للبحث في شبكة لكِ النسائية:
|
تابعوا برنامج انتقاء وارتقاء للمدربة
جواهر القعيطي على ركن النافذة الاجتماعية
وركن مدرستي بيتي الثاني
وركن الأمومة والطفولة
تابعوا برنامج انتقاء وارتقاء للمدربة
جواهر القعيطي على ركن النافذة الاجتماعية
وركن مدرستي بيتي الثاني
وركن الأمومة والطفولة
بطاقتك الشخصية :
عرفينا بنفسك كأم
أم أحمد
جزائرية
34 سنة
نقطة ضعفي الكبيييييييييرة اننا أم قوية الشخصية قدام أي موقف وأي مجال
الا أطفالي ماقدرش أقول لاء ولا أقدر أصمد قدام إلحاحهم .
باباهم بيقولي إن ده مش كويس عشانهم ومقتنعة بكلامه
بس بجد بضعف اوى قدامهم وبذوووووب من دموعهم ماستحملش حد يزعق فيهم حتى باباهم ويمكن أكون أنا
اللي قلتله على الغلط بتاعهم وأول ما يبتدي يعاتب واحد فيهم أسيب
الأوضة ودموعي شلالات
وقلبي يتوجع أوى لو رفضلهم طلب وزعلو مش بكسر كلمته بس قلبي بيتوجع جامد
كم طفل لديك
3
وماهي اعمارهم ؟
11
10
5
ماهي الطرق التي تعتمدي عليها في تربية اطفالك ؟
الحوار أهم حاجة بناقشهم من صغرهم زي الكبار وبيفهمونى وبيقتنعو بكلامى وبيعذروني في المواقف الصعبة والمرض والتعب وبستشيرهم في كتير من أموري الخاصة
هل تستمعي لنصائح من حولك من اهل وصديقات وجارات وتطبقيها بحذافيرها ؟
بسمع اه وبستشير في أحيان كتيرة وبطبق بس مش بحذافيرها أكيد كل طفل له طبيعة مختلفة ومش كل تجربة ناجحة هتنجح معايا بحذافيرها لازم أميز حسب طبيعة ابنى اللي بتعامل معاه
ام انك تمتلكي خط محدد لك ولزوجك في تربية اطفالك؟
أكيد فيه خط محدد للتربية بس في أساسياتها العريضة إنما الفروع والتفاصيل تختلف أكيد حسب طبيعة كل واحد من أولادنا فكل واحد فيهم رغم انهم من بطن واحدة وفي بيئة واحدة بس الطباع والعقليات غالبا مختلفة وبالتالي أسلوب التربية نفسه يختلف حسب طبيعة كل واحد وحسب المرحلة العمرية
ماهي اجمل اللحظات التي تكوني فيها سعيدة وانت مع اطفالك ، النوم ، اللعب ، الطعام أو غيرها ........؟
اللعب وأثناء الحكاوى والقصص لما يحكولي ببراءة الأطفال عن مغامراتهم المدرسية وأحكيلهم عن طفولتى وصغري وطاولة الشاي العصر اللي ضروري تجمعنا كلنا
أول مارأيت مولودتـ/ك بعد الولادة ماهي مشاعرك التي راودتك حينها ؟
لا توووووووووووصف
ولا كلمة في العالم ممكن توصف الشعور ده
ولادتى الأولى كانت صعبة حصلي تمزق داخلي ونزيف حاد وشالونى في نقالة عشان أروح قسم الاستعجالات ضغطى كان 7 وآلام شديدة وأهلي حواليا بيبكو
وأنا طلبت أشوف ابنى وهما مستعجلين يا خدونى بس أنا أصريت أشوفه
خذته في حضنى
وياللـــــــــــــه
مزيج من المشاعر
فرحة بكاء حنين شوق لهفة وحب ....
نسيت كل اللي أنا فيه ونسيت الدنيا
ربنا ما يحرم حد من اللحظة دى يااااارب
ماذا تعني لك كلمة براءة الطفولة ؟
أحلى شيء ممكن تشوفه وتحسه
ضحكة بريئة مشاعر صادقة كلمة عفوية يتجلى فيها النقاء بكل معانيه
-ما هي اصعب مرحلة عمرية في تربية الاطفال؟
المراهقة
وما هي الصعوبات برايك؟
في كل مراحل حياة طفلك ممكن تتغلبي على الصعوبات وتسيطري على الوضع لأنه طول الوقت معاكى وتحت نظرك وتوجيهك انتى
إنما اول ما يكبر ويخرج للمجتمع ويخالط كل الناس بكل انماطهم واختلفاتهم والأصدقاء اللي بيأثرو فيه أكيد سواء سلبا أو إيجابا ده غير الإعلام والنت وأجهزة
الإتصال وكل العوامل اللي تتجاذبه هنا
وهناك فلازم تكونى غرستى فيه كل مقومات الشخصية المتزنة القوية من تعاليم دينا وتقوى ربنا عشان يمشي طريقه صح وما ينحرفش عن
اللي انتى ربيتيه عليه
ده غير التغييرات الطبيعية اللي هيمر بيها في المرحلة العمرية دى واللي هتغير شخصيته تغيير جذري فمش هيبقى هو نفسه الطفل الوديع اللي بيسمع الكلام فلازم تكونى ذكية وحكيمة
وتكونى كونتى من قبل رابط تواصل متين جداااا بينكم عشان تقدري تتعاملي معاه وتوجهيه من غير صدامات
-موقف مضحك لاحد اطفالك...
في يوم كنت بغسل المواعين بالليل عبيت الصابون من العبوة الكبيرة وحطيتها جه ابنى كان عنده وقتها 3 سنين تقريبا شال العبوة وقالي ماما هحطها في مكانها في خزانة المونة قولتله أوكى
الصبح جوزي كان طالع رحلة مع زملاؤه في الشغل وجهزتله عدة الرحلة وعبيت علبة السكر من الكيس الكبير بتاع 50 كيلو
آخر النهار لما جوزي رجع قالي هو الشاي بتاعك فيه ايه ؟ استغربت سؤاله وسألته ليه ؟ قالي وأنا بحضر الشاي بقت رغاوي صابون بتطلع منه وأحرجت أوى قدام زملائي استغربنا أوى وما فهمناش الموقف خالص
بس فجأة افتكرت عبوة الصابون وابنى واكتشفت انه أفرغها في كيس السكر
شلت السكر اللي من فوق خالص وخذت من التحتانى وجربت بيه شاي بس برده بيطلع رغاوي واضطرينا نرمي 30 كيلو سكر
وموقف اخافك......
في فرح اخو جوزي ابنى كان تقريبا سنتين ونص وكان متعلق اوى ببباه وعشانى كنت مشغولة كان بياخدو معاه يوم الدخلة كان هو كمان مشغول فجابه المغرب تقريبا البيت عند الباب وقاله روح عند ماما ومشي ومش عارفين ايه اللي حصل بالظبط الولد ما دخلش البيت بالليل جه جوزي ياخذه قولتله هو معاك قالي لاء جبتهولك المغرب واتصدمت وفزعت فزع الولد ضايع من 5 ساعات واحنا ولا على بالنا طلعو كل الرجالة يدورو عليه وأنا قعدت ببكي بكا عملتلهم مناحة في الفرح افتكرت اننا مش هشوف ابنى تانى بس الحمد لله لقوه في جامع قريب من البيت حد لقاه ووداه هناك
موقف تانى عمرى ما نساه
من 7 سنين تقريبا عملنا حادثة العجلة انفجرت وقلبت بينا العربية ابنى الصغير كان في حجري طول العربية ما كانت بتتقلب كنت حضناه جامد اوى لما وقفت العربية ابنى التانى كان عنده 3 سنين كان نايم وحطط راسه على طرف حجري لما وقفت العربية ما لقتوش
كنا كلنا جوه جوزى واخوه وحماتى الا ابنى
فزعت وقلبي وقع وقعدت بصرخ بعلو صوتى ابنى فيييييييييييييييييييين وببكي بشدة
الباب كان اتعوج ومش راضي يفتح طلعت من شباك العربية ولغاية النهارده مش عارفة طلعت ازاى رغم الألام اللي كنت بحسها ؟؟ دورت عليه في كل مكان لقيته مرمي في منحدر
كان نايم ووقع من شباك العربية المكسور أثناء الانقلاب وفضل نايم سبحان الله وماحسش بحاجة خالص وجنبه على طول وقعت علبة حديد فيها عدة العربية تقيلة جدا
لو كانت وقعت عليه كانت موتته
الحمد لله اللي قدر ولطف
-مالشئ المهم الذي تركزين عليه لغرسه باطفالك بعد الدين طبعا
الشخصية القوية الواثقة . الإعتماد على النفس وتحمل المسؤولية ويكونو قد الكلمة . الإبداع والإتقان في العمل
ونشكر لك مشاركتنا في مضافتنا
العفو يا قمر من دواعي سروري
تابعوا برنامج انتقاء وارتقاء للمدربة
جواهر القعيطي على ركن النافذة الاجتماعية
وركن مدرستي بيتي الثاني
وركن الأمومة والطفولة
كريمة رائعة في كل شيء
اسال الله ان يحفظ لك اولادك
مشكوورة ام سهيل على استضافتها
راااااااائعة كارميلا استمتعت بللقاء جدا بارك الله فيك وحفظلك اولادك
ماشاء الله لقاء رائع وشيق
وتاثرت بقصة الحوادث اللى حصلت لابنك
بالفعل ربنا لطف بيكم الحمد لله على سلامتكم
مع ان الحادث قديم
ربنا يحفظلك اولادك ويحميهم من كل شر
وإذا عصيت فتب لربك مسرعا حذر الممات ولا تقـل لـم يـان
وإذا ابتليت بعسرة فاصبر لهـا فالعسـر فـرد بعـده يسـران
كراميلا يا كراميلا رائعة انتي في كل شئ
متت ضحك على الشاي بالصابون هههههههه
وقلبي وجعني على موقف الحادث والحمدلله على سلامتكم
اما موقف ضياع ابنك حكااايةذكرتيني بموقف مشابه
كنت عند بيت حمايي وبنتي كان عمرها سنة وشهرين
والبيت مقفول داائما وكان رمضان
وانا كنت بالغرفة وطلعت للصالة البنت مو موجودة
دورت بكل البيت وما لقيتها الدم نشف بعروقي وجاني حمايي قالي ارتاحي لقيتها اتاري سلفي اخذها وطلع فيها قدام البيت
اااااااااااااه ولما شفتها قعدت بالارض ما عاد قدرت قوم خخخخخ
كريمة حبيبتي نووورتي
ما شاء الله عليكِ أم حنونة وراااائعة
تأثرت كثير بموقف الحادث حتى اني عيوني دمعت لما قلتي انه طلعتي من الشباك ومش عارفة طلعتي كيف رغم الآلام
سبحان الله
هذه هي الأم
الله يبارك لك في زوجك وأولادك وكل أهل بيتك
ويبعد عنكم كل مكروه يااااا رب
أم سهيل ما شاء الله عليكِ
شكراً لك على هذه الإستضافة الحلوووووة
بارك الله فيكِ
وأخيراً عدت لـ منتداي الحبيب ................
اشتقت لكن جميعاً.....................
مام لو انا مكانك كنت خنقت حماي وسلفي مع بعض هههههههههههههههه
كيف بياخذها بدون ما يقوووووووووول
أكره شي عندي لما احد بياخذ ابني او بنتي وبيروح يلعبها او ياخذها على مكان بدون ما يقووولي
الحمد لله انه ما صار معي هيك شي لحد هسة
بس لو صار واحد عمل هيك
ما اعرف أبدأ بالخنق ولا العض هههههههههههههه
وأخيراً عدت لـ منتداي الحبيب ................
اشتقت لكن جميعاً.....................
بارك الله فيكي أم سهيل
اختيار موفق
ولقاء راااااااااااااائع ومفيد وممتع جدا مع حبيبتنا والغالية على قلوبنا
كراميلا
الله يباركلك بعائلتك ويحفظلك أولادك ويجعلهم من الصالحين يا رب
شخصيتك حلوة جدا وبتعجبني كتير
واتأثرت كتير بموقف الحادث ,,
يا إلهي موقف صعب جداا ,,الحمدلله
حسبنا الله وكفى
الروابط المفضلة