السلام عليكم
موضوع مهم
و فعلا احينا الاهل لا يدركوا ان امور بسيطه قد تاثر فى تنشأه الطفل
بالنسبه لبنتى عمرها سنتين و نصف
مش عارفه ان كان سنها يستوعب حاجه زي كده
بس انا فى كلامى معاها بكون صادقه ... لكن فى اشياء للاسف لا
مثلا لو طلبت شيبس و اديتها و رجعت تطلب تانى ... علشان اريح راسي من الزن اقلها خلص
او مثلا هتلخبط فى الاكل و كله تسالى ..ايس كريم ..شيبس ..كده يعنى
مع انى احيانا اقلها مينفعش علشان بطنك هتوجعك و تقتنع
لكن رغبتنا فى الحل السريع و انهاء الموضوع ... يخلينى اكذب
فده شئ ممكن يعلمها الكذب و ان شاء الله اغير طريقتى معاها
هى احيانا اسالها على قصه او لعبه ...تقلي ضاعت
و هى بتقول كده كسلانه تدور عليها
مش عارفه هل اقومها فى النقطه دى ؟
يمكن اشياء بسيطه لكن ده اللي على بالي
و ان شاء الله نستفاد من تجارب الامهات
الروابط المفضلة