قصه واقعيه [الأرشيف] - منتديات لكِ النسائية

omkhalid

20-11-2001, 11:27 PM

السالفه سلمكم الله
اثنين شباب ..من ست ايام بالضبط...شلوا عشاهم و ساروا يتعشون في شاطئ الراحه في بوظبي...
يتهم حرمه عيوز و يلست تلقط من الاكل المتنثر...قالولها يدوه انت يوعانه...قالت هيه انا من الصبح هنيه و ما كليت شي...
قالولها انزين شو يايبنج هنيه؟قالت ولدي نزلني و بيرد عليه....
المهم شلوا اغراضهم..و حسوا الشباب ان الوقت متأخر و ما يستوي يخلون الحرمه العيوز روحها فليل...
قالولها..انزين عندج رقم ولدج؟نحن بنتصل له..قالت هيه..و طلعت ورقه صغيره من مخباها...يوم طالعوا شو مكتوب
من يجد هذه المرأه يأخذها لبيت العجزه"
انصعقوا الشباب من اللي مكتوب...و يلسوا ساعه يترجونها انها تسير معاهم....
لكنها ما رضت ... و قالت لا انا بتريا ولدي..هو بيي ياخذني....تموا وياها ساعه يترجونها لكنها كانت وايد مصره ان ولدها بيي ياخذها"مسكينه ما تدري بحقارة ولدها"
المهم....روحوا عنها الشباب....
واحد منهم ما رضي يرقد....يتجلب و يفكر فيها.....
لين ا استوت الساعه 2 فليل...نش من على الشبريه و لبس ثيابه بسرعه...
و سار الشاطئ....شاف اسعاف و شرطه...هجم بينهم و سألهم عن الحرمه...
قالوله توفت...ارتفع عندها الضغط و ماتت...
ارتفع عندها الضغط على حسرتها على ولدها...تتحرى ان صار له حادث او مكروه...
الله يرحمها برحمته...مسكينه...
كتبت ها الموضوع بس عشان يشوفه ولدها على النترنت...و اما حاسه ان بيشوفه...
ارجوكم ساعدوني و انشروا ها الموضوع...
بس كلمه ابغي اقولك اياها....انت ما تخاف من ربك؟
شو عندك اهم من امك اللي ماتت من خوفها عليك...؟

عاشقة الكتمان

23-11-2001, 09:41 PM

حسبي الله ونعم الوكيل مااقدر اقول اكثر من كذا.

مليكة الطهر

25-11-2001, 08:07 AM

نسأل الله السلامة..وأن يرزقنا بر آبائنا وأمهاتنا....

المهـــا

28-11-2001, 02:27 PM

حسبي الله ونعم الوكيل ..رحم الله العجوز برحمته الواسعه ..
يمهل ولا يهمل سبحانه..

بو سعد

04-12-2001, 03:56 PM

عليه من الله ما يستحق:mad: