وصفــــــــــــات شهيه متجددة بسعرات حراريه قليله ,,, وســــــــــام التميـز ,,, [الأرشيف] - منتديات لكِ النسائية

ROZALENDA

14-11-2005, 09:57 AM

.
.
.
.
.
.

width=300 height=300

السلام عليكم ورحمة الله وبركاته
أكيد طبعا كلنا بنحب نعمل ريجيم وما ننحرم من الأكلات الطيبه وخاصة المقليات :-M وبعد تجربتي الطويله مع الريجيمات لقيت انه أحسن ريجيم بتعمليه هوه الريجيم اللي تقدري تستمري عليه لفتره طويله بدون ما يحسسك انك زهقانه وطفشانه من الحرمان q)
وأول شيء لازم تفكري فيه قبل الريجيم هوه كيف تغيري ذوقك بالأكل وتعتمدي نظامك الجديد على طول يعني بإختصار لا أقول ريجيم بل أقول طريقة حياة جديده تستطيعين الإستمرار عليها مدى الحياه
طبعا كلامي عن تجربه طويله والحمدلله النتائج كانت جيده بعد ان خسرت حوالي 45 كيلو من وزني ومازلت على الدرب ماشيه بإذن الله تعالى حتى اتم العشره كيلو اللي باقيين #R#R
وبما اني المسؤوله عن الطبخ بالبيت فكان أصعب شيء هوه مقاومة الأكل اللي بطبخه بإيدي بشكل يومي وخااااااصة الأكل السوري وحدث عن الأكل السوري ودسامته ولا حرج فكنت كل يوم حاول اني اعمل لنفسي اكله لذيذه وكمان تنفع للريجيم حتى احيانا الأولاد بيتركو ما لذ وطاب وبياكلو أكلي
والأكلات اللي عملتها كانت كتيره بس اكتر شي عجب كل أهل البيت حتى اني صرت اعملها صينيه كبيره لأن الكل بياكل معي هيه البروستد وبلا دسم وبلا كوليسترول ):K
وهي الصوره
http://www.lakii.net/images/Nov05/rozalenda_rvXUur.jpg

والطريقه سهله جدا جدا وسريعه سدقوني ما بتاخد دقايق تحضير
أول شي المقادير
طبعا دجاج بدون جلد ويفضل هنا الأفخاذ لأني جربتها بالصدر وطلعت ناشفه
توست أسمر حمصيه واطحنيه
بخاخ زيت ذره ( ممكن الإستغناء عنه )
بهارات على ذوقك انا بحب استعمل الماسالا وبودره توم وبودرة بصل
الطريقه
ممكن اذا بتحبي تنقعي الدجاج من قبل بليله بشوية خل وليمون بس عن نفسي معظم الأحيان ما بنقعها
بعد ما تغسلي الدجاج وتنزعي جلده حطي بهاراتك على التوست اللي طحنتيه انا ما كنت ضيف ملح لأني بحاول ابتعد عن الملح لأنه بيحبس السوائل بجسمك مما يؤدي الى تبطيء عمليه نقصان الوزن
خلي الدجاج على جنب شوي يصفي ميته وبعدين غمسيه بالتوست ورشيه بخه صغيره من الزيت ( انا استغنين مؤخرا عن هالخطوه بسبب دسامة الدجاج وما لقيت فرق بالنتيجه )
أدخلي الدجاج الفرن وخليه على مهله لحد ما تخزيه بسكينه تلاقيه استوى
ممكن تعمسيه بالبيض قبل التوست وكمان بيطلع لذيذ بس انا بلاقيه هيك لذيذ جدا بقول بالناقص كام كالوري زياده
سدقوني بيطلع مقرمش ولذيذ كتير صحيح الفكره بايخه بس الواحد مع الريجيم بدو اي شيء يعطيه احساس انه متل متل باقي الناس وما حرم نفسه من شيء
ان شاءالله تعجبكم واذا عجبتكم ابشروا بالمزيد
على فكره مشرفاتنا الغاليات ماعرفت وين بدي نزل الموضوع ان شاءالله ماكون خبصت الدنيا ((K))
ودمتم بصحة وعافيه W:

meemo80

14-11-2005, 10:43 AM

شكلها فعلا طيبة

يسلموا ايديكي

اللمسة الحانية

14-11-2005, 07:06 PM

طيب وين بقيت الطبخات تبع الرجيم نزلها او اكتبيها عشان نستفيد

عبيرالازهار

14-11-2005, 11:59 PM

شكلها يجنن بس عايزين بقيه الأكلات
والله انتي فكرتيني بنفس هذه التجربه وكنت بدأت رجيم وعملت للأسره مكرونه بشاميل وعملت لنفسي من نفس المكرونه وهي مسلوقه طبق وعليه جبن شيدرمقطعه وبهارات ووضعتها في الميكرويف وكان طبق رائع 000000ضيفي هذا الطبق لأكلاتك0

جوازل

15-11-2005, 12:41 AM

والله تسلمين

ROZALENDA

هذا الذي نبحث عنه

وتسلمين لنا

************

أختك جـــوازل

طيـــف

15-11-2005, 11:19 AM

بتجننن ياروز

فكره كتير رائعه للاخوات
مشان مايكووووووووون لنا عذر
كل شي متوفر بطرق مختلفه

ROZALENDA

16-11-2005, 12:36 AM

السلام عليكم ورحمة الله وبركاته
أخت memoo80
الله يسلمك يارب وهيه فعلا لذيذه بتمنى تجربيها وشكرا عالمرور W:
أخت اللمسه الحانيه
ان شاءالله عزيزتي ابشري خير :-M
أخت عبير الأزهار
فكرتك كتير رائعه حبيبتي بس المعكرونه انا بتجنبها مع الريجيم أولا لأني بموت فيها ومارح يكفيني عينه صغيره وتانيا لأنها سعراتها الحراريه مرتفعه بلاقي الخبز بشبعني اكتر بس اكيد حجرب طريقتك بعد ما اوصل للوزن المطلوب لأني هذا الي ناويه استمر عليه مدى الحياه بإذن الله تعالى وبالنسبه لباقي الأكلات تكرمي حبيبتي انتظريني قريبا جدا مع الأكله التانيه ):K
أخت جوازل
الله يسلمك حبيبتي سعيده جدا انها اعجبتكم وان شاءالله بما انكم مهتمين بالموضوع الخير لقدام لحد ما نصير كلنا خف الريشه شكرا على مرورك W:
أخت طيف
يا مرحبا يا مرحبا W: والحمدلله انها اعجبتك وسدقيني اذا بقلك اني حتى المحشي وورق العنب عملته دايت وكلها بأفكار بسيطه جدا وبين ادينا يعني اذا ما اكلت الوحده لقمه طيبه متل ما بقولو بعد شغل وتعب اليوم مارح تقدر تستمر على الريجيم واكل الريجيم المسلوق والمشوي اللي ما اله طعم ولا لون انا بسميه عقوبه مو اكل :mad:
وحتى ما لاقي حجه اني لخبط بالأكل خليت دايما عندي توست مطحون ومخلوط بالبهارات جاهز وافخاد دجاج بالفريزر جاهزه للطبخ وحصتي من النشويات بعرفها قستها قبل هيك وطلعت قطعة التوست تلات ملاعق أكل بعد التنشيف والطحن يعني خلال ساعه بكون جهزت لنفسي شي اكله :ss:
مابعرف مين من الأخوات المشرفات اللي عطتني الوسام بس مشكوووووووووره كتير حبيبتي وان شاءالله طول ما انه في بنات مهتمين بالرشاقه رح ضل نزل اختراعاتي حتى تستمرو وما تزهقو

أسيـ الشوق ــرة

16-11-2005, 04:35 AM

شكلها طعمه
جزاك الله خيرا

ام لومي

16-11-2005, 05:09 AM

السلام عليكم ورحمة الله وبركاته
موضوع جميل
جعله الله في ميزان حسناتك

قطة شامية

16-11-2005, 06:48 PM

يم يم .. أشو هاااااااااااااااااااااااااااد ياروز

الله يطيكي العافية

وماتحكي عن الأكل السوري وتنوعة وطأشكاله ودسامته

أعاني مع أهلي من الأصة .. بس الحمد لله ماما بلشت تقتنع وتغير طريقة الطهو

شكرا ياحلوة

ROZALENDA

17-11-2005, 11:23 AM

بسم الله الرحمن الرحيم
أخت اسيرة الشوق
فعلا هيه طعمه جربيها ما حتندمي وشكرا على المرور والرد :)
اخت ام لومي
الله يسعدك على هالدعوه الحلوه انتي الأجمل عزيزتي شكرا كتير على مرورك وتابعيني عندي المزيد ان شاءالله يحوز على اعجابك :-M
قطه شاميه q)
بتعرفي بدي اخنقك انا حتى تحبيني اكتر وتصيري تهتمي برسائلي :-M
وينك يا منظومه بعتلك رساله وطنشتيها :[MM
فعلا أكلنا دسم كتير ولما بنزل على سوريا معدتي بتصير تبكي وتستغيث من الدسم وسدقيني كل سنه برجع وكل اللبس كأني مستلفته من اختي الصغيره وطوووول السنه ريجيمات محاوله اصلاح ما افسدته الصيفيه كله كوم والسمنه البلدي اللي بتحميها ماما وتشششششش عالأكل بعد ما يستوي كوم وقاومي اذا بتقاومي :K)
تسلميلي حبيبتي على مرورك اللطيف متلك وتابعيني اذا مهتمه بالموضوع ان شاءالله قريبا حتصيري مسؤوله عن الطبخ ((K)) جيبي ورقه وقلم واكتبي المسخن الدايت راجعه بالطريقه مع الصور

ROZALENDA

17-11-2005, 12:25 PM

السلام عليكم ورحمة الله وبركاته
رجعتلكم يا رشيقات المنتدى بالمسخن اليوم صحيح الفكره بسيطه كتير بس كنت متخيله البروستد ابسط منها ولما لقيت البنات استفادو منها قلت يمكن هي كمان تكون فيها شي جديد
بسم الله الرحمن الرحيم
المقادير
صدور دجاج مسلوقه طبعا مع بصله صغيره وورق غار بدوووووون بهارات
3 ملاعق اكل زيت زيتون ( لا تكوني كريمه يعني مو ضروري تكون مليانه الملعقه :[]: )
سماق ( انا بحط كتير لأنه هوه اللي بيعطي الأكله طعم حلو )
بصل (كتري يعني لصدر دجاجه وحده بحط تلات بصلات كبار )
خبز المسخن ويفضل اسمر بس انا ما بلاقي منه في كندا فبستعمل الابيض او خبز التورتيلا الأسمر ( خبز المسخن اقل سعرات حراريه ) ويومها كمان ما كان عندي اسمر فاستعملت الابيض
طبعا المفروض صدر الدجاجه يعملك مايكفي غدا يومين وخبزة المسخن الوحده انا كنت احسبها حصتي لمدة يوم كامل من النشويا طبعا هيه كبيره كتير بس رقييييييقه جدا لذلك اعتبرتها حصة يوم كامل من النشويات لذلك اذا اخدتي نصها على الغدا ( المفروض نصها يشبعك وزياده لأني بكتر فيها الحشوه ) بيبقى عندك نص حصة نشويات للعشاء قطعة توست اسمر مثلا :)
لا تضيفي الملح لأنه السماق فيه طعم كفايه وملوحه بتغنيكي عن الملح
والطريقه هيه المعروفه والعتاده للمسخن وللي ما بتعرفها
أول شيء قطعي البصل جوانح وارفعيه على النار مع زيت الزيتون حتى يحمر وبعدين اضيفي صدور الدجاج والسماق وانا بضيف شويه من مرقة الدجاج يعني يادوب رشه حتى يتشرب الدجاج السماق وبعد ما نشفت
صرتي جاهزه لحشيها والصوره توضح

http://www.lakii.net/images/Nov05/rozalenda_XFLQrT.jpg

http://www.lakii.net/images/Nov05/rozalenda_Qmkp9S.jpg

بس طبعا الحشوه هنا قليله كتري الحشوه حتى تكون عندك كمية الخضار والبروتين اكتر من النشويات
وبعدين اخلطي على جنب شوية من شوربه الدجاج اللي سلقتيه مع ملعقة زيت زيتون وحده كمان ما تخليها مليانه
[COLOR=DarkRed]طبعا الدسم الجسم بيحتاجه ولازم تدخليه لنظامك الغذائي بشكل معقول ومتوازن على الأقل ملعقة من الزيت او المايونيز او صوص السلطه الجاهز او اللي تحبيه باليوم ( ماعدا الشحوم المشبعه مثل السمنه ) والان بعد ما خلطتي الشوربه بالزيت ادهني الصينيه بالفرشاه من الخلطه حطي المسخن فوقها خلي الباقي على جنب لأنك حتدهني وش المسخن منها كمان

http://www.lakii.net/images/Nov05/rozalenda_9I1Bci.jpg

[COLOR=DarkGreen]بعد ما تدهني وش المسخن بباقي الشوربه دخليها الفرن ولحد ما تتحمر شوي من فوق وكلي معها سلطه ولبن قليل الدسم اذا بتحبي وصحتين وهنا

http://www.lakii.net/images/Nov05/rozalenda_IEsGMS.jpg

انتبهي انه تكون الحشوه اكتر من الصوره يعني انا بحط عادة 3 اضعاف اللي بالصوره بس يومها كنت بدي اخدها معي برا فعملتها صغيره

http://www.lakii.net/images/Nov05/rozalenda_U49KQ4.jpg

ان شاءالله تعجبكم الوصفه وطول ما انكم متجاوبين معي بجبلكم جديد ان شاء الله :-M

طيـــف

17-11-2005, 12:36 PM

رووووز مشاءلله عليكِ افكار واطباااق رائعه رائعه
كتيرررررررررررررررررر عجبتني فكره المسخن وشكله
حتى فكره المحشي

ياسلام عليكِ ياسلام بتتساهلي احلى وسام
الله يعطيكِ الف صحه وعافيه يارب

بس عجبتني طول السنه رجيمات افساد مااصلحه الدهر:D:D:D:D:

قطة شامية

17-11-2005, 02:05 PM

ييييييييييييييييييييييييي
روزي حياتي والله بعتلك ميلين.. واحد على رمضا والتاني على العيد

معئول ماوصلوكي على الهوت ميل؟؟؟

تئبريني والله العظيم مشتائتلك وبالي عندك .. وامبارح دخلت المنتدى وشفت أسمك وفورا اتجهت لعندك

بعدين شو مشااااااااااااااااااااااااااااااااان هالطبخات هي.. ياويلي بابينت ست بيت شطورة
ولي أنا بنوب بنوب مو هيك بس بكرة أكيد بصير هيك ..

مشتائتلك كتيييييييييييييييييير كتيييييييييييييير

روزي بتعرفي كيف بينعمل التشيز كيك؟؟؟؟؟

طيـــف

17-11-2005, 02:18 PM

ئطوووووووط
بكره بتصيري اشطر من هيك بس خلي عندك نييييييييييييه

لو بدك انا سبق سويت تشيزكيك ررررررررررائع
واحد بالفراوله وواحد بالنسكافيه
بدك؟

طيـــف

17-11-2005, 02:27 PM

هيهم
نسكافيه تشيزكيك
http://www.lakii.com/vb/showthread.php?t=124836&highlight=%CA%D4%ED%D2%DF%ED%DF

وهاي بالفراوله بتجنننن
http://www.lakii.com/vb/showthread.php?t=121131&highlight=%CA%D4%ED%D2%DF%ED%DF

سنيكرس تشيزكيك
http://www.lakii.com/vb/showthread.php?t=117356&highlight=%CA%D4%ED%D2%DF%ED%DF

قطة شامية

17-11-2005, 02:29 PM

ئطوووووووط
بكره بتصيري اشطر من هيك بس خلي عندك نييييييييييييه

لو بدك انا سبق سويت تشيزكيك ررررررررررائع
واحد بالفراوله وواحد بالنسكافيه
بدك؟

ولك تبشي ألبي.. ويخليلي ياك...

طبعا بتمنى توضعيلي المقادير.. لأنو العمو تبعي(خطيبي) بحبها كتير

طيـــف

17-11-2005, 02:31 PM

ههههههههههههههههههه حلوه العمو
ههههههههههههههههههه قصدك الافندي
الله يخليكم لبعض يارب
حبيبتي انتي اؤؤؤبر عدوينك يارب

قطة شامية

17-11-2005, 06:13 PM

أيواااااااااااااا هلأ عنا بيقولوا كيفوا أفنديكي.. يعني زوجك
بس أنا بقول العمو تبعي.. لأنو للكل بقول عمو

عمو الشرطي.. عمو البياع... عمو الحلاق.. عم النجار

شكرا حياتي على الوصفات أسهل وحدة تبع السنكرس

ROZALENDA

17-11-2005, 08:20 PM

طيوف
تسلميلي يا رب والحمدلله انه وصفاتي المتواضعه عجبتك وان شاءالله كل ما بعمل وصفه لذيذه وتنفع للريجيم بزودكم فيها حتىالمحشي ان شاءالله بعمله قريب وبنزل الصوره سدقيني ما بتسدقي انه دايت
بس في طريقه نغير العنوان حتى تعرف العضوات انه في اكتر من وصفه ؟
قطه
وانا مشاقه جدا وفي قلبي لوعه وعم عد الأيام حتى تجي الصيفيه واجي على سوريا وشوف كل حبايبي
والتشيز كيك حبيبتي طيوف ام الفنانات ما شاءالله عليها احلى شي كل وصفاتك اللي نزلتيها يا طيوف جيت بدي احفظها عالمفضله قلي موجوده من زمااااااااان ::JH::
وبعدين شو قاعدين عم تحكو تشيز كيك وما تشيز كيك عم نحكي دايت هون قلبتوها تشيز كيكات :mad: ( قال يعني ما فتحت الرابط اول ما شفته ((K)) )
في طريقه كتير سهله وما بتاخد وقت وطيبه كتير ان شاءالله بنزلها قريب مع صوره بس طبعا مو هون بقسم الحلويات مو بحلاوة اللي نزلتهم اخت طيف بس بحبها لأنها سهله كتير
قطوطه حبيبتي اكيد بكره بتصيري احلى واشطر طباخه بالعالم المكتوب من عنوانه الله يسعدك يارب :)

لـــمـــووو

18-11-2005, 01:46 PM

الله يبارك فيك حبيبتي
اطباق راااااااااا:-sااااااائعة ومفيدة
الله لايحرمنا من ابداعاتك
):K

اذا بدك تغيري العنوان اوكية بس اكتبية وانا اغيرة
;)

سراء

19-11-2005, 03:33 AM

السلام عليكم ورحمة الله وبركاته
الله يجزاك خير000000راااااااااااااااائعه

ROZALENDA

19-11-2005, 10:32 PM

أخت لمووووووو
تسلمي حبيبتي على الدعوه الحلوه ولا يحرمنا من طلاتك الحلوه علينا W:
الإسم متل ما بحبي ما بتفرق المهم العضوات يعرفو المضمون ويستفيدو منه مثلا ( وصفات شهيه بسعرات حراريه قليله )
أو ( أستمتعي بالأكل واخسري وزن ):K ) يعني اللي بتشوفيه حبيبتي مااااااااا بتفرق :[]L
أخت سراء
مرورك الأروع حبيبتي :-M وتابعيني فعندي المزيد
وينكم يا بنات اكثر الردود هيه ردودي ما حدا مهتم بالريجيم من عضوات المنتدى q) q) q)
الوصفه القادمه هيه الفلفل المحشي وهي الوصفه بدون نشويات وتنفع للي ريجيمها بدون نشويات على الغدا وقلت على الغدا لأني ضد وضد وضد ازالة النشويات بشكل نهائي من الحميه لأنه الجسم بيحتاجها وازالتها تؤدي الى الملل وترك الحميه بزمن قياسي
بس ماااااااااااا رح نزلها حتى حس انكم فعلا مستفيدين من هالوصفات وانها قدمت لكم افكار جديده مع اني بكره هالإسلوب بس صراحه الموضوع بياخد مني وقت لأني انا والتكنولوجيا ضراير ويادوب على قدي
والقو نظره على عدد الزيارات بالنسبه لعدد الردود بتعذروني
ودمتم بصحة وعافيه

Homa

21-11-2005, 06:33 PM

غاليتيROZALENDA

انا عايشه في كندا كمان وعايزه اعرف طريقتك في انزالك ال45 كيلو بليززززززز لانه انا في حاله يرثي لها ارجوكي وريني

واكلاتك لذيذه تسلم ايدك

em morad

22-11-2005, 06:15 AM

جزاك الله خيرا

Thank you so much your diet recipes so good actually good for us because we eat this and that and become like a balloon thank you so much ):K

ROZALENDA

22-11-2005, 09:05 AM

عزيزتي HOMA
اللي عملته ببساطه خففت الأكل ( وابتعدت عن ريجيمات التجويع ) وساعة رياضه باليوم مشي سريع بالبدايه وبعدين تحولت للركد بالتدريج وحاليا والحمدلله بركد ساعه كل يوم بدون ما حس باللإنهاك وكمان كنت اعمل شوية رياضه بس مؤخرا ركد بس بسبب ضيق الوقت اما عن الريجيم بالتفصيل ان شاءالله بكتبه بموضوع منفصل قريبا والله من زمان نفسي اكتبه والبنات يستفيدو منه بس وقتي صعب كتير بس كرمالك حبيبتي انتظريني قريبا
أخت em morad
أهلا وسهلا بمرورك والحكايه بس بدها شوية تغيير بعادات الطبخ وان شاءالله لا بالونات ولا تفاحات شكرا على مرورك
راجعتلكم مع الوصفه التالته

ROZALENDA

22-11-2005, 09:35 AM

السلام عليكم ورحمة الله وبركاته
كيفكم يا رشيقات المنتدى ياترى حدا جرب الوصفات
هي الوصفه انا بحبها كتير لأني من كتر ما اكلت لحومات زهقت منها وبلاقي هي الوصفه تغيير وبنفس الوقت لذيذه وفيها بروتين بيغني عن اللحومات وسدقوني حتى أهل البيت بياكلوها معي والأولاد اللي ما بياكلو خضار شكلها مغري والخضار فيها ما بتبان كتير بحبو طعمها وبياكلوها بدون ما يحسو شو فيها خصوصا اذا عملتي جنبها فتوش يمي يمي :-M
نبدأ بالصوره
http://www.lakii.com/img/all/Nov05/lo2c0j11220007.jpg[/IMG]

كيف عجبكم الطعم الله يجعله صحتين وهنا يالله بشوفكم بالوصفه رقم 4 سلاااااام W:

لا عم امزح هي الطريقه مع المقادير :D
أول شيء حضري صينية الكب كيك وجيبي الفلفل اقطعي من فوق وفرغيه من البذر وحطي كل وحده طبعا لحالها بصينية الكب كيك
بعدين حيلزمك كيس خضار متلجه عبي كل فلفله بالخضار على قد ما تقدري
على جنب اخفقي 4 بيضات مع نص كوب حليب قليل الدسم وبهارات على ذوقك مع بودرة بصل وشوي بودرة ثوم ( هي بترجع لذوقك انا مثلا بضيف بس فلفل وبودرة بصل وبودرة توم بدون بهارات )
عبي الفلفل بمزيج البيض وانتبهي تخليها واقفه بشكل شاقولي تماما حتى ما ينكب البيض منها ودخليها الفرن وبعد ما تستوي طلعيها من الفرن ورشي على الوجه جبنة موزاريلا أو تشيدر قليلة الدسم ورجعيها الفرن من فوق بس خمس دقايق أو حتى تتحمر شوي انا يومها كنت مستعجله وما استنيت تتحمر
ملاحظات
حتى لو انكب منها بيض ما تخافي ما بتخرب بضل طعمها وشكلها حلو
للمره المليون يا بنات حاولي تستغني عن الملح يمكن تلاقيها صعبه بالبدايه بس بعدين حتتعودي على الأقل على ملح قليل جدا
بهالوصفه الموضوع صعب شوي لأنه ما بدك تكتري جبنه بسبب سعراتها الحراريه المرتفعه يعني مافي بديل يعطيكي طعم الملح فإذا كان ولا بد اضيفي شوييييه ملح بس على خلطة البيض بس اذا بدك تقدميها للناس طبعا أضيفي الملح وخلي شوي على جنب الك بدون ملح وإالا بيقلولك مين اللي عطاكي هالوصفه الله لا يعطيها العافيه فوق تعبها وساعتها بزعل كتير :K)
وصحتين وهنا

ROZALENDA

22-11-2005, 09:37 AM

نسيت أشكرك أخت لموووو على تغيير عنوان الموضوع سلمت الأيادي عزيزتي وجزاك الله خيرا

طيـــف

22-11-2005, 09:38 AM

رهييييييييييبه يارووووز
جد وصفه بتجننننننننننننننننن
انا لازم اسويها
لاني ماباكل الخضار وبهالطريقه اغرررتيني اكلها

جد رائعه رائعه رائعه

em morad

23-11-2005, 08:05 AM

السلام عليكم ورحمة الله وبركاته Actually this recipe is so good I will try it soon especially I am on diet now thank you so much if you can tell me the way you write in arabic I am live in USA and I am try many way to write in arabic but It didnot work with me thank you so much. ):K

ROZALENDA

23-11-2005, 01:03 PM

العزيزه طيوف
انتي الأروع وسدقيني جربيها ما بتندمي سدقيني بعملها الي بياكلوها اكتر مني بالبيت ودائما مع اكل الريجيم بطلع بعينه ماشاءالله بيتركو الطبخ وبياكلو معي بس بقول يالله صحتين وعوافي اسمه أكل صحي بس بتعرفي سدقيني انا كنت اكبر عدو للخضار بس اتعلمت اطبخها بطريقه تحببني فيها وانا وراكي وراكي حتى تصيري تحبيها وما تستغني عنها متلي سدقيني صحن السلطه اللي بينحط على سفرتي كل يوم بكفي عزيمه بس ما بيبقى منه شي ياستي مع الوصفه القادمه الك مني صحن سلطه لعيونك بتاكلي اصابعك وراها ):K
اخت ام مراد عزيزتي بدك تحملي الويندو العربي اذا ما بتعرفي قليلي وبشرحلك بالنسبه للوصفات جربي وخبريني اذا عجبتك وصحتين وعوافي مقدما W:

قطة شامية

23-11-2005, 02:32 PM

ولك تئبشي ألبي يارب.. بكل شي مميز
منياااااااااااااااااااالو شو محظوظ

Homa

23-11-2005, 05:22 PM

غاليتي ROZALENDA

يمي يمي شو بشهي يعطيكي العافيه وانا منتظراكي

em morad

23-11-2005, 09:37 PM

بسم الله الرحمن الرحيم

MY DEAREST ROZALENDA THANK YOU SO MUCH FOR YOUR ANSWER I AM ACTUALLY TRY MANY WAYS IF YOU CAN TELL ME YOUR WAYS I WILL BE SO THANKFULL TO YOU I WILL TRY YOUR RECIPE FOR SURE IT'S SO GOOD :-M

طيـــف

24-11-2005, 11:51 AM

روووز حبيبتي

رائع مشاءالله بانتظار وصفاتك وباقي اطباقك
ورح احكي لاسوره مشان اضافه المساحه
اعذريينر ردي على السريع لاني طالعه رايحه الممممشي
:) وبس ارجع بحكي معك اوكي تؤؤبريني

ROZALENDA

26-11-2005, 11:35 AM

حبيبتي قطه
الله يخليكي يارب هاد من ذوقك سدقيني حضورك دائما هوه المميز واللطيف
العزيزه HOMA
الحمدلله انه عجبك ويارب تجربيه خليكي متابعتيني عزيزتي وان شاءالله كون عند حسن ظنك
اخت ام مراد
شيكي على الرسائل عزيزتي بعتلك كم سؤال عالخاص
العزيزه طيوف
خدي راحتك حبيبتي المهم انك تكوني بخير وسلامه يالله شدي الهمه عالرياضه وشجعينا معك http://www.asmilies.com/smiliespic/sport/018.gif (http://www.asmilies.com)
وشكرا كتييييير على مساعدتك ودعمك الي http://www.asmilies.com/smiliespic/smiliestxt/004.gif (http://www.asmilies.com)

ROZALENDA

26-11-2005, 12:07 PM

السلام عليكم ورحمة الله وبركاته
سامحوني اخواتي على التأخير بس موضوع اختفاء الصور بردلي همتي بس ان شاءالله انا معكم من اليوم ورايح لحد ما نصير كلنا خف الريشه وبدون تعب او ملل بعون الله تعالى
هي الوصفه عملتها كتير بالصيف مع اني كرهت اللحومات بأنواعها كتر ما أكلتها بس سدقوني اكلتها كتير بالصيفيه ومع ذلك ما زهقت منها لأنه البهارات فيها بتعطي طعم لذيذ كتير ولازم نلاحظ انه السر بالبهارات
طبعا الوصفه هيه وصفة التندوري المعتاده بس انه ما أضفت زيت والملح استعضت عنه بشوي من بهارات الدجاج الخاصه بالشوي واللي فيها ملح وقبل ما نزلها عملت بحث ولقيت جميع وصفات التندوري دسمه ولا تنفع للحميه ان شاءالله مع هذه الوصفه لا مشكله
الطريقه مع المقادير
اخلطي على جنب نص كأس لبن زبادي ( انا ما استخدمت قليل الدسم لأنه خبرتي معه بعد تعريضه للحراره سيئه جدا عدا عن ذلك الدسم معظمه بيسيل من الدجاج بعد الشواء )
مع ملعقتين مليانين بهار الماسالا ( ضروري ) وملعقه مليانه بهارات التندوري الهنديه
ملعقه مليانه خل مع ملعقه مليانه ليمون
بهار دجاج كما ذكرت سابقا
3 فصوص توم
اخلطيها جيدا بالشوكه ولاحظي انها تكون سميكه بعض الشيء
والان اغسلي الدجاج وانزعي جلده وغزي فيه السكين بشكل عشوائي حتى يتشرب الخلطه ثم جففيه من الماء واذا لزم الأمر استخدمي مناديل المطبخ الورقيه
غمسي كل قطعه من الوجهين بالخلطه ورتبيها بصينيه مسحطه بهذا الشكل
http://www.lakii.net/images/Nov05/rozalenda_HiLA3r.jpg
لاحظو لون الصلصه
خليها من الليل الى تاني يوم وأنا احيانا اذا ما عندي وقت بخليها اقل ممكن ساعه وحده في بعض الأحيان مع تقليبها كل ما سنحت الفرصه
والان اشويها وانا في الصوره ما شويتهالأنه برا بردددد كتير حطيتها بالفرن بصينيه شبك حتى ينفصل الدسم عن الدجاج تماما طبعا الشواء ألذ بكتير
http://www.lakii.net/images/Nov05/rozalenda_OF7zNT.jpg
الصوره ما وضحت كتير بس اللي مابتعمل الدجاج التندوري تجربها سدقوني لذيذه جدا

عبير صباح الدين

26-11-2005, 12:20 PM

روزاليندا حبيبه قلبى اكلاتك حلوه جدا

وباذن الله هاجربها تنفع مع نظامى تمام

شكرا حبيبتى

السيدة وقار

26-11-2005, 03:35 PM

.................................................. .((K)) ((K)) ((K)) ((K)) ((K)) .................................................. ...

السيدة وقار

26-11-2005, 03:37 PM

رهييييييييييييييييييييييييييييييييييييبة

أنا من فتره عملت ريجيم اسمه الهيلتون دايت كان مرة فظيع
ويعتمد على انه مافيه ملح في الاكل
بس جا رمضان
وعادت ريمه لحالتها القديمة وأصبح الوزم أضعاف مضاعفة
نفسي أخسر 35 كيلو من وزني بس ،، قليل مو هيك
ياريت تحطيلنا تجربتك مع ال45 كيلووووووووووووووووووووووووووووووووووووووووو

وطبخاتك حجربها وأرد عليكي إن شاءالله

والله يحفظك

ام ياسر ع

26-11-2005, 06:04 PM

السلام عليكم ورحمة الله وبركاته
مشكوره جدا اختي العزيزه روز على هذي الوصفات
ومن راي اعتبرها وصفات جدا صحيه سوا للي بيعملو رجيم او لا
لانها تصلح لجميع افراد العائله للحفاظ على صحتهم من الدهون الزائده في الاكل
ارجو منك اختي الغاليه ان تمدينا بمثل هاي طبخات لاني بصراحه عامله لها ملف خاص
وراح تكون وجبات لي ولجميع افراد عائلتي ارجوكي لا تتأخري علينا ( اختك المحبه ) ):K W: :-D :-s

Homa

26-11-2005, 10:06 PM

السلام عليكم ورحمة الله وبركاته

غاليتي روزاليندا

لك كل التحيه

انا فعلا جربت وصفاتك كلها واليوم بعمل افخاد الدجاج بصراحه روعه وفعلا صحيه واولادي حبوها جداً

بس برضه منتظره الرجيم ارجوكي فضى لى وقتك رجاءً

شوفي انا و السيده وقار منتظرين

لكي كل التحيه والحب

ROZALENDA

27-11-2005, 11:46 AM

الأخت عبير
الحمدلله انها نالت على اعجابك واتمنى يعجبك الطعم اكتر وبالتوفيق مع نظامك تابعيني عزيزتي وشكرا على مرورك
الأخت السيده وقار
معلش عزيزتي اللي راح راح المهم انك انبسطتي واستمتعتي بالأكل برمضان ولاتندمي على مافات وهلأ شدي الهمه وابدئي معي بأقرب فرصه وال35 كيلو لا تستكثريهم غيرك نزل اضعافهم وانشاءالله بتقدري عليهم المهم اعطي جسمك فرصه ولا تستعجلي بالنزول وتكرم عينك حبيبتي مع انه نظامي سهل وبسيط جدا بس بنزل التفاصيل باقرب فرصه بإذن الله تعالى
اخت ام ياسر
كلامك اسعدني جدا الله يسعدك وفعلا صرت اطبخ اكثر من حاجتي لأن الكل بيشاركني الأكل مما يدل انه الأكل الصحي لا يعني انه يكون عقوبه ومن عيوني حبيبتي كل ما بعمل اختراع جديد بوافيكي بالنتائج والطريقه
الأخت HOMA
ياستي من هالعين قبل هالعين وبوعدك قبل نهاية الاسبوع بكون نزلت التفاصيل ان شاءالله والحمدلله ان الوصفات عجبتك تابعيني فالقادم بحبوه الأطفال كتير شكرا جزيلا على المتابعه والكلمات الطيبه
راجعتلكم مع ايسكريم صحي ولذيذ جدا

طيـــف

27-11-2005, 11:48 AM

ياعيني ياعيني

شوهالحلاوه هاي ياروز

ياريتك جارتي
كان استفدت منك مضبوط
:) كل يوم بتغدي عندك:)

جد مشاءالله عليكِ اكلات بتفتح النفس
الهم حق يتركو اكلهم ويلاحقوكِ على اكل الرجيم:)

ROZALENDA

27-11-2005, 12:39 PM

السلام عليكم ورحمة الله وبركاته
كيفكم يابنات رجعه قريبه كتير
اليوم عملت هالوصفه مع انه درجة الحراره عندي تحت الصفر بس عن جد طلعت لذيذه كتير واتعشيتها وما قدرت اكل بعدها مع اني كنت جوعانه كتير قلت باكل شي يخفف جوعي قبل العشا بس سدقوني حسيت بعدها مافي داعي للعشا ننبدأ بالصوره
http://www.lakii.net/images/Nov05/rozalenda_h5xD0f.jpg

الدنيا ليل والإضاءه عندي خافته بس ما علينا
المقادير
تفاحتين حجم وسط مقشرين
نص موزه
اتنين كيوي
حوالي سبع فراولات
كوب اناناس طازج طبعا
نص كوب لبن زبادي قليل الدسم
أربع ملاعق حليب سائل قليل الدسم
رشه بسيطه جوز هند ( ممكن تستغني عنها )
قرفه
رشه لوز مبشور للزينه ( جسمك بيحتاج اللوز بالإضافه انه في دراسه انه القليل من المكسرات يساعد على خفض الوزن )
الطريقه
قطعي الفواكه كيف ما كان مابهم الشكل :[]L
اخلطي جميع المقادير مع بعض ماعدا اللوز والقرفه ( ممكن تخلطي القرفه معهم اذا بتحبي بس انا برشها على الوجه )
حطيهم بعلبه وغطيها واتركيها بالفريزر اربع ساعات على الأقل
طلعيهم من الفريزر وخليها على جنب من خمس الى عشر دقايق على حسب حرارة الجو عندك وبعدين اخلطيهم بالخلاط وقدميها بعد مل ترشي عليها قرفه ولوز
انا اكلتها هيك بس الباقيين حطيتلهم عليها عسل
ممكن اذا بتحبي الحلو كتير ترشي عليها سكر الريجيم
وكمان للي اولادها بيحبو الايسكريم ممكن تخلطي عليها ملعقتين ايسكريم فانيليا او فراوله اي على ذوقك بتطلع لذيذه كتيروحتى ممكن تتقدم لضيوفك مع ملعقة قشطه ورشة مكسرات وعسل بس ساعتها أوعي تمدي ايدك عليها :S:
طيوف حبيبتي يا أهلا وسهلا فيكي بتشرفيني والك عليي لأدبحلك اسمن خاروف بالبلد وساعتها مافي ريجيم كبه ومحشي وكنافات شاميه بس :D بشكرك كتير على تواصلك عزيزتي الله لا يحرمني من طلاتك على مواضيعي W:
الشكر من أعماق قلبي للأخت أسيرة الغربه فلولا دعمها ما استطعت اضافة أي وصفه جزاها الله خيرا

لـــمـــووو

28-11-2005, 06:44 PM

والله رووووووووووووووووووووووووووووووووعة

):K ):K ):K
ايش هالاباد ع الحلوووووووووووووووو والمميز :-s
والله اكلك بيجنننننننننننننننننننن وبياخذ العقل ما شاء الله عليك

:-Y

الله يسعدك ويحرمك عن النار
يا عسسسسسس::HH:: سسسسسسسل

Pasta

28-11-2005, 10:58 PM

ماشاء الله .. الله يحفظك شنو هالاكلات اللذيذه
تسلم يدج وان شاء الله ينزل وزنج وانتي بصحه وعافيه يارب

وياريت ياقلبي تكتبين تجربتج مع الرجيم عشان نستفيد منج

مانو

28-11-2005, 11:43 PM

ماشاء الله عليك حبيبتي روزشو هالوصفات بتجنن وأن شاء الله رح أجربهم بعدماأنتهي من نظام الحمية اللي متبعتو والله يعطيك العافية بانتظار المزيد وخصوصآالمحشي اللي سبق ووعدتينا فيه ترى أنت تعرفين أهل بلاد الشام يموتون بالمحشي

em morad

29-11-2005, 01:16 AM

ROZELENDA

اخيرا اصبح الكمبيوتر يكتب بالعربي شكرا لله سوف اتابع وصفاتك دائما واريدك ان تتحفينا بالمزيد وخاصة الحلويات

شكرا جزيلا لتعاونك ws:-)

طيـــف

29-11-2005, 11:52 AM

روز ياحبيبتي

واصل خروفك ياقلبي
كلك ذوق وكرم الله يجعله دايما عااااااااامر بالخيرات والمسرات يارب
ولو مافي شكر بين الاخوات
الله يعلم معزتك شو بالقلب

بس دخلك والاطباق الجداد يالله بنتظر انا

أسيرة الغربة

29-11-2005, 11:28 PM

الله يجزاك خير غاليتي :)
الشكر موصول لك فانت تقومين بخدمة جليلة في وضع وصفات صحية يحتاجها سواء اصحاب الحميه أو غيرهم ...
والجميل فيها أنها مجربه ومصوره يعني نعتمدها :)

ROZALENDA

30-11-2005, 01:44 AM

السلام عليكم ورحمة الله وبركاته
الأخت لمووو
والله انتي اللي لسانك بينقط فرفيط سكر تسلمي على هالدعوه الحلوه ولك مثل ذلك والله اسعدتني الله يسعدك وشكرا كتييييييييييييير الك على مساعدتك وتواصلك معي حبيبتي W:
الأخت pasts
اسمك لحاله جوعني لأني بموت بالمعكرونه الله يسلمك ويخليكي يارب وتكرم عينك حاكتب تجربتي قريبا ان شاءالله بس هلأ كمبيوتري في الطراوه في مشكله وتقريبا ربع شغال وان شاءالله اول ما بيتصلح من هالعين قبل هالعين حاكتب قصة حياتي كلها (K): مو بس تجربتي مع الريجيم ( مزحه ((K)) ) أسعدني مرورك عزيزتي :-M
الأخت مانو
تسلمي حبيبتي وشكرا كتير على ذوقك وكلماتك بس هي الوصفات بتنفع مع الريجيم وفي منها ما بيحتوي على نشويات اذا ما عندك نشويات بنظامك اما عن المحشي تكرم عينك حبيبتي ان شاءالله قريبا W:
الأخت ام مراد
الحمدلله ان مشكلتك انحلت وولو ياستي اطلبي على كيفك تكرم عينك حبيبتي والحلويات ان شاءالله عندي وصفات كتير بس المشكله معظمها بتحتوي على جيلي دايت وانا حابه اعطي البنات وصفات تكون في متناول اليد حتى ما يصير لحدا حجه بس تابعيني ما بخيبك ان شاءالله شكرا كتير على تواصلك :)
العزيزه طيوف
الله يسلمك حبيبتي وإياكم ان شاءالله وسدقيني القلوب عند بعضها وباقي الوصفات يا ستي سدقيني شي منها جاهز بس اللي معطلني هالكمبيوتر مابعرف في عطل وان شاءالله اليوم بحاول صلحه طلي عليي مارح طول :[]L
العزيزه أسيرة الغربه
عزيزتي منتدى لك قدم لي الكثر والكثير والأخوات هنا سدقيني أقرب لي من صديقاتي اللاتي أراهن تقريبا بشكل يومي فهذا أقل من قليل أستطيع تقديمه الى أخواتي الغاليات على قلبي وبالنهايه الى بيتنا الذي جمعنا منتدى لك أسعدني جدا مرورك الكريم دمت بصحة وعافيه :)

Homa

30-11-2005, 06:01 PM

السلام عليكم ورحمة الله وبركاته

http://www.althkra.net/pic/ep/Bow13.gif

يا روزاليندا ياعسل

قطة شامية

30-11-2005, 06:21 PM

روزي بدنا شي أكلة بيتزا للدايت ,,,, على كيفك؟؟

وينك أنت مو مبينة؟؟؟ اشتئتلك

ROZALENDA

02-12-2005, 09:21 AM

العزيزه HOMA والعزيزه قطه شاميه
أشكركم من قلبي على متابعتكم وتواصلكم معي رجعتلكم اليوم وايدي مو فاضيه خليكم معي يا حلوين

ROZALENDA

02-12-2005, 10:07 AM

السلام عليكم ورحمة الله وبركاته
كيفكم يابنات الحمدلله اتصلح الكمبيوتر عندي او نص اتصلح بس ماشي الحال المهم اقدر اتواصل معكم
وصفة اليوم لذيييييييذه جدا لدرجة اني قررت ما عد اعمل منها بتعرفو ليش ؟ لأنه كان التوقف عن الأكل لما عملتها صعب كتير وماعاد ريجيم صار نظام تسمين :D
بسم الله نبدأ
المقادير
خبز برجر أسمر أو فلفل كما في وصفة الفلفل السابقه
[بصل مقطع صغير
فطر مقطع شرائح
فلفل اخضر ( او اي لون ) مقطع صغير
بهارات على ذوقك
دجاج مسلوق او مشوي مسبقا ( ممكن الاستغناء عنه انا بصراحه ما بضيفه )
4 بيضات مخفوقين مع نص كاس حليب قليل او خالي الدسم ( ممكن تحتاجي اكتر على حسب كمية الخبز اللي عندك )
رشة جبنة تشيدر او موزاريلا قليله الدسم مبشوره
الطريقه
حضري الحشوه اولا حمري البصل على نار هادئه واستخدمي بخاخ زيت ولما يصير لونه بني فاتح اضيفي الفلفل والفطر وارفعي درجة الحراره تحته وقلبي لحد ما تنشف كل السوائل بعدين اضيفي الدجاج اللي عندك وقلبي دقيقتين اضيفي بهاراتك وطفي وخليها على جنب
جيبي الخبز وافتحي كل خبزه من الأسفل وليس من فوق وفرغيها من الداخل وانتبهي ما تفرغيها تماما من الأسفل ( اللي هوه المفروض انه الأعلى بس لا تنسي انك قلبتيها ) والسبب انك حتعبيها بيض ومابدك يطلع البيض من الخبز او ممكن تقطعيها بالنص وتفرغيها والفلفل متل العاده اقطعي من فوق وفرغيه
احشيها بالحشوه اللي عندك على قد ما تقدري بس ما تضغطيها كتير خلي مساحه للبيض
حطيها بصينية الكب كيك وعبيها بيض بهالشكل http://www.lakii.net/images/Nov05/rozalenda_P2lio7.jpg
ودخليها الفرن الحامي مسبقا
بعد ما البيض يستوي رشي على الوجه الجبنه ورجعيها عالفرن من فوق بس حتى تسيح الجبنه
اذا تحمر الخبز ما تخافي بضل كتير طيب وهوه مقرمش وهي بعد ما صارت جاهزه
http://www.lakii.net/images/Nov05/rozalenda_rYhmsH.jpg
عبيها بالحشوه اكتر من الصوره بتطلع الذ بس يومها طلعت الحشوه قليله وكسلت اعمل كمان
شكلها بيشبه وصفة الفلفل السابقه بس سدقوني الطعم بيختلف
حشوة الخبز حمرتها بالفرن شوي وتركتها مكشوفه لتاني يوم وبعدين خلطتها مع بصله مفرومه وفصين توم مدقوق ناعم وبهارات دجاج وفلفل وحشيت فيها ديك رومي وممكن دجاجه اذا بتحبو وبعدين حمرته بالفرن صراحه طلعت الحشوه الذ من الديك الرومي جربوها بتدعولي
وهي وصفه للسمك للي بحبو السمك سريعه وسهله جدا
المقادير

سمك شرائح اي نوع يفضل شرائح سميكه
ورق غار ( ورقة لكل شريحه )
ملعقه ونص خردل
توم مدقوق
بقدونس مفروم ناعم
بهارات سمك على ذوقك
جبنة تشيدر قليلة الدسم
فلفل اخضر حلقات
الطريقه
سهله كتير اول شي قطعي الفلفل الاخضر حلقات وافتحي ورقة قصدير وحطي عليها الفلفل وحطي فوق الفلفل ورق الغار ورشي شوية بهار وفلفل
اخلطي جميع المقادير مع بعض ما عدا الجبنه وطبعا السمك وادهني كل شريحه بالخليط وحطيها على ورقة قصدير
رشي كل شريحه بجبنة التشيدر بهالشكل http://www.lakii.net/images/Dec05/rozalenda_CDWx85.jpg
وغطيها بنفس القصديره وخزقيها من فوق حتى يتبخر الماء اللي بيطلع من الفلفل
دخليها الفرن لحد ما تستوي ما بتاخد وقت وقدميها وصحتين وهنا
للأمانه انا ما بحب السمك ولا هوه بحبني :rolleyes: بس اللي عندي اكلوها وقالو لذيذه يعني جربوها بشريحه وحده ما عندي تعليق عليها :[]L
ام اللول تابعيني ما بتندمي راجعتلك مع اكله بتحبيها كتير :ss:

الاء الله

02-12-2005, 10:13 AM

حد يكلمني

ROZALENDA

02-12-2005, 10:35 AM

السلام عليكم ورحمة الله وبركاته
شفتو كيف راجعه وايدي مليانه يا حلوين
قطوط حبيبتي قريت ردك الصبح وما رديت لأنه قلت ان شاءالله اليوم بتكون الوصفه عند قطوط وسدقيني عملتها عالعشا اللي هوه وجبتنا الرئيسيه وماشاءالله اللولاد ما خلولي دور طلعو فيها وعيني عم تطلع :mad: بس يالله عوافي وهنا مليانه خضار وكلها فائده :rolleyes: وقلت على طول بعمل منها على هيك
المقادير
خبز أسمر أو اذا بالك فاضي وعيشك راضي :III: اعملي عجينه بالبيت وهي عباره عن طحين بر وماء ورشة ملح ونتوفة خميره صغيره خليها تخمر على جنب واستعمليها بدل الخبز بس ام اللول بعرف حبيبتي بالك مو فاضي ((K)) وحتختاري الحل الأسهل وهو الخبز الأسمر :-M
طماطم مفرومه ( بالخلاط )
بصله مفرومه ناعم ( كمان عملتها بالفرامه شايفين ما احلى عصر السرعه )
ملعقة كبيره صلصة طماطم
اوريجانو
فلفل اخضر شرائح
فطر شرائح
زيتون
جبنة موزاريلا قليلة الدسم
ملعقة وااااااااحده فقط زيت زيتون ( لأنه بكفي الدسم اللي بالجبنه حتى ولو كانت قليلة الدسم فهي دسمه )
الطريقه
حمري البطل بملعقة الزيت وبعدين اضيفي الطاطم وملعقة الصلصه وخليها تتسبك وطفي عليها ( ممكن تحتفظي فيها بالبراد لوقت الحاجه ) وفي وصفات كتير بنستخدم فيها هي الصلصه مو بس البيتزا
بكل بساطه افردي الخبزه على صينيه وادهنيها بالصلصه بعدين رشي اوريجانو
عندك حلين ما الهم تالت اما انك ترشي الجبنه وفوقها الخضار المقطعه والزيتون او الخضار وفوقهم الجبنه والزيتون وممكن تحطي دجاج مسلوق أو اناناس أو على ذوقك
وهي الطريقتين جنب بعض http://www.lakii.net/images/Dec05/rozalenda_MqSYdE.jpg

حمي الفرن من فوق بس ودخليها يكون حامي حوالي ربع ساعه او حتى تستوي الخضار شوي ودوقي وادعيلي
http://www.lakii.net/images/Dec05/rozalenda_q2IEKl.jpg

اول شي شفتها اتحمرت زياده من الاطراف قلت المره الجايه بدهنها كلها بالصلصه حتى الأطراف بس بعدين لقيت حبو الاطراف المقرمشه اكتر شي
يارب تعجبكم مجايبي اليوم وانتظروني مع وصفات جديده
HOMA حبيبتي المحشي جاي عالطريق تابعيني هالكم يوم W:

لـــمـــووو

02-12-2005, 02:24 PM

http://www.lakii.net/images/Nov05/rozalenda_P2lio7.jpg
http://www.lakii.net/images/Nov05/rozalenda_rYhmsH.jpg
http://www.lakii.net/images/Dec05/rozalenda_CDWx85.jpg

ماشاااااااااااااااااااااااااااااااااااااء الله
قمة في الجمال والابداع
عن جد ما يقدر اقاوم الاكل الذيذ الله يحفظك
كلك ذوووووووووووووق وحركات
وبصراح طريقة التقديم كثير حلوة ومشهية
وانا بشجع الاكل المنوع وخاصة للي يعملو حمية

بارك الله فيك دائما" رائعة

Homa

02-12-2005, 06:09 PM

السلام عليكم ورحمة الله وبركاته

روعه يا روعه

والله قمه في الابداع

وفي انتظارك يا جميل ومتابعاكي علي الاخر ... ماتخافي

الله يقويكي

سؤال ياابله روز وأسمحيلي بكلمه ياابله لانك ابله فعلاٌ هل ممكن نستخدم بياض البيض بدل البيض الكامل ..انتي عارفه عشان الاكل يبقي صحي علي آلاخر

لكي التحيه

em morad

03-12-2005, 10:30 PM

صراحة صور الاكل بتشهي يسلمو اديكي اكثير عم بنغلبك معانا استحملينا بس الكل هاكل هم كيف ينزل وزن
بدي ادور على طحين اسمر صراحة علشان اصير اعمل البيتزا بالخبز الاسمر لانه نحن من محبين البيتزا
والفلفل المحشي اشي بيشهي يسلمو اكثير يا احلى ROZELENDA

عبيرالازهار

03-12-2005, 11:03 PM

جزاكي الله الف خير اختي روزا فعلا افكار رائعه تساعد في الاستمرار فتره طويله علي الريجيم وربنا يعيننا ان شاء الله

طيـــف

04-12-2005, 12:35 AM

بانتظار جديدك يااحلى روز

طيـــف

04-12-2005, 12:39 AM

مشءالله تبارك الرحمن شو فنانه ورائعه

جد بسسسسسسس بدي اضل اطلع بالصووووووووووووووووور

ROZALENDA

04-12-2005, 01:28 PM

اخت لموو
مشكووووووووره كتير حبيبتي على كلماتك الرقيقه وتشجيعك لا حرمني الله من طلاتك يا قمر على مواضيعي W:
اخت homa
اكيد ممكن استبدال بياض البيض بالبيض الكامل والطعم لذيذ في كلتا الحالتين خاصة وان الجبن يغني عن البروتين الموجود بالبيض وعلى فكره ممكن تعملي من الحليب وبياض البيض ورشة فانيليا فرنش توست بس حمريه على النار ببخاخ الزيت يعني بدون زبده لذيذه جدا للفطور وبتحسي هيك انك قاعده بالجاردن سيتي وانتي عم تاكليها عالفطور :D وياستي ابله تيتا المهم ان الوصفات تعجبك وتجربيها يا عسل :)
اخت ام مراد
الله يسلمك عزيزتي بس ليش ما تعملي البيتزا بالخبز الأسمر وبلا ما تعذبي حالك بالعجين ؟ الااذا عندك وقت كتير
بس سدقيني اذا جربتي البيتزا بهالطريقه بتصيري بتعمليها على طول لأنه عن جد طلعت لذيذه والاولاد ما لاحظو انها خبز :[]L وصحتين على قلبك
اخت عبير الأزهار
امين يارب ويصبر قلبنا ويزهدنا بما لذ وطاب من الأكل شكرا كتير على المرور والرد عزيزتي وتابعيني فجعبتي مليئه :-M
اخت طيوف
وينك عزيزتي ؟ طولتي الغيبه الله لا يشغلك الا بكل ما فيه خير وسعاده بس بعد ما تطلعي حبيبتي عم تجربي شي :[MM ؟ ولا بتمشيها تطليع وبس :eek: ( عم امزح ) ؟ اما عن الفن فأكيد ما بتقارن فيكي عزيزتي بعض مما عندكم :-M

ام ياسر ع

04-12-2005, 03:05 PM

السلام عليكم ورحمة الله وبركاته
جزاك الله خيرا جزاك الله خيرا جزاك الله خيرا
اشكرك اختي روز الله يعطيكي الف عافيه على هذي الوصفات المفيده والحلوه ( اثنين في واحد عن جد )
انا اليوم مسويه الدجاج التندوري متبلاه من البارح وعامله كمان صينية خضار مشكله بنفس بهارات
التندوري بس ما اضفت لبن , ولو تشوفي الاولاد يوم جو من المدرسه كلهم راحو للمطبخ وعم يشمشمو
الروائح الي طالعه من الفرن مثل القطط ويقولو رائحه حلوه كثير ياماما اكيد هذي اكله جديده قلت لهم ايوه اكله جديده اخذتها من عند صديقه عزيزه في موقعتا الغالي لك قالي الصغير قولي لها شكرا باين عليها كثير حلوه
ومن رائحتها نفسي افتح الفرن واطلعها قبل ما تخلص .
وانشاء الله راح اقولك بعد الاكل كمان ايه الطعم اشكرك عزيزتي واشكرك كمان على الوصفات الجديده
جعلها ان شاء الله في ميزان حسناتك لانك عم تكتبي وتتعبي لمصلحة اخوات لكي في الله تحياتي عزيزتي
اختك ام ياسر ):K :-s

طيـــف

05-12-2005, 12:02 AM

حبيبتي الله لايشغل بالك على غالي يارب
انا هون بس كان عنا ضيفه غاليه وكنت لاهيه معها

بدك الصراحه عم بتكفي بالفرجه على اللوحات الفنيه يل عم تسويها مشاءالله عليكِ

لانه ريجييمي مافيه هالتنويع وهالوجباب

يعني ياتننن ياتننن:D:D:

Homa

05-12-2005, 07:28 PM

السلام عليكم ورحمة الله وبركاته

لكي التحيه وشكراً علي الرد

بس برضه منتظره الرجيم ارجوكي فضى لى وقتك رجاءً واهو آخر الاسبوع عدي ياابله (ان قصدي انها تكون علي وزن ابله نظيره مش حاجه تانيه

الله يديكي العافيهhttp://smileys.smileycentral.com/cat/36/36_3_16.gif

ROZALENDA

08-12-2005, 10:57 AM

اسفه جدا جدا جدا على التأخير اخواتي
اخت ام ياسر
كلماتك اسعدتني بحق الله يسعدك والحمدلله انها نالت على اعجابك صحتين على قلبك وقلب الاولاد حبيبتي اما عن التعب فسدقيني بحس بسعاده لا توصف لما بحس اني خففت على اخت مسلمه بأي شكل كان وخااااااصة الريجيم وتعبه انا عانيت جدا مع الريجيمات بسبب كرهي للحومات والخضروات وبتمنى اي وحده تفكر تخفف وزنها او على الاقل تحافظ عليه انها ما تعاني متلي شكرا جزيلا على الدعوه الحلوه ولك مثل ذلك عزيزتي W:
طيوف عزيزتي
الحمدلله المهم انك بخير وسلامه :) بس مشان ريجيمك عزيزتي اذا كان ريجيم لا يجمع البروتين مع النشويات ففي بعض الوصفات بتنفع اما عن نقطة الزيت فجسمك بيحتاجها وسدقيني قديش اتبعت انظمه كنت دائما استخدم بخاخ الزيت ومع ذلك خسرت وزن والحمدلله على كل حال بعد ما نزل وصفات اليوم حاكتب بعض الافكار حاولي تاخدي منها شي فكره وسدقيني هالتنويع بساعدك انك تستمري فتره طويله بدون ما تزهقي
homaaaaaaaaaaaa
ياعيب الشوم منك والله وشي اسود منك بس المشكله الكمبيوتر كان متوفي وعاجز عن العمل وبعد ما اتصلح كان قرب سفر حماتي يعني بكره ان شاءالله لو عندي شوماكان بدي فضي حالي ونزل الريجيم سدقيني في كيكات عندي جاهزه من قبل رمضان وما فضيت نزل طريقتها بس تابعيني اليوم جايبتلك شغله بتعجبك :ss:

ROZALENDA

08-12-2005, 12:10 PM

بسم الله الرحمن الرحيم
هي الوصفه خصوصي لعيونك يا هوما مع اني بعرف انه مافي داعي للصوره لأنه المحشي كله شكله متل بعضه بس صورتها حتى تشتهو وتطبقو على طول
http://www.lakii.net/images/Dec05/rozalenda_Mura7I.jpg
المقادير مع الطريقه
اول شي احفري الكوسا والباذنجان ( شفتو الفصحى ((K)) ) حفر سميك واحتفظي بلب الكوسا على جنب بعدين حضري حشوة المحشي متل ما بتحبيها يعني الموضوع بيعتمد على ذوقك الشخصي بس لا تضيفي الرز ولا الزيت انا مثلا بهرت اللحمه ( خاليه من الدهن ) بالكمون والعصفر والفلفل وبعدين اضيفي لب الكوسا اللي احتفطتي فيه على جنب( طبعا مو كله على حسب الكميه اللي عندك بس الغايه انك تملي معدتك من الخضار اكتر من اللحمه ) افرميه عالماشي بالسكينه بس حتى ينحشى معك بسهوله طبعا ممكن اضافة البقدونس والبصل والتوم للحشوه ومتل ما قلت على حسب ذوقك و كيف بتعمليها للعيله
بعض الأنظمه بكون فيها كميه من الرز مسموح بها مع الوجبه وبهالحاله ممكن تضيفيها للمحشي بس يفضل ارز بسمتي لأنه سعراته الحراريه اقل من الرز المصري بس انا هون ما اضفت رز
احشي الخضار اللي بدك تحشيها وبعدين بالخلاط افرمي كميه من الطماطم ( انا ما بقشرها حتى استفيد من الالياف اللي بالقشور ) فرم ناااااااعم يعني حتى تصير متل الصلصه واغليها على النار مع تمر هندي ( او بدون اذا ما بتحبي فيها حموضه ) وبعد ما تغلي اضيفي الخضار وخليها لحد ما تستوي وبعد ما قربت تستوي انا اضفت توم مدقوق ونعناع وخليتها تغلي عشر دقايق وخلص صارت جاهزه
انا بعطيكم الفكره بس كل وحده تعملها على حسب ما بتحب وعلى حسب ما اتعودت عليها
اما المحشي بالخضار
نفس الفكره بس هون ما بنقدر نستغني عن شوية رز والطريقه باختصار
حمري البصل بحوالي ملعقتين زيت ويتون ( او على حسب الكميه اللي عندك ) طبعا يكون بصل كتير نوعا ما وانا ما بقدر اعطيكم هون مقادير لأنه على حسب الكميه اللي حتعمليها
بعد ما حمرتي البصل اضيفي عليه الطماطم المقطعه قطع صغيره واالرز( قليل جدا من الرز يعني متل التبوله وما ننسى انه حينفش عالطبخ ) وقلبي حوالي 3 دقايق او حتى تحسي انه الرز شرب مية الطماطم
طفي النار واضيفي دبس رمان او عصير ليمون عصير الليمون هنا افضل لأنه اقل سعرات حراريه من دبس الرمان او ممكن تضيفي الاثنين ثم اضيفي البقدونس والنعناع يابس او طازج اضيفي شوية ملح وهون مافي داعي تضيفي لب الكوسا لأنك استعضتي عنه بالبقدونس والطماطم والبصل
كمان افرمي طماطم كما في السابق بس مو كتير يعني حوالي 3 بس ارفعي على النار الطماطم واضيفي تمر هندي وشوية ملح ( التمر هندي سعراته الحراريه ليست مرتفعه وهو يسهل الأمور الله لا يعسر عليكم أمر :rolleyes: )
طبعا الحموضه على حسب انتي ما بتحبيها وما ننسى انه بالطريقتين بدك تحشي الخضار عالاخر يعني على قد ما تقدري ادفسيها :[]: وخصوصا اذا ما استعملتي رز والا بتطلع طريه كتير وفاضيه
اللي عندها اي استفسار تسألني ما كتبت تفاصيل ممله لأنه متل ما قلت موضوع المحشي كل وحده بتعمله على ذوقها انا بس بدي اطرح الفكره :III:
ان شاءالله يعجبكم وتجربوه سدقوني لذيذ جدا وتغيير ظريف عن اكل الريجيم
انا هلأ نعست كتير بس راجعه بكره ان شاءالله مع 3 وصفات جديده تابعوني تصبحو على خير يا حلوين http://www.lakii.com/vb/smile/21_1.gif (http://www.lakii.com/)

Homa

08-12-2005, 07:46 PM

السلام عليكم ورحمة الله وبركاته

ياعمر هوما انتي ياروزالنداhttp://smileys.smileycentral.com/cat/11/11_6_205.gif

شكرآ علي المحشي رووووووووعه بس لسه طماعه حضرتي وعايزه الرجيم وسلامه الكمبيوتر الله يكتب سلامه

حماتك

امبارح زوجي جاب لي الTrade

Mill

عشان اتريض شفتي الاهتمام

لكي الحب

ام سمية

08-12-2005, 10:35 PM

روزا ...مش عارفة بشو ادعيلك ...ربنا يجزيك كل خير ويخفف عليك زي ما خففت علينا...انا متابعك من زمان بس كان الكمبيوتر محتاج فرمته واخذ مني وقت ...روزا كلامك مزبوط 100% لاني قرأت مرة ان اي نظام رجيم يحرم الجسم من نوع معين من العناصر الاساسية يضر بالجسم .وانا بانتظار النظام الذي سرت عليه ..انا سمعت نصيحتك لا احرم نفسي من اي اكلة بس اقلل الوجبات واضع اقل في صحني حتى تصغر معدتي مع الرياضة.. وبالفعل صار لي 3 اسابع كل اسبوع بانزل كيلو وكل يوم صحني بيقل وبحس حالي بشبع اسرع ..نصيحتك كثير جابت نتيجة معي
..روز بالنسبة لبخاخ الزيت هل تشترينه جاهز؟؟

shosho73

08-12-2005, 11:43 PM

:-p~ بجد عجبتنى هذه الوصفات وخصوصا انى نويت
و بمشيئة الرحمن ان اعمل رجيم و اكيد سوف اجربها:-V

:-p~ شكرا لك جزيلا:-p~

shosho73

08-12-2005, 11:45 PM

:-p~ بجد عجبتنى هذه الوصفات وخصوصا انى نويت
و بمشيئة الرحمن ان اعمل رجيم و اكيد سوف اجربها:-V

:-p~ شكرا لك جزيلا:-p~

عاشقة للجنة

09-12-2005, 12:46 AM

جزاك الله خيراً أختي علي هذه الطرق التي وضعتيها لنا عجبتني قوي طريقة البروستد سهلة وخفيفة ان شاء الله اجربها ):K

ROZALENDA

09-12-2005, 11:28 AM

عزيزتي homa
تكرمي حبيبتي طلبك على الطريق وجهاز المشي هوه احسن شي اشتريتيه بحياتك سدقيني انا لما اشتريته الكل قلي بكره بتستعمليه لنشر الغسيل بس سدقيني خلال سنه استعملته لحد ما اشتكى مني والحمدلله صرت من العدائين والبرنامج اللي بمشي عليه سرعته بتوصل 5,7 ميل في الساعه مع اني كان يادوب وصل لسرعة 3 مايل بيوم من الأيام فالحمدلله رب العالمين داومي عليه اوعي تركنيه على جنب والله يوفقك
الأخت العزيزه ام سميه
يا هلا نور الموضوع بوجودك والحمدلله اني مقتنعه بهالكلام لأني ما اقتنعت الا بعد ما تعبت كتير مع الريجيمات القاسيه وعمرها ما جابت نتيجه حقيقيه احسن نظام بالعالم هوه اللي انتي ماشيه عليه وان شاءالله لو مشيتي على نظام السعرات اللي كنت ماشيه عليه كتير بتلاقي حالك منظمه ومرتاحه مع الريجيم خصوصا اذا سجلتي الوجبات اللي بتقدري تختاري منها بدفتر خاص بتلاقي الريجيم صار ولا احلى من هيك اما عن بخاخ الزيت فبشتريه جاهز وعلى فكره اللي عندي سعراته الحراريه صفر بس ما كتير بحبه لأنه بخة الزيت جسمك بيحتاجها ممكن اذا ما لقيتيه تستعملي الفرشاه وتمسحي مسح خفيف جدا بها
أخت sho sho
الحمدلله انها اعجبتك عزيزتي وبتمنى تعجبك اكتر بعد ما تجربيها والله يوفقك مع الريجيم ويحققلك مرادك شكرا على الرد
أخت عاشقة الجنه
الله ينولك وينولنا الجنه قولي امين والحمدلله انها اعجبتك وبتمنى فعلا تجربيها وتجربي غيرها كمان ودمتي بصحة وعافيه

ROZALENDA

09-12-2005, 12:14 PM

السلام عليكم ورحمة الله وبركاته
أول وصفة بيعملوها عادة بشرائح صدور الدجاج بس انا من كتر الريجيمات وزهقي من اللحومات استبدلتها بالباذنجان حنزل اول شي طريقة الباذنجان وبعدها بكتب التغييرات اللي تعمليها لما تستعيضي عنها بصدور الدجاج حتي وصفة الباذنجان ممكن تعمليه مع لحمه او بدون
بسم الله نبدأ اول شي بدون لحمه
المقادير
باذنجان
بصل مفروم ناعم
طماطم متل العاده مخلوطه بالخلاط
جبنة موزاريلا او تشيدر قليلة الدسم
طبعا ملح ( متل العاده استغنيت عنه لأنه الجبنه فيها ملح ) بس اذا ما ببتحملي الاكل بلا ملح ما حتحتبيها بدون ملح هالمره فممكن رشه بسيطه
الطريقه
قشري الباذنجان نص تقشيره بشكل خطوط طوليه ثم قطعيه حلقات عريضه بخيه ببخاخ الزيت وحمريه بالفرن يعني شغلي الفرن من فوق بس وقربيه كتير ولما يتحمر اقلبيه على الطرف التي وحمريه من الجهه التانيه انا استغنيت عن بخة الزيت بهالخطوه وحمرته بدون شي ساده
صفيه بصينيه واعملي الصلصه كالمعتاد حمري البصل لحد ما تصير بني فاتح واضيفي الطماطم وسبكيها شوي على النار مع ملح وبهار
اضيفي من الصلصه فوق كل شريحة باذنجان ودخليها الفرن لحد ما تستوي وبعدين طلعيها ورشي الجبنه على الوجه ورجعيها خمس دقايق عالفرن من فوق بس وصحتين وهنا
http://www.lakii.net/images/Dec05/rozalenda_gHqJsq.jpg
طبعا ممكن تاكليها مع رز مسلوق او خبز او بدون شي
اما اذا حبيتي تستخدمي اللحمه المفرومه
اشوي الباذنجان بنفس الطريقه وحمري البصله بعدين اضيفي عليها اللحمه وقلبي لحد ما تستوي اللحمه بعدين اضيفي الطماطم وسبكيها وصبيها على البانجان وعالفرن لحد ما تستوي بس بهالحاله مافي داعي للجبنه لأنه اللحمه فيها بروتين كفايه وهي عملتي مسقعه دايت وممكن ايضا اضافة شرائح الفلفل بتطلع لذيذه طبعا موضوع الملح والبهارات بيرجع لذوقك
الطريقة الثالثه
كباب الباذنجان اللي بنعمله بسوريه وهو كالأتي للي ما بتعرف
حمري الباذنجان بالفرن كمان بنفس الطريقة
افرمي على جنب البقدونس مع بصله وااعجنيها مع اللحمه المفرومه وملحك وبهارك
اعملي صلصة الطماطم اللي ذكرتها سابقا طبعا بدون لحمه او ممكن تفرمي الطماطم وتستخدميها كصلصه عالوجه بدون اي طبخ مسبق
هلأ جيبي شريحتين باذنجان واعملي من اللحمه قرص متل قرص البرجر وحطي بالنص بين كل شريحتين وممكن كمان تقطعي الطماطم بالنص وتفرغيها شوي وتحشيها بنفس الطريقه استعملي لبها بالصلصه للوجه
رتبيهم بصينيه واضيفي الصلصه وسويها مع بعضها بالفرن وصحتين
سامحوني انا بالمقادير مو شاطره لأنه على حسب الكميه اللي بدك تعمليها ومنيح كتير اني عم اقدر رتب افكاري واكتب طريقه لأني فوضويه كتير من هالناحيه وعمري ما اتبعت طريقه بحذافيرها ولا حتى اتبعت نفس الطريقه مرتين دائما بغير من عندي على حسب المزاج http://www.lakii.com/vb/smile/3_100.gif (http://www.lakii.com/)
اما اذا قررتي تعمليها بصدور الدجاج
بتحتاجي
صدور دجاج مقطعه شرائح وممكن تنقعيها من قبل بيوم ببهار وليمون وبودرة توم على ذوقك ( بكره بصير اسمي روزاليندا على ذوقك http://www.lakii.com/vb/smile/3_7.gif (http://www.lakii.com/)) http://www.lakii.com/vb/smile/21_177.gif (http://www.lakii.com/)
حلقات فلفل اخضر او اي لون بدك
شرائح فطر
شرائح بصل
الصلصة اللي ذكرتها سابقا بدون لحمه وممكن هنا تضيفي الأوريجانو عليها بس خلي فيها مي كتير لا تنشفيها لأنه حتطول بالفرن
جبنة موزاريلا طبعا قليلة الدسم ( ممكن الاستغناء عنها )
الطريقة
بهري شرائح الدجاج وصفيها بصينية الفرن
اضيفي عليها الصلصه وفوق الصلصه شرائح الفلفل والفطر والبصل
دخليها الفرن وبعد ما يستوي الدجاج اضيفي الجبنه المبشورة ورجعيها كام دقيقه وبالهناء والعافيه
هي صار عندك اربع افكار لوصفات جديده يارب تعجبكم http://www.lakii.com/vb/smile/21_137.gif (http://www.lakii.com/)
ام مراد تابعيني عزيزتي راجعه بكره بافكار للحلويات ان شاءالله بتعجبك http://www.lakii.com/vb/smile/3_107.gif (http://www.lakii.com/)

em morad

10-12-2005, 01:56 AM

ما شاء الله عنك صراحة زيك ما بشوف حتى المحشي اعملتيه بطريقة خفيفة وحلوة المهم بعيدة عن الرز او استخدام الرز بشكل بسيط الله يجزاك الخير والباذنجان صراحة انا بعمله دائما كطبقات في الصينية والحشوة بالوسط لحمة مفرومة وبندورة وفلفل وبيطلع زاكي اكثير وببرش عليه جبنة صراحة كفيتي وفيتي يا روز الدور والباقي على الحلويات محسوبتك بتحب الحلويات اكثير

طيـــف

10-12-2005, 02:02 AM

مشاءالله عليكِ

جد مشاءالله مشاءالله

جد بسسسسسسسسسسسسسسس بدي اضللللللل اطلع في وصفاتك
ياريتك لو تشاركي رندوش في وصفاتك الشهيه للرجيم
رح تفيدي كتير الصبايا فيها

ROZALENDA

10-12-2005, 11:17 PM

اخت ام مراد
الله يسلمك حبيبتي وان شاءالله كون افدتكم ولو بشيء بسيط والحلويات جايتك عالطريق
طيوف
تسلمي حبيبتي مرورك دائما كله رقه ونعومه مثل اسمك بس كيف ساعد رندوش بوصفاتها ؟ مافهمت اذا بقدر اعمل شي من هالعين قبل هالعين

ROZALENDA

11-12-2005, 12:10 AM

السلام عليكم ورحمة الله وبركاته
ام مراد شو رأيك بهالباي ؟
http://www.lakii.net/images/Dec05/rozalenda_jwQq1B.jpg
اذا عجبك اتفضلي الطريقه
المقادير
تفاحه مقشره ومقطعه شرائح صغيره
قرفه
خبز النان الأسمرساده طبعا او اي خبز اسمر بس يفضل خبز نان ( انا استخدمت الخبز الابيض لأنه ما كان عندي نان )
بديل سكر بني والكميه على حسب كيف بتحبي حلاوتها
الطريقه
ضعي شرائح التفاح بالمكرويف دقيقتين مو اكتر او بالفرن حوالي خمس دقايق الغايه انها تدبل بدون ما تستوي عالأخر :S:
طلعيها من المكرويف ورشي عليها قرفه وبديل السكر واحشيها بخبزة النان وبعدين على النار بخي المقلاه ببخاخ الزيت وحمريها من الطرفين وخلص صارت جاهزه ( اللي عندي بالبيت رشو عليها عسل واكلوها )
انا اخدت من التفاح المخلوط بالقرفه بعد ما برد واكلته مع فنجان القهوه سدقوني لذيذ كتير حتى بدون ما تعمليه باي بس مهم كتير يكون برد او ممكن تحطيه بالبراد :-M
اما الموز اللي بالصحن فهو كالاتي
اقسمي الموزه بالنص بشكل طولي ( على فكره ما اسودت بالعكس لونها كان بيفتح النفس بس انا رشيت عليها قرفه )
امسحيها مسح بعصير الليمون ورشيها ببديل السكر البني وشغلي الفرن من فوق وحمريها شوي وانا بعد ما طلعت رشيت عليها قرفه لأني بحب القرفه كتير اذا ما بتحبي القرفه ممكن تستغني عنها حتى مع التفاح
طريقه حلو ثانيه
المقادير
لبن قليل الدسم
بديل السكر
قرفه
فانيليا
شرائح تفاح صغيره ضعيها في الفرن او المكرويف كما في الوصفه السابفه
الطريقه
سهله جدا وبعتقد واضحه من المكونات
اولا اخفقي اللبن بالسلك مع بديل السكر والفانيليا او ممكن تستعملي ملعقه صغيره سكر سعراتها الحراريه 35 سعر حراري فقط لا غير يعني ما حتأثر كتير
اضيفي القرفه واخلطي بالسلك بعدين شيلي السلك من ايدك وابعديه من وشك حتى ما تغلطي وتستعمليه لأنه بدك تضيفي شرائح التفاح وتحركي بدون ما تكسريها
كتير مهم انه التفاح ما يكون استوى كتير لما شويتيه يعني يادوب يدبل بس حتى ما يتغير لونه لأني مبارح اشتهيت الحلو وحطيته بالمكرويف دقيقتين ونص طلع مستوي كتير وما حبيته
ممكن تستعملي مع هالوصفه اي نوع من انواع الفاكهه بس معظمها ما بدها شوي ضيفيها على اللبن بعد ما تخلطيها بالخلاط مثلا الأناناس والفراوله بس للأمانه الأناناس مره اضفته لجبن الكوتاج صارت طعمها مر كتير وما قدرت اكلها ما بعرف السبب بس عاللبن ما جربت ضيفه

طريقه ثالثه
وهي اسرع واسهل شي وكتير ظريفه ايام الصيف
ضعي اي نوع من انواع الفاكهه بالخلاط مع قطع تلج وبديل السكر اذا بدك تكون حلوه انا بحط قرفه مع التفاح ما تكتري التلج يعني لو قطعة فاكهه وحده مكعبين تلج بتخيل انه كفايه اخفقيها بالخلاط وقدميها بكاسات شكلها حلو
مع الفراوله بتطلع لذيذه جدا وهي كمان بتنفع للي اولادها بحبو الايسكريم بس اضيفي شوية سكر وانا بستعمل للاولاد سكر بني على الاقل مغذيه ومفيده والأهم بتعرفي مكوناتها يعني خاليه من هالمواد الكيميائيه اللي بيدخلوها على أكلنا والله العالم بأضرارها سدقوني اجتني كيكه جاهزه هديه قريت مكوناتها لقيت فيها 25 ماده كيميائيه :mad: ما قدرت اكل منها ولا اكلها لأولادي ورميتها مع اني ما برمي اكل بالزباله بس صراحه ما قدرت هالمره والله يسامحني يارب :(
ما ننسى عزيزاتي انه لما عم نعمل هالحلويات احنا بدنا ناكلها ونستمتع ونخسر وزن بنفس الوقت يعني ما تتوقعو طعمها يكون متل حلويات ستاربكس مثلا
هي اأفكار الحلو اللي حضرتني اليوم وبوعدكم كل ما بلاقي شي جديد ومفيد بضيفه بس بتخيل بموضوع منفصل حتى ما تضلو تقلبو وتدورو بين الصفحات

مانو

11-12-2005, 12:22 AM

مشكوره روزا على هالأفكار الرائعة
الله يجزيك الخير [/LEFT]الحقيقة أطباقك كلها متميزه ورائعة

Homa

11-12-2005, 02:09 AM

بسم الله الرحمن الرحيم

السلام عليكم ورحمة الله وبركاته

مااااااااااااااااروعك

عملت اليوم الباذنجان وكمان الايسكريم اللي بلفواكهه روعه

وجيت تاني لقيت الحلويات الرهيبه وخطططططططططططيره

تسلم ايديكي ووووورجليكي كمان

عندي وصفات صحيه من كتاب اسرار التغذيه مع كارلا عملت منهم حاجات رهههههيبه

لكن عندي كاميرا بتاعت الكمبيوتر ومش عارفه احملها كيف

rhf55

11-12-2005, 06:28 PM

بسم الله الرحمن الرحيم

السلام عليكم ورحمة الله وبركاته :-E
وصفة جدا مفيدة جزاك الله

em morad

11-12-2005, 09:16 PM

الله يسلمك يا احلى روز صراحة كقيتي وفيتي انا غلبتك معاي بالحلو بس منيح خليتك تخترعي اشي جديد بس بياخذ
العقل الله يسلمك يا رب كل اشي من تحت اديكي بيطلع زاكي اكيد بس اليوم عندي عزومة بس مش رح اسوي شغلات فيها روجيم ما انت عارفة قدام الناس بدنا انسوي اشي وشويات

اما فطيرة التفاح لازم انجربها لانه انا بعملها بس لزوجي واولادي وانا ما بقدر اقرب عليها من كثر ما فيها سعرات حرارية عالية بس فطيرتك تحفة رح انجربها اذا شاء الله

إخصائية تغذية

12-12-2005, 08:12 AM

تسلمين الغالية على المجهود الرائع

وننتظر المزيد

قطة شامية

12-12-2005, 02:20 PM

ييييييييييييييييييييييييييييييييييييي والله ما انتبهت أنك حطيتيلي البيتزا

بتعرفي الجمعة بدي جربها انشالله

شكرا ياحلوة

بس وين الأكلات الجديدة؟؟
شو طابختيلنا اليوم؟؟؟؟؟؟

ام سمية

12-12-2005, 06:15 PM

روزا اليوم عملت مسخن ...وللاسف الشديد لم يتبق منه شيء :D :D
عمر ابني اكل بنهم ...وانا اشاهده مش مصدقة عيني ..لانه مش اي اكلة بياكلها...وبناتي ايضا وزوجي ...بصراحة كانت وجبة ممتعة ولذيذة ...واهم شي ما كنت اقول على الاكل (كلوا...خلصوا الصحون) لانهم اكلوا صحونهم وطلبوا المزيد ...الله يا رب يسعدك يا روز
روز بدي اسألك شو هو الماسالا؟؟؟
وتسلم ايديك

قطة شامية

13-12-2005, 02:11 PM

روزي ؟؟ أنا بحب كتييييييييييييييييييييير الملوخية وكذلك العمو تبعي.. ومتل مابتعرفي كتير بدها تقليب بلسمنة أو الزيت يعني بتطلع دسمة
عندك شي فكرة لحتى نخفف دسمها.. وطبعا متل مابتعرفي كمان الشوام بيطبخوها ناشفة يعني ماعم تجيني ولافكرة لتخفيف دسمها

شو بتقترحي؟؟

بعدين وينك أنت؟؟
اشتئتلك

طيف كمان مو مبينة....

مانو

13-12-2005, 04:44 PM

عزيزتي قطة شامية بعتقد أنو بقدر أفيدك بالنسبة للملوخية من بعد أذن الغالية روز أنا بعملها وبتطلع خفيفة كتيييييييييييييير أنا عن نفسي بعملها مجففة وناعمه من شان هيك مابتحتاج كتير سمن بتقلايتها بالأول بحط نصف ملعقة سمنة وملعقة زيت ذره وبقلي الكزبرة والتوم(بالتأكيد مارح تستغني عن هالكمية البسيطة من الدسم لأن مافي طريقة تانيه لتقلايتهم) وبعدين بحط الملوخية الناعمة وبحمصهاوبالتحريك المستمر لأن إذاتركتيها لحظة وحده رح تلتدع (لأنها مافيها دسم )وطبعآعلى نار هادية وأكيد رح تتأخر لتصير بس صدقيني بالأخير رح تطلع كتير لذيذه وخفيفة و بس تخلص تحميص بتتركيها جانبآ 10 دقائق لتبرد شوي بعدين بتحطي مية الفروج و(طبعآبتشيلي الطبقة الدسمة ياللي على وجه المي )وإذا بدك حطي مكعبين ماجي للنكهة بتطلع واوياسلام بتاكلوا أصبيعكم وراها على قولت أخوانا المصريين وبالهنا والعافيةو أن شاء الله تعجبك وإذاعند الأخت روز طريقة تانية بكون زيادة الخير خير

قطة شامية

13-12-2005, 06:08 PM

مانو

13-12-2005, 06:34 PM

ولو ياحبيبتي لاشكر على واجب بس أنت جربت الملوخية الناعمة صدقيني رح تحبيها كتير وبالنسبة لمرق الفروج على قد الكمية اللي عندك يعني ماتكتري وبعدين رح ترجعي تحطيها عاى النار لوقت ماتتنشف وصحتين

عبيرالازهار

14-12-2005, 12:08 PM

افكار رائعه روزا جزاكي الله الف خير

قطة شامية

14-12-2005, 02:26 PM

أيواااااااااااااااااا

شكرا مالو... بدي جربها وبخبرك عن النتيجة

طيـــف

15-12-2005, 10:20 PM

حبيبتي روز
انا قصدت لو تساعديهم في وصفاتك تحطي لهم وصفاتك في ملف مأكولات الحميه
رح يستفيدو كتير منها
:) والله يكتب لك الاجر على العمل والافكار الرائعه

Homa

15-12-2005, 11:32 PM

السلام عليكم ورحمة الله وبركاته

وووووووووووووووووين يا روز اختفيتي بسرعه تعالي واتحفينا بروائعك

طيييييييييييوفه

احبك في الله ولك التحيه قريت اللينك بتاع د.ربيع وانك ضعفتي عليه 20 كيلو لكي التحيه

اليوم رحت اشتريت تمر واناناس تحت الثلج عشان ابدا باذن الله غذاً

لكم كل الحب

em morad

17-12-2005, 04:18 AM

ROZELENDA

وينك من زمان ما بينتي ان شاء الله يكون المانع خير طمنينا عليكي :confused:

ROZALENDA

17-12-2005, 11:20 AM

بسم الله الرحمن الرحيم
السلام عليكم ورحمة الله وبركاته
سامحوني اخواتي على التأخير لظروف خارجه عن ارادتي كانت ديقانه معي شوي بس ان شاءالله فرجت ورجعتلكم مشتاقه وفي قلبي لوعه بشكر من اعماق قلبي اللي استفسرو عن غيابي الله لا يحرمني منكن أخواتي الغاليات اللاتي لا أعرفهن :-D http://www.lakii.com/vb/smile/1_56.gif (http://www.lakii.com/vb/uploader/smilies.php)
اخت مانو
الله يسلمك حبيبتي حضورك الأروع
اخت homa
جد مابعرف كيف بدي اشكرك على تواصلك W:
لو عندك الوصفات ياريت تفيدينا فيها عندك بقسم الكمبيوتر والبرمجه طريقة ادراج موضوع بالصور خطوه خطوه وبتلاقي بالقسم جواب لكل سؤال انتي بس طولي بالك واقرئي شوي بالردود وانتي بتصيري معلمه كمان بقسم المطبخ في موضوع للأخت لبلبه مفصل جزاها الله خير استفدت منه كتير واذا بقدر ساعدك بشي من عيوني حبيبتي وهي رابط موضوع الأخت لبلبه
http://www.lakii.com/vb/showthread.php?t=134586
اخت rhf55
وإياك اختي الكريمه اسعدني مرورك
اخت ام مراد
ياستي تعبك راحه المهم تعجبك بالأخر جربيها مع الايسكريم اللي كتبت طريقته قبل هيك وطمنيني عن النتائج كيف كانت عزيمتك طمنيني
اخت اخصائية تغذيه
الله يسلمك عزيزتي وشكرا على المرور والرد
قطوط
حبيبتي العزيزه مانو ما قصرت جزاها الله خير بس اذا بدك تنزلي وزنك يفضل انك تبعدي عن مكعبات الماجي طريقة الأخت مانو ممتازه للمحافظه على الوزن يعني بتطلع لذيذه كتير وممكن تعمليها على طول لكل العيله
انا بعملها بنفس الطريقه تقريبا بس ما بضيف مكعبات ماجي بسلق اللحمه او الدجاج من قبل بيوم او الصبح بكير وبخليها تبرد وبشيل الوش اللي هوه عباره عن الدهن بعدين بحمر الملوخيه ببخة زيت حتى تنشف وبضيف المرقه وبغطيها وقبل ما تستوي بشوي كمان بحمر على جنب ببخة زيت التوم وبس يحمر بضيف الكزبره وبضيفة عالملوخيه وبخليها عشر دقايق وبس صارت جاهزه هي اذا بدك تاكليها وانتي ماشيه على حميه اما عن بخة الزيت فالجسم بيطرح معظمها مع الملوخيه متلها متل كل الخضار لأنه الألياف بتاخد معها الدسم وما بتخلي الجسم يهضمه بشكل كامل طبعا هيك قال الطبيب مو من عندي
العزيزه ام سميه
الحمدلله انها عجبتك وصحتين وهنا على قلبك وقلب العيله اما عن الماسالا فهوه بهارات هنديه لونها احمر ناري وطعمها لذيذ كتير حره شوي بس بتعطي الأكل نكهه رائعه انا حطيت صورتها مع وصفة التندوري في منها مطحون خشن انا بستعمل المطحون على فكره ام سميه طمنيني عملتي المعمول ؟ قرب العيد وان شاءالله رح اعمل معمولك هالعيد كمان لأنه ما بتسدقي الكميات اللي عملتها ماشاءالله العيد اللي راح وطار بزمن قياسي
اخت عبير الأزهار
وإياك عزيزتي شكرا جزيلا على مرورك
طيوف عزيزتي
الله يسلمك يارب ولك مثل ذلك حبيبتي بس وين هوه الملف اذا فيكي تحطيلي الرابط حتى اعرف شو الموضوع بالضبط
أخواتي الوصفات عندي كتيره جدا وانا فعلا محتاره شو بدي ضيف حتى ضيف واليوم وصلني كتاب جديد معبى ومليان
الوصفات فيها كتير اشياء اتنفع افطار او عشا خفيف في حدا بيحب هيك شي ؟ ياريت تقولولي اللي حيفيدكم ومحتاجينه فعلا حتى ما ضيع وقتي ووقتكم اللي عندها طلب تقوله وانا بحاول ساعدها على قد ما اقدر بس ياريت تكونو فعلا عم تستفيدو منها لأنه ما بتتخيلو قديش وقتي ضيق وقديش هالموضوع بياخد مني وقت انا بحس لو يومي 48 ساعه ما بفضى بس سدقوني كمان لما بحس اني قدرت فيد وحده من اخواتي بحس بسعاده غامره
homa عزيزتي سدقيني قاعده اكتب الخطوات التي اتبعتها حتى خسرت وزن بس حابه تستفيدو قدر المستطاع مشان هيك اخد مني وقت الحميه اللي اتبعتها هيه ال1000 سعر حراري وهي موجوده وسهله وحاكتبها بالموضوع نفسه بس سدقيني انا بشوف اشياء كتير اهم منها ان شاءالله تقريها بموضوعي باقي بعض الرتوش بضيفها وبنزله وان شاءالله يكون فيه الفائده

nuha5

17-12-2005, 01:00 PM

روز حبيبتى تسلم ايديكى على الوصفات وانا جربت المسخن طلع بجنن وراحت الكمية كلها انشا الله بدى جرب غيرها

Homa

17-12-2005, 11:41 PM

السلام عليكم ورحمة الله وبركاته

غاليتي روز ياعسسسسسسسل حمدلله عالسلامه اليوم لو ما كتبتي وسمعنا صوتك كنت بلغت عن اختفائك علي

فكره انتي فين بكندا في اونتاريو ولا البرتا

ان شاء الله بحاول اكتب معاكي شويه اشياء بس لغايه ما اقرأ رابط الاخت لبلبه كويس عشان الصور

الايام دي انا بخفف من الاكل بأتباع حميه د. ربيع اللي كاتباها العزيزة طيف مع المشي في الTraedmill

كل يوم ساعه بحرق حوالي 220 كالوري وان شاء الله ينفع عشان عندي ضغط دم وعندي تحليل دم ( دمي بقري

بعيد عنك هاهاهاها) في نهايه شهر 1 اكيد لو طلع كويس دكتوري حيمممممممممممموت من الفرح, طبعا هو من

اchart قال لي لو ما سمعتي الكلام حتوتي بعد 10 سنوات ومش حتحضري فرح بنتك طبعاً قعدنا نضحك انا

وزوجي وقلنا الاعمار بيد الله لكن الانسان مفروض يكون حريص صح ولا لا

عذراً كلامي كثير لكن زهقانه هليومين

لكم التحيه

قطة شامية

18-12-2005, 06:28 PM

ولك على راسي حارتك روووووز
ياستي انا الحمد لله وزتي مو كتير وهلأ نحفانة يعني صرت 55 إلا كم غرام.. وطولي 160...بس أنا بموت على الملوخية.. وبحسها دسمة بالرغم من أنها ورقيات وحريراتها أليلة فضروري خافظ على وزني.. منشان يكون شكلي حلو على حفلة عرسي ويبقى شكلي حلو وما أكسب وزن بعد الزواج

ام سمية

19-12-2005, 08:45 AM

روزا يا روزا ...طبعا عملت المعمول ..وشو طلع كثييير طيب ويذوب فب الفم ...بس اكثر شي قهرني ان الكاميرا عطلانة وما عرفت اصوره :( ..والي قهرني اكثر واكثر اني عملت المسخن تبعك وزنود الست لسنووايت واصابع زينب لبنت مفيد وملفوف الباجوري وكل هذا كان نفسي اصوره بس الكاميرا عطلانة :( :( :( يعني انا كثير مقهورة ..كان نفسي تشوفي النتائج الرائعة...الكعك عملته في قوالب (بصراحة بنتي الي عملت القوالب) وانا عملت العجل وكثير شكله حلو وطعمه كمان كثير كثير طيب ...
الحمد لله انا ما باكل الحلو كثير بس اولادي وزوجي بياكلوا فلساتني محافظة على وزني ...ومازال وزني ينقص ..الان وصلت 54,6واسعى ان اصل الى 50 او 49 كيلو قبل العيد ...فكرك بنجح ؟؟؟؟
انا دائما اتذكرك ...وكلما تذكرتك زادت حماستي واعطيتيني دفعة ...الله يبارك فيك

طيـــف

20-12-2005, 12:26 PM

ام سميه
:( ولا طبقتي شي من وصفاتي:(
خلص انا زعلانه;);););)

روز هلاء بجيب لك رابط رندوش للموضوع

ام سمية

20-12-2005, 06:29 PM

ام سميه
:( ولا طبقتي شي من وصفاتي:(
خلص انا زعلانه;);););)

روز هلاء بجيب لك رابط رندوش للموضوع

يا شيف طيف (كيف بس صرت بعمل زي ام البنين)
انت حاضرة معانا ما شاء الله كل يوم ومن زمــــــــــــــــــــــان بس محسوبتك زمان ما كانت صاحية ترد اول بأول )_( ...وكنت اجلس على النت بالعافية ..بس يا ستي اليك التقرير
الصلصة تبعت معكرونة عش العصفور ما بعمل غيرها (واسألي نور)
وعصير الليمون المعصور بقشره (بس بدون نعنع) ما بيمر يومين الا وبعمله (واسالي زوجي)
والميلك شيك بالموز وزبدة الفول السوداني...كل يوم بعمله (تقريبا للاولاد ) حاليا من غير الزبدة( واسألي الاولاد)
والشيز كيك تبعت السور كريم حرمت اعملها لانها بتعمل ادمان (واسأليني انا)
..المرة الجاية دور كفتة ام عبد الله ...بس لما يجي دور الكفتة على جدول الطبيخ :)
ده انت يا بنتي الخير والبركة ....اه رضيت والا لسة يا قمر يا عسل ؟؟؟
بتعرفي الاسبوعين الماضييين ..كنت فايقة ورايقة وقررت اجرب عدة وصفات جديدة من المنتدى واصورهم ..وكمان كنت فاضية ..واختك في الله نادرا ما بتفضى هيك

روزا وينك؟؟؟اشتقنالك

Homa

20-12-2005, 08:46 PM

السلام عليكم ورحمة الله وبركاته http://forum.amrkhaled.net/images/smilies/he--.gif

وووووووين يا روز مش ممكن كده ولا محضره مفاجأه لينا #R#R لازم تكون كبيره ومحرزه علي قد غيابك

ROZALENDA

21-12-2005, 01:03 PM

السلام عليكم ورحمة الله وبركاته
حبيبتي نهى
http://www.lakii.com/vb/smile/9_1.gif (http://www.lakii.com/vb/uploader/smilies.php)
ان شاءالله صحتين وان شاءالله الباقي يعجبك كمان
الحلوه homa
تسلمي حبيبتي على سؤالك وانا بالجميله بريتش كولومبيا انتي بكندا كمان ؟ وياستي بعيد الشر عنك شو هالدكتور اللي دمه تقيل
وكمان احكي براحتك سدقيني بستنى ردودك وبحب كتير اسمع اخبارك اللي ان شاءالله دايما سعيده وحلوه يارب وعلى فكره نزلت الريجيم اللي طلبتيه مني روحي طلي عليه واعطيني رأيك وعلى فكره ولا وحده جاوبت على سؤالي عن نوع الوصفات اللي محتاجينها يعني هيك تركتولي الخيار بكره ان شاءالله برجع بشي جديد
قطوطه
برافو عليكي خليكي صحيانه هيك ومنتبهه ما تعملي متل محسوبتك الله يقويكي يارب
عزيزتي ام سميه
الله يسلمك اخجلتي تواضعي وسدقيني كتير فرحت انه معمولي عجبك انتي بالذات الله يجعله صحتين وهنا بس انتي مو سمينه هيك منيح كتير خلي المقاييس العالميه للوزن المثالي على جنب يعني والله الوحده بدها تعطي شوية هيبه وتعبي الكنبايه مو حلو تكون هيكل عظمي مظبوط ؟ بس اذا حطيتي الموضوع ببالك مع شوية عزيمة واصرار بتنجحي ليش لأ الله يوفقك وتحققي كل اللي بتتمنيه
طيوف
يالله انا بالانتظار يا حلوه وروحي اعملي طله نزلت الريجيم ان شاءالله يعجبك

Homa

21-12-2005, 09:42 PM

السلام عليكم ورحمة الله وبركاته

ياغاليه ياست زوجها

لكي كل الحب

انا بهاملتون اونتاريو وعندنا فكره نمشي البرتا، ادمنتون علي شهر 1 للاستقرار اذا اذن رب العالمين

انا بسال هل ممكن استبدال وجبه الغذاء في الريجيم من احدي وصفاتك

وحبيبتي اتحفينا علي راحتك واحنا منتظريين

وهادي إلكhttp://www.lakii.com/vb/smile/17_34.gif

ROZALENDA

23-12-2005, 10:33 AM

السلام عليكم ورحمة الله وبركاته
عزيزتي هوما وصفاتي كلها بتنفع مع الريجيم اللي كتبته يعني بدلي براحتك حبيبتي
انا عندي كم وصفه بدي نزلهم ان شاءالله بس هلأ مضطره غيب مسافره وبرجع بعد اربع ايام بإذن الله تعالى مع كل جديد وبما انك جايه البرتا صرتي جارتنا يا ست هوما ولازم تشرفينا بزياره منطقتنا حلوه كتير والطبيعه فيها خلابه وهلا انا رايحه الحق نام شوي قبل موعد السفر دعواتك يا حلوه استودعتكن الله الذي لا تضيع ودائعه W:

ام سمية

24-12-2005, 09:41 PM

اقولك سر يا روز ..

انا طولي 152 ..يعني ما طولت من اخر مرة شافتني فيها طيف..انا وطيف كنا في صف واحد في المدرسة وهي بتعرف...فمشكلتي ان اي كيلو يظهر بسرعة علي خصوصا على الجوانب والبطن..انا طبعا لا اريد ان يصبح وزني 45 ولكن 50 كيلو مناسب جدا ..يعني باختصار عندي سوء توزيع :D بس زي ما قلت الك هذا سر

Homa

25-12-2005, 12:24 AM

السلام عليكم ورحمة الله وبركاته

غاليتي روز

اكيد بريتش كولومبيا حلوة بيكي وانا اتشرف بزيارتك

انا عايزة اقولك اني نزلت 3 باوند مع اني خبصت

اجازه سعيده

وفي انتظارك علي من q) الجمر

ROZALENDA

29-12-2005, 11:38 PM

السلام عليكم ورحمة الله وبركاته
اخت ام سميه
ماشاءالله عليكي همتك عاليه الله يقويكي اما عن سوء التوزيع مين فينا ما عندها هالمشكله كثرة في الانتاج وسوء في التوزيع ولا تخافي عزيزتي سرك في بير ادعي هلا الله يعينا العيد قرب والله يقوينا ونقاوم معمولك اللي خرب علينا الريجيم العيد اللي فات :D
اخت هوما
اهلا وسهلا فيكي يالله انا بانتظارك :D بتشرفي بأي وقت وبرافو ممتاز ماشاءالله 3 باوند مع مع التخبيص اكثر من ممتاز استغلي هالوقت لأنه اول ما بتبدي بالريجيم جسمك بينزل بسرعه بعدين بيبدأ يتباطئ يالله شدي الهمه قبل العيد وانا كمان رجعت للريجيم اليوم وهي جاينا صيام عشر ذو الحجه ان شاءالله بساعد كتير اما عن الوصفات فسدقيني عندي شي صورته جاهز وشي براسي حابه نفذه بس المشكله محسوبتك راجعه من السفر الشهيه مفتوحه :mad: وما عم اطبخ اكلات بحبها حتى ارجع امسك بزمام الأمور :( طمنيني ما ظبطتي امور الكاميرا ؟ اذا مافي امل احنا موافقين اكتبيلنا الوصفات بدون صور :-M

السيدة وقار

30-12-2005, 06:24 PM

ROZALENDA

31-12-2005, 02:42 PM

عزيزتي روزا
الحمدلله على السلامة

إن شاءالله تكوني انبسطت في اجازتك

أخواتي هذا الملف عبارة عن المجهود الجبار الذي قامت به الاخت روز
وقد جُمع فيه جميع الطبخات ورا بعض عشان ما تتعبو في ايجادها وباذن الله سيتجدد كل بعد كم اضافة من روزا
وهو عبارة عن ملف وورد ليسهل طباعته

التحميل من هنا (http://9q9q.com/get.php?filename=1135955400.doc)
اخت السيده وقار
الله يسلمك يارب والله فعلا لساني عاجز عن شكرك للمجهود اللي بذلتيه جزاك الله الف خير وهيك انا اطمنت انه الاخوات ما حيدوخو السبع دوخات بحئا عن وصفه http://www.lakii.com/vb/smile/19_97.gif (http://www.lakii.com/vb/uploader/smilies.php)
ويالله كم يوم والاولاد بيرجعو للمدارس وبيروق مخي وان شاءالله تعالى برجعلكم بكل جديد :)

لـــمـــووو

31-12-2005, 05:19 PM

http://www.lakii.com/vb/smile/9_15.gifالله يسعدك يا رب وترجعي لنا بالسلاااااااااااااااااااااااااااااااااااااامةفي انتظار عودتك ان شاءالله يا عسل

Homa

03-01-2006, 07:58 PM

السلام عليكم ورحمة الله وبركاته

الغاليه روز لكي كل http://www.lakii.com/vb/smile/17_23.gif

انا عايزه منك طريقه شوربه الملفوف اذا سمحتي لاني عملت واحده بعد كم يوم من شربها زهقت منها

انا حااحاول اكتب بعض الوصفات بس عارفه الاجازه بتنتهي الاثنين الجاي

الله يعين

هبهوبة

04-01-2006, 01:56 AM

السلام عليكم ورحمة الله وبركاته
إي شو هاد ؟؟!! ما شاء الله تبارك الرحمن ..شو هالوصفات الرائعة والصور الأروع ؟؟اليوم أول مرة بقرأ الموضوع وبدي روح نام بس ما قدرت إلا ما كمل قراءة الصفحات كلها ..ما شاء الله عليكي بتعرفي شجعتيني كتير جرب وصفاتك وإن شاءالله عن قريب بخبرك شو صار معي
بس عندي ملاحظة أكلك اللي فيه لحوم استعملتي الدجاج دائما بس أنا نادرا لما أطبخ دجاج بس باكله عند العالم لأني بخاف كتير من القصص تبع الهرمونات وإنو بيعمل سرطانات يا لطيف ..بقى بحاول بعد عنه قد ما فيني ومرة جبت دجاج بلدي وسلقته كتييير بس ما استوى معي ..مشان هيك أنا بستعمل اللحمة البلدي وبطلبها من عند اللحام مشفاية ..بعرف إنو الجاج الدهن فيه أقل بس أنا دائما ببعد عنه
وأنا أصلا بحاول دائما قلل اللحمة بالأكل وكتر خضرة مشان الفائدة

هبهوبة

04-01-2006, 02:01 AM

قطة شامية ....
كيفك يا حلوة (يي على قطاطك) لك إنتي عايشة بالشام؟؟؟هيك قريت عند اسمك إذا هيك ما بصير نكون بمكان واحد وما نتعرف على بعض ..شو رأيك؟؟

السيدة وقار....
كيفك يا عسل؟؟ أنا بحب أشكرك كتيييير على ملف الوورد تبع الوصفات ..ما شاء الله عليكي والله فعلا كتير سهلت علينا ..الله يجزيكي الخير

يُسر الرحمن

04-01-2006, 02:18 PM

السلام عليكم ورحمه الله وبركاته
حبيت اشكر الاخت روزى على الموضوع مع انى لسه مقرتهوش بس بيان انه جمييييييييل
واشكر اختى العزيزة السيده وقار اللى مش باينه ؟؟
مع الاسف الملف منزلش عندى مش عارفه ليه ياريت تقولولى ؟؟

السيدة وقار

04-01-2006, 03:52 PM

أنا هنا يا يسر http://smilies.sofrayt.com/%5E/r/biggrincurtain.gif

وياريت تفتحو الموضوع الجديد

انا باستناكم

ومبسوطة جدا يا هبهوبة وييسر انو الملف عجبكم وطبعا كل الشكر للغالية روزا
بالنسبة للملف فعلا ما بيشتغل مني عارفة ليه الموقع اللي بحمل منه زللللللللللللللل

اللي يعرف موقع غير طقطق ودرر كويس يسعفني بيه

لـــمـــووو

07-01-2006, 11:41 PM

روز
مبروووووووو,,, وسام التميز ,,, وووووووك
تستاهلي اكثر يا حلوووووة

وكل عام وانتي بخير

http://www.lakii.com/vb/images/icons/icon19.gifhttp://www.lakii.com/vb/images/icons/icon19.gifhttp://www.lakii.com/vb/images/icons/icon19.gifhttp://www.lakii.com/vb/images/icons/icon19.gifhttp://www.lakii.com/vb/images/icons/icon19.gif

Homa

09-01-2006, 11:28 PM

السلام عليكم ورحمة الله وبركاته

روز وين اختفيتي كل عام وانتي بخير

ووووووووووين الشوربهhttp://www.lakii.com/vb/smile/17_47.gif انتظرنا كثير

امزح العيد عندك اكيد مشغوله

لكم كل التحيه

ROZALENDA

14-01-2006, 01:46 PM

بسم الله الرحمن الرحيم
الغاليه لموووو
اشكرك من اعماق قلبي يا حلوه الله يبارك فيكي يارب الحلو ما يجيب الا الحلو http://www.lakii.com/vb/smile/21_1.gif (http://www.lakii.com/vb/uploader/smilies.php) وسدقيني كله بنفسكم وتشجيعكم ودعمكم يا مشرفاتنا العسولات http://www.lakii.com/vb/smile/21_148.gif (http://www.lakii.com/vb/uploader/smilies.php) وكل عام وانتي بألف خير
هوما
يا حبيبة قلبي انتي والله اكتر شي بكرهه اني اوعد وأخلف وفعلا الصوره جاهزه من زماااااااااان بس بتعرفي احيانا بتمنى لو عندي ادين اخطبوط ولا حتى لو في مني اربعه خمسه استنساخ يساعدوني ولا حتى لو يومي يصير 50 ساعه بدل 24
المهم يا حلوه انتي هي الوصفه ويارب تطلع مختلفه عن اللي بتعمليها لما تزهقي منها لا ترميها حطيها بعلبه وبالفريزر بعد كم يوم طلعيها وسخنيها الطعم ما بيتغير يالله بسم الله
شوربة الملفوف ( هي الطريقه اخدتها من اختي جزاها الله خير اللي نزلت عليها وزنها كتير قد تكون مختلفه عن الشوربه اللي بحمية الشوربه الحارقه للدهون )
المقادير
المقادير هنا تملأ القدر الى الاخر ( القدر اللي يكفي 5 كاسات ارز مابعرف المقاسات بالليترات )
نصف ملفوفه تقطع مكعبات
نصف حزمة كرفس تقطع شرائح طبعا عرضيه
حوالي 7 بصل اخضر يقطع حلقات مع الورق الأخضر
3 فلفل اخضر واحمر او اي لون متوفر تقطع مكعبات صغيره
طماطم مطحونه بالخلاط على حسب حجمها مثلا لو كان الحجم متوسط اطحني 7 حبات
علبة صغيره صلصة طماطم
ظرف شوربة بصل وانا بستعمل شوربة البصل البني
الطريقه
تقطع الخضار بالطريقه المذكوره وترص بالقدر بالترتيب المذكور ثم يضاف كاس ماء واحد او ممكن بدون اذا احببتي ان تكون كمية السوائل قليله وترفع على النار حتى تستوي الخضار وتتسبك مع بعضها لا تزيدي عليها مدة الطبخ اول ما تستوي شيليها عن النار وانا بحب ضيف عليها تشيلي يعني فلفل احمر حر بتطلع لذيذه جدا وصحتين وهنا
http://www.lakii.net/images/Jan06/rozalenda_bEbWUn.jpg

ROZALENDA

14-01-2006, 02:03 PM

بسم الله الرحمن الرحيم
هي الوصفه بتنفع لكل أفراد العائله وسدقوني ما حدا بيلاحظ الفرق ومنها توفير سعرات حراريه ومنها كمان توفير ريحة زيت وقلي بالبيت ممكن تعمليها على شكل ناجت او فيليه متل الصوره
المقادير
صدور دجاج مقطعه على شكل شرائح فيليه او ناجي وممكن تنقعيها من قبل بيوم بتوم وليمون اذا بتحبي
بقسماط كما ذكرت سابقا حمصي التوست الأسمر واطحنيه
بهارات على ذوقك
بطاطا مقطعه
الطريقه
سهله جدا واعتقد واضحة من المقادير غمسي الدجاج بالبقسماط حمي المقلاه ورشيها ببخاخ الزيت او امسحيها مسح بالزيت اذا ما توفر البخاخ حطي عليها الشرائح لما تكون حاميه
حمريها من اول طرف وبعدين اقلبيها للطرف التاني اذا الشرائح سميكه ممكن تحتاجي تغطيها شوي بس يفضل تكون رفيعه حتى تطلع مقرمشه متل المقليه لأنك لما تغطيها السوائل اللي بتطلع منها بيمتصها البقسماط وبتطلع طريه بس ما علينا لذيذه بكلا الحالتين سدقوني
اما البطاطا رشيها ببخاخ الزيت ورشة ملح وحمريها بالفرن سدقوني الاولاد اكلوها وما حسو بأي فرق
http://www.lakii.net/images/Jan06/rozalenda_Es0YNU.jpg
ممكن تعملي نفس الوصفه بشرائح السمك وان شاءالله قريبا بصورها رائعه والأطفال بحبوها كمان
السلطه اللي بالصوره هيه السلطه الخضرا مع بروكلي و عادة بضيف فطر ني بس يومها ما كان عندي ورشيت عليها جبنة بامزان فليلة الدسم مع صوص السلطه لذيذه مع الدجاج ):K وصحتين :)
بكره ان شاءالله راجعه بوصفه جديده بس هلا نعست كتير تصبحو على خير يا حلوات

Homa

14-01-2006, 10:30 PM

السلام عليكم ورحمة الله وبركاته

ياغاليه ياروزاليندا

ليكي يسلمولي http://www.lakii.com/vb/smile/1_59.gif أهل الشام كلهمhttp://www.lakii.com/vb/smile/1_70.gif

غبتي كثير اليوم لو ماشفت اسمك كنت جيتك http://www.lakii.com/vb/smile/1_15.gif في بريتش كولومبيا

الشوربه اللي كتبتيها مش زي اللي بعرفها واللي كتبتها من احد المنتديات كانت كلها مويه وغير

مش زي بتاعتك مسبكه

الله يديكي العافيه

وكل عام وانتي والاولاد بخير

ومبروك عليكي التميزhttp://www.lakii.com/vb/smile/17_23.gif

ROZALENDA

21-01-2006, 05:16 AM

السلام عليكم ورحمة الله وبركاته
هي الوصفه انا بحبها كتير وحبيت شارككم فيها لأنها خفيفه وبتنفع لكل افراد العائله مو بس للحميه وممكن تعمليها افطار او عشا طبعا هيه المثلث اللي بالزاويه مو الفتوش :)
http://www.lakii.net/images/Jan06/rozalenda_CDsVT0.jpg
المقادير
4 بيضات أو خمسه ( على حسب حجم البيضه )
لحمة مفرومه على حسب الرغبه ممكن تحبي تكثري او تقللي ويمكن ايضا الاستغناء عنها نهائيا
مقدار الكاس المعياري جنبة الكوتاج قليلة او بدون دسم
فلفل مقطه مكعبات واحده كبيره
3 بصل اخضر مقطع حلقات
ملح وفلفل طبعا ( يفضل الاستغناء عن الملح )
اختياري
ممكن اضافة كوسا مبشوره واحده مع بقدونس على البيض خاصة اذا استغنيتي عن اللحم وهيك بتطلع بتشبه العجه
الطريقه
اخلطي الجبنه مع البصل والفلفل ومديها بالصينيه على جنب اخفقي البيض جيدا جدا واذا حبيتي تضيفي البقدونس يفضل تخفقيه بالخلاط مع البقدونس
اضيفي الكوسا المبشوره او اللحم اذا حبيتي تعمليها باللحم واخلطي جيدا بالنسبه للحم يجب ان لا يكون متكتل اما الكوسا فلاااااااااا تخلطيها بالخلاط فقط اضيفي وحركي بالملعقه مع البيض
اضيفي الملح والفلفل
صبي الخليط فوق البيض واخبزيها بالفرن لحد ما تدخلي فيها سكينه وتطلع ناشفه ساعتها بكون البيض استوى حمريها من فوق وصحتين وهنا وهي شكلها لما تطلع من الفرن
http://www.lakii.net/images/Jan06/rozalenda_aGJcOV.jpg
]

صدى الأمل

21-01-2006, 02:02 PM

راااااااااااااااااااااااااااااااائع

افكارك ممتازه ماشاء الله

بس عندي سؤال

طبيعة رجيمك

الفطور

والغذاء اي شيء من هذه الطرق

طيب والعشاء

وتقريبا شو الفتره اللي استغرقتيها لتنزلي في الوزن

تعبناك معانا

Homa

21-01-2006, 08:21 PM

السلام عليكم ورحمة الله وبركاته

روووووووووووعه وانتي):K

الله يديكي العافيه

صدى الأمل

24-01-2006, 01:13 AM

وينك مارديتي علي

ROZALENDA

24-01-2006, 02:22 AM

السلام عليكم ورحمة الله وبركاته
غاليتي هوما
الله يسلمك يارب وما انحرم من سؤالك عني وعن مواضيعي يا عسل
عزيزتي صدى الأمل
اسفه جدا عزيزتي بس سدقيني اكتر من يومين والمنتدى مو راضي يفتح عندي مابعرف العطل من عندي ولا من الموقع نفسه
اما عن المعلومات اللي طلبتيها هي الرابط عندك فيه كل التفاصيل عن ريجيمي اتفضلي
http://www.lakii.com/vb/showthread.php?t=166768
بتمنى يكون فيه الاجابه المطلوبه ودمت بصحة وعافيه

لـــمـــووو

24-01-2006, 09:52 PM

http://www.lakii.com/vb/images/icons/icon19.gifhttp://www.lakii.com/vb/images/icons/icon19.gifhttp://www.lakii.com/vb/images/icons/icon19.gifتسلمين على طيب تفاعلك معناhttp://www.lakii.com/vb/images/icons/icon19.gifhttp://www.lakii.com/vb/images/icons/icon19.gifhttp://www.lakii.com/vb/images/icons/icon19.gif

.ماشااااء الله عليك اطباق والله روووووووووووووعة
راح اجرب ان شاء الله فيلية الدجاج

واخبركhttp://www.lakii.com/vb/smile/17_27.gif (http://www.lakii.com/vb/uploader/smilies.php)

HANAN.Z

25-01-2006, 05:14 PM

مرحبا اختي روز.
انا عضوه جديده شاركت في المنتدى حتى اقدر اشارك بموضوعك المتميز هذا ,واشكرك من كل قلبي لان موضوعك رجعني للرجيم مره ثانيه بعد ما تركته لمدة سنه وانا عندي زياده في الوزن كبيره لكن بعد موضوعك المتميز تحمس كثيرا" وبدات في رجيم من اول الشهر والحمد الله الاْن احس بالفرق شكرا" لك كثيرا"

قطة شامية

25-01-2006, 06:25 PM

روزي حياتي كيفك؟؟
كل عام وأنت بخير .. وجميع الصبايا

روز بعتلك على ميلك أتطمن عنك

بدي ياحلوة .. طريقة للميونيز كمان بسعرات أقل من بعد أذنك

وينها طيف مو مبينة
كيفك لموو

زهر النسرين

26-01-2006, 12:35 PM

السلام عليكم ورحمة الله
مثل ما وعدت العزيزة روزا ليندا
اطرح هنا بعض وصفات الحلويات الخفيفة المناسبة للحمية

cookies خفيفة وسهلة

بيضة
100غ من السكر
125غ من الدقيق
ملعقة قهوة بيكنج باودر
رشة ملح
125غ من الشكلاطة المبشورة

10سل من القشطة

(أنا بصراحة استغنيت عن الشكلاطة المبشورة وعن الكريما ووضعت علبة زبادي منزوع الدسم ، الكوكيز تطلع هشة و اضفت عليها القرفة لاني احبها )

اخلطي البيضة و السكر والقشطة جيدا
اضيفي عليها الدقيق و البيكنج باودر
اضيفي الشكلاطة المبشورة

ثم بواسطة ملعقة أكل ضعي كميات متوسطة فوق الصينية (عليها ورقة المنيوم و مدهونة بشوية زبدة)
ادخليها في الفرن تقريبا 200د لمدة 5 دقائق

الصورة في المرفقات

موس بالكاكاو light

بياض بيضة
كاكاو حسب الرغبة
fructose
قرفة

اخفقي البياض حتى يصبح كالثلج و اضيفي الكاكاو حسب الرغبة+ ملعقة fructose + القرفة

ضعيه في الثلاجة وتذوقيه بارد

هناك المزيد ولكن وقتي محدود
ان شاء الله لما اقدر انزل باقي الوصفات

تحياتي

لـــمـــووو

27-01-2006, 02:05 PM

روزي حياتي كيفك؟؟
كل عام وأنت بخير .. وجميع الصبايا

روز بعتلك على ميلك أتطمن عنك

بدي ياحلوة .. طريقة للميونيز كمان بسعرات أقل من بعد أذنك

وينها طيف مو مبينة
كيفك لموو

http://www.lakii.com/vb/smile/8_12.gif
وانتي بالف صحة وسلام
الحمدلله انتي كيفك

ارسلس لي رسالة وخبريني عن النتايج حبيبتي
طيووووف حبيبت قلبي كثير مشغولة
وكمان كثير مشتاقة لنا http://www.lakii.com/vb/images/icons/icon19.gif

اسهار

27-01-2006, 02:06 PM

السلام وعليكم ورحمه الله وبركاته
اختي روزليندا
الصراحه
ما شاء الله عليك
الله يحفضك من كل شر
اول مره ادخل موضوعك طلع موضوع حلوا جدا جدا ويستحق التميز :-V
الف الف شكر وانا مداومه عندك باذن اللهhttp://www.lakii.com/vb/images/icons/10.gif

ROZALENDA

30-01-2006, 12:09 PM

السلام عليكم ورحمة الله وبركاته
الغاليه لمووووووووو
ياعيب الشوم منك ما تواخذيني حبيبتي على التأخير بالرد هي اولا
وثانيا بشكرك من اعماق قلبي سدقيني عطيتيني اكتر مما بستاهل بس كله من ذوقك ولطفك وسدقيني اني من قلبي احبك في الله يعني لولا متابعتك وتشجيعك مع الأخوات ما استمريت جزاك الله خيرا يا حلوهhttp://www.lakii.com/vb/smile/21_54.gif (http://www.lakii.com/vb/uploader/smilies.php) وطمنيني كيف طلع الفيليه ؟
اخت HANAZ
كلماتك اسعدتني جدا الله يسعدك :-D والحمدلله انك رجعتي تاكلي بشكل صحي ( مابدي قول رجيم لأني بكره هالكلمه ) انا كمان كانت زيادتي في الوزن كبيره ولكن الحمدلله مع الاستمرار والمتابعه بتوصلي لهدفك ان شاءالله تعالى ليش ما تنضمي للإتحاد النسائي لمحاربة السمنه في هذا الرابط

http://www.lakii.com/vb/showthread.php?t=169243
قطوطه
معلش ما تاخذيني والله هالمشاغل هي ما بتخلص حتى فنجان القهوه بشربه وانا عم اعمل شي تاني اما المايونيز عزيزتي فأنا بشتريه قليل الدسم لأنه بتخيل سعراته اقل من اللي بتعمليه بالبيت حتى لو خففتي الدسم فيه بس بسألك واذا لقيت طريقه دايت بنزلها ان شاءالله
اخت زهر النسرين
جزاك الله خيرا من زمان مستنيه وصفاتك الحلوه هي ان شاءالله عالتطبيق مباشرة وانا ان شاءالله هالاسبوع بنزل البراونيز دايت سلمت الأيادي W:
اخت اسهار
اهلا وسهلا بك عزيزتي والحمدلله ان الموضوع اعجبك وشكرا جزيلا على الدعوه الحلوهW: