ما تفهموش غلط يا جماعة انى ام شريرة وكده
لا والله الحمدلله بناتى دايما يقولوا انتى افضل ام فى الدنيا الحمدلله
بس ضغوط الحياة بتخلى الواحد يفقد اعصابه احيانا
المهم كان فى موضوع تانى عايزة اكلمكم فيه
هل الطفل له سن معين بيحب يسمع كلام والديه وينفذ كل الى عايزينه وبعد كده بعد ما يكبر شوية يزهق ؟؟؟
اروى الكبيرة كانت ماشاء الله عليها بتحب تنظف وتسمع كلامى عالطول حاليا بطلع عينى
اى طلب ..حاضر لحظة ..واللحظة دى ممكن تبقى ساعات
وعلى العكس الصغيرة اسراء اطلب منها اى طلب مهما كان تسيب الى فى ايديها وتعمله
بشكرها كتير واحضنها(اسراء)لعل وعسى التانية تغير وتقوم تعمل معاها ولا هى هنا
ممكن يكون يومها مشغول كتير يعنى من الصبح لغاية الساعة اربعة مدرسة
ومن 5 ونصف الى 8 المسجد
فهل فعلا بتكون تعبانة وعايزة ترتاح ؟؟؟؟بس بلقيها بتلعب عادى؟؟
والادهى من كده كمان لقيتها بتقولى ياماما ..انتى ماما يعنى الكبيرة تعملى كل حاجة بنفسك
فهمتها بهدوء لازم تسمعى كلام ماما وتساعديها علشان ربنا يحبك ولما تكبرى اولادك يساعدوكِ
عالطول ترد لا لا انا مش هاتجوز
باباها قالها انا هاشوف مين الى بيساعد ماما واجيبله هدية فى اخر اليوم
مفيش فايدة برده
الحمدلله عدم سماع الكلام فى الحاجات العادية يعنى هاتى كذا واعملى كذا
اما الصلاة مثلا ولما بنصحها بحاجة فى الدين بتسمع الكلام عالطول الحمدلله
افيدونى اعمل ايه ؟؟؟؟
ولا اعمل كل حاجة بنفسي وخلاص...بس على راى ماما امال انا مخلفة بنات ليه
الروابط المفضلة