السلام عليكم ورحمة الله وبركاته
أنا معلمة جديدة في الروضة
واحتاج الى مساعدتكم فأرجوا تزويدي بأفكار وطريقة عمل اعلانات للوحدة مثل وحدة المسكن
واعداد الدروس
ولكم جزيل الشكر

أهلاً وسهلاً بك أختي.
لست مدرسة ولهذا لن أستطيع إفادتك.. بانتظار باقي الأخوات إن شاء الله

تستطيعن أختي عمل منزل من الكرتون مقسم إلى غرف ويكون الجدار الامامي مزال حتى تظهر اشكال الغرف ....
أو عمل مجسمات لأشكال بيوت منها مايكون منزل كبير ومنها صغير ومنها بناية وبها شقق ...

لتعريف الطفل باشكال المنازل .

مشكورة أختياي ايمان
والله يجزاك خير يا اسيرة الغربة
وأرجو تزويدي بكل جديد في مجال رياض الاطفال
ولكم جزيل الشكر

اهلا وسهلا عزيزتي00
بالنسبه للاعلان ممكن تسوين لوحه مرسوم عليها اشكال المسكن اللي هي خيمه ومنزل(فيلا) وبيت شعر وعماره وتوضع على السبوره وطبعا مكتوب عليها وحدة المسكن00
وبالنسبه للدروس في الحلقه مثلا ممكن تستفيدي من المجسمات اللي تباع في المحلات او انت تسوينها بنفسك وماتكلف مثل العمل اللي قالته الاخت اسيرة الغربه حلو مره وممكن تستفيدين منه ولاتنسين تعرضين صور عن انواع المسكن وتبينين كل نوع مصنوع من ايش00
واللقاء الاخير ممكن تقوليلهم قصة العنزات الثلاث اللي كل وحدة بنت لها بيتها 0000
اختي هذا اللي عندي الحين واذا تذكرت شي راح ارجع واتمنى اكون افدتك واي استفسار انا في الخدمه0000000

الله يجزاك خير ياصمت الصحارى
ومشكورة أختي
ولي عندها خبرة في عمل القصص والنشرات الرجاء الرد علي
وآسفة أني ثقلت عليكم

العفو حبيبتي 000
واذا قصدك قصص مجسمات فيه عندي كذا قصه ممكن تسوينه وسهله وخاماتها متوفره انا مجربتها اذا تبين قوليلي000000

السلام عليكم
مشكورة أختي صمت الصحارى
أنا متعينة في الروضة على بند الأجور وأنا متخرجة من قسم لغة عربية
وبصراحة أبقى أسوي أ شياء مثل قصص للأطفال على شكل دفتر
ونشرات تحتوي على مواضيع خاصة للأطفال
يعني أبقى أسوي أشياء تبرز وجودي (عشان لا يستقنون عني )
والله يفرج عنك كل ضيق وهم
ولك جزيل الشكر

اهلين وسهلين مره ثانيه وآسفه على التأخير00
شوفي عزيزتي بما انك مبتدأه خلينا نبدأ من الاول وان شاء الله تثبيتين وجودك وما يستغنون عنك 000
بالنسبه للقصص غالبا في الروضه تفضل المجسمات لانها تلفت انتباه الطفل اكثر ولاتنسين طريقة الالقاء لها دور كبير بجذب الانتباه لو كانت القصه عاديه بس اهم شي الهدف من القصه 0000
جربي استخدام الجوخ والجوخ مع الجوخ يلصق يعني مثلا عندك قصه فيها شخصيات والقصص ممكن تاخذينها من كتاب الوحده نفسها وتحطينه مجسم 00
اولا: تجيبين لوحة فلين وتغطينها بالجوخ أو تسوين مريله من الجوخ (مريلة طبخ)00واذا كان في القصه مثلا شجر اوكوخ اوبئر او غابه ترسمينه على جوخ وتضعينه على اللوحه 0
ثانيا: شخصيات القصه ترسمينها على جوخ بعدين تقصين الشكل راح يبيين الشكل بدون معالم 00
ثالثا: عند عرض القصه تعرضين الشخصيات بالدور على حسب تسلسل القصه مثلا ذهب الدب الى الغابه وتسلق الشجره تاخذين الدب اللي سويتيه من الجوخ وتحطينه على اللوحه شوي وتمشينه لما يتسلق الشجر اللي مصنوعه من الجوخ وتضعينه على الشجره بعدين تعرضين الشخصيات بالتسلسل (اتمنى تكونين فهمتي من شرحي)
والشخصيه راح تثبت بالمكان اللي تثبتينها فيه مثل ماقلت الجوخ مع الجوخ يثبت00

طريقه ثانيه 0000
الادوات المستخدمه: لوحة فلين ، كرتون ، قطن ،مقص ، قماش لون ابيض ، مشرط ، الوان مائيه ،خرز صغير ، ورق استنسل ، قطع خشب مستطيلة الشكل (ممكن من كرتون الطماطم،000
طريقة التنفيذ:1- تاخذين الكرتون وترسمين عليه شكل دب واقف على جنب0بعدين تغطينه بالقماش الابيض او البني وتتركين فتحه من فوق وتحشينه قطن وتسكرين الفتحه وطبعا القماش ياخذ شكل الدب00 ثم تضعين من الخرز عيون وانف بخرزه واحده للعين (لانه على جنب) وعلى راس الانف خرزه اكبر قليلا وتثبتين الدب بقطعة الخشب00
ترسمين ايضا على الكرتون شكل نحله ثلاث مرات يعني مطلوب ثلاث نحلات للقصه وتغطينها بالقماش وتحشينه بالقطن بعدين تلونين النحله بلونين بني واصفر بالعرض لون لون 0بعدين من ورق الاستنسل تقصين على شكل جناحين للنحله (لكل نحله من الثلاث) وتقصين مستطيل صغير جدا العرض اقل من واحد سم والطول ثلاثه اواربعه وتثبت كقرون استشعار للنحلات ومن الخرز تضعين عيون صغيره خرز (او مايسمى نجف ) عينين لكل نحلة وتثبتين كل نحله بقطعه من الخشب يصير ماسك علشان تقدرين تحكمين في النحله00
تجيبين لوحة الفلين وترسمين عليها شجرتين كبيرتين كل شجره تحتوي على خلية عسل وبنهاية اللوحه من اليمين ترسمين ام الدب الصغير وتقومين بتفريغ خط طويل من الام الى الشجره الثلنيه مارا بالشجره الاولى ومرتفع على شكل نصف مستطيل بين الشجرتين بعدين فوق نصف المستطيل تفرغين ثلاث خطوط علشان لما تعرضين القصه تدخلين الدب بواسطة قطعة الخشب في الخط اللي فرغتي 00
عرض القصه: هذه القصه ومنها راح يبين كيفية العرض00

تابعي معي00