تجربتى فى تخلص ابنتى من العناد (تجارب تربويه)(تجربة قيمة )
السلام عليكم ورحمة الله وبركاته
اشتقت لكم كتيييييييير يا احلى امهات
والله ما ابعدنى عنكم الا نفسيتى السيئة بسبب ما يجرى فى مصر حفظها الله من كل سوء
دعواتكم غالياتى
اما بالنسبة لموضوع اليوم والله حطيتوا ايديكوا على الجرح
عندى ابنتى التانية عنييييدة بشكل لا يوصف
لو احكيلكم مش هتصدقوا تتحكم فى طريقة جلوسى وممنوع منعا باتا المسها او المس شئ يخصها وايدى مبلولة والا .....
انشف ايدى كويس واغير كل هدومها ومع ذلك هى تحب الاستحمام بالساعات
تخيلوا قبل ما اعطيها البيضة المسلوقة انشفها كويس
الى بيصبرنى عليها انى عرفت ان الطفل العنيد ذكى جدا وله شخصية مستقلة
وهى ما شاء الله عليها ربنا يحميها واخوتها يارب
فى الاول الصراحة كنت بقابل عندها بعند يعنى اناعايزاها تلبس لبس معين وهى عايزة لبس تانى اعند معاها
وتزززززززززن وتعند وانا اصمم اكتر
وبعدين فوقت لنفسى بمساعدة زوجى
كانت اول خطوة ان طالما الموضوع مش مهم اوى خلاص اسيبها تعمل الى هى عايزاها تلبس الى تلبسه
تاكل فى الوقت الى تجوع فيه
اما اذا كان الموضوع مهم ولا يمكن التنازل عن رايى فيه
فى الاول الصراحة كنت اسيبها تززززززن بالساعة ولا اسال فيها واحيانا كنت بضربها
بعدين لقيت حل تانى احسن بكتير واسرع واهدى
اخدها فى حضنى واطبطب عليها او اخدها عند جارتى او نتمشى لغاية ما تنسى الموضوع
اول ما طبقت الحل ده اندهشت
ما الموضوع سهل اهه وخلص بسرعة بحضن وبوستين
انا كنت واخدة فكرة سيئة عنها ان مفيش حل ينفع معها
احيانا بلجأ لاختها الكبيرة لمحاولة تهدئتها واقناعها بالموضوع (جلسة مفاوضات ههه)
والحمد لله كتير تنجح اختها فيما افشل فيه انا
انا عارفة سبب الى بنوتى فيه ان طول النهار اختها فى المدرسة وهى مش لاقيه حد تندمج معاه
ان شاء الله السنة القادمة هتروح الحضانة فى نفس مدرسة اختها ونفسيتها تتصلح
ربنا يهدى اطفالنا ويصبرنا عليهم ويعينا على تربيتهم اللهم امين
.gif)
رد مع الاستدلال
كتبت بواسطة CHEROUK
الروابط المفضلة