ابي اسافر بس معي اطفال [الأرشيف] - منتديات لكِ النسائية

View Full Version : ابي اسافر بس معي اطفال

الورد جميل

31-05-2005, 08:12 PM

السلام عليكم ورحمة الله وبركاته اخواتي الاعزاى انا لدي مشكلتين وابوجع روسكم شوي بس استحملوني وشورو علي بشور المبارك 1 انا مخيرة هاسنة اسافر اصيفية شهر ولا اجلس عشان وراي تاثيث بيتي الجديد مع العلم ان العام القادم بمشيئة اللة لن يتاح لي اسفر لضروف خاصة.المشكلة 2 عندي اطفال3 سنتين وست سنوات وتسع سنوات ورحلة طويلة 9ساعات وش اسوي فيهم هل ابتعب معهم شورو علي بسرعة لاتبخلون بئي راي وشاكرة لكم......اختكم ام ولة

وجيب اليراع

01-06-2005, 12:31 AM

والله حسب رحلتك ...

إذا كانت أكثر من أسبوع والله حرام تتركيهم ..

أنا العام الماضي سافرت ماليزيا وأخذت عيالي الثلاثة الله يحفظهم صحيح تعبوا وتعبوني

لكن أنا إن ما أخذتهم مت حزن وإن أخذتهم مت تعب وفي كلا الحالتين شوية تضحية

وأخذتهم أفضل بكثيير عشان ينبسطون وياخذون راحتهم وما تجلس في نفوسهم ..

نصيحة ...

إذا كنت تقدرين ومسافرة لدولة آمنة زي ماليزيا مثلا خذي الشغالة لأنها راح تساعدك فيهم

وراح تقعد معاهم فيما لو قررت أنت وزوجك تطلعين في الليل والله في سفرتي ناس كثير

مسوين هالحركة ....

ودمت بود

أختـــــــــــك وجيب اليراع

الورد جميل

01-06-2005, 01:38 AM

جزالك اللة خير اختي وجيب على الرد ماقصرتي بس بخصوص مشكلتي الاولى وش رايك

محبة القرآن

01-06-2005, 03:25 AM

لو أنا اختار اني أأثث منزلي وأشعر بالأستقرار ولا اضيع الفلوس في السفر...

لأن السفر متعه وقتيه....

أما تأثيث المنزل فهو شئ لازم تسوونه ولابد تضحين عشان ترتاحين...

هذي وجهة نظري يا عسل .. والأمر عائد لك..:)

Dandoon

01-06-2005, 10:50 AM

لو انا مكانك برتب البيت لانه اصلا ما رح تنبسطي بالسفر و انت حاملة هم الرجعة و التأثيث و الترتيب .. و ان شالله الامور بتتعدل السنة الجاي و بتسافري انت و الكتاكيت :)

وجيب اليراع

01-06-2005, 01:04 PM

شكرا خيتو ...

شوفي إذا كنت تقرين بعد فترة توفير مال آخر للتأثيث

فسافري وأنت مغمضة ...

لأن السفر راح يجددك نفسيا ويجددك عمليا خصوصا إنك

ماراح تقدرين تسافرين الصيف الجاي ....

وإذا كت تبغين توفرين في سفرتك وتقلصين المصاريف

فلا تاخذين عيالك لأنه راح يوفر عليك نصف التكلفة

لكن حاولي إذا كنت قادرة تاخذينهم لأن الأطفال يكسروووووون

الخاطر ...
وماليزيا دولة ليست غالية وحلووووة جدا يعني حجة وحاجة سفر وتوفير

تقريبا سفرتك مع عيالك مدة 16يوم مع التذاكر والمعيشة ,و...و... كل شئ

تكلف بين 16و20ألف ريال ..

والله يسعدك ويحقق لك الأفضل .......

دمـــــــــت بود

وجيب اليراع

01-06-2005, 01:13 PM

وبعدين ليش تسافرين شهر كثييييييير والله ..

راح يزيد مصاريفك جدا

خليها أسبوعين و انبسطي أنت وعيالك وارجعوا

كملوا أثاثكم شوي شوي ...

زالله الأثاث كل ما قلت خلصت طلعت لك شغلة وعلى هالحال

وبعدين مين يزور في البيوت الحين .........؟

كملي الأساسيات غرفتك وغرف عيالك ثم مجلس الرجال

وهكزا ....

عذرا أطــــــــــــــلت عليـــــــــــــك

استخيري والله يوفقك دنيا وآخرة ....

دمت بود

الورد جميل

01-06-2005, 11:29 PM

واللة ماقصرتوا كفيتو ووفيتو وجزى اللة الجميع الف الف شكر واخص بذكر اختي وجيب واللة ماقصرتي يالغالية اصراحة حسيت وانا اقراء رايك وكانك قدامي صديقة مخلصة وضربتي على الوتر الحساس بي وعطيتيني حلول احس انهافعلا منطقية جدا ااثث شوي شوي وان شاء اللة بعد فترة بيرزقنا ربي نكمل الناقص انا في شقة ملك يعني ماوراي احد يقول هاتي الاجار ماراح ينقص شي لو اخرت اسكن بعد فترة.... خلاص ان شاء اللة شورك وهداية اللة على اندونسيا ان شاء رب العالمين بعد شهربس ابكلف عليك تحمليني وش اسوات بالبنات اثلاث الي معي اصغرهم سنتين وش اسوي بهم في اطيارة قولي لي مع العلم اني ان شاء رب العالمين اباخذ شغالتي معي وشاااااااكرة لك ياعيوني

الورد جميل

01-06-2005, 11:39 PM

معليش اختي وجيب نسيت اقولك انا في الخدمة وارجو ان تقبلينني صديقة

وجيب اليراع

02-06-2005, 02:31 AM

حياك الله أيتها الورد الجميل أختا عزيزة غاااااااالية ...

فكرة أندونيسيا حلووووووة مررررة أختي الله ييسر لكم ويسعدكم في

هذي السفرة ودوم إن شاء الله...

بس انتبهي إذا كانت شغالتك أندونيسية انتبهي لا تهرب عليك ماتصدق إنها

في بلدها وتروح ......

إذا قدرت ومعليش _كثرت عليك_تحولينها ماليزيا أو تايلاند بتقولين ليش

أقولك خيتو أولا علشان السبب السابق ثانيا تايلاند يقولون إنها نفس أسعار

إندونيسيا وأرخص بعد ...

ثالثا التطور إنت معك عيالك إن شاء الله ودك تروحين مدينة متطورة فيها ملاهي

وأماكن ترفيه وخيارات كثيرة وأظن والله أعلم إنها قليلة في أندونيسيا .....

وماليزيا حلووووووة جدا وأسعارها روعة إذا حجزت من مكتب سفر وسياحة مثل الطيار

والصرح راح تلاقين عروض حلووووة مرة راح تخدمك إن شاء الله .....

ونصيحة إحجزي التذاكر من الآن ترى ماراح تلاقين حجز بعدين مهما حاولت ......

الله ييسر لكم أحلى وأجمل سفرة إن شاء الله ....

بخصوص الأطفال راح يتعبون لأن هناك المشي كثيير جدا وخصوصا الصعنطوطة الله يحفظها

خذي لها معاك عربية ضروووري ولاتسوين مثلي ......

أما في الطيارة فالمسافة مو للدرجة اللي تتخيلينها 7-8ساعات خليهم ينامون في الطيارة يشبعون نوم كلهم

حتى زوجك علشان إذا وصلتوا راح يكون فارق التوقيت مش في صالحكم أول يوم يعني إذا نمتوا

راح ينقلب جدولكم في الليل صاحين وفي النهار نايمين وهذا أكثر شئ يخرب السفرة أعرف وحدة سافرت ماليزيا

ورجعت ضااااااايق صدرها لأن النشاطات عندهم تنتهي في أول الليل وهي رايقة تبغى تطلع وعجزت فعلا إنها تضبط

جدولها ..........

الله يسعدكم ويكتب لكم مافيه الخير ....

أعرف موقع سياحي راااااااااااااااائع راح يفيدك جدا جدا جدا لكن هنا ممنوع أكتبه مش عارفة كيف أوصله لك

دمــــــــــــت بود

الورد جميل

02-06-2005, 02:43 AM

شكرالك اختي واللة كفيتي ووفيتي وبلحيل واللة ماقصرتي صدقيني جالسة وانا انود من انوم بس استناك تفتحين وتعطيني رايك واحب انا نتواصل على طول ولا تبخلين علي بكتاباتك وتصبحين على الف خير

وجيب اليراع

02-06-2005, 02:45 AM

وأنت من أهله أختي ...

شكرا لجميل ردك....

دمت بود

شهدQ

02-06-2005, 03:48 AM

نصيحتي سافري لاحقه على البيت شوي شوي انا اثثت بيتي وقعدت اربع سنين ماقدرت اسافر ........... ترى البيت مكلف ومهما تحطين هم يبي اثثي الاماكن المهمة مثل الاسقبال والصالون والمعيشة وغرف النوم والباقي شوي شوي ,,,,,,,,, الدنيا ماراح اتطير وباكر ماندري ا ش خاش لنا مدام نقدر ليش لا ....

الورد جميل

02-06-2005, 04:34 PM

شكرا لك اختي شهد كلامك فعلا صح وشاااااكرة لك مرة ثانية