تجربتى فى تعليم ابنائى الصلاة(تجارب تربوية)(تجربة قيمة )
بسم الله الرحمن الرحيم
الحمدلله والصلاة والسلام على رسول الله
يسعدنى ان اشارك معكم هذه السلسلة المباركة بإذن الله
سأبدا بابنتى الكبرى:اروى
طبعا تقليد حركات الصلاة يكون من الصغر اول ما يبدا الطفل المشى والحركة
وكنا مصورين اروتى وهى بالحجاب وبتصلى
واول ما بدات تتكلم بدات تقول الله اكبر وتقلد باقى حركات الصلاة
اما فهمها الدقيق لحركات الصلاة بدا منذ 3 سنوات ونصف على ما اذكر
ثم دخلت حضانة اسلامية وتعلمت بتركيز اكتر طريقة الوضوء وكيفية الصلاة
(طبعا انا كنت بعلمها فى البيت بس زى ما انتو عارفين كلام المدرسة فى الحضانة غير)
وبدات تمارس معى فى المنزل الوضوء والصلاة بس من غير ضغط عليها
وكانت بتحب جدا تذهب مع ابيها المسجد
قرب الخمس سنوات بدات احفظها ما تقوله اثناء الصلاة من اذكار وقران
وانادى عليها كل ما ياتى وقت الصلاة بس الصراحة كانت مغلبانى
ساعات بتلعب وساعات تحت عند عمها او جدتها يعنى مش تحت عينى عالطول
لما اغتربنا بدات معها نظام جديد
جدول على باب حجرتها للصلوات الخمس وكل صلاة فى وقتها تاخد صح
واذا ما صلت تاخد اكس وفى نهاية الاسبوع لو الصح اكتر من الاكس هدية قيمة
بس برده بهدووووء ومن غير شدة اعصاب علشان ما تكره الصلاة
وبدات افهمها ان وانتى بتصلى بتكلمى ربنا وهو سامعك
(فى هذا الوقت عمرها 6 سنوات يعنى فاهمانى)
ولو عايزة اى حاجة من ربنا ادعي واطلبيها من ربنا وانتى بتسجدى
ماشاء الله عليها كانت تيجى وتقولى انا دعيت ربنا ان بابا ينجح فى الامتحان
او دعيت ربنا اننا نرجع مصر
واستمريت على هذا الجدول شهر او شهرين حتى اعتادت الحمدلله على الصلاة فى وقتها
وعندها اسدال صلاة تذهب به مع والدها للمسجد
وهذا العام تعلمت فى المدرسة الاسلامية طريقة صلاة الجماعة وتعلمت ايضا اذكار ما بعد الصلاة
لانهم بيصلوا جماعة هناك ويقولوا الاذكار بصوت عالى علشان الاولاد يحفظوها
ومصرة تصلى معايا وهى الامام اضطر اصلى معاها بس النية انها ولا امام ولاحاجة
وماشاء الله لاقوة الا بالله الان هى من تذكرنى بالصلاة اول ما الاذان ياذن
واذا تاخرت قليلا ماما ربنا بيحب الى بيصلى الصلاة فى وقتها الى بتعمليه ده مش مهم
وربنا يبارك فيها يارب كل شويه ماما العصر اذن؟ لاننا للاسف لانسمع الاذان الا من الكمبيوتر
لا لسه لما ياذن قولليلى ولو خرجنا والصلاة اتاخرت عليها تفضل مهمومة ومتضايقة واول ما تروح تصليها
والله كثيرا اغبطها واتمنى ان يكون قلبى نقيا سليما خالى من اى شوائب مثلها
ربنا يبارك فيها يارب وتستمر على هذا المنوال
معلش طولت مع بنوتى حبيتين البكر باه هههههه
بنوتى التانيه تقريبا اربع سنوات
بتحب تقلد اختها فى كل شئ
تعلمت من اختها الوضوء وبتصلى معاها الحمدلله
فى الاول كانت بتعرف فقط تقول الفاتحة وسورة قصيرة
دلوقتى علمتها عن طريق فيديو اذكار الركوع والسجود
وبتتخانق مع اختها مين الامان يعنى الامام بلغتها
بس ما بضغط عليها وانا بصلى تحب تصلى معايا ماشى مش فاضية ماشى براحتها
اما البرنس الصغير عمر عنده سنتين
فقط يفرش سجادة الصلاة ويكبر للصلاة ويبدا حركاته
للاسف والده لا يستطيع اخذه للمسجد لانه ما بيقعد فى مكانه خاااااالص
ان شاء الله لما يكبر شوية
اشكركم لحسن استماعكم
اتمنى ان اكون افدتكم بتجربتى
(رب اجعلنى مقيم الصلاة ومن ذريتى ربنا وتقبل دعاء)
.gif)
رد مع الاستدلال
كتبت بواسطة ام القادة
الروابط المفضلة