أفكار لجدران البيت ...!

[زوزو]

بسم الله الرحمن الرحيم


هذه فكرة جداً حلوه أحب أنقلها لكم ....

كل إللي إنتي بحاجه له هو :
مسطرة .
طبشور .
مجموعة من الزجاج الشفاف المربع الصغير .
أوراق رسم مرسوم عليها زهور أو فواكه أو أي زخارف تحبينها ، وتكون بنفس حجم الزجاج ..
صمغ قوي . و صمغ شمع تبع الأوراق .

وبس ...

الطريقة :

أولاً لصقي الرسومات بالزجاج مع الصمغ الشمعي (( إللي مثل الإصبع في المكتبات )) .. طبعاً من جهة الرسمه ...
ثانياً حاولي تحددين الجدار بواسطة مسطرة وطبشور ..علشان تقدرين تمسحين اللون بعدين ... و حدديه على شكل مربعات .

و أخيراً في كل مربع لصقي الزجاج إللي لصقتي عليه الرسمه و إتركي المربع إللي إحذاه فاضي و هكذا .. و بس ...

أتمنى تعجبكم ..

ولكم تحياتي .

[سيدة]

انا ما اعرف كيف اشكرك يا زوزو عملت بحث لموضوعاتك وطبعتها ووضعتها في ملف جزاك الله خير وانا اول مرة اعرف الزجاج الشفاف
مش هو الورق اللي في الملفات او الألبومات ؟

[المهـــا]

ماشاء الله افكار راااااااااائعه (زوزو)
في انتظار المزيد..الله يبارك فيك

وياريت اختي زوزو لو كان عندك فكره فنية عن
طرق وضع المرايات الصغيره ..على الجدار
حيث لدي مرايات على شكل مربعات صغيره ولكن ليس لدي تصميم لها

[زوزو]

بسم الله الرحمن الرحيم

عزيزتي سيده : الزجاج هذا مثل البلاط لكن شفاف ...و هو مهوب الشفاف تبع الألبومات ..
عزيزتي المها : بالنسبة للمرايات الصغيرة ، ممكن تحطينها حوالين إطار الباب تبع المجلس (( للضيوف )) و تلصقينها على شكل زاويه يعني تخلين زاوية فوق وزاوية تحت ، مهوب تلصقينها على شكل مربع ... و تخلين ما بين كل مرايه والثانيه حوالي 2 إنش .. و بس ...
و رأي آخر إنكِ تلصقين مرايه كبيرة دائرية في وسط الجدار و بعدين هالمرايات الصغيرة تلصقينهم حوالينها ... و راعي إن التلصيق للمرايات الصغيرة تكون على زوايا مهوب على شكل مربعات ...
أتمنى إنكِ فهمتي قصدي ... و ممكن عاد بعدين تلصقين بعض الزهور بتنسيقكِ الخاص مع جوانب هالمرايات ...
لو ما عجبتكِ الفكره قولي لي وأفكر لكِ ثاني ...:D

ولكم تحياتي .

[المهـــا]

حياك الله زوزو ...
المرايات حجمها اكبر من اطار الباب تقريبا حجمها 25×25 فهي لاتصلح لاطار الباب
ولا عليك أمر ممكن فكره ثانية :)
جزاك الله خير،،،،

[زوزو]

بسم الله الرحمن الرحيم

....:rolleyes:
طيب وش رايكِ في هذه ...


أولاً : لصقي مرايه وحده بشكل زاويه في وسط الجدار بعدين تعالي أسفلها بحوالي شبرين و لصقي المرايه الثانيه لكن تكون على يمين أو يسار الأولى ..و الثالثه أسفلها لكن عكس إتجاه الثانيه إما يسارها أو يمينها ... وهكذا ... لين تخلصين منهم و حتى لو وصل للأرض مهوب مشكلة راح يطلع شكلها رهيب ...‍:D
ثانياً : وصلي بين المرايه الأولى و الثانية بخيوط من الخيش بحيث تملين جهه وحده كامله بالخيط يعني شوفي الجهه إللي تقابل المرايه الثانيه و إمليها خيط الخيش و وصليهم بالمراية الثانيه .. و سوي نفس الشيء مع باقي المرايات يعني وصلي الثاني بالثالث و بعدين الثالث بالرابع .. وهكذا ..
ثالثاً : بعد توصيلكِ للخيوط راح يطلع عند الأطراف إللي لصقتي عليها الخيط مهوب حلو شكله وش تسوين علشان تخفين هالشكل ..؟ لازم تلصقين عليها ورود صناعيه بترتيب حلو ...
تعالي نتخيل الشكل وشلون بيكون ...:o

عندكِ مرايه أولى فوق ملصوقه على شكل معيّن (( زاويه )) و في نهاية جهتها إللي تقابل فيها المراية الثانيه مجموعة من الورود الصناعية إللي طالع من تحتها مجموعة من الخيوط الخيش موصوله بالمراية الثانية ... ونفس الشيء للمرايات الباقيات ...

ممكن في الخيوط الموصوله لين المراية الثانية تلصقين ورده وحده في كل خيط لكن بتباعد مختلف ...
و هذا الشكل سويه عند باب المدخل علشان الواحد يقدر يشوف نفسه و في نفس الوقت يكون منظر جميل و حلو ..
وبس ...

أتمنى تعجبكِ ..

ها أفكر لكِ مره ثالثه ...:confused:

;)
ولكم تحياتي .

[ديـــم]

شوفى يالغاليه يالمها ::::

شوفى هالفكرة اعجبتنى وممكن تقتبسين منها بعض الأفكار اللى تساعدك :::::

مثلا:

شوفى هالصورة تصدقين انها مرايا وطالعه كأنها نافذه بس يبيلها وحده فنانه فى الرسم يعنى جمعى هالمرايا وارسمى عليها الرسومات الحليوة اللى تعطيك شكل وكانها منظر طبيعى واضافة الايطار الخشبى فى النهايه وممكن تنفذين هالتصميم بمدخل البيت ها وش رايك !!!

اضغطى هنا (http://www.fireflystudioltd.com)




شوفى هالفكره انك تضعين لوحه بالوسط وحواليها المرايا بعد وضعها داخل الأيطارات ودققى في الصوره ايضا من دون المرايا واللوحه ثم بوجودهما ومااجمل الفكرة في المدخل ايضا :D







http://www.homeandreams.com/homeandreams/images/english_garden_before.jpg http://www.homeandreams.com/homeandreams/images/english_garden_after.jpg




اعذرين يالغالية زوزو على لقافتى :rolleyes: :D :p

[أم عنان]

ساعدوني طيب

عندي ممر حاطه في جدار مرايا على شكل مستطيل غلي من إيكيا صغار مربعات لصقتهم جم بعظ وصار شكلهم مستطيل طبعا هم بدون إطار

شورو علي وش أحط بالجدار المقابل

هو ممر مجلس رجال