للمشاغبات فقط ......فرصه لاظهار ابداعك في المقالب والعلقات السااخنه

[لوجـــين محمد]

حبيباتي الغالياتى ..
ادخل بالموضوع ...
يوم الخميس الجاي عندي عزيمه قبل لا نقتحم عالم الدراسه .. وعزمت كل صديقاتي ...
مو هذا الموضوع ..
الموضوع اني عرفت بطريقتي الخاصه ان مناهل راح تحضر (اناماني عارفه كيف لها وجه تجي بعد الي صار)
وبصراحه ودي اعمل لها علقه ساااخنه..مقلب .. الي يكون ..المهم اخليها تندم على الساعه الي جت
فيها ...حتى ارد لها الصاع صاعين ..
انا فكرت اكب عليها الشاي وهو يغلي .. بس قلت ما ينفع ..
وفكرت احط بالكيكه الي تاكلها كيلو فلفل حاار بس اخاف احد ياكله غيرها ...او ترفض تاكله
..
والله فكرت بأشياء كثيره بس كل الي فكرت فيه ما ينفع..
طبعا راح ادفع ضريبه العمل هذا كله مافيه كلام ..
لكن هي جت عندي برجولها وبرضاها ..وين الاقي فرصه مثل كذا بالله عليكم ...!!
ياليت تفيدوني ...
اتحفوني بكل ماهو جديد ...
وياليت كمان محد يحاول يثنيني عن هالشئ ..او يقول حرام ...عيب .. او اي شئ من هذا القبيل ..
ok
انا بالانتظار ..

[ظريفة]

ياااااااااااه يا لوجين

بصراحة المفروض أنك تعاملين الإسائة بالاحسان

وبالعكس يمكن هي جاية لشان تصالحون

وهذا هو رايي

عارفة أنك قلتي لا محد يثبط همتي بس أتوقع أنها حتكون مرة كبيرة

تحياتي

[فتافيت سكر]

والله اذا علي المشاغبه
فانا وبكل فخر ولله الحمد اكبر مشاغبه في بيتنا
واذا علي المقالب فعدي واغليطي
حطي يدينك ورجلينك واضربيها تكعيب يعني
عدد مالا اخر له
ولاكن اذا وصلت اني امقلب وحده من صحباتي
شوفي وش بسوي لها




اول شي طبعا هي جات لحد بيتي وبرجولها
يعني لازم علي اني اخرجها وابسمه تشق شفاتها
وثانيا
انا ادري انها تجي
اروح السوق واشتري لها كيكه كبيره واكتب عليها اسمي واسمها
واكتب تحت اسامينا
اخوه الي اخر العمر
وقبل ما وريها
اطفي الانوار واعصب لها عينها واعملها لها مفاجئه من غير ماتدري
وبكذا صدقيني تكوني كسبتيها بدل انك ماتخسريها
اتمني يكون مقلبي فيه صلاح مو افساد زي انتي ماتبين يالدبيه
تقبلي تحياتي
اختك في الله
فتافيت سكر

[..الغدير..]

:S: :S: :[]L

أختي العزيزة لا أنصحك بهذا أبدا أبدا .. وإلا كما قلتِ أنتِ من سيدفع الثمن ..

وسيصبح ثأر بينك وبينها..

وأهديك قول الرسول صلى الله عليه وسلم " لا يحل لمسلم أن يهجر أخاه فوق ثلاث ليال: يلتقيان, فيُعرض هذا ويُعرض هذا, وخيرهما الذي يبدأ بالسلام" متفق عليه

فلماذا لا تأخذي الثواب بمسامحتها ؟.وعفا الله عما سلف..

وإن كانت هي ناوية على الشر ..فرصة لك لكي تظهر هي الغلطانة أمام الجميع..

أرجو أن تتقبلي نصيحتي ..وأبلغينا ماذا يحصل معك..

[لوجـــين محمد]

ظريفه ..
اقطع ايدي اذا جت علشان الصلح ...!!
اعرفها زين خبز ايدي ..
فتافيت سكر ..
حرااام عليك تبيني اسويلها كذا ...الله اكبر
تبيني اعلن قدام صديقاتي اني خايفه منها...!! او اراضيها بعد كل الي سوته فيني ..!!
وطيب وصديقه عمري الي راح تحضر اكيد ... شنو اقولها وانا كاتبه على الكيكه لوجين ومناهل اخوه الى اخر العمر ...!!!!
اكيد راح يكون موقفي سخيف ... الكل يعرف اني ما اطيق مناهل ولا هي تطيقني .... !!
غدير ..
الكلام الي قلتيه على عيني وراسي من فوق ....
لكن مناهل دائما تتعمد احراجي بس تشوف رقعه وجهي وبعدين تطلع منها مثل الشعره من العجين ...لا وياليت كذا وبس وتطلعني انا الغلطانه كمان ...!!والمصيبه ان الكل يصدقها ...!!
اتسامح واعامل الاسائه بالاحسان ينفع مع غيرها مو معها ...

على العموم يعطيكي العافيه ..
والعزيمه باقي لها يومين او ثلاثه وراح اتصرف مع مناهل بالشكل المطلوب وبالطريقه الي تصلح لها ...
واعطيك خبر بالي راح يصير ...
والي عندها شي يفيدني ياليت تكتب لي