ساعدوني ارجوكم [الأرشيف] - منتديات لكِ النسائية

زعفرانه

29-07-2002, 04:28 PM

مرحبااااا اخواتي انا ضيفه يديده في هذا المنتدى
وحبيت انكم اساعدوني واخذ رايكم وانشالله اتفيدوني
انا بتزوج بعد فتره وابا افكار حلوه وغريبه ومميزه اسويها في
في((( حفلة الملجه ))لان موعد حفلة الملجه قريب جدا جداااااااااااااااااا يعني بعد اسبوعين
وتدروون ماشي وقت لاني بكوون مشغووله واااااااااااايد
واللي عندها افكااااااار حلوه واشياء مميزه مثلا نقدمها للمعزيم مثل هدايا وغيره ارجوووكم لا تبخلوو علي
ولكم جزيل الشكر W: W:

بنت بلدها

30-07-2002, 01:38 AM

هلا والله فيك

تأمرين أمر وأولا مبروك والله يوفقك ...........

1- التوزيع .........
وزعي علبه على الضيوف ويكون بداخلها حلاو وورقه مكتوب عليها بيت شعر .....ويمكنك صنع بعضها بيدكإذا أحببت
مثل هذا الشكل.........
http://www.lakii.com/vb/showthread.php?threadid=30198
أو
http://www.lakii.com/vb/showthread.php?threadid=29934
أو
http://www.lakii.com/vb/showthread.php?threadid=28787

ويمكنك كتابت أبيات شعر ببطاقه خارجيه أو كلام عذب منسق .........

2-
بنسبه لسلات التوزيع .....
أ- شكلها محاره ...........كبيره ...........تلبس بخامه ساتان ويتزين بشرائط ساتان ...........وتمسكها فتاتان صغيرتان توكنان ملابسهما نفس لون السله مزين شعرهم بنفس الشرائط....

ب- تحضرين فلين وتلبسينه ساتان ويكون نف الفكرة السابقه غير أنك تتحكمين بشكل الفلين والذي ترغبين فيه ........

ج- تشترين سله وتضعين داخلها الحلاو .........يجب رشها بلون المفضل ........وتزينينه بشرائط ليظهر شكله جميل .........

3- مكان حفلة الملكه .......أين ؟؟؟؟؟؟؟؟؟؟

لإذا كان في منزلك .......فهذا سهل
ما هو لون الفستان ؟؟؟؟؟؟
أشتري شرائط نفس لون فستانك وعلقيها على الحائط و تضعين بين كل خيط وخيط وردة كبيره من صنع يديك وهكذا حتى مكان جلوسك .........طبعا الخيوط تكون منسدله قليلا وليست مشدوده

يفضل أن يكون جميع ما تريدين توزيعه والشرائط المعلقه والسلات والحلاو نفس لون ثوبك ليلفت الأنتباه .......وهذا ما فعلته صديقتي فكان منظرا بصراحه جميل وذوق ولفت إنتباه الجميع

وأي سؤال وتوضيح أنا حاضره

تسلمممممممممين

دمعة فرح

30-07-2002, 05:31 PM

مبرووووك وانا بعد اقولج سوي مثل ما قالتلك الاخت بنت بلدها فكرتها وايد حلوهW:
مثل الاشرطه والسلال بنفس لون الفستان W: ولاتنسين تكتبين في كل لفه من الحلاوه
ادعولي بالتوفيق والسعاده ;) ولا تبالغين عن يحسدونج الحريم :S: ومبروك مرة ثانيه
وبالتوفيق W: W: بااااايW: W:

زعفرانه

01-08-2002, 11:46 AM

هلا اخواتي بنت بلدها ودمعة فرح
اسمحولي على التاخيرطولت الغيبه عليكم بس تعرفون
ترتيبات الحفله وانشاالله بتواصل معاكم
مشكوووورات على هذا الاقتراح الحلو والله وايد عجبني
واتمنى ان الوقت يسعفني واقدر اعمل هذي الافكار الحلوه
والله فرحت وايد بمشاركتكم وعساني مااخلى من هذي الافكار الحلوه
وإلكم تحياتي
اختكم زعفرانه
W: W: W: