السلام عليكم ورحمه الله وبركاته
كل سنه وكل المسلمين بخير يابنات وعيد اضحي مبارك علينا جميعا
ابني عمار يابنات في حاجه ملاحظها عليه بقالها اسبوعين تقريبا ومش عارفه ايه السبب
لاحظت ان دائما ملابسه الداخليه فيه بول اكرمكم الله مش كتير بس بقعه كبيره شويه وطبعا اكتشفت ده لما لقيته جاي من المدرسه في يوم عنده تسلخات والتهابات وانا مش في دماغي خالص انه بسبب البول بس بعد المتابعه لقيت كل شويه الاقي فيه بول وطبعا كلمته بهدوء يمكن يكون بيشتغل باللعب ولا حاجه ونبهت عليها كتير انه ينتبه لموضوع النظافه ويخلي باله لما يدخل الحمام ينظف كويس
بس المشكله اني بالمتابعه بلاقي في بول متسرب منه حتي لو ما طلب حمام
مش عارفه ايه للحكايه طبعا هو من زمان مفيش حاجه اسمها يعمل علي نفسه حتي هو بدء مبكرا جدا في حكايه الحمام
بس انا مش قادره افهم اي اللي حصل عنده وزوجي بيهون الموضوع بيقولي بيتشغل باللعب
الاول كنت شاكه انه علشان مش بيحب يدخل الحمام في المدرسه ويشتغل بالجري واللعب بيحصل كده بس بالمتابعه لقيته كمان كده في البيت
وانا حاسه انه ممكن يكون عنده مشكله انه البول بيتسرب منه من غير ما يشعر ولا ايه مش فاهمه
طمنوني يابنات ربنا يكرمكم اعمل ايه ولا اوديه للدكتور افضل
رد مع الاستدلال
مدونتي مطبخ ام مرمر و ليلو
الروابط المفضلة