الأمومة مهنة صعبة وشاقة

بالرغم من متعتها وإنتظارها بصبر وشوق

وصعوبتها تكمن فى رسالتها ودورها

فالأم تبنى نفسا وهل هناك أصعب من بناء النفس ؟؟!!!

فالأم تريد أن تزرع القيم والأخلاق والعلم والدين والآداب

وكل ما يسمو بالإبن ويرفعه عاليا فى سماء المحبة والمودة والفضيلة

لذلك من هنا دعوة لنساعد بعضنا البعض ونأخذ بأيدى أبنائنا إلى الطريق القويم

فلعل تجربة خضتها نفعت أمهات كثر وكُتب لك بها الأجر العظيم

لذلك فلتذكري لنا تجربتك فضلا

في تعليم أبنائك الصلاة وما عانيته فى هذه المهمة

كيف بدأت مع أبنائك ؟

وكيف كان تقبلهم للأمر ؟

وما هى طرق التحفيز ؟

وبماذا تنصحي الأم الجديدة فى هذه المهمة؟؟


أنتظركم بشوق

عجبتني كتييييييييير فكرة موضوعك الله يجزيكي الخير

بالرغم من انو ابني لسا زغير (سنتين) بس حرصت من لما بدا يوعى اني فهمو شوي عن الصلاة
اللي عملتو انو كل ماجي وقف بدي صلي بخليه يوقف جنبي وعلمتو يكبر تكبيرة الاحرام الله اكبر
وبالفعل ياعمري صار يكبر ويسجد فورا هههههه وكمان الجديد انو صار يحرك تمو لما بيصلي جنبي متل مابعمل انا لما بقرا ههههه
وكل موعد صلاة بقلو يلا عالصلاة بيروح ويمد سجادة الصلاة عالارض وطبعا انا بشجعو وبسفقلو فصار ينبسط ويفرح كتيير
ودايما بدعي ربي يااارب يقدرني على تربايتو التربية السليمة الصحيحة بما يرضي ربي

ماشاء الله موضوع رائع ومهم

وان شاء الله نشوف تفاعل من الاخوات

ونشوف تجاربهم عن تعليم الصلاة


سعيده جدا بعودتك بيلسان

ما شاء الله

موضوع أكثر من رااااائع

بارك الله فيكِ غاليتي البيلسان

أنا أطفالي لسة أعمارهم سنتين و 4 سنوات

بس دائماً لما بروح أتوضأ انادي على أولادي وبيصيروا يقلدوني ويحاولوا انهم يتوضوا

وابني بيروح يفرش السجادة وبيخلي سجادته قدامي بـ إعتبار انه رجل ههههههههههه

وبنتي بتجي توقف جنبي وبنصير نصلي كلنا

ابني بيعرف التكبيرات وبيعرف سورة الناس

فـ بتلاقيه عم يكبر وبعدها سورة الناس وبعدها بيركع وبيسجد وبيرجع بيووقف وبيعمل القنوت وسورة الناس وهكذا لحتى خلص صلاة

بنتي لسة ما بتفهم بس بتوقف جنبي وبتقلدني بكل حركاتي حتى انها مرة خربت علي الصلاة من الضحك هههههههههه

لانه فوطة الصلاة تبعها كانت نازلة على عيونها وهي بتحاول تظبطها وما كانت تضبط اخير شي شالتها ورمتها بالارض وعصبت

وصارت تصلي بدون فوطة ههههههههههههه

بصراحة انا برأيي انه الام لازم تبدأ مع أطفالها على تعليم الصلاة من صغرهم حتى يتربوا على هالشي ويصير عندهم تعويد

ولما بيكبروا ما بيتركوها لو شو ما صار

الله يوفق كل الامهات على تربية أولادهن التربية الصحيحة

ومرة ثانية بارك الله فيك ِ حبيبتي البيلسان

وأعذريني على كثرة كلامي

بيلسان موضوع راااائع غاليتي وبيستحق يتناقش

انا كمان بنتي لسة صغيرة سنتين و5 شهور
بس لما بصلي تجي جنبي وتقلدني وتقول بدها غطا لراسها
وتقول اكبررررر يعني الله اكبر
ولما يجي وقت التشهد تصير تحرك اصبعها مثلي ههههههههههه
وتحرك شفايفها
كمان مرات بلاقيها مدت السجادة وتجيب قصتها وتقرا خخخخخخخخخخ ع اساس تقرا قران زينا هههههههههه

ربي يعيننا على تربيتهم يااارب

موضوع جميل اختى بارك الله فيكى

هحكلمكم تجربتى مع اولادى

انا ابنى الكبير حافظ على اسم جده عنده الان 15 سنه وابنتى مريم عندها 10 سنين

تعليم الصلاه للولد يختلف بالنسبه للبنت لان الولد هنا ليس مثل البنت هقولكم ازاى

ابنى حافظ مثلا لاحظت فيه انوا بيقلد والده فى كل شيئ من صغره وكان بيقلده فى الصلاه

بس الغريبه لما كان يشفنى بصلى كان بيفضل ينط على ظهرى ويشيل السجاده من امامى كنت بصلى بالعافيه ومكنش بيعمل معى مثلما يفعل مع والده ويقلدنى فى الصلاه

لانه كان بيحس بالغيره وبيبكى وبيظن ان الصلاه بتأخنى منه فكان بيبكى ومش بيبقى عايزنى اصلى

المهم بعد ما اصبح مدرك ابتديت اعلمه يتوضا ازاى بس كان بيرفض بقيت محتاره اعمل ايه

اتفقت مع والده ان نشجعه بأن نشترى له اشياء خاصه للصلاه

فنزل والده واشترى ثلاث مصليات احنا كنا محتاجين مصليه اصلا واشتره سجاده للصلاه خاصه به وجعله هو من يقو بأختيارها

وعندما يذهب للصلاه مع والده الى الجامع كان يجرى ويحضر السجاده بتاعته معاه وكان بيبقى زى القمر وهوه شيلها كده وعامل فيها راجل كان عسل ماشاء الله

المهم اتفقنا انا ووالده ان نكافئه اذا صلى كل يوم وكان لما يأتى والده من العمل يقول له يابابا ان صليت كل حاجه واسال ماما فكان والده يشجعه ويكافئه

من هنا تعلم ان فى حاجه اسمها صلاه ودى كانت الخطوه الاولى



نيجى بقه للخطوه التانيه ان الصلاه لها مواعيد

هقولكم بقه كان بيصلى ازاى

فى البدايه مش كنت بقول له ازاى تصلى او تتوضأ لان ده كان بيخليه يمل بسرعه

كان كل همى انو يتعود ان لما يأتى الاذان يذهب الى الحمام ويتوضأ اى حاجه وكان يقف على السجاده ويؤدى حركات الصلاه

كنت اتركه بدون تعليق او ارشادات سبته براحته لان الصلاه ما هى الا تعود وده كل ما كان يهمنى ان يعرف

ان فى حاجه اسمها صلاه ويقدر يعرف اوقاتها

كده انا كسب شيئان انوا تعلم ان عندما يسمع الاذان هناك صلاه يجب ان يقوم بها حتى ولو لم يتوضأ كنت اتركه لانى كسبت نقطه لا اريد فقدانها

فضل كده لمدة واتعلم ان كل اذان فى صلاه يجب ان تصلى فكان يسمع الاذان يذهب ويحضر السجاده بتاعته ويصلى معى بدلا من ان يضايقنى

الخطوه الثالثه طريقة الوضوء

وبعد فتره علشان اعلمه ان فى طريقه معينه للوضوء كان والده يدخله معه الى الحمام ويقول له عد معى يا حافظ كام مره اغسل يدى احسن بنسى

فكانت الحكايه كلها مجرد لعبه وكان والده يتعمد ان يخطئ مثلا كان يغسل وجهه مره مرتان فقط ويتوقف فيقول له حافظ يابابا انت نسين ناقص مره كمان المفروض تغسلهم 3 مرات

ومن هنا تعلم ان فى حاجه اسمها وضوء وهذا الوضوء مرتبط بعدد ومره وراء الاخرى تعلم الوضوء وبطريقه عمليه وسلها ومن غير تعب او اوامر

ودى كانت الخطوه الثالثه الوضوء

الخطوه الرابعه عدد الركعات لكل فرض

كانت صعبه شويه هو معرفة عدد كل فرض وهو ان الصبح ركعتان والظهر اربع ركعات وهكذا

فكنت كلما اصلى اسأل والده بصوت مرتفع يابابا هو الظهر كام ركعه علشان اصليه فكان يقول لى اربع ركعات وكل صلاه نعمل كده وكان والده لما يكون فى العمل كنت اقول له اتصل ببابا وقول له ماما بتقولك العصر مثلا كام ركعه فيتصل بوالده ويقول له وهو يقول لى

وهكذا استمرينا على ذلك لمدة اسبوع تقريبا ومره والتانى اجى اسأل والده الاقيه هو يقول لى

ويقولى ياماما احفظى بقه اننتى بليده خالص ومش عارفه تحفظى اقول له معلشى

طيب تيجى يا حافظ مش نسأل بابا تانى ولو انا عايزه اعرف اسألك انت ماشى

فرح وقال لى ماشى انا هقولك انا ما انا راجل مثل ابى وعارف كل حاجه

ومن هنا كسبنا الخطوه الرابعه تمام

وبقه كمان اتعلم ان كل صلاه لها عدد معين من الركعات وكان بيصلى كل فرض بعدد ركعاته

اه هوه مش بيقول حاجه فى الصلاه وكان بيحرك شفايفه بس ههههههههههه بس احنا كنا فين وبقينا فين كده حلو اوى

هحكلكم بقه على باقى تجربتى مره تانيه احسن كده انا طولت عليكم

تحياتى لكل اخواتى

نجلاء ماشاء تبارك الرحمن
بجد تجربه رائعه ربي يحفظ لك حافظ يارب
ويجعله من الصالحين البارين يارب.

نجلاء ما شاءالله تبارك الرحمن ربي يحفظكم
شوقتينا في انتظار الباقي غاليتي

اخواتى الاعزاء الشيماء و MUM

اشكرك على دعواتكم الحلوه يا حبيبى ربنا ميحرمنيش منك يارب

ربى يحمى اولادنا واولاد المسلمين جميعا يارب ويجعلهم من المتقين

ويحميهم من فتن الدنيا ما ظهر منها وما بطن

اشكركم من كل قلبى

اكمل لكم باقى التجربه بأذن الله

احنا كنا وصلنا للخطوه الرابعه

دلوقتى حافظ اتعلم ان فى صلاه ولها معاد محدد وان فى وضوء وله عدد معين تمام

احنا دلوقتى فى الخطوه الخامسه

فى الفتره دى كان حافظ وصل لسن 4 تقريبا فقررنا انا ووالده ان نجعله يحفظ القرأن الكريم فى الجامع واتفقنى مع الشيخ

وكان الجامع عندنا بيعمل نظام جوائز تشجعيه للاولاد وكان كل ولد يحفظ صوره كانوا يعطيهم لعبه هديه وده كان بيشجع الاولاد

ونحن كنا نفعل معه بالمثل فكان كل همنا ان يحفظ الفاتحه وكنت حريصه جدا على ذلك فكان من ضمن الاشياء التى قمنا بتحفيظه اياها صورة الفاتحه

والتشهد والحمد لله حفظهم بس حفظه للتشهد كان صعب شويه فأخذ معنا بعض الوقت فى حفظها وحفظ ايضا بعض الصور الصغيره والحمد لله مازال مستمر فى ذلك ولكن فى الاجازه

من هنا حصلنا على نقطه هامه الان وهى

حفظ التشهد وصورة الفاتحه وبعض الصور الصغيره اللذين هما اساس الصلاه

الخطوه السادسه فى الصلاه

بصراحه رغم انه حفظ التشهد والفاتحه لم نطلب منه ان يقولهم فى الصلاه كان فى خطوه اهم

وهى ان يتعلم ما يقال فى الركوع وفى السجود ودى كانت صعبه ايضا هقول لكم عملت ايه

فى البدايه كنت عندما اصلى ارفع صوتى فى الصلاه علشان ينتبه لما اقول ولكنى وجدة انه ينظر لى طوال الوقت ولا يفهم فكان يترك الصلاه ويقول انا خلصت بقيت مش عارفه اعمل ايه

فبدأت ب الركوع اولا وقلت له يجب ان نقول عندما نضع يدنا على ركبتنا اى فى الركوع سبحان ربى العظيم مردتش اقول له كام مره ولا حاجه سبته بس يتعلم نطقها

فكنا لما نصلى يجى يقولها ينسى فيقول لى اقول ايه يا ماما واقول له ويدخل تانى فى الصلاه حتى اوقات كنت اخرج من الصلاه علشان اقول له وكنت اعيد الصلاه من الاول

وفضلنا كده فتره لغاية ما اتعود وقلت له خلى بالك احنا بنقولها ثلاث مرات دى كانت سهله بصراحه لانه كان اتعود خلاص

وايضا فعلت هذا فى السجود بنفس الطريقه بس بعد فتره اسبوع تقريبا علشان مش يتلغبط والامور تدخل على بعضها

كده تمام وعرف حافظ ماذا يقول فى الركوع والسجود

تعبنا شويه بس معلش دى حاجه هنجنى ثوابها طوال العمر

احنا دلوقتى ان شاء الله فى الخطوه السابعه وهى ان يتعلم احنا بنركع كام ركعه وكام سجده

دى بقه كانت صعبه خاااااااااااااااالص ويمكن دى اكتر حاجه اخذت منى وقت لانه كان بيتلغبط فيها وكان صعب يستوعبها بسهوله

بس احسن طريقه هى ان اجلس بجواره وهو يصلى واقول له متى يقوم ومتى يسجد ومتى يظل جالسا وهو كان ينظر لى ويفعل ما اقول اوقات كان بيكمل واوكات كان بيقول لى تعبت يا ماما كنت بسيبه براحته بدون ان اضغط عليه خالص واقول له خلاص ياحبيبى كفايا كدهوهنا بدأت ارفع صوتى فى الصلاه
ليسمع ما اقول لان استيعابه اصبح اكبر ومعظم الوقت كنت اجلس بجواره وهو يصلى وارشده واوقات كان بيضحك ويقول لى معلش نسيت لان لما كان يقف والمفروض مش يقف كنت اشاور له بيدى ان يجلس واوقات العكس فكان بيضحك وانا احاول الا اغضب عليه كنت اضحك بأبتسامه خفيفه فى نفس الوقت ببعض الحزم لكى يتعلم

بصراحه دى اكتر حاجه اخذت معنا وقت وفى الفتره دى تقريبا كان حافظ قرب يوصل لسن 6 سنوات

بس عند سن 6 سنوات كان فاهم كل حاجه فى الركوع والسجود وماذا يقول

تأتى الان الخطوه الثامنه وهى ان يعرف ماذا يجب ان يقرأ من الصور ومتى يقول التشهد

دى كانت سهله لان حافظ كان بيذهب الى الجامع وبيحفظ القرأن وكنت حفظته التشهد وقتها بس مكنتش بخليه يستخدمهم فى الصلاه

حتى لا اصعب عليه الامور ويستطيع ان يدرك الخطوات واحده واحده

ابتديت افهمه متى يجب ان يقرأ سورة الفاتحه ومعها صوره صغيره ومتى يقول التشهد

وبما انه كان حافظهم من قبل وكان ادراكه اصبح اكبر لم يأخذ معى وقت كبير فى خلال اسبوعين قدر يفهم ماذا يجب ان يقول ويستوعبه تماما

طبعا كان يخطئ فى بعض الاشياء بس كنت بفهمه براحه
يعنى مثلا مره كنا نصلى مع بعض حس انه عايز يدخل الحمام فترك الصلاه بسرعه ودخل الحمام ورجع ووقف بجوارى ليصلى

طبعا هنا لم اغضب عليه ابتسمت بهدوء وتركته لان سنه لن يستوعب لماذا عدم الخروج اثناء الصلاه حرام

كل حاجه وليها وقتها ويجب ان نتعامل مع الطفل حسب قدراته فى الاستيعاب

والحمد لله عندما وصل لسن 7 سنوات كان يدرك الصلاه ويعرفها تماما

وعندما كبر اعطيناه معلومات اكثر فى الصلاه ومازال يتعلم منا ولكن الحمد لله استطعنا ان نعوده على الصلاه منذ صغره

الان وهو فى سن المراهقه يمكن ينسى يصلى فرض او يضع عليه بسبب دروسه او تروح عليه نومه بس عارف ان الصلاه حاجه اساسيه

ويقوم لها بسهوله لانه خلاص اتعود عليها

يمكن لسه مش عارف يعنى ايه خشوع وانه يجب ان تكون الصلاه قبل اى شيئ يقوم به ويجب الا يجعل فرض يضيع عليه

بس هذه اشياء تأتى من القلب ومن زيادة الايمان والتقرب الى الله وهو فى هذا السن صعب يشعر بمثل هذه الاحاسيس وهذه المتعه فى الصلاه بس ادينا معاه وبنفهمه واحده واحده
والحمد لله الاساس كان صح علشان كده بنقدر نتواصل معه ما شاء الله لا قوة الا بالله

ربنا يحفظ لنا اولادنا يارب ويكونوا جنتنا فى الدنيا والاخره ويهديهم للطريق المستقيم ويبعد عنهم اصدقاء السوء

دى كانت تجربتى مع حافظ اتمنا ان اكون افادتكم بها

ربنا يفرح قلوبكم بأولادكم يارب
مع تحياتى للجميع