امي معي
لدرجة اني لما ادخل المطبخ بشرب كاس مويه تصد بوجها عني
تأفف
تخيل لما صار الحادث لاخوي وطاح بالغيبوبه كنت اروح له يوميا كانت تقول لاخوي ماله داعي توديها شبتفيده فيه اخوك مايحس باللي حواليه ماله داعي روحتها لين زهق اخوي من كلامها وصرت اروح بالاسبوع مرتين بعدين مره بعدين بالشهر مره وامي ماتروح لها ولا يطرى عليها ليه اللي بالمستشفى ولد الجيران ( بس الحمد لله انه بالمستشفى من قبل لاتجي امي حياتنا ... احسن انه ماعرفها )
مرات تبقق عيونها علي
جاتني فتره ماقدرت صرت ارتجف لاشفتها وكلامي يرتجف
تخيل
كانت تخش الاكل مني
تقول ان انا خلصت اكل البيت وخلصت الصابون
لما اقعد بالصاله وافتح الشباك تقول انتي مخربه تبين تقبرين عالسراميك
لما اكلم اختي بالتلفون تقول (ايه هذا اللي تبينه تبين تفرقين بيني وبين بنتي ) ونا مو بنتها مع اني ماشكي لاختي .. لان اختي تعصب بسرعه وتكبر السالفه
وكله تشتكي من اخوي مقصر ومقصر ومقصر وجاب للزوجته وشرالها ووداها ونا لا .... عذبتنا
جننة اخوي ..<<<< اخوي مستحمل وصابر <<<< بس اعصابه تلفت
فرقت بين اختي وزوجة اخوي ... وانا عمري ماكانت بيني وبين زوجة اخوي مشاكل الا لمن جات امي
امي كله تسب ابوي وتشوه صورته قدامي انا واخواني وقدام زوجة اخوي وعماتي وبناتهم
انا مارضى على ابوي
ابوي من جات امي ماعاد يدخل البيت نهائيا احرمتنا منه
انا اشكي بس لبوي
وياليت ابوي يسوي شي ابيه يقول لأخوي ردها مانبيها
لا يقولي
هذي امكم مالي حكم عليها
اصبري
تحملي
مابي اضايق اخوك
اخوي تشتت بينا يرضي زوجته ولا امه ولا خواته ومن على حساب من
انا اذا علي
صرت ماطلع من قرفتي مقيمه فيها صيف شتا.. وماصحى الا بالليل لاناموا الكل قعدت على التلفزيون ولا رحت عند ابوي بالمجلس برى اسولف معه واغط ظهره
الحين انا يادكتور تزوجت
طبعا صرت حبيبه من زوجة اخوي ومن امي
لأني ماراح اشاركهم بخير اخوي
دكتور اخوي طيب
وانا والله طيبه وحتى زوجة اخوي بعد طيبه بس امي ساس البلا
دكتور انا كنت اكره امي بشده وكنت اسبها لاسولفت عنها قدام اختي كان عادي عندي ادري انه خطأ وحرام...
ادري ان الجنه تحت اقدام الامهات
ادري ان الرسول صلى الله عليه وسلم بالام ثلاث امك ثم امك ثم امك
ادري بعضم رضى الام ومدى استجابة دعائها
لكن شسوي قلبي مو بيدي
دكتور انا من سنه شعوري معها اتجاها خف يعني ماكرها كثر اول لكن ماحبها صرت ماسبها ولادعي عليها حسيت بعمري وانتبهت دكتور شعوري خف لاني صرت اتحاشاها لابعد حد ولا سولف معها باي شي خاص مجرد عرض اراء وسوالف سطحيه ان وجدت سوالف
تخيل امي تقول لاختي تظنين ان ابوك يردني له ثاني امي تحب ابوي للحين وتغير عليه وتسب زوجته واخواني من ابوي وفنفس الوقت تسب ابوي وتقول انها لو يبي يردها بتوافق
امي تخيل
لو تنطبق السما على الارض ماراح يردها الا اذا انجن ( بسم الله عليه ) انا مو موافقه اصلا الموضوع مو مطروح... الا للسخريه
دكتور انا مخطأه بشكل او بأخر لكني غير مذنبه
انا ماحاولت اكسبها لانها كانت تبي حد دون حدماتبينا جميع يا اعيالها
دكتور مأسي حياتي خلتني خايبة الامل
كم مره اسجل بالجامعه واسحب ملفي واتحسف
قدمت وظيفه داومت شهر وطلعت ماعجبني الشغل رغم ان المعاش ممتاز وتحسفت
الحين بجامعه اجنبيه... وافكر اطلع
انا دوم متردده بكل شي بكل شي
خوافه
احلام يوميا كوابيس والله تخرع
اقوم احيانا ابكي من الاحلام
اتحلم دايما اني بفقد اعز ناسي ابوي ومن هالافلام
دايما احلامي حروب
حيايا
عقارب
عناكب
ذيابه
زوجي زهق من احلامي كل يوم يقوم متخرع مني
مرات ماحس بنفسي الا اني اقوم ميته بكى ودموعي مغرقه الوساده
دكتور انا اقدر اعيش مع امي ونا متحاشيتها <<<<< كذيه برتاح
لكن خيبة الامل بدراستي اهي اللي متعبتني
احس ان كل المشاكل اللي تصير لي سببها اولا واخيرا امي
لان الام اساس كل بيت ناجح
ادري تعبتك
لكن جزاك الله الف خير مسبقا
وعسى الله يجمعنا بجنات النعيم
وياليت تترك أيميلك... أكيد بحتاجك