انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.


للبحث في شبكة لكِ النسائية:
الصفحة 1 من 3 123 الأخيرالأخير
عرض النتائج 1 الى 10 من 28

الموضوع: تجربتي في تقليل من غيرة ابني من المولود الجديد (( تجربة ام ناجحة ))

  1. #1
    تاريخ التسجيل
    Oct 2007
    الموقع
    فلسطينية نعيش في الاردن
    الردود
    3,806
    الجنس
    أنثى

    المواضيع المتميزة تجربتي في تقليل من غيرة ابني من المولود الجديد (( تجربة ام ناجحة ))


    السلام عليكم ان شاء الله حابة اليوم اني الخص تجربتي في تقليل من غيرة ابني من المولودة الجديدة
    بداية بدي اعرفكم في ابني
    ابني اسمو عمر وعمرو 4 سنين وشهرين ولما اجت اختو كان عمرو 4 سنين وشهر طفل ذكي ما شاء الله حرك ومدلل كتير مني ومن والده وبيت جده
    فكانا خايفين كثر دلع يأثر في زيادة الغيرة للطفل الجديد

    *بداية قبل الولادة
    1-في بداية الامر قمنا بشراء ملابس طفلة بالاشتراك مع ابني عمر وأخذنا رأيه في بعض الحاجيات الي رح نشتريها لاخته
    2- في الوقت الي تشترينا في اغراض البنوتة لم نهمل عمر واشترينا له كم غرض عشان يحس باهتمامنا له
    3- عند شراء الاغراض كنت اسمح له باستخدام بعض الاغراض متل فرشاة شعر اختو و كريمها وحرامها وغيرها لانو هي الاغراض مش رح تتلف ولا بتأثر على طفلة اذا استخدمها اخوها من البداية ما كنت حابة انو يكرها او يحس باهتمننا حتى قبل ما تجي
    4-اختيار اسم المولودة طبعا من اول ما عرفنا انو المولود بنوتة قررنا نسمي اسم وكنت اشارك ابني بالاسماء واسالو ماما شو حابب تسمي لحد ما اخترنا اسم بس سبحان الله قبل ما تنولد في يوم غيرنا الاسم يعني سبحانك يارب من اول ما عرفنا بالبنوتة قررنا نسميها سما وابني كان حابب الاسم بس قبل بيوم غيرنا وسمينها ندى وكل يوم بسألني ابني وين سما ماما بقولو لسا ببطني المرة الجاي بجييبها ههههههه
    5- جبتلو لعبة على شكل بيبي صغير وكنا نلبسها ونحممها ونغيرلها على اساس انها زي اختو لما تنولد واقولو لابني بس تجي اختك بتساعدني متل ما بتساعدني هلا بالبوبو
    *بعد الولادة
    1-اول ما ولدت كنت محضرة هدايا لابني على اساس انها من اختو الو لانو كنت اقلو وانا حامل احكي لاختك شو بدك تجبلك هي وجاي طبعا كان كل يوم يقرب على بطني يطلب منها كم طلب وانا حاولت اجيب كم غرض من الي طلبهم طبعا مو كلهم لانو طلباتو كانت لا تعد ولا تحصى ههههه وبعد ما ولدت اعطيتو ياهم وقلتلو هي من اختك الك
    2- مساعدتي في احضار اغراض اختو متلا ماما روح جيب فوطة واو بشكير او محرمة وطبعا وقت تغير الحفاض بطلعو برة الغرفة حتى لا يكشف عورة اختو حتى لما اغيرو بلف وجه اختو حتى ما تشفو طبعا هي حركة مني حتى يتعود لا يكشف عورتو على حدا حتى اختو صغيرة

    3- بحاول اهتم في ابني وبنتي بنفس الوقت حتى لا يشعر اني بهتم فيها اكتر منو يعني بحاول اغير ملابسها قبلو او بعدو /يوم الي بدي احممها في لازم احممو/ وقت رضعتها بعطي احيانا حليب يشربو

    4-بالنسبة لوالدو ابني كتير متعلق بابوه فكان في فترة ولادتي الاولى زوجي كان ماخد اجازة وكان متفرغ لعمر وكنت احاول ما اخلي يمسك البنوتة غير لما ينام عمر وشوي شوي صار يمسك البنوتة وبدون ما يغار وكمان ابني بحب امي وابي كتيرفكنت لما امي تحمل ندى اخلي بابا يحمل عمر وبالعكس حتى يحس انو محبوب
    5-عند مجيء ضيوف عنا لبيت كنت احاول اني ابرز في شخصية عمر واحكيلهم ما شاء الله عمر شاطر عمر بساعدني باختو عمر شاطر بالمدرسة وامدح في حتى لا يشعر بالغيرة لانو لما يزورنو ضيوف للمباركة بكون كل الحديث عن طفل جديد وبنسو بقية الاطفال فكنت احاول اركز في الحديث عنو اكتر من اختو
    6- كل يوم قبل ما ينام ولما يصحي بقلو ماما تعى بوس اختك وقلها صباح الخير وعند نوم بجي عندو وبقلو ندى حابة تبوسك وتقلك تصبح على خير وبقرب تمها من خدو على اساس انها باستو وبس يجي من المدرسة بستقبلو انا وندى ويقلو ندى صار تبكي زهقت بدها ياك حتى يصير بينهم تألف ويحبو بعض من هم وصغار
    *مواقف ابني مع اختو
    -مرة كانت بنتي نايمة على العرباي وتركتها ووجدت ابني وضع جنبها كم حبة شيبس وبس اجيت انجنيت فكرتو طعماها
    سألتو قلي لا هادي حصتها بس تصحى من النوم طبعا فهمتو انو البيبي ما بياكل وبشرب حليب بس واذا طعمينها بتموت من غير شرومن وقتها ما عادها مرة تانية
    -مرة راح ابني مع ابو على مطعم من مطاعم الي بتقدم وجبات الاطفال مع هدية ابني اصر انويحيب لبنتي وجبة زيو لانو في هدية بناتي زوجي اتصل في من المطعم بقلي عمر بعيط ومصر بدو يشتري وجبة لاختو مشان الهدية قلتلو خلص اشتريها وبعدين بنعطي لوجبة لطفل تاني او بياكلها بليل وفعلا اجى مبسوط وجايب لاختو لهدية طبعا انا يوميا بطلعها قدامو وبورجيها لاختو وبقلها شوفي شو جبلك عمر شوفي قديش بحبك وبنتي زي الاطرش بزفة مو فاهمة اشي بس انا مشان يصير بيناتهم تألف وحب
    - واخر موقف لما يجو عنا زوار وبالخص اذا معهم اطفال ابني بتبع تعلماتي وبعمل حالو معلم عليهم بوقف زي الحرس جنب اختو وبيعطي اوامر لا تشربها لا تطعميها لا تحرك العرباي لا تكح جنبها لا تعلي صوتك هيك بضل يحكيي للاولاد حبيبي خايف على اختو
    وهي بنهاية تجربتي والحمدلله جابت نتيجة وان شاء الله يضلو ولادي يحبو بعض وما يغارو من بعض والله يخللي ياهم ويحرسهم ان شاء الله تكونو استفدتو منها
    آخر مرة عدل بواسطة ام مرمر و ليلو : 10-03-2012 في 03:54 PM السبب: اضافة شعار

  2. #2
    تاريخ التسجيل
    Feb 2008
    الموقع
    In My Lover Heart
    الردود
    3,453
    الجنس
    امرأة
    التكريم
    (أوسمة)
    ربي يحفظهم لك ويباركلك فيهم ودعائك لهم حلو اللهم امين امين وكل اولاد المسلمين
    وتجربتك بسم الله ماشاء الله رائعانا اعتمدتها مع اولادى ربي يحفظهم حتى هاليومين بقول ليوسف يالا أكبر شويه يا احمد عشان يوسف يعلمك ازاى تعمل بيبى وهو ماشاء الله عليه مره كان قاعد يعلمه ازاى يرتدى الحذاء
    ومره كان عايز يشرب قولت ليوسف هات مايه لاخوك
    راح ملئ الكوب واعطاه لاخوه وقالوه قول بسم الله يا حبيبى
    الله يعينا عليهم
    أم يوســ وأحمد ــف
    سبحــان الله وبحمده***سبحــان الله العظيم**
    ولادتى كمان اسبوع فتحملونى شويه




  3. #3
    تاريخ التسجيل
    Oct 2007
    الموقع
    بعيدة عن حضن اهلي الدافي الله يحميهم ويخليهم لي
    الردود
    20,392
    الجنس
    امرأة
    التدوينات
    1
    التكريم
    • (القاب)
      • متميزة ركن الأمومة والطفولة
      • بحر العطاء في ركن الكروشية
      • باحثة متميزة
      • أبرار
      • محررة بمجلة انا ورحلة الامومة
      • سيدة مبدعة
      • متألقة صيف 1432هـ
      • زهرة ربيعية
      • نبض وعطاء الشتاء
      • درة صيفنا إبداع 1431هـ
      • أميرة المقبلات
      • لؤلؤة شتوية نادرة
      • متألقة ركن الحاسوب
      • فراشة ركن التصاميم
      • همسة متميزة
    (أوسمة)
    الله يحميلك اولادك يارب
    استمتعت جداً بقراءة تجربتك
    وعجبني كيف ابنك بقى لاخته حصتها من الشيبس او بده هدية لاخته
    ربي يحميهم لك ويباركلك فيهم ويجعلهم من حفظه كتابه يارب
    تجربة مميزة

    يَا نَارُ كُونِي بَرْداً وَسَلاماً عَلَى عراقي الحبيب
    انستجرامي ام مرمر و ليلو
    كنوز من الحسنات
    اللهم اغفر للمؤمنين والمؤمنات الأحياء منهم والأموات
    سبحان الله وبحمده سبحان الله العظيم
    قراءة ما تيسر من القرآن, قول الحمد لله
    لا حول ولا قوة الابالله
    لا إله إلا الله وحده لا شريك له 10 مرة
    اللهم صلى على محمد وعلى آل محمد كما صليت على إبراهيم وعلى آل
    إبراهيم ..
    ستبقى محبتكم بالقلب ما حييت

  4. #4
    ام سهيل's صورة
    ام سهيل غير متواجد مشرفة ركن الأمومة والطفولة- محرره في موقع طفلكِ
    تاريخ التسجيل
    May 2002
    الموقع
    في قلب كل من أحبهم
    الردود
    35,570
    الجنس
    امرأة
    التدوينات
    4
    التكريم
    • (القاب)
      • متألقة ركن الحلويات
      • متألقة الأطباق الرئيسية
      • محررة في مجلتي الأمل و أنا ورحلة الأمومة
      • درة صيفنا إبداع 1432هـ
      • متألقة صيفنا إبداع 1431 هـ
      • بصمة إبداع
      • نبض وعطاء
      • قاصة بارعة
      • احساس راقي
      • الأم الحنون
      • ذكريات طفولة رائعة
      • بصمة مبدعة
    (أوسمة)
    رائع
    رائع
    رائع

    الله يبارك لك في ذريتك ويجعلهم قرة عين لك

    تجربة مميزة وناجحة
    من ام رائعة ومبدعة


    ننتظر منك كل ما هو ممتع ومفيد



    تابعوا برنامج انتقاء وارتقاء للمدربة


    جواهر القعيطي على ركن النافذة الاجتماعية
    وركن مدرستي بيتي الثاني
    وركن الأمومة والطفولة



    تبحثي عن التميز ؟؟
    V
    V
    V
    كوني مميزة

  5. #5
    تاريخ التسجيل
    Oct 2010
    الموقع
    اغادير بالمغرب الحبيب
    الردود
    3,203
    الجنس
    امرأة
    التكريم
    (أوسمة)
    ربي يحفظهم ليك ويخليهم ...فعلا تجربة تستحق ان تطرح لنستفيد منها و تستفيد منها باقي الاخوات ....
    مشكورة اختي




  6. #6
    تاريخ التسجيل
    Oct 2007
    الموقع
    فلسطينية نعيش في الاردن
    الردود
    3,806
    الجنس
    أنثى
    دنيتي زوجي
    ام مرمر وليلو
    ام سهيل
    ام ياسين
    الله يبارك فيكم وباولادكم

  7. #7
    تاريخ التسجيل
    Sep 2010
    الموقع
    في أعالي الجبال
    الردود
    573
    الجنس
    امرأة
    السلام عليكم ورحمة الله وبركاته

    ماشاء الله لاقوة إلا بالله!!! الله يحفظهم لك اختي ويجعلهم ذخرا لك في الدنيا والآخرة ! شكرا لاشراكنا في تجربتك المتميزة بووركت اختي! وتحية لعمر انا حلمي اولد ولد و اسميه عمر ههههههه مشاء الله عليه الله يحفظه لك ويجعلهم قرة عين لك! ويحفظ ذرية المسلمين من كل سوء يارب!!!

  8. #8
    تاريخ التسجيل
    Mar 2009
    الموقع
    في بيتي الوردي بين عائلتي الصغيرة
    الردود
    1,776
    الجنس
    امرأة
    الله يخليلك اولادك يا رب تجربه حلوة و استني شوي و الست ندى بتاخد الجو كله

  9. #9
    تاريخ التسجيل
    Dec 2008
    الموقع
    مع المستقبل
    الردود
    1,162
    الجنس
    أنثى
    ماشاء الله تبارك الله ربي يحفظهم ويقر عينك بهم ويجعلهم من البارين بكم
    هاد ميزت الفرق بين الاطفال
    وشكرا علي الطرح المفيد
    تحياتي

  10. #10
    تاريخ التسجيل
    Jun 2009
    الموقع
    الامارات العربية المتحدة(فلسطينية)
    الردود
    855
    الجنس
    امرأة
    تجربة رائعة يا ام عمر ماشاء الله .. الله يخليلك عمر وسما قصدي ندى ههههه
    بس انا خايفة من هلا من خالد وغيرته بس اولد وما اقدر اطبق طريقتك
    لانه عمر ماشاء الله كبير وواعي .. بس خالد يكون عمره سنة ونص
    ياريت تفيدونى بطرق لحتى اخفف الغيرة او يتفهم خالد وجود طفل تاني بالبيت

مواضيع مشابهه

  1. تجربتي الناجحة مع ابني الثاني :: شعار تجربة ام ناجحة ::
    بواسطة ورد و ياسمين في الأمومة والطفولة
    الردود: 33
    اخر موضوع: 19-04-2011, 01:06 PM
  2. تجربتي في فطام ابني *** تجربة ام ناجحة ***
    بواسطة ام عبد الودود في الأمومة والطفولة
    الردود: 15
    اخر موضوع: 30-11-2010, 09:37 PM
  3. تجربتى فى فطام ابنى * شعار تجربة ام ناجحة*
    بواسطة *YSmsma* في الأمومة والطفولة
    الردود: 19
    اخر موضوع: 19-11-2009, 08:56 AM
  4. الردود: 35
    اخر موضوع: 18-08-2009, 08:03 AM

أعضاء قرؤوا هذا الموضوع: 0

There are no members to list at the moment.

الروابط المفضلة

الروابط المفضلة
لكِ | مطبخ لكِ