السلام عليكم و كل عام و انتوا بخير جميعا.. من فترة نزلت موضوع سألتكم فيه عن حل لمشكلة الغازات للاطفال و مازااااالت المشكلة قائمة لليوم,, بنتي عمرها 4 شهور و نص الله يحميها يارب ,,دااايما عندها انتفاخ يومي طبعا جربت المساج بزيت الزيتون و مش دايما بينفع لانه بس تكون بتبكي بتشد على حالها وما بتخليني اعمللها مساج منيح و جربت احممها بمي دافية بجيب نتيجة مؤفتة و بعدين بنرجع لنفس القصة من الاول,, سالتك الدكتورة تبعتها اعطتني دوا لازالة الانتفاخ بعطيها منه يوميا كمان نتيجته مؤقتة.. و قالتي طالما البنت بتخرج عادي وما عندها امساك خلص يمكن تاخد وقت ليروح منها الانتفاخ وعم بشربها بابونج كمان.. هي بترضع طبيعي و صناعي سوا لاني كنت باجازة و كان صعب الرضاعة الطبيعية بكل مكان ف صرت اعطيها صناعي و كمان عشان تشبع لاني بحس حليبي مو كتير....... لمتى ممكن تضل هاي المشكلة بالعادة للاطفال؟؟؟ هل بقدر اعطيها الدوا كل يوم اكتر من مرة؟ هو مكتوب عليه ممكن و الصيدلي قالي عادي بس بنتي حاليا الها شهرين عم تاخد الدوا بشكل يووووووومي و انا صرت اخاف بصراحة... اما المشكلة التانية هي النوم لما كنت بالاجازة كانت بنتي تاخد رضعة مشبعة بالليل و تنام عليها شي 5 او 6 ساعات متواصل بعدين تصحى ترضع و تنام ساعتين تلاتة و ترجع ترضع مرة تانية وتنام نفس الشي يعني نومتها بحدود 12 ساعة..حاليا الي اسبوعين راجعة من الاجازة و بنتي ما بتناااام بالمرة طول الليل انتفاخ و ما بترضى تشرب الحليب ابدا و بتبكي و بس ارضعها مني ما بتشبع, مع اني بدفيلها الغرفة بالليل بحكم انه عنا بدأ فصل الشتا عكس العالم كله نحناالمهم هاد الوضع متعب جداااااااااااااا الي و الها و طبعا ازا هي ما بتنام يعني اكيد انا ما بناام و هلا بلش رمضان و بدي اعرف اصحى اصلي و اقرأ قران ما بدي يروح رمضان بدون عبادة لاني ما بنام منيح,, مش عارفة شو اعمل معها تعبت! عندي سؤال اخير كمان,, بنتي بتنام على ظهرها عشان هيك شعرها من ورا في فراغ واضح يعني ما فيه شعر,, متى ببلش يطلع شعرها منيح مع اني بحاول اوقات انيمها على بطنها بس ما بترضى تضل مدة طويلة... مبينة عنيدة من هلا الله يستر هههههههه اسفة طولت عليكم بس هيك مختصرة لسه عندي مية سؤال غير هدول بس بكفي اليوم هالاسئلة بلاش تطردوني من المنتدى كله ههههههه جزاكم الله كل خير حبيباتي
رد مع الاستدلال
الروابط المفضلة