والله يا جماعة الموضوع ده تعب كثيرين جدا .. وناس كتير بيطنشو على اساس انهم اطفال وبكره يكبرو ويفهمو ويتغيرو والكلام ده .. لكن دا كلام خاطئ تماما .. لانه فعلا بيترسب فى نفسية الطفل وبيفضل معاه حتى اما يكبر !!
انا طبعا معنديش غير ولد واحد ربنا يحميه ويحفظه.. لكن ليا تجربة مش ظريفة مع الغيرة بين الاخوات ..
انا كنت الاخت الكبيرة .. ومن صغرى كنت لمضة ومتكلمة وكان دايما الناس تقول سابقة سنها من الكلام وانى كنت بعرف حاجات كتير ماشاء الله .. ليا اخت اصغر منى بسنة ونصف فقط .. هى دلوقتى بسم الله ماشاء الله احسن منى بكتير وربنا يزيدها .. لكن وهى صغيرة كانت بطيئة الاستجابة ومفيش سرعة بديهة خالص .. كمان كان كلام الناس ليها كلى عشان تكبرى زى اختك .. ذاكرى عشان تبقى شاطرة زى اختك .. وهكذا .. وبابا وماما كانو بيعقدو الموضوع اكتر .. يعنى يمكن هما معذورين لانى جيت لهم بعد فترة من الحرمان من الانجاب .. فا ليا مكانة متميزة شوية .. ويمكن لانها - اختى - مكانتش بتستجيب للضحك معاها ومش بتفهم الهزار بسهولة .. او معندهاش مهارات اجتماعية مميزة .. معرفش بالظبط ..
اللى اعرفه ان اختى دى عانت كتير منى .. وانا كنت فاهمة كده بس مكنتش عارفة اعمل لها ايه !! يعنى مثلا هى بتغلط طيب اغلط زيها ؟ هى بتتعاقب طيب اعمل انا ايه ؟؟ الموضوع ده فضل مأثر على نفسيتها فترة طوييييييييييييلة جدا لحد ما كبرنا وهى بقت ماشاء الله اجمل منى ودخلت كليه احسن منى واغنى منى وربنا يزيدها يارب .. بس انتظرت وقت طوييييل عشان تتخلص من الازمة دى ..
الفكرة فى كام واحد من الاخوات اللى عندهم مشاكل الغيرة دى ؟؟ كتير
كام واحد هيقدر يتخلص من المشكلة دى ؟؟ الله اعلم
كام واحد هيبقى مميز عشان يبطل غيرة ؟؟
طيب الاب والام يعملو ايه ؟؟ اكيد مش لازم يطنشو

الاب والام .. مسئولين عن الطفلين .. الاول والثانى .. ودايما باسمع منكم ان الطفل الاكبر هو اللى بيصاب بالمشكلة لكن انا اديتلكم مثال حقيقى عن الوضع بشكل معكوس .. المهم ايه الحل ؟؟

اولا : طبعا لازم التمهيد للطفل الاكبر وتمهيد على انه امر جميل ولطيف هيكون فى اخ تشاركه وتحبه وتلعب معاه ووووو
ثانيا : الام اكيد هتكون مشغولة بالصغير اكثر خاصة فى اول شهر .. على الاقل لان صحتها بعد الولادة مش هتكون مساعداها لاعتناء باثنين .. هنا بقى دور الاب والاقارب .. الاجداد او الاعمام والاخوال .. لان الكبير بدأ يميزهم .. لازم يبقو معاه ومع امه ويساندوها .. والاب طبعا اهم دور

ثالثا :لازم الطفل الكبير يحس بمسئوليته عن الصغير من اول يوم .. طبعا استجابته مش هتكون افضل حاجة لكن مع الوقت هيتحسن .. والام تبدأ تعتمد عليه فى الحاجات البسيطة جدا ..
رابعا بقى اللى فات كوم والاطفال بعد ما الصغير يبقى عمره سنتين دا كوم تانى خالص .. لانه الصغير كمان هيبتدى يفهم ويستوعب ..
لازم يكون فى معاملة متميزة للاثنين .. مثلا من اكتر الحاجات اما افتكرها اتعجب واعاتب ماما عليها .. ليه كانت بتشترى لنا لبس زى بعض .. يعنى نفس الفستان بس بتاعى اصفر وبتاع اختى برتقالى مثلا !!! طيب ليه ما تشترى لكل واحدة اللى تحبه .. طبعا غالبا كنت بابقى انا اللى عايزة الفستان ده .. وغالبا هيكون واحد من الاطفال (المتكلم اكثر او صاحب الشخصية الاقوى) هو اللى بيختار .. طيب والتانى ؟؟ ليه الام او الاب ما يديلوش فرصته فى الاختيار وفى تنمية ذوقه الخاص ؟ حتى لو اول مرتين تلاتة كان ذوقه وحش او اختار حاجة مش مناسبة .. ممكن نختار له 3-4 حاجات ونقوله اختار منهم واحدة مثلا .. يعنى اكيد كل طفل وكل انسان فى جواه شئ مميز ليه مش بندور على كده وننميه ونحاول نظهره .. الموضوع ده يعتبر قصور فى تفكيرنا كامهات وكاباء مش تقصير من الاطفال ..
كمان مش لازم نخلى طفل واحد هو اللى على طول بيتكلم وبيحكى والناس تحبه اكثر .. لا فى وقت لازم نقوله اسكت واهدى وبلاش تتكلم كتير .. يعنى بهدوء وبطريقة لطيفة ..
واكيد مع نمو الاطفال وتقدمهم فى العمر بيبان ايه المواهب الموجودة عند كل واحد ..
يعنى الهادى الساكت ده ممكن نلاقى عنده موهبة فى الرسم او الكتابة او ....
وواحد تانى عنده ميل للعب الرياضة نختار له رياضة مناسبة .. يعنى ضرورى كل واحد يكون متميز فى حاجة عشان يحس بقيمة نفسه وان له موهبة ويصقلها واحنا كاباء نشجعه .. مش لازم ابدا نسيب واحد يتفوق على التانى بفرق كبير لانه طبعا اكيد فى حد هيكون متفوق بفرق .. دى حكمة ربنا انه مش خلقنا زى بعض ..
ده رأيى باختصار ولو ربنا اراد ورزقنى بطفل تانى اتمنى اقدر انفذ بعض الافكار دى او كلها ان شاء الله.. المايك معاكم

الغيرة شر لابد منه خاصة تلك المتعلقة بحضور المولود الجديد وهي ماواجهت مع أطفالي وقد تذكرت لما كنت حامل بإبني وكانت ابنتي الكبرى في عمر العامين تقريبا قرأت كثيرا عن الغيرة في النت

واتبعت الارشادات و النصائح ومع ذلك لم أسلم من غيرة ابنتي منذ بداية حملي الى غاية ولادتي وتقلبها 180 درجة من عدم أكل تمرد حتى أنها صارت تتلعثم في الكلام عمدا واذا رأتني أرضع أخوها

تقابلني وتعملها في الأرض - أعزكم الله - مباشرة هههههههههههههههههه ودون سابق انذار مع أني نزعتلها الحفاض قبل ماتكمل العامين وبالتدريج الطويييييييل اعتادت وقد واجهت نفس المشكل

بحضور بنتي الصغرى فسبحان الله أخوها لامبالي بوجودها اما هي فعيناها عليا 24 على 24 ساعة ههههههه حتى أنو صار ينتبه لأخته الصغيرة لما يشوف الكبرى شغلها الشاغل اختها ههههههه

وكان عمرها أنذاك 5 سنوات فتصورو في اول اسبوع للبيبي كانت حالتها متأزمة صراخ ونشاط غير طبيعي وقالت هي اختي تعمل مابدا لها ولا أحد فيكم يتكلم معها ههههههههه يعني بيبي عمرو أسبوع

شو يعمل يعني ههههههه حتى أني واجهت مشاكل في ذهابها للمدرسة وديما تسألني شو عملنا من وراها وتقول انتو تبعثوني للمدرسة وتستمتعو وحدكم ومع بعضكم البعض والله بنتي الكبرى حساسة

وقريبة كثير مني وكنت دوما اقولها ومازلت انتي اميرتي انتي الأخت الكبرى _ زي ماما هي أكبر اخوتها _ انت مستواك عالي ولهذا تروحي للمدرسة واخوتك لا واحضنها ومع هذا كانت غيرتها صعبة

فالوقت وحده من عالج الأمر كما أني لاحظت اشراكها معي في رعاية اختها مفيد في تقليل الغيرة الى حد ما

كما وأنه لتفادي الغيرة بينهم هو تجنب احضار شيء لأحد الأبناء دون الآخر وكذلك اذا ومرة قبّلت أو حضنت أحد أطفالي مباشرة أعمل مع الاخوة نفس الشيء صدقوني أعين أطفالنا كالمجهر موجهة الينا

طول الوقت وأقل موقف يمكن أن يؤثر فيهم ..... اللهم أعنا.

موضوع رااائع ما شاء الله الله يسعدكم اخواتي الحبيبات
لما بقرأ النصائح ازاي التعامل مع الطفل للتمهيد له بقدوم المولود الجديد ضحكت وافتكرت بابا كانت ماما حامل وبيقول لأخي الصغير خلاص بدأ العد العكسي شوية وحيجي اللي ياخد مكانك وانت راحت عليك ههههههههههه قمة العقد النفسية
بابا كان بياخدها من باب الهزار لكنه مش عارف ان ده خطأ كبير وبينعكس على الابناء والنتيجة ان اخي اللي كان الأصغر حينها عمره الان 26 سنة والعدو اللذود ليه هو اخي اللي كان في بطن ماما ساعتها واللي عمره الان 14 سنة تقريبا رغم انهم كبار الا انهم ما يطيقوش بعض ابدااااا ورغم فارق السن بينهم (:

Sent from my GT-N7100 using منتديات لكي mobile app

موضوع غاية في الاهمية
انا مازلت لم امر بعد بالغيرة بين الاخوات لاني عندي بنت وحدة و انا الان حامل
بس الي بعملوا من اول حملي هو التمهيد لبنتي بالتدريج هي لوحدها و صعبة المزاج كثير فما بالك اذا اجا من يشاركها او ياخذ مكانها خبرتها انو في بطني بيبي بنت حتكون اختها و ان قطورة حتساعد الماما في رعاية الصغيرة في الرضاعة و انها راح تساعدني في كل شيء لانها هي الكبيرة
كمان خبرتها انها كبرت و باذن الله لما تجي اختها على خير راح تاخذ سريرها لانه صغير و اني راح اشتري ليها سرير اكبر و اجمل ليها كمان خبرتها انو تعطي ملابسها القديمة لاختها و انا بشتريلها ملابس احسن
هي الان متقبلة و الله اعلم حيجري ايه بعدين
بس خوفي الكبير من العايلة في ما بعد انا الصراحة عن تجربة مع اخواتي الذكور سنهم مو كثير متباعد لكن الاصغر انشط و اذكى بكثير منا لااكبر منه و كمان بغير منه و الصراحة الخطا الاكبر من الوالدين
مواهب الطفل تختلف و اخويا الصغير ما شاء الله شاطر من يومه و اجتماعي بعكس اخويا الاكبر منه فالاخ الاكبر كان دائما بلاقي انتقادات من الكل ان الاصغر شاطر و ذكي و هو لا فولد نوع من عدم الثقة عند الاكبر
و انا الصراحة اكثر خوفي من تعامل الاهل مع بناتي ان شاء الله لاني بعمل و راح اتركهم عند جدتهم و الكبار نوع ما ما عندهم ثقافتنا و يتعاملو مع اللامور من غير دراسة للعواقب
بعرف ناس كثير تكره الاخ فاخوه حتى قبل ما يشوف الصغير النور يعني تخبره انو الاجمل و الصغير و سخ و بيعملها على حاله و الكلام من دا
فالخطا يكون في تعامل الكبار اولا مع الاخوين يييكرهو الكبير في الصغير قبل كل شيء يا يحدث العكس الصغير ياخذ الاهتمام الاوفر مما ينعكس سلبا على الكبير
لذا وجب على الوالدين اولا التثقف قبل مجيء الطفل الثاني حتى يعرفوا يتعاملو مع الامور بطريقة سليمة و تثقيف من حولهم الاهل بنشر ثقافة الحب بين الاخوين من اول يوم و عدم التفريق في المعاملة مع اعطاء كل ذي حق حقه في الحنان و معرفة جيدا ان كل طفل يختلف عن الاخر في المواهب و دورنا نحن الاباء تنمية مواهبهم و غرس القيم الديينية
نعن نعمل الي علينا و باذن الله حتى لو حدثت الغيرة مش حتكون بدرجة كبيرة الي تفقد احد الاخوين الثقة في نفسه و تولد الكره الكبير
هذا ما بجعبتي و ننتظر الافادة من باقي العضوات

من الحاجات اللى لاحظتها فى بعض الاطفال .. انه اما يكون الاول عصبى المزاج وطبعه صعب .. بيلين اما يجى له اخ اصغر ..
مش عارفة ازاى بيحس ولا ازاى سلوكه بيتعدل تدريجيا لكن اعتقادى انه احساسه بالمسئولية "البسيط والمناسب لسنه" بيخليه يكبر ويعقل ويفهم انه كبر وان فى طفل صغير هيقلده لو عمل حاجة غلط .. وانه المفروض يبقى زى بابا وماما كده ويعلمه الحاجات الحلوة .. فاهو كمان بيبتدى يتصرف احسن من الاول ..
هى ملحوظة اخدت بالى منها ومعرفتش افسرها باحسن من كده..

حبيباتى حلو كتير المقهى التانى

اسمحولى بداية ارحب بيكم جميعا فى ركننا الغالى

وهذة استضافة بسيطة عملتها اليوم بسبب زكرى ميلاد زوجى اتمنى تعجبكم







ولى عودة يوم السبت للمشاركة معكم فى المقهى

مممممممممممممم شهية يسلمو الأيادي وربي يخليكم لبعض كنوزة

بسم الله الرحمان الرحيم
حياكن الله جميعا*
الصراحه الموضوع راءع جدا
انا لي ححكيلكو عن الغيره وام الغيره وهبال الغيره وسنينها
بعيش اصعب ايام حياتي كلها مع الغيره بين بنتي وابني
انا جبت بنت ماشاء الله عليها بعد 7سنين انتظار الحمد لله وبعد سنه ونص اجا اخوها الله يحفظهم الاثنين
بحكم السنين الطويله لي انتظرتها كونت علاقه قويه جميله جدا مع بنتي وهي لازالت في بطني كتبتلها مذكره كنت بحكيلها فيها كل الخطوات وبحكي معاها في بطني المهم علاقه قويه وجميله بجد
ويوم ماعرفت انو حامل مره تانيه كانت يادوب كملت سنه وبديت احكيلها انو في مين حييجي يلعب معاك وينام معاك في نفس الغرفه وتتسلو مع بعض ووووو
حتى لما بدأ بطني يكبر كنت بفهمها انو في بيبي زي البيبي لي عندها كلعبه ووو المهم حسيت انو بدأت تفهم ( وبنتي تبارك الرهمان كانت ذكيه جدا ماشاء الله وسابقه سنها في كل حاجه مشيتها كلامها حركاتها فهمها) وكنت بنيمها في غرفه لوحدها بس بقرب غرفتي يعني ادنى حركه بسمعها وبعد مده قصيره حتى قبل ما اولد بدأت الغيره
البنت لي كانت بتحب تخرج مع ابوها وتلعب مع ابوها بقت مش عايزه حد تاني عير ماما
انام مع ماما وماما لي تعملي كول حاجه حتى لو كانت مرىضه او مش قادره لدرجة انو تاخذ غطاء النوم تيجي وتنام على الارض قربي لما بكون آكل او مشغوله في المطبخ
اتولد البيبي اليومين الاوليين خليتها مع صحبتي لما كنت انا في المستشفى وتعجبت انوصحبتي بتقولي حرام عليكي البنت زي القمر وهآآآآآآآديه وانت على طول بتشتكي منها قلتلها ياماما ده لي بتعملو معايا مبتعملوش مع حد تاني غيري
المهم لا مشافت اخوها فرحت طبعا في الاول ما فهمتش بعد كذا يوم عرفت انو جاء اللذي خافت منو ،، جاء من ياخذ ماماها!!!!!!!!!
غييييييره آخر مودييييييييييييل مشفتش زيو في حياتي من فوق ماهي متعلقه في ومش عاوزه حد تاني لا باباها ولا جدها ولا جدتها لي جاءو بعد الولاده عندي ولاحد تاني غير ماما انام مع ماما توكلني ماما تلبسني ماما ماما وبس
حتى انو اخوها لما برضعو هي كانت بترمى السكاته (او اللهايه لي بيحطوها في بق البيبي) وتقولي خذيها وحتيهالي في فمي اعملها المره الاولى طبعا بعد ما افهمها انو ميصحش ازيل فم البيبي من صدري وكل هاجه بس بتكون مصره حتى في المره التانيه والثالثه بتبقى مصره إصرار عجيب وبتبكي وتصرخ وتقوم الدنيا
مش لازم اشيل البيبي مش ضروري اغيرلو خليه يبكي ولما يبكي شيليني انا ومتشيليش اخويا وكانت ماشاء الله عليها اتخلت على الحفاضه من قبل متكمل السنتين او ما آخذ البيبي ارضعو تقولي التواليت ياماما (اعزكم الله) آخذها وارجع للبيبي اول ما احطو على صدري التواليت ياماما بسرعه 3 4 حتى 5مرات ولما ياخذها ابوها بترفض وقالي ابوها خلاص ده كتييير رجعلها الحفاضه ورجعتلها وخليتها لما كملت السنتين
البيبي ممنوع يتحط عل الارض او مكان توصلو
واذا غفلت عنو دقيقه اسمعو بيصرخ لانو الآنسه لعبت بصباعها في عينو ولا اذنو ولا فمو
لما ابتدي اغير لاتنين علاش آخرج صراخ وبكاء حتي انو في عز الشتا والله كنت بعرق
طبعا مفيش مدح للصغير
المهم قلت اكيد لما يبتدي يكبر ويحبو حيتقربو من بعض وكبر الصغير بدأ يتحرك ويحبو فماذا حصل؟؟؟؟ التتمه في الحلقه القادمه ان شاء الله
انا آسفه على التطويل و الاسلوب لانو عاوزه احكي وافصل بس معرفتش

كنزى كل سنة وجوزك طيب .. الله يخليكو لبعض .. بس مستنيينك ترجعى وتحكى يا هانم مش زى الحلقة اللى فاتت .. احسن انت عارفة اللى هيحصل لك