صوتوا يابنات لاحدى هاتين المادتين [الأرشيف] - منتديات لكِ النسائية

View Full Version : صوتوا يابنات لاحدى هاتين المادتين

ASIA

07-05-2002, 03:22 PM

السلام عليكم ورحمة اللة وبركاتة .
أخواتي في المنتداى ساعدوني : أنا ان شاء اللة راح أتخصص هذة السنة ومحتارةأختار
"انجليزي,أواقتصادمنزلي" ساعدوني يا حلوات وقولولي أيش أختار "يعني صوتوا وكل وحدة تقول
الاسباب"

ونه خفوق

08-05-2002, 12:54 AM

هلا عزيزتي asta
والله من ناحيتي اقول هذا مستقبلك والامر يرجع لميولك
ممكن انا احب اللغه النجليزيه واعتقد اني ماراح افلح بغيرها
وممكن وحده ثانيه تعارضني في الراي
وبكذا راح تدخلين في دوامه كبيره !!!!!!!!!!!
لاكن لوخيروني راح اختار الاقتصادالمنزلي لاني لي مجالات كثيره بعد التخرج
ولا راح استنى الوضيفه وراح اعملي مشروع بشهادتي وخبرتي
وانا اعرف كثير من النساء الي بنو لهم اسم وسمعه من الطبخ والفن والخياطه والديكور وماعندهم شهاده واعتقد انه ابرك لك من النجليزي مستقبلا !!!!!!!!!
لان الحين الانجليزي اصبح متداول وشيء غير مستغرب
انشالله اكون افدتك

المسافره

08-05-2002, 06:49 AM

اهلين ( اسمعي كلامي وماراح تندمين)
اقتصاد منزلي احسن بكثيير وبالذات التغذيه
انا تخرجت من الانجليزي وما استفدت شئ رحت اقدم وظيفه في الرئاسه من سنه ماقبلوني بعد مااختبروني وكتبوا على الورقه لا تصلح ان تكون معلمه !!!!!!!!!!!!!!!!!!!!!!!!!!!!!!!!!!!!!!!!!!!!!!!!! اللي يريد اللغه يسافر اما الجامعه مافيها فائده الانجليزي ادب ونقد مايسوى .........مافيها ابداع والله انا ندمانه على تخصصي

ASIA

09-05-2002, 12:27 AM

السلام عليكم ورحمه الله وبركاته
أشكركم جزيل الشكر عزيزاتي "ونة خفوق, المسافرة " على المساعدة .
والله يكتب الي فيه الخير .

الامبرطوره

09-05-2002, 01:01 AM

السلام عليكم ورحمه الله وبركاته......عزيزتي كل واحده مخالفه لراي الثاني وكل واحد وطموحه لكن انتي اي قسم ميولك ان احب اللغه الانجليزيه واتمنى اني مادخل غير القسم هذا لكن المعرفه بسيطه عندي لكن اذا كنتي عندك موهبه ليفوتك لان هذه اللغه جميله مع اللغه العربيه وتستفيدي منها مع الاسنوات الجايه .......... وتحياتي عزيزتي

n2n

10-05-2002, 04:35 AM

امسكي ورقتين واكتبي على كل وحده اسم القسم الي محتاره فيه..
وعدي وقولي::S: عقره بقره قال لي عمي عدي للعشره .................1،2،.
هيييييييييييييييييه..ترى امزح معاك..
الصراحه كلها ماشاء الله لها مستقبل واقرب مثال امي الله يخليها ..
مدرسه وكانت متخصصه اقتصاد منزلي..
والقسم الثاني انجليزي وهالسنه ان كان قريتي التعيين في الجرايد..
ماشاء الله اكثر قسم احتاجته الرئاسه العامه ..كان انقلش في انقلش..
وعاد انتي يابنت الحلال استخيري وتوكلي على الله..
بس الله الله..علمينا وش اخترتي..o.k..وبااااااااي
مع تحياتي اختك نون 2نون.********

جورى

10-05-2002, 10:23 AM

على حسب انتى شنو تحبين ممكن انا نصيحتى تكون على ما حسب انا احب ممكن انتى تكونين فيك ميل لمادة منهم بس انا ازيد انك ممكن تلجئين الى الله وتصلين صلاة الاستخارة واكيد ما فيى بعد هذا الشور شور

المهـــا

10-05-2002, 02:12 PM

استخيري ثم استخيري ثم استخيري...
وهذا افضل حل .
والله يوفقك لما فيه الخير

اصول

10-05-2002, 03:34 PM

اقولج يا أختي نصيحة .. هو انج تصلين صلاة الأستخارة.. وان شاء الله بيروح هذا الحيرة .
واتنمى لك دوام العافية و السعادة

غادة الغيد

11-05-2002, 10:03 PM

عيوني اذا بتختارين تخصص علشان الحاجه عند الرئاسه انسي الوضيفه..):

<=======ذي لها ثلاث سنين تحتري الوضيفه؟؟
<======كل جمعتهم يقولو يومها تدرس في الجانعه غاده ماعليها خوف وضيفتها فيها حاجه..

بمعنى اذا انتي حابه الانجليزي حلوووووو وممتع وتستفيدين منه انت اذا حاولتي تطوير ذاتك والازتزاده على معلومات الجامعه واخذ دورات لانه يزيد بالممارسه..

الاقتصاد المنزلي حلوووووو كثير لانه فيه مجال لابداعك داخل منزلك بس يعتمد اذا عندك موهبه..

استخيري ثم استخيري بقلب فارغ للاستخاره والله يوفقك عيوني..

تحياتي..

ASIA

12-05-2002, 03:43 PM

السلام عليكم ورحمة الله وبركاتة .
أشكركم جزيل الشكر على تعاونكم معاي , والحمد لله أنا إخترت إقتصاد وتركت الانجليزي بصراحه لاني حسيت أنه راح يدخل الغرور في قلبي لان زي ما أنتم عارفين إنه برستيج .
أسأل الله التوفيق .

رنين الصمت

12-05-2002, 03:48 PM

السلام عليكم و رحمه الله وبركاته
انا اقول احسن شي انك تصلين صلاة الاستخارة......و اللي يصير هو الافضل بأذن الله