كلمات من القلب من صغيرتي لجميع اطفال غزه وسوريه {مسابقة اكتب أو ارسم للأطفال }

**حنين الياسمين** · 21-11-2012, 10:07 PM

جلست بجواري وعيناها تلمعان سألتني ماما مين خزه (غزه)
قلتلها ياماما مدينه بفلسطين مليئه بالشجعان والابطال
واليهود مابحبوهم لانو هن كتير قويا ومابخافوا غير من الله

سألتني طيب اليهود مابتخاف من حدا
سكتت وعيونها بتستنى الجواب
قلتلها لاء مابخافوا
قالتلي قتلوا أطفال متل ماعمل بشار
قلتلا ايه
طلبت تشوف صورهم وقالتلي بدي أبوسهم وانفخ عليهم حتى مايتوجعوا
وهي عندها طريقه كمان بتخليني أبوس اب شي بيوجعها
وبعدين انفخ عليه
قلتلها لاء ياماما هن مابيتوجعوا بيطلعوا فورا لعند ربنا
بتعرفوا والله
اتنهدت وقالتلي ايه منيح
وبلشت تحكي قالتلي وبعدين اطفال غزه بتصير طيور وبتجي
بتنقر على راس اليهود
مابعرف من وين أجاها هالوصف والله
قلتلها ان شاء الله
وقلتلها أكيد ربنا مارح يريحهون لانو قتلوا اطفال
قالتلي هون في يهود
سالأتا ليش
قالتلي مشان اروح لعندون وأقلون انا بحب غزه ومابخاف غير من الله
مشان يقتلوني واصير طير وبعدين اجي وأرعبهم
وابتسمت
ربنا شاهد انها ابتسمت
وقالتلي بس انتي لاتخافي علي
قلتلا مارح خاف عليكِ أبدا
وضميتا وطبعا مافرجيتها دموعي
بعدين قالتلي
هلىء مين لازم يموت أول اليهود ولابشار
قلتلها شو رأيك نقرأ الفاتحه لكل الاطفال الي ماتوا وندعي لهم
قامت ولبست ملابس الصلاة وسجدت بسرعه تدعيلهم
دعينا أنا وياها من قلبنا والله
وبالاخير قالتلي أنا بحب كل الصغار ومابحب حدا يموت
كلمات من طفله لسى ماصارعمرها 4 سنوات
كبرت قبل أوانها
صارت تعرف غزه وفلسطين وسوريه
والقتل والتعذيب
دعيت عليهم من قلبي
طفله صغيره بدها تروح وتتحدا اليهود
بدها تنزل لسوريه وتشوف شو القصه
بتدعي على بشار من قلبها والله
ربي ينتقم منهم
كلمات بسيطه صارت معنا من شوي لاني كنت بحكي بالتلفون وسألت صحيح
أخبار التهدئه بغزه
وحكينا طبعا شوي وهي عمتسمع
ربي يفرجها ع الجميع
ويرجع الضحكه لكل الصغار يارب

**حنين الياسمين** · 21-11-2012, 10:14 PM

معلش سامحوني بدأت بالعربيه الفصحه وكملت بالعاميه
الموضوع كان بسيط جداً وحديث من القلب
ونقلته متل ماصار
صدقاً

**أم غيث2009** · 21-11-2012, 10:20 PM

السلام عليكم ورحمة الله وبركاته

ما شاء الله عليها ربنا يحميها ويجعلها من الصالحات
الأطفال كبروا قبل أوانهم بس هاد الجيل يلي بدنا إياه
جيل يرجع للمسلمين قوتهم وعزتهم وكرامتهم
جيـــل يخلينا من أوائل الأمم وينشر دينا صح

اللهم اجعلنا وأطفالنا من الصالحين المصلحين الحافظين لكتابك الكريم
العاملين به واجعلنا وإياهم من الناصرين لدينك والرافعين لراية الإسلام في كل مكان

أم عبادة بوسيلي إياها البنوته وقوليلها ربنا يحميها.

***ام انس*** · 21-11-2012, 10:23 PM

ربنا يحميها يارب

والله دمعت عيوني لسمعها

ربنا يخليها لك يارب

**@ام الخير@** · 21-11-2012, 10:35 PM

هؤلاء هم اطفال المعاناة

هؤلاء هم الاطفال الذين نتوقع لهم القيادة يوما ما

هؤلاء هم احفاد صلاح الدين وعمر وام سليم والخنساء

ربي يحميلكم اياها وينصر اهلنا بسوريا

وينصر اهلنا بغزة

ويكبر اولادنا ويعرفوا معنى الحرية ويتنسموا هواها

**الـمنـى** · 21-11-2012, 11:17 PM

ربي يحميها هالأميرة
قلبها صغير بس فيها اشياء كبيرة
ربنا يحفظهالك يارب

**ام سهيل** · 22-11-2012, 01:15 AM

ياااه غصت معكم في الحديث وصرت اقرا وكانه القمر هي اللي عم تتكلم جنبي
تخيلت صوتها وهي بتحكي
جيل الديجيتال كما سموه البعض
نسي براءة الطفوله وعاش حياة الكبار

ربي يحميها وينصر المسلمين في كل مكان على كل ظالم

إرسلت من GT-I9100 باستخدام برنامج منتديات لكي النسائية

**ام مرمر و ليلو** · 22-11-2012, 09:22 AM

الله يحفظها لك
ويرزقك برها يااااااااااااارب
كلمات جميلة واسئل الله ان يتقبل منكم الدعاء يااااااااااارب
حماكم ربي ونثر سوريا وفلسطين والعراق وبورما

**- بنت الأحرار -** · 22-11-2012, 02:48 PM

ربي يحفظها يارب
ويحميها
وعيني عيني باردة
أميرة بنت أميرة

ربي ينصركم يارب ويحميكم
ويوفقكم قادر يا كريم

**☺أم إبراهيم☺** · 22-11-2012, 04:22 PM

كبروااا قبل أوانهم

الله يحفظهاااا يا رب

و ينصر أهل سوريااااا عاجلاااا غير آآآجلاااا

و يفرجهااا عن جميع المسلمين

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: كلمات من القلب من صغيرتي لجميع اطفال غزه وسوريه {مسابقة اكتب أو ارسم للأطفال }

أدوات الموضوع

العرض