يااهل الامارات تعالو اباكم لو سمحتووو [الأرشيف] - منتديات لكِ النسائية

View Full Version : يااهل الامارات تعالو اباكم لو سمحتووو

اماراتية

10-08-2002, 05:38 PM

السلام عليكم ورحمة الله وبركاته

بصراحه ودي اعرف شو احلى دخون ينباع بصراحه ودي بدخون يتم في الملابس لمدة طويله بس ابغي محلات يافي دبي - الشارقه

ومشكورين ما اتقصرون :D :D :D

عذابه

11-08-2002, 01:15 AM

سيري محلات اجمل او سويس آريبيان او الرصاصي والحرمين في هذي المحلات بتحصلين الي تبينا ............... واعتقد هالمحلات في كل مكان

اماراتية

11-08-2002, 10:28 AM

مشكوره الغاليه عذابه بس انا قصدي اي اسم دخون انتو جربتوه وتنصحوني به ومشكوره عزيزتي

المزيونة2000

11-08-2002, 04:25 PM

هيه والله

حتى أنا أريد أعرف أنواع حلوة من الدخون

فيا ريت تخبرونا

:) :) :)

دمعة فرح

11-08-2002, 09:06 PM

مرحبا حبيبتي انا كنت قبل اشتري من السوق بس من سنوات وانا استخدم الدخون اللي يبيعونه
الحريم يعني شغل بيت وريحته روعه وتبقى في الثياب 00بس ما اعرف وحده معينه تبيعه كل مرة اوصي خواتي او صديقاتي يعني كل ما اسمع عن دخون عند حرمه اشتري منه
واكيد اذا سالتو بتحصلون00 والسموحه لاني ما قدرت اخدمكم

المزيونة2000

11-08-2002, 09:30 PM

اختي دمعة فرح

أنا أدور الدخون اللي ينباع عند الحريم مش من السوق
فيا ريت تخبرينا اذا كنا تعرفين حرمة دخونها حلو
وخاصة اذاكانت من بو ظبي

:) :)

اماراتية

11-08-2002, 10:35 PM

الغاليه دمعة فرح مشكوره على ردج بصراحه ها الحريم يختفن يوم انكون بحاجه لن بعدين الدخون اللي ينباع عند الحريم احلى بس اضني شىء في المحلات اشياء حلوه اذا حد عنده فكره

المزيونة2000

مشكوره على التعاون

ما قصرتوو حبيباتي

اماراتية

12-08-2002, 11:47 PM

محد عنده فكره !!

دمعة فرح

13-08-2002, 11:53 AM

اهلا اختي مزيونه والله ما اعرف حد من ابوظبي لاني من الشارجه
ويا ليت اقدر اساعدج 00000

دمعة فرح

13-08-2002, 11:59 AM

نسيت اقول للاخت الاماراتيه فيه بخور بتلقينه عند الرصاصي اسمه بخور راقية ريحته حلوه واغلب صديقاتي يستخدمونه ويقولون ريحته حلوه 000ان شاء الله يعجبج الكرتون احمر وداخل على شكل دوائر وكل دائرة فيها ثلاث 0000(بخور را قيه) باااااي

تويتي الحبوبه

13-08-2002, 03:08 PM

السلااااااام للجميع باهل الامارات

انا اشتري الدخون عند وحدة من العين بسسسسسسسسس واللة قيمتة فية
عندها دخون اشكال والوان

ملاك الحب

13-08-2002, 04:05 PM

أقولج حبيبتي تويتي الحبوبه ممكن تخبريني من وين تشترين خبريني ترى أنا بعد من العين...

الله يعطيج العافيه...

اماراتية

13-08-2002, 10:15 PM

اختي دمعة فرح مشكوره عزيزتي بجربه وبخبرج اذا كان حلو ومشكوره على المساعده اخدمج في الافراح انشاء الله

تويتي الحبوبهصح والله هل العين مشهورين بدخونهم الغاوي

المهم مشكورات خواتي الغاليات

فلونا

13-08-2002, 10:25 PM

هلا إختي اماراتيه
أنا و امي و خواتي نستخدم دخون اسمه( دخون وجه القمر) من محل أجمل و بصراحه ريحته واااااااااااايد حلوه وتبقى لفتره طوييييله في الثياب
و أتمنى إني قدرت أفيدج :)
ولج تحياتي
لا يفوتج..تراه دخون حلو :)

اماراتية

13-08-2002, 11:03 PM

عزيزتي فلونا

شوقتيني بصراحه قبل شوي يايه من اجمل اخخخخخخخخخخخ منج يا ردج متاخر

طرار ويشرط المهم مشكوره انشاء الله باجر بسير باذن الله ترى بعد عيبني عطر الف ليله وليله من عندهم وما قصرتي الغاليه

تويتي الحبوبه

14-08-2002, 03:50 PM

السلااااااااااام للجميع
من عيوني اثنتييييييييييين
انا مستحية منكم لان الحرمة مش موجودة الحين اهيه مسافرة وبترجع خلال اسبوعين
وان شاءاللة من توصل برد عليكن
وسموووووووووحة :rolleyes: :rolleyes:

bintalsultan

12-03-2003, 10:52 PM

جربت عطورات كثيرة ولكن ما لقيت مثل العطور اللي اشتريتها من حرمه بالعين عن جد روعه روعه روووعه .. والبخور والعطر اذا عطرتي الغرفة ريحته تستمر لأيام طويلة ... والحقيقة اني اشتريتها عن طريق احد صديقاتي بسبب وجودي القصير في دبي للاجازه ..

واخذت الطريقة التالية من احد السيدات:
لتعطير الفراش اذا كان فاتح اضع عليه لفة الصلاة واذا كان غامق لا احتاج لتغطيتة .. طبعا ارشح العطر بعد ما ادخن المفرش بواسطة مدخنة الملابس .. ومن ثم اطوي الفراش واتركه جانبا حتى الانتهاء من ترتيب الغرفة وتعطيرها .. وطبعا اذا كانت الطاولات مغطاه بالزجاج او الرخام قومي بمسحها بقليل من الكولنيا .. اما ارضية الحمام .. فاخلط قليل من العطر المركز (من نفس الحرمة وهو نفس العطر الذي استخدمه لتعطير الفراش) مع قليل من الماء ويمسح به ارضية الحمام والمغاسل .. وايضا لمسح الرخام والبلاط بالبيت بنفس الطريقة .. بعد الانتهاء يفرش الفراش .. واكيد انك حتلفي بالبيت بالدخون .. ولكن كل حد بيدخل البيت وكأنه دخل حديقة ورد .. وما يخفى عليك الريحه جنان واللي يدخل ما وده يطلع من عندك :)

لا اعرف اذا كانت هي نفس الحرمه اللي ذكرتها الأخت تويتي الحبوبه او غيرها .. على العموم انا بانتظار صديقتي لانها بتجيب لي عنوان الحرمة

وايضا بانتظار العنوان من الأخت تويتي الحبوبه

تحياتي للجميع
بنت الســـلطان

عذبة

14-03-2003, 11:38 AM

السلام عليكم يالاماراتيه........

أنا أخت عذبة... مش عذبة بكبرها...
المهم..
انصحج انج تاخذين رقم وحدة تعرفينها من العين لأنه اللي يسون دخون هنيه
بليا قياس... وحلو بعد.....
واذا تبين تراني من العين وحاضرين.. صديقاتي وايد عندهم حريم يسون دخون
حلو وعطور ومابقصرن ان شالله...

حبيت أقولج عن صفة للنوع الجيد من البخور...
الجيد منه اذا حطيتيه عالجمر بيطلع منه دخان صافي يعني أبيض تقريبا..
أما الوسط فبتحصلين دخانه لونه دااااكن ومرات أخضر غااامق...
هذا النوع لاتستعملينه لأنه مب زين للصحة بشكل عام....

وعن أنواع الدخون....
فيه نوع والله مادري شو اسمه بس هو ينباع في الرصاصي
شكله مميز سألي عنه وقوليلهم دخون شكله بيضاوي... بيعرفونه...
ريحته قوويييييييييييييييييه جدا وتم واااااااااااااااااااااااااااااااااااااااايد....
والراقية بعد حلو بس جديم...sid
+++++++++++++++++++++
لي عودة ان شالله بعد ماأسأل........
....
أخت عذبة

خدود الحليوه

14-03-2003, 02:35 PM

اهلا خواتي حبيت اساعدكم..............

اذا تبغون دخون رهيب وحلوووووووو طبعا صناعة حريم ...موب مصانع انا اعرف حرمه عندها دخون مفيش بعد كده...........وريحته ما اتروح
اللي يبغي عنوانها هذا مسنجرها.......او ايميلها تقدرون اتراجعونها
omm_s3ood@hotmail.com

وشكرا