تدرون ايش سويت في مطبخي؟؟ [الأرشيف] - منتديات لكِ النسائية

View Full Version : تدرون ايش سويت في مطبخي؟؟

انفال

14-05-2002, 08:10 PM

السلام عليكم ورحمة الله....

راح ادخل في الموضوع ...على طول..
تعرفون يا بنات ان المطابخ اما تكون من الخشب اومن الألمنيوم...او الإستيل..
لكن انا عملت لمطبخي فكره رهيبه جدا...وهي اني عملت المطبخ من السيراميك والرخام...
والأبواب من الألمنيوم...
يعني علشان اوضح اكثر....جبنا عامل قام ببناء عتبه وعمل عليها الأرفف والطاولات
من السيراميك والأرفف من الرخام(الأرفف الداخليه) وعملنا ابواب من الألمنيوم وادراج...
طبعا انا اقصد جزء المطبخ السفلي وليس وحدات الأرفف العلويه....وهي من الألمنيوم كامله...
شكل المطبخ رهيب...واحلى ميزه فيه انك تنظفين فيه على راحتك ما تفكرين فيه انه يخرب مع الوقت او تضره الرطوبه او الثقل.......وكمان نسيت اقول شغله وهي ان ايضا الغاز عملنا له عتبه....بحيث ان الغاز يدخل في مكان زي البيتبدون سقف...ويكون شوي مرتفع..شكله جدا مرتب..
معليش اذا ما كنتوا فاهمين ....:rolleyes: اسمحولي واذا حبيتوا اوضح اكثر انا مستعده.....:)
ونسيت اقول ان هذه الطريقه اقل تكلفه من ان المطبخ يكون كله المنيوم....
وتقبلوا تحياتي.....W: انا في انتظاركم....W:

ديـــم

14-05-2002, 08:27 PM

فكره خياليه ياانفال وغريبه مره بس تصدقين رائعه جدا لأنه بالفعل التنظيف راح يكون اسهل بكثير بس وش اخترتي الوان ؟؟

farahr

14-05-2002, 09:06 PM

حلو يا انفال في عندك صوره نشوفها اذا ممكن

شمالية غربية

14-05-2002, 09:17 PM

هلا اختي انفال ...
حركة الرخام كثير حلوه وتحافظ على المطبخ يعني مايتاثر ابدا باذن الله, قريبة لي مطبخها كبيرة مساحته ومع كذا عامله فيه حركة الرخام والغاز ..وحتى المغسلة الرئيسية في المطبخ من الداخل رخام ..والحين له ماشاء الله 20سنة وما اتاثر بالموية والتنظيف ,وشكله كشخه..

انفال

14-05-2002, 09:43 PM

اختي الغاليه المستعجله..بالفعل انا اهم شئ كان عندي في اختيار هالطريقه...هي التنظيف والشئ العملي بعد..... بالنسبه للون...انا اخترت السيراميك ذو الحجم الصغير المعتق لونه بني ..والألمنيوم لونه اخضر فاتح.......ألوانه روعه...وش رايك تزوريني علشان تشوفيه...يا هلا والله وسهلا..

اختي العزيزهfarhar....مرحبا بك...والله اتمنى لو عندي صوره .. حتى اقدر انزلها..لكن للأسف...غير متوفره....ولشكرك عزيزتي على تواصلك..

الغاليه والعزيزه شماليه غربيه...ياهلا والله نورتي الموضوع...وفعلا كلامك مضبوط أنه يعمر اطول يعني لو باغسله كل يوم بالصابون والماء ما يتأثر...مثل الالمنيوم..
اشكرك على تواصلك...

W: وتقبلوا تحياتي..

إيمان علي

16-05-2002, 02:33 AM

الله يبارك لكم فيه يا أنفال، بس عندي فكرة، أنا ما بحب الحكي، بحب الشوف، وريني حتى افهم الفكرة تمام :D

أسيرة الغربة

16-05-2002, 06:38 AM

بصراحة فكرتك روعه ... واهم شيء عندي المطبخ لأننا نقضي اغلب اليوم فيه ولازم يفتح النفس ويتحمل عوامل التعريه قصدي الاستعمال:D :D
وان عاجبتني فكرة الفرن الي يكون في وسط المطبخ لأنك بتأخذين راحتك بالطبخ ونشر الأواني حوله مثل الصوره :
http://www.lakii.net/users/lakii/kitchen.jpg

http://www.lakii.net/users/lakii/kitchen1.jpg

انفال

17-05-2002, 11:00 AM

يا مرحبا يا امون...نورتينا....:)
ولا يهمك ..نوريك يا ستي اتفضلي شرفينا وحياك الله....:p
بس يا ليت عندي صوره علشان اوضح المقصد اكثر....وبعدين انا مشكلتي مشكله مع تنزيل الصور......:rolleyes: :mad:
حياك الله..مره ثانيه...والله يبارك فيك..:)

الغاليه اسيرة الغربه والله لك وحشه....:) :)
كلامك تمام...اهم شئ ان المطبخ يتحمل...وفكرة الغاز اللي بيكون بالوسط جميله....
لكن يبغالها مطبخ واسع....:cool: ...
واشكرك على تواصلك...اختك انفال

بنت الرياض

17-05-2002, 12:07 PM

السلام عليكم
اختي انفال كيف الحال
من كلامك روعه وبما انك ما تقدرين تنزلين صوره
وضحي اكثر علشان نفهم اكثر لو مافيه تعبW: W: W:

انفال

17-05-2002, 08:16 PM

حاضرين اختي بنت الرياض....ولا يهمك..
وش حابه تعرفين بالضبط...؟؟؟

بنت الرياض

18-05-2002, 08:35 AM

هلا حبيبتي

فكرة وضع الرخام كرفوف لسى مادخلت راسي فكيف يصير هذا إذا مافيه تعب

ومشكوره وماقصرتي
السلام عليكم ورحمة الله

هيونة

20-05-2002, 06:54 AM

اللة يهنيك

ام اياد

20-05-2002, 08:05 AM

مشكورة اختي فكرة حلوة

انفال

20-05-2002, 04:47 PM

السلام عليكم ورحمة الله...
اختي العزيزه بنت الرياض....اعذريني على التأخير....لأني ما دخلت المنتدى الا اليوم..
بالنسبه للرخام كرفوف....انا مثلك..لم تدخل بالي حتى شفتها...
الرخام بيكون...مستند على معدن من الجانبين مثبت في جدار الرف بصواميل..
وعلشان توضح الصوره اكثر...تعرفي كيف نثبت رف الخشب البسيط على الجدار ...بواسطة حوامل معدنيه...تحمل الرف من تحت ولا يمكن رؤيتها...
اما بالنسبه للرخام بيكون الحامل من الحديد...ومتانه ايضا....اتمنى انك فهمتي علي..
واي استفسار تحت امرك...

اختي هيونه الله يهنيك بالإيمان وطاعة الرحمن وحياك الله.
اختي ام اياد حياك الله ومشكوره على تواصلك..

بنت الرياض

21-05-2002, 04:04 PM

مشكوره ما قصرتي تقريباَ فهمت
كل الأرفف الداخليه اللي تحت من الرخامولا انا غلطانه ابغي اتأكد إذا مافيه تعب
الله يجزاكي خير

انفال

21-05-2002, 04:15 PM

يا مرحبا باختي بنت الرياض....
نعم كل الأرفف الداخليه من الرخام....يعني عندي الخزانه مقسومه نصين بواسطة رف من الرخام... والرف ملبس من الداخل على الجوانب بالسيراميك اللي حجمه وسط زي اللي مستخدم بالحمامات..طبعا هذا الجزء السفلي من المطبخ والسطح يلبسونه لك المحل اللي بتعملي عندهم الألمنيوم...باللون اللي يعجبك واللي ما شي مع لون الأبواب الألمنيوم والأرفف العلويه..
ها ...بشري انشاء الله وضحتلك الصوره...
واي استفسار انا حاضره....

بنت الرياض

22-05-2002, 07:03 PM

هلا انفال اسفه تأخرت
شوقتيني على كلامك وش رايك اجي لبيتك علشان اشوفه ==========>ياثقل مزحك صدق ثقيل:D
يله الله يعافيك ما قصرتي
السلام عليكم

انفال

23-05-2002, 11:08 AM

يا مرحبا والله....حياك ربي...وابرك الساعات اذا حضرتي...
والعفو انا ماسويت شي.....
وتقبلي تحياتي..يا بنت الرياض..

العنود2002

26-08-2002, 05:59 PM

اختي فكره روعه بس مو فاهمين مره الله يعطيك العافيه حاولي تصوريه لنا وفهميني اكثر الي تحت رخام والي فوق وشوا ههههههههه غبيه شوي

انفال

26-08-2002, 06:30 PM

اختي العنود........اقرأي كلامي مره ثانيه وانشاء الله تفهمين......
لكن اذا في شئ محدد ......وضحيلي اللي تحبين تستفسرين عنه بالضبط........؟؟؟؟