PDA

View Full Version : طريقة عمل الجبنة بالبيت +جبنة ناعمة + القريشة +جبنة مقلية





estrellas
15-03-2002, 02:46 AM
شغلتها سهلة كثير
بس كتابتها بتبين انها صعبة
حليب لازم يكون محلوب جديد

يعني الحليب تبع العلب ما بينفع

الانفحة ويقال ايضا منفحة هي المادة التي تحول الحليب الى جبنة

هي المادة اكيد موجودة في الصيدليات
بس لازم تعرفي من وين مستخرجة وخصوصا اذا كانت اجنبية لانه يوجد من الماعز او البقر او الخنزير

يعني للعلم

الطريقة بتجيبي الحليب المحلوب وبتسخنيه حوالي ثلاث دقائق ليس اكثر لانه اذا سخنتيه كثير ما بتظبط يعني بتلامسي الوعاء الموضوع فيه الحليب بتلاقيه فاتر بعدين بتجيبي الانفحة وبتحطي تقريبا لكل عشر ليترات ملعقة طعام من المادة اللي هي الانفحة وبتحركيها وبتتركيها شي نصف ساعة اذا لقيتي الحليب في الوعاء صار متماسك كانه قطعة واحدة يعني صارت تركيها شي ثلاث ساعات الى ان تتماسك جيدا بعدين بتجيبي مصفاة عميقة وبتصبي فيها لا تخافي لان الماء فقط هي اللي بدها تنزل بعد هيك اكبسيهابشي شغلة تكون على حجم المصفاة لتاخذ شكل القالب وتركيها مكبوسة تقريبا ساعة يعني لتنزل الماء كاملة بعدين اقلبيها بتطلع شقفة واحدة وقطعيها واغليها واضيفي لماء الغلي حتى تحتفظي بها الملح البحري ويكون مركز
عند الغلي تقريبا شي خمس دقائق بتكوني مجهزة صينية كبيرة مرشوش عليها حبة البركة وبتطلعي الجبنة وبتحطيها على الصينية الى ان تبرد تماما بعد ان تتاكدي ان الجبنة بردت تماما بتغلي ماء لتحفظي الجبنة فيها يكون ملح مركز كمان وتدقي كم حبة محلب ومستكة وبتحطيهم معهم
وبتخلي الماء تبرد تماما لانك اذا حطيت الماء الساخن بالمطربان اللي بدك تحطي الجبنة فيه بتخرب وبتصير طرية كثير بعد ان بردت الماء والجبنة بتصفيها في المرطبان وبتسكبي الماء فوقها وبتسكريها وتحتفظي بها بالبراد
كليها وادعيلي وكيد سوف تعجبكم
ساره الشامي
15-03-2002, 11:21 AM
الف شكر الك يا estrllas


ريته يسلمولي هاايدين هالحلوين..
عن جد انتي رررررروعه..
بس عندي كم سؤال..
الانفحة يالي عندكم هل هي سائلة ام حبوب ؟؟؟؟؟
لان عندنا سائلة ...يعني اذا كانت سائلة بتصير مع الحليب ؟؟

ان شاء الله راح اجرب طريقتك
اشكرك مرة تاينة
W: W:
estrellas
15-03-2002, 11:25 AM
عزيزتي انا جربت الحب مانفع معي السائلة بتطلع الجبنة فيها روعة


وانشاء الله بتظبط معك لانه بالفعل بتطلع طيبة كثير
estrellas
16-03-2002, 03:08 PM
بتعرفي يا سارة انا ما كنت اعمل الجبنة بالبيت

بدي احكيلك بس ما تقولي عم خوفك
مرة كنت عم اسمع على قناة اقرء فتاوى على الهواء على ماعتقد سمعت امراءة تسئل الشيخ هي يمكن من السويد او هولندة لم اعد اتذكر سالته عن اذا كان من الممكن اكل الجبنة مع العلم ان الانفحة المصنوعة فيها من الخنزير فقال لها الشيخ اذا كنت متاكدة لا لا يجوز ومن وقتها صدقا لم اعد اشتري الجبنة لا صفراء ولا بيضاء من خوفي لحد مرة قالت لي صديقة انها تعمل الجبنة بالبيت وعلمتني وصرت اعملها
هي قصتي توتة توتة خلصت الحدوتة
ام وديمه
17-03-2002, 06:27 AM
ما شاء الله عليك يا استرلاس انت رايعه ......انا بجربها لما اروح العزبه .......
مشكووووووووووووووووووره وتسلم ايديك ......
estrellas
17-03-2002, 02:12 PM
لك مية اهلا وسهلا بام وديمة منورة

ياريت تعزمينا على عزبتكم وبعملك انا الجبنة
ساره الشامي
17-03-2002, 04:01 PM
شو هالقصة الحلوة هي
:eek: :eek: :eek: :eek: :eek: لالالا مو معقول
هي اول مرة اسمع بهادا الشي
:confused: :rolleyes:
يعني انتي ما بشتري هلا جبنة؟؟ من السوق؟

تحياتي
estrellas
17-03-2002, 04:02 PM
شفتي بس الله شاهد انني لا احكي غير الصدق
نفحات مسك
17-03-2002, 06:23 PM
:D مشكورة أختي estrllas

:D على هذه الطريقة ..

لكن ممكن اعمل الجبنة بالخل بدل الأنفحة :confused:

W:

http://gifart.com/public/imagefolio/Clipart/Food/tn_cheese121.gif
estrellas
17-03-2002, 11:16 PM
اهلا بنفحات المسك وصلت روائح المسك لاجل هيك اتيت ارد

اللي بتقولي عنه ما بتطلع جبنة جبنةبتطلع فرط الحليب وبستخدم لاجل تعمليها حشوة للقطايف او الكنافة او البرك
وانا بعملها كثير
بس اللي كتبت عنها هي الجبنة البيضاء العادية المغلية

وعندي وصفة تستخدم فيها طريقتك

بنجيب اللي بنصفيه من الحليب المغلي بالخل اللي هو بنقول عنه بالشام قريشة
وقطعة جبنة عادية

نفرمهم مع بعض وبندق كم حبة محلب ونخلطهم ونضيف لها سمسم وحبة البركة بس طبعا هي بتكون مفتفتة

لك تحياتي
نفحات مسك
18-03-2002, 10:35 AM
:D estrllas

:) مشكورة على التوضيح

:) و إن شاء الله نجرب طريقتك
W:

http://gifart.com/public/imagefolio/Clipart/Food/cheese1.gif
estrellas
18-03-2002, 11:07 AM
اهلا وسهلا بنفحات المسك
كلك ذوق
ساره الشامي
18-03-2002, 11:27 AM
:eek: :eek: :eek: خل هي اول مرة اسمع انو بصير مع الحليب

ياريت تشرحي لي الطريقة واحدة واحدة ؟؟لان هون مافهمت:rolleyes:

وبعدين ذكرتيني بالبرك ياريت كمان تعلميني الطريقة؟؟

وشششششكرا الك
estrellas
18-03-2002, 11:37 AM
اهلين بسارة خانم

الخل عزيزتي هو انك بتجيبي الحليب العادي علب ولا طازج مابتفرق بتحطيه على النار وبضيفي شي معلقة اكل خل تتركي الحليب يغلي مع الخل بتلاقيه فصل الحليبوتجمع على شكل كتل وبتصفيه بتطلع قريشة تستخدم لحشي القطايف او الكنافة كما ذكرت
ولكن ليست جبنة بيضاء العادية اللي مثل القالب وبنغليها ونحتفظ فيها بس انت جربي الوصفة اللي كتبتها برد نفحات المسك بتعجبك هي بيقولوا عنها بالشام جبنة ناعمة وتباع جاهزة
البرك يعني فطاير الجبنة او اللحمة اللي بتعمليهم انت

على فكرة تقدري تعملي هذه القريشة من مية الجبنة الاولى بعد ما تاخدي الجبنة لتصفيها تحتفظي بالماء اللي الها وتحطيله خل ونفس الشي بتغليه
ساره الشامي
18-03-2002, 01:34 PM
بس حبيبتي شو نوع الخل؟؟؟؟؟؟؟
انا عندي بالبيت خل تفاح وعنب وخل خاص فقط للطبخ فااي واحد؟؟:rolleyes: :rolleyes: :confused:
fatena
18-03-2002, 07:03 PM
حبيبتي estrlas يسلمو إيديك و طريقتك ص و أنا بعملها دايما بس بدي أسألك بتعرفي طريقة الجبن الصفرا لأنو أنا كتير بحبها و شكلي هلأ ما رح أشتريها من السوق أبدا
مشان هيك بدنا ناول نعملها بالبيت شو رأيكم
estrellas
19-03-2002, 02:57 AM
اهلين بسارة خانم
عزيزتي اي نوع خل بيمشي الحال ختى حمض الليمون او عصير الليمون يعني كله بنفع

عزيزتي فاتنة يؤسفني انني لا اعرف كيف بتصير بس اكيد بدي احاول اتعلمها

ومثل ما بتعرفي الغربة بتعلم
ام وديمه
19-03-2002, 08:06 AM
مرحبا استرلاس يالله انا عازمتنك بالله بسرعه ....شو راح تعجبك بيتنا على تله كلها عشب وعندنا مسبح كبيييير ويالله انا في انتظارك؟؟؟؟؟؟؟؟
بس شوي شوي علينا كيف تعملين القريش انا بمووووت فيها ؟؟؟؟؟؟؟
شوفي انا من اسبوع عملت حلى هندي وكان في الطريقه نفور الحليب ونضيف عصير ليمونه ويتكون كتل هل هي هذه القريش؟؟؟؟؟؟؟؟؟
yafa
19-03-2002, 09:53 AM
عزيزتي المعلمه استرلاس والله انك محترفه ميه في الميه بتجنن بتحنن انا اول مره بعرف
عن المحلب في الجبنه اكيد المحلب بعطيها طعم طيب لاني انا بحب المحلب اكتير
انا كنت اعمل الجبنه النابلسيه من حليب الغنم في الكويت بس في كندا بعمل نفس الجبنه
النابلسيه من حليب البقر لانه ما في حليب غنم عنا في كندا وبتنجح معي اما بالنسبه
للانفحه ما عنا سائله عنا حبوب ببعوها في المحلات الايطاليه المتخصصه في صنع الحلو
والجبنه عنا بعملوها من الخنزيرايضا ولكن الصفراء الشيدر ولكن مو كل الجبنه خنزير
ففي بعملوها من الانفحه وحتي اوضح اسمها وهي من البقر اسمها بلانجليزي rennet
, وبالفرنسي presure وبالاسباني cuajo وبالالماني والايطالي renette
اما الخنزير فهي الببسين وبالانجليزي والالماني pepsin وبالفرنسيpepsine وبالاسباني
والايطالي pepsina ويجب ان تقرؤا مكونات الجبنه قبل شرائها وجعلها الله في ميزان
حسناتك يا استرلاس ولكم مني اجمل تحيه
estrellas
19-03-2002, 11:20 AM
ام وديمة عزيمتك على عيني وراسي
وبتعرفي المثل اللي بيقول راسي بيسبق رجليي

بالنسبة للقريشة نفس طريقتك تبع الحلى الهندي ومثل ما حكيت للاخت نفحات المسك
بتفرمي معها شقفة جبنة بيضاء عادية وبتحطي المحلب والسمسم وحبة البركة بتعملي جبنة ناعمة
واذا بدك ياها قريشة فقط ما بتضيفي شيئ لانك ستستخميها للحلويات


اخت العزيزة يافا
اشكرك على التوضيح كلامك كله صح مية بالمية
والعكس عندي بالنسبةللجبنة انا بعملها من حليب الغنم لانه ما في بقر
بس للضرورة احكام
بس المحلب بيعطيها نكهة غير شكل وحبة البركة
لك مني اجمل تحية
ام وديمه
19-03-2002, 11:31 AM
تسلمين يا استرلاس.......
ياريت يتثبت الموضوع؟؟؟؟؟؟
estrellas
20-03-2002, 12:35 AM
تسلميلي يا ام وديمة شو كلك ذوق
yafa
20-03-2002, 08:57 PM
حبيبتي استرلاس والله انه صدق المثل اللي قال اتزوج حلبيه وعيش عيشه هنيه قصدي اتزوج
شاميه وعيش عيشه هنيه وبلا ما يزعلوا الكل منا بقول اتزوج عربيه وعيش عيشه هنيه
والله انه مع احترامي للكل وكلهم علي عيني وراسي وبما فيهم انا اولهم يجب ان نثبت هذا الموضوع احتراما لاسترلاس القديره والتي تبتكر وتاتي بالجديد المفيد دائما وهي علي راسنا من
فوق وبعدين عزيزتي وانا ذابحه حالي وبنتحر ودائما بدور علي حليب الغنم وعنا في كيبك مونتريال لو عصرتيها عصر ما بتشوفي عنا ولا نص غنمه وانت عندك حليب الغنم طافح
فرجاء حارابعثي لي 100 ليتر حليب غنم علي ايميلي وانا بحاسبك وبعدين وانا بستعمل
الازحه والمستكه وبضع المستكه في شاش وبربطه مثل الكره وبضعه في المرطبان وعلي كل
حال عزيزتي هذه جبنتك افخم من جبنتي لانها اذا عملتيها من الغنم فتصبح بالتالي الجبنه النابلسيه
وهي من افخم انواع الجبنه لوعرفوا الناس العرب اللي عنا هون عنك بدفعوا لك بلاوي علشان
هذه الجبنه الفخمه والله يا رب يجعلها هنا وصحه وعافيه علي قلبك وقلب عائلتك ولك مني
اخر عدد في الرياضيات واعداد لا تنتهي من التحيه
estrellas
20-03-2002, 09:51 PM
لك مية اهلا وسهلا بيافا

عن جد خجلتيني بكلامك الحلو هذا من ذوقك عزيزتي

اذا كانم بيدفعوا بلاوي للجبنة معناته انا بعملها وبصدرلك وانت بتبيعيها هناك شو رايك بها المشروع ما بيخطر على بال حدا بس ما تحكي امام حدا عن هالفكرة منشان نطبق المثل اللي بيقول داري على شمعتك تقيد
ومنشان الحليب غالي والطلب رخيص
تكرم عيونك
شكرا ولك تحياتي
ساره الشامي
21-03-2002, 12:16 PM
:eek: :eek:

اهلين وسهلين باestrllas خانم
لك ريتك تسلميلي عزيزتي
انا جربت الطريقة التانية وطلعت ممتازة ررررررررروعه وطيبة بالحلويات
لان انا مابقدر استعمل الجبنية العادية في الحلويات :( :( ليش لان في عنا مرض الشقيقة وهادا المرض لالالالالالالازم الواحد ما ياكل اي نوع جبن لااصفر ولاابيض....وفي اكلات كتيري مابتصير..
صدقيني في كتير اكلات مابعملها علشان الشقيقة...

بس طريقتك يالي عملتها جيدة وورررعه....وان شاء الله راح اجرب الطريقة (1)
جزاك الله كل الخير وبارك الله فيك اختي الغالية


http://www.gifs.net/animate/anbird1.gif
estrellas
21-03-2002, 10:25 PM
سلامتك الف سلامة اختي سارة

بس شو علاقة الجبنة بالشقيقة ما فهمت على كل الاحوال الف سلامة

وصحتين على قلبك وقلب اسرتك
وشكرا لك
yafa
27-03-2002, 08:38 AM
هلا وغلا فيك يا مرحبا يا مرحبا نورك طفا الكهربا وبالنسبه للجبنه
بالنسبه للجبنه بعمل انا وياك احلي business استيراد والله انك خجلتيني بكلامك الحلو وكرمك

وعلي فكره ام دسم صارت تعاني من النحافه الشديده ولازم اتكتر دسم باكلها اشوي لانه عزيزتي استرلاس صار معها انيميا
وسلامتك الف سلامه عليك يا ساره انشاء الله ما اتشوفي شر
ولكم مني اجمل تحيه
estrellas
28-03-2002, 03:01 AM
لك الف اهلا وسهلا

يعني عجبك المشروع منيح كثير

هذا بعض ما عندك عزيزتي

وديري بالك على حالك شوية دسم ما بيضروا

لك تحياتي
estrellas
12-04-2002, 02:27 AM
لك وينك يا يافا
ليش غايبة انشاء الله خير
um samer
12-04-2002, 03:12 AM
اسلام ياإسترلاس على الجبنة الطيبة أنا بموت عليها وإنشاء الله أول ماألاقي الأنفحة إنشاء الله راح أجربها وأجرب القريش
estrellas
12-04-2002, 10:41 AM
اهلين بسينو وجربيها وبتدعيلي
الثمال
13-04-2002, 10:07 PM
بسم الله الرحمن الرحيم
السلام عليكم ورحمة الله وبركاته
تسلممممممم هالأيدين
ويعطك ألففففففففف عافية
estrellas
14-04-2002, 02:41 PM
الله يسلمك عزيزتي سهاير وجزانا واياك
estrellas
20-04-2002, 07:14 PM
W: W:
ام الوليد2002
20-04-2002, 10:44 PM
تسلم ايدك يا أم وسيم
من جد الطريقة مضبوطة ومن اليوم بنقول لجبن السوق ودااااااااااااعا
بس اذا ممكن تكتبين طريقة الجبن الشيدر اذا تعرفينها
وتسلمين والله يجزاك كل خير
estrellas
21-04-2002, 01:28 AM
اهلا بام الوليد

وشكرا علىردك
والجبنة الصفراء انشاء الله بدي اتعلمها وبس تظبط ساكتبها للجميع
estrellas
13-05-2002, 08:50 PM
W:
estrellas
16-06-2002, 03:55 PM
الجبنة المقلية

طريقة جدية لاكل الجبنة البيضاء

تحضري قطع الجبنة البيضاء وتقليها بملعقة سمنة
وتقدم على الفطور
صحتين على قلبكم
الريم
16-06-2002, 05:11 PM
ما شاء الله عليك يا ست الكل في الطبخ 0صحيح عط الخباز خبزه
انا اول مرة اشوف هذا الموضوع حق الجبنة00000
ولي سؤال00الطريقة الاولى هي اللي بتكون جبنة مالحة يعني خفيف ملحها
وايش الفرق بين الناعمة والقريش مااستوعبتها00000
ممكن اسويها قليلة الدسم كيييييييف ؟
والله يسلمك من كل شر ومكروه0
estrellas
17-06-2002, 02:23 AM
اختي روان اهلا بك

بالنسبة للجبنة الاساسية التي كتبتها هي الجبنة البيضاء العادية عند عملها تكون خالية من الملح وعند غليها اضيف لها الملح الصخري لاحتفظ بها

بالنسبة للجبنة الناعمة تكون مقدار من الجبنة البيضاء المفرومة +مقدار من فرط الحليب اللي هو القريش مع حبة البركة والمحلب والسمسم

والقريش هي فرط الحليب لوحده وتستخدم للحلويات لانه تكون بدون ملح

وشكرا لك
الريم
17-06-2002, 07:48 AM
شكرا اختي استرياس
ويعطيك العافية على جهدك00
وربي يجعله في ميزان حسناتك0
estrellas
17-06-2002, 10:23 AM
امين يا رب العالمين واشكرك اختي روان على الدعوة الجميلة
ام حميد
17-06-2002, 04:36 PM
السلام عليكم يا اخواتي العزيزات وشكرا للاخت استرلاس على طريقة الجبنة وسأجربها قريبا انشاء الله لكن عندي سؤال حليب الابقار الطازج اللي ب الاسواق ماينفع ابدا وبعدين لو كان ينفع هل اتقيد بتاريخ الصلاحية المكتوب على العلبة ووووولكم الشكر الجزيل.
estrellas
17-06-2002, 11:03 PM
اختي الكريمة ام حميد اولا اهلا بك

ثانيا الحليب المبستر اي المعبئ بعبوات لا ينفع لعمل الجبنة الرئيسية البيضاء ام القريش يمكن عملها
بوضع القليل من الخل عند غلي الحليب لتتشكل لديك فرط الحليب
estrellas
14-12-2002, 01:57 AM
يرفع للاخت بنت الجنوب
star
19-02-2003, 07:45 AM
thank you so much i am looking for this from along time alah ya3teky al3afyah
estrellas
24-02-2003, 11:50 AM
لا شكر على واجب عزيزتي نحن بالخدمة