لمن لديها خبره في تجهيز العروس ..

[زهرة الجنة]

السلام عليكم ورحمة الله وبركاته ..

كيف حالكم ياأخواتي ..

انا مملكه وباقي على الزواج 3 شهور ومابدأت بشيء ومو عارفه كيف أبدأ ؟؟

كل ماسألت أحد ماأعطاني الإفاده المطلوبه !!

فقلت أكيد بحصل المساعده منكم :

أبغى أعرف كيف أبدأ بالتجهيز وشو اللي أشتري ومن هذا ... ؟؟

غير كذا كيف أهتم بنفسي من خلطات وقناعات ليوم الزواج ،، إضافة للي عندي يعني ..


وبكون شاكره لكم من أعماق قلبي .. والله يجزاكم الجنه ورضا رب العالمين ..


أختكم .. زهرة الجنة .. ان شاء الله ماتخيبوني ..

[Lojain]

و عليكم السلام و رحمة الله وب ركاته

الف مبروك اختي و الله يتمم لك بكل الخير

هذه المواضيع ستفيدك ان شاء الله
الى كل عروسه تريد المساعده ....((( ملف متجدد )))
(جدول الجمال) ...... للعرايس اللي يدوروا على الوصفات
انتي عروس ؟ تفضلي موضوعي يهمك
نصا ئح للعروس قبل الزواج

و الباقي اكيد سيفيدوك به كل العرايس الجدد و الي عندهم الخبرة الكافية

[بنت زمزم]

الف مبرو ك حبيبتي والله يوفقك
عزيوتي ماعليك سوى الاسترخاء والهدوء والتركيز على ماتنوين شرائه
التخطيط مع مراعاه الميزانيه
دعي الورقه والقلم رفيقيك واكتبي كل ماتحتاجينه وعند تذكر شي سارعي بكتابته حتى لايتعرض للنسيان
ابدئي الان فليس هناك وقت لتضييعه
هناك اشياء ضروريه وهناك كماليات ابدائي بلمهم اولا لان الوقت لايسمح لك بتاخير استغلي كل ثانيه من وقتك
اما عن الاهتمام بنفسك
اجعلي عنايتك بشعرك من ماسكات وغيرها من ما يناسب شعرك مرتين بلاسبوع
واهتمي بلرياضه حتى يبدو جسمك مشدود
وعليك العنايه ببشرتك يوميا استخدمي رغوات التنظيف والكريمات المرطبه
ليلا ونهارا والماسكات الطبيعيه
اما عن جسمك ادخلي الساونا كل اسبوع ستجدين في منتدانا الرائع طرق رائعه للحمام المغربي والساونا
كذالك اعتني باضافرك فانتي محط الانظار من الجميع


اختي قد تعبت من الكتابه لاكن هناك كتاب مفيد جدا
للعرائس وفيه متطلبات العروس
الكتاب رااااااااااائع جدا لا يفوتك
اسمه "مملكه حواء من الألف للياء"
للكاتبه\أسماء إبراهيم البراهيم
تلاقيه في المكاتب الكبيره مثل العبيكان وجرير
انا استفدت منه كثير مع اني متزوجه
الله يوفقك ويسخرلك زوجك
ادعي لنفسك عند السحر في هذا الوقت يكون ربنا جل علاه
قد نزل الى السماء نزول يليق بجلاله وعظيم سلطانه
ويقول هل من داعي فاجيب دعواه

[زهرة الجنة]

Lojain

الله يبارك في حياتك وعقبالك اذا كنت ماتزوجتي ..

أشكر روابط رائعـــه سوف أقوم بالإطلاع عليها كامله بإذن الله .. جزاك الله خيراً


بنت زمزم

الله يبارك في حياتك وعقبالك اذا كنت ماتزوجتي ..

نصائح رائعـــه سوف أستفيد منها بالتأكيد .. جزاك الله الجنه ..


أريد اشياء أكثر يعني بشو أبدأ أشتري وأجهز ... ومن لديها الإمكانيه بالتواصل معي لإفادتي أكثر
وأكوووون شاكره لها من كل قلبي ..

[فاطمة الزهراء10]

oukhti chno li tabghin o ana akhdimik inchala ywafaqni yarab

[بيبي وكبرت]

تجهيز العروس
(المــــلابس الداخليــــــه)
ملابس مريحه للنوم شفافه وخفيفه
ملابس داخليه للطلعات والدوام
أطقم سنتيانات للبيت غير مبطنة
أطقم سنتيانات سهرة
كلوتات انفرادية ألوان متعددة
ماركات الملابس الداخليه)
ايتام
شانتيل وافضل للعرايس منها الاطقم الفخمه التل او الدانتيل المشغول والالوان الاسود والعودي والباذنجاني
لاسنزا
نعومي
البي اتش
لاسنزا للمقاسات الصغيره وشانتيل للمقاسات الكبيره
وفيه أشياء حلوه مو ماركه لكن خامتها ممتازه
وافضل ستيانه تشد الصدر الكبير هي
PUSH UP
موجوده عند كل الماركات..... انتي بس قوليلهم ذا الكلمة
بس حتى البوش اب في اكثر من نوع
اذا تبغون وين باالتحديد تلاقونها مثلا عند ماركس آند سبنسر
ملابس النوم
ملابس النوم:
طقمين ارواب
قمصان طويلة بدون ارواب عدد :
قمصان قصيرة عدد:
بجايم حريري عدد
بجايم قطنيه عدد
كورساج + ستوكنغ اللي تجي فيها الشراريب و بعدين يشبكونها في الكورساج من فوق عرفتوها؟ عدد
متوفره عند
نعومي
(ملابــــــــــس البيـــــت)
أقمصة قطنية طويلة عدد
أقمصة قطنية قصيرة عدد
أطقم شورتات قطنية+جينز عدد
تنوره قصيره عدد
تي شيرت عدد
بناطلين عدد
فساتين قصيره عدد
بودي عدد
........
(ملابـــــــــــــس خـــــروج)
يفضل شراء الملابس الجاهزه ولاتكثرين من الخياط لأنو حظوظ
ولاتكثرين من فساتين السهره الثقيله خلي واحد للصباحيه والثاني احتياط
والباقي فساتين زيارات وتيورات
واللون البرتقالي والفوشي حلو مع الذهب يحلي العروس باالأضافه للفضي اذا كان معاه كريستالات فضيه
والعنابي
والوردي
والكحلي
والسماوي
اذا كان داخل عليها الذهبي
باالنسبه للموديلات لاتروحين للمصمم لأنو بياخذ على الرسم مع ان الرسم عادي ويقدر اي احد يرسمه
عندك اقرب بقاله خذي مجموعه من المجلات المعروفه
سيدتي- الجميله-كل الاسره-زهره الخليج-اسرتي-لها
تلاقين فيها عروض أزياء تناسبك وقمه في الأناقه والذوق وبرضه جديده وتوفر عليك اختيار لون ونوع القماش احلى من مجلات الأزياء الخاصه لمسات وغيرها نقي لك منهامديل فستانين واحد للصباحيه وواحد احتياط وخيطيهم عند اي خياط تثقين فيه
اما ملابس الزيارات راح تلاقين في السوق تيورات كشخه ومناسبه لمقاسك وجاهزه من غير ماتعذبين نفسك في الخياط ومشاكله
برضه راح تحتاجين
جلابيات للأستقبال أو اذا كنتي ساكنه مع اهل زوجك
باالأضافه للتنانيرالجينز والأسود اللي تناسب كل تي شيرت ولاتنسين مديل اللف منها كلها أنوثه ممكن تفصلين لك كم وحده تلبسينها لما تخرجين مع زوجك نزهه أو مطعم
وبناطلين حلوه لشهر العسل
(الـــذهب )
لاتكثرين لأنو راح يجيك هدايا سواء من اهلك أو من اهل زوجك
خذي لك طقمين أبيض واصفر واذا كنتي ماتحبين الذهب الأصفر
لاتكثرين منه لأنو حلاته يوم الصباحيه اذا جيتي بتسلمين على اهله وبس
فااحلى شي يكون ذهب أبيض والماس
ساعه حلوه
واساور مع الساعه
وطقم ناعم
خواتم
فيه تعليقات الماس قمه في النعومه واللمعان عند الثميري في الرياض
(الشنـــاط)
الموضه في الشنط المشكوكه
راح تلاقين أشكال حلووه باالمره وخذي لك ثنتين عمليات
لما تطلعين مع العريس
الله يرحم ايام زمان كانت شنطتي كبر كفي
وهذه ماركات شنط حلوه
فندي و جوتشي و كريستيان ديور و لويس فيتون و جيفنشي و الكارتير و الشانيل بولغري تورنتو واستغلي وقت التخفيضات
(اغراض الحمام)
طقم روب
عدد من الفوط
شامبوهاتك وصوابينك المفضله
كريم حمام زيت<< ضرووووري بتدعين لي
شفرات حلاقه واختاري نوعيه جيده وماتسبب لك حساسيه وتخلصي من الشفره فور الأستعمال
رغوه حلاقه فيه رغوه حلاقه باالتوت لونها موف تلاقينها في السوبر ماركت تقريبا ويجي معها شفره كهديه لكن الرغوه روووعه وريحتها تجننننن
كريم صنفره
أسكينول منظف للبشره
فرشاه +معجون
مطهر غسول للفم هذا تستخدمينه بعد ماتفرشين جدا منعش وريحته منعشه
حبيبات بنكهات معطره للفم موجوده باالصيدليات
رغوه للجسم:أحلى الرغوات:
صانسليك- B5 وتجي معاه ليفه ناعمه جدا-
برضه ممكن تستعملين رغوه نونو الخاصه باالأطفال تخلي جسمك ناعم جدا
حلاوه لأزاله شعر الجسم واحلى حلاوه مجبره هي :شهرزاد لونها موف وغطاها أبيض
غسول للمنطقه الحساسه صابون سائل في الصيدليات بثلاث نكهات يعتبر غسول للمنطقه جدا ممتاز وصناعه فلبينيه فيه باالتفاح والفراوله والنعناع
بودره المسك (للمنطقه الحساسه) تلاقينها عند العطار
مقصات ومبارد الأظافر
شموع +ولاعه <<<تعلمينه انك رومانسيه بعد ماتطلعين مستحمه خلفي ورى خروجك من الحمام شموع مولعه
فواحه بحجم الكف تلاقينها عند زهور الريف وعندهم انواع متعدده من الزيوت العطريه اللي تستعمل مع الفواحه اختاري اللي يناسب ذوقك راح تعطي الحمام ريحه حلوه
ولاتخلينها فتره طويله مولعه علشان مايسير الحمام مخنوق ربع ساعه تكفي
علبه ديتول
اعود قطنيه
فازلين
(علاجـــــــــــات)
بندول
نصيحه
بعض العرائس ياخذون معهم حبوب منع الحمل مع التجهيز وهذا غلط خليها على الله وبعد انجاب أو طفل فكري فيها
لأنك ماتعرفين طبيعتك هل أنتي قادره على الأنجاب أو لا..أو راح تحملين بسرعه أو لا..وفيه ناس تعودت ارحامهم على حبوب المانع لأنهم اخذوها من البدايه وصارو يعالجون منها
باالنسبه لصديقتي في بدايه زواجها مااخذت ولاشي..وجلست 9 شهور تقريبا بعدين حملت
وكل وحده تختلف عن الثانيه فيه ناس ماحملت الا بعد سنتين أو سنه
وفيه ناس من أول شهر ونادرا ماتسير..ونصيحه لاتفكرين ابدا بحبوب منع الحمل لأنها تخرب البشره والنفسيه وكلها تنعكس عليك
(الجـــــــــــــــز م)
شباشب أنيقه للبيت
جزم مع فساتينك مشكوكه وناعمه
شباشب مشغوله
وجزمتين للطلعه مع زوجك يعني عمليه
وشباشب للحمام
(العطــــــــــــــو ر)
هذه بعض العطورالرائعه
العربيه
مسك لزج يجننن عند عبد الصمد القرشي
عطورات أجمل كلها حلوووووووه
الفرنسيه
ريميمبر مي
آديكت من كرستيان ديور
الترا فيوليت
هابي هارت من كلينك
مادنس madness من شوبارد
فان كليف
تندر بويزن من كريستيان ديور
لاكوست
No5من شانيل
إليزابث أردن
عطر الشيخ
قوتشي
فيرساتشي
إيتيرنتي لوفي
مونتيل
لانفان
باكو رباني
212
بلجر
wish
نوا
وهذه عطورات تنفع للنهار
نيبتون من زهور الريف
توت العليق من زهور الريف
سويت كامليا من زهور الريف
المسك الأبيض من زهور الريف
أنجل من زهور الريف
عطر باالفانيليا من نكتار
التوت البري من نكتار
المسك الثلجي من نكتار
عطر دريم
أنانيا فيه عند بودي شوب ونكتار
المسك من بودي شوب
أوشنس من بودي شوب <<توحمت فيه صديقتي وماتحبه والا حلو
مون فلورمن بودي شوب<<برضه توحمت فيه وكرهته بس حلو
(المفـــــــــــــــ ـــــارش)
اختاري أثنين فقط
واحد أبيض وواحد مشجر
وخوذي معها قماش شيفون تقريبا مترين بنفس لون المفرش وارميه على طرف السرير.أو علقيه على تاج السرير يعطي منظر حلو للمفرش
وممكن تضيفين عدد من المخدات المربعه للمفرش يوجد مخدات مفرده باالوان متعدده تعطي منظر جذاب للسرير وتزيد من فخامه المفرش
(ماكـــياج)
ماكياج الصباح
اختاري كريم اساس خفيف تلقينه عند ماكس فاكتوروبودي شوب
اما الأرواج والجلوسات اللي تناسب النهارتلاقينها عند(ماكياجي..زهور الريف..بودي شوب..نكتار
مكياج الليل
ماكياج الليل لازم يكون اكثف من النهار
باالنسبه للأساس احلى شي
ماك..جفنشي....كريستي ان ديورويجي ضغاط يعني زي البخاخ ..كانيبو...فور ايفر وابتعدو عن نينارتشي يطلع قشور ويخلي وجهك كأنو مصبوغ في بويه
الأساس الستيك عملي جدا وخليه في شنطتك للطواري بس تمررين الأصبع بشكل سريع عند اللزوم..وخصوصا شهر العسل راح تحتاجينه في السفر اذا نزل العريس لمحطه البنزين طلعي الستيك وعدلي اللي خرب هههههههههههههههههه<< هذا ان سافرتي بسياره وخذيه من ماركه كريولان
كونسيلر فور ايفر تجيك علبه وفيها خمس الوان أخضر لأخفاء حبوب الشباب وانشاءالله ماتحتاجينه اذا سويتي تقشير..وفيه البني والبيج ثلاث درجات لتغطيه الهالات حول العيون..كريولان واختاري الأصفر والبني والبيج البيج اذا كان فيك حبه ظهرت فجئه ولونها احمر فاقع ههههه والأصفرعلى جسر الأنف والبني على جوانب الأنف
كريم اضاءه
ريفلون..ماك..كريولان
بودره اضاءه ماك..بودي شوب
بودره بلمعه مافيه زي ريفلون خذي كل الثنتين البيضاء والبرونزيه
الكحل كريولان لانكوم وكحل القلم الجاف من جفنشي خطيييير
الشدو كريولان ..فور ايفر ..ماك..ووخذي علبه كبيره فيها جميع الألوان تلاقينها عند ماكياجي للأحتياط وشدوهاتهم حلوه وفيه عندهم ماركه نوبا شدوهاتها تهبل
(IsaDora )
البلاشر روحي لمكياجي تلقين عندهم ماركة
الوان البلاشر حقتهم روووعه
مثبت الماكياج بخاخ من جفنشي.أو فور ايفر
المناكير خذي هذه الالوان بصلي..وردي..احمر..عن ابي
الماسكارا هيلينا روبنشتاين ..بروجو..نيفيا
الأرواج
ماكياجي
فور ايفر
زهور الريف
جلوساتهم تهبل
نيفيا
شانيل
جفنشي
شسيدو
لانكوم
كريستيان ديور
مزيل ماكياج
ميلك للبشره
كريم مرطب للبشره
غسول للبشره كلين آند كلير
شنطة مكياج عشان تحفظين اغراضك فيها من الضياع وعشان يكون حملها سهل
(اكسســوارات)
اختاري اللون الفضي والملون مع ملابس البيت
نظاره شمسيه
بعض اكسسورات الشعر للتغيير
عدسات ملونه لاتكثرين لبسها في البدايه علشان مايتعود على شكلك فيها
ويفضل لبس العدسات بعد 6 شهور من الزواج للتغيير
توكات"بنس للشعر"
بعض البكل الجميله موتجيبين ميكي ماوس وارانب خلاص كبرتي ههههههههههههه
الأجـــــــهزه
استشوار عدد 2 ياكثر ماينفقع الأستشوار باالفنادق ههههه والسبب ماتدرين انو خط 220
فير لتلفيف الشعر
فيه فير على غاز يجننن تحطينه بشنطتك اليدويه وتكوين فيه الخصل اللي قدام اذا كنتي من النوع اللي يحب يحط خصل مستقيمه على الوجه
وخذي معاك كم اسطوانه غاز صغيره طبعا الأسطوانه بطول الأصبع وتجي ثنتين مع بعض بـ40 ريال
يستحب ويفضل أن تشترين الجهاز اللي هو الأستشوار البخار حق حمام الزيت راح يفيدك كثير اول الزواج خصوصا انك احتمال تتزوجين في اجازه و
24 ساعه مقابلك ماتقدرين تحطين زيت لمده4 ساعات اما استشوار البخار حطي الزيت واجلسي نصف ساعه تحته واستحمي قيمته تقريبا 800 ريال
مبخره
متفرقــــــات
كتاب الطبخ
كتاب طبخ من كتاباتك المختاره
خيوط+ابر+مقص
أكياس معطره للملابس
مصاصات العصير<<حتى مايخرب الروج
بطاقه اتصال للضروره يمكن البيت مافيه صفر وتحتاجين امك وقت الطبخ والزنقات
والا يطلع الرجال سكير ويبان على حقيقته من بينقذك اذا كان البيت مافيه صفر هههههههههههههههههه
زيت السمسم <<<ياما من الشعر الجاف اللي بتشوفينه على الأقل رطبيه لو 10 دقائق بزيت السمسم
علب لحفظ اغراضك داخل الأدراج
صندوق مجوهرات
كاميرا علشان تصورين لنا رحلتكم في شهر العسل
لبان فيه لبان ايراني ممتاز عند محلات البخور جواه عسل وفيه نكهات متنوعه ملاحظه العلكه تشوه منظر العروس لاتعلكين قدامه
سجاد وشراشف للصلاه
اش راح تجيبين لأهلك وأهل زوجك من شهر العسل
احسن شي جيبي لهم من الجلابيات لكل وحده
وفيه جلابيات معها شيلان حلوه
نصـــائح
اهتمي بتثقيف نفسك عن امور الزواج
تجنبي كثره الثرثره عن اهلك لحد ماتعرفين شخصيته ويبغالك سنتين علشان تعرفين
احذري من كثره الحديث عن تفاصيل حياتك قبل الزواج
تعودي على تدليعه ببعض الكلمات علشان ماتستحين بعدين
عوديه على نفسك يعني اذا كنتي في منطقه اهلك لاتكثرين من الذهاب لهم اول الزواج علشان يتعود عليك ويسير مايستغني عنك
لاتكثرين رسائل الجوال تسيرين لزقه
اذا بغيتي أي شي من السوق لاتستحين ترى حياك ماراح ينفعك ههههههههه
وبيتعود الرجال على قله الشراء وبعدين اذا طلبتي شي راح يتكاسل ولايهتم بأغراضك لأنو ماتعود من البدايه يشتريها
وطبعا مو كلهم كذا لكن اضمن لك انك من البدايه تبتدين ماتستحين من الطلب
وخلك ذكيه اذا لمحتي حاجه تناسبه في السوق قولي خذ هذا احس انو مناسب عليك باالمره يعني خلك بين طلباتك ومستلزماته وراح يتعود على المصاريف الله يعينه ويوفقه
لاتجيبين سيره الأنترنت له وانك كنتي تقضين اغلب وقتك عند الجهاز لأنو بيتضايق ويفهمك غلط
والله يوفقكم منقول

[yomizo]

ماشاء الله البنت كفوا ووفوا

[بنت زمانها]

الف مبروك
وما شاء الله الخوات ما قصروا

[راحيل11]

بيبي و كبرت ماشاء الله عليكي ما خليتي شي يفوتك . شكرا كتييييييييييير حبيبتي انا كنت محتاجة هذي النصايح

و ألف مبروك يا زهرة الجنة ربنا يهنيكم و يحفظكم

[فاطمة الزهراء10]

ألف مبروك يا زهرة الجنة

[زهرة الجنة]

مشكوووووووووووووووووووووره بيبي ...

ماشاء الله عليك أشياء حلوووه ...


الله يبارك فيكم وعقبالكم ..
ومشكووورين على تنوير الصفحه ..

[زهرة الجنة]

بيبي أقدر أراسلك على الخاص اذا كنت متزوجه او لاااا ؟؟؟

[سوسوميمو]

حقيقى معلومات هاااااااااااااااااااااااااااايله واستفدت منها كتيييييييييييييييييييييييييييير بارك الله فيكى

[جوليا 2008]

شكرا ليكي يا بيبي وكبرت

[زهرة الجنة]

مشكورين على مروركم .. أنتظرك بيبي ..