مسابقة ارسم أو اكتب للأطفال << رسومات عدنان وعبد الرحمن >>
خبرت أولادي بالمسابقة وحبو الفكرة كتير
ومن أسبوع يمكن مجهزين الرسمة بس ما نزلتها
وهنن دائما بيسألوني نزلتي رسماتنا؟
وأنا بنشغل وبتوتر من هالظروف المحيطة
الحمدلله
أترككم مع رسماتهن :
رسمة عدنان
سأوضح فكرة الرسمة :
كنا بالطريق ومرينا جنب حديقة ,, الحديقة فيها ناس مشردين من بيوتهم وكان الجو ماااطر
داخل الحيقة فيه متل مبنى صغير قد غرفة يمكن خاصة بالمسؤول عن الحديقة (ما بعرف بالزبط)
المهم الناس حاطين نايلون كبييير عاملين فيه متل خيمة على أطراف هي الغرفة وقاعدين تحته
وهون كتبلكم كلام ..(صورت الكلام بصورة قريبة حتى يوضح)
أترون معي هؤلاء الناس
إنهم يبكون من شدة البرد
تخيلوا أنفسكم في مكانهم
ماذا سوف تفعلون؟
رسمة عبد الرحمن
الحواجز منتشرة بالشوارع
وزحمة السير من الحواجز ,,
بالصورة فوق عالشمال أكياس الرمل اللي بكونو حاطينها الجنود حتى يحتمو خلفها
والدوائر هدول دواليب السيارات حتى يضيقو فيها الطريق
وعلم سورية محطوط عند كل حاجز وبالنص صورة بشار
والجنود واقفين حتى يدققو بالهويات
والعشب على الطرف التاني من الشارع
رد مع الاستدلال
مدونتي مطبخ ام مرمر و ليلو
كتبت بواسطة MUM
الروابط المفضلة