السلام عليكم ورحمة الله وبركاته
بصراحة انا عاجزة عن شكركم وشكر كل من يساهم في هذا الصرح الجميل
فعلا موقع لك من أكثر المواقع روعة وكم أحبه وأزوره لكني لا أشارك فيه بس دايما أذكر قدام الناس انو هالموقع رائع وحتى اي وحدة تقلي ماأعرف أطبخ أو ابنها عندو مشكلة أو اي شي تاني أقلها ادخلي موقع لك وأكيد بتشوفي ضالتك
يعني بجد أنا من محبي هذا الموقع الرائع ودايما لكم مني دعوة خالصة في ظهر الغيب..وكم أدخل على قسم الأمومة والطفولة وأستفيد منها..
أخواتي في الله عندي مشكلة حديثة معي ونظرا لأني أثق فيكم أريد طرحها عليكم.
عندي طفلة عمرها سنتين .من أسبوعين تقريبا مرضت وصار معاها زكام واستفراغ و.اسهال والحمدلله هي الحين تحسنت والمشكلة مو مرضها
المشكلة انو اثناء المرض أكيد صار عندها لخبطة بالنوم هي عادة تنام من الساعة 10مساء وتسحبها لليوم الثاني ماشاءالله الساعة تسعة .
الحين صارلها كم يوم بتفيق بالليل يعني ع الساعة 2 وبتكون متنشطة وبتقعد تبكي وانا بروح عندها طبعا وبتأكد انو مافيها شي وبخليها
طبعا أبوها نفس الشي
المشكلة هون
أنو زوجي لمن بشوفها تبكي بهددها بس يابابا حاجة بكي وكل شوي هيك وبعد تلت تنبيهات بروح عندها وبياخد مشط الشعر وبصير بضرب فيه بالباب كتهديد وبعديد إذا استمرت بضربها فيه على أقدامها من تحت القدم
وطبعا تقعد تبكي هي بكاء قوي..
وهو بيقعد بيعصب وبقلها بس وخلص وصوته بيعلى وهي بتبكي أكتر واكتر وزوجي بدو ياها تسكت وانا بقلو انو خلص مومعقول تبقى تصرخ عليها لحتى تسكت خلص بكفي ..
وطبعا بالآخر بتبقى تبكي حوالي نص ساعة من بعد العقاب وبتسكت من بعدها وخلص وبتبقى فايقة بتختها لحتى ماتنام وانا بكون خلص نمت لأن هي بتنام لحالها بغرفة.
وبفيق الفجر بلاقيها فايقة وماعم تعمل شي بس بنفسي بقول هي طفلة وتقعد لحالها شي ساعتين بالتخت لحالها وهيك وبخاف ع نفسيتها .
باختصار المشكلة هاي مو طبعا أول مرة بتصير تقريبا كل فترة شهر أو شهرين بتصير وبتكرر الموقف وأبوها بيعصب عليها وانا بزعل لمن بشوفو بصرخ عليها هيك لأن بخاف تنام وهي زعلانة وتتأثر نفسيتها..
وامبارح بالليل صار نفس الموقف وزي ماقلتكم كل شي ولمن فقت الصبح ع بنتي كانت شخصيتها عصبية كتييير وقاعدة بتضرب فيني علما اني استقبلتها بكل حب وضميتها وقعدت تبكي وضلت حوالي ساعتين وهي بتبكي وتخبط بكل عنف ع الأرض وترمي الأغراض وحاولت أطعميها سندوش ونفس الشي علما انو بحياتها ماعملت هيك..
انا كل همي انو بنتي لمن بتنام وهي زعلانة هل هالشي ممكن يأثر على نفسيتها؟؟؟وشغلة تانية ابوها بعصب لأنو هو بدو ينام مشان شغلو وهي لمن بتنام انا مابسكر الباب عليها لأنها ممكن تخاف وبالتالي كل أصواتها بتوصل لعندي...
فشو ممكن أعمل بهالحالة وكيف أقتع زوجي بطريقة سلمية لأنو دايما بصير هالموقف وبتعلق بيني وبين زوجي خصوصي انو هو شديد مع بنتي

لا ياختي فهميه انو هالشي بيأثر على نفسيتها وممكن لاسمح الله ياثر عليها بالكبر وتبقى شخصيتها ضعيفة ومو اد حالها..
هي طفلة صغيرة وكل طفل سبحان الله بعد المرض بتخرب اخلاقو وبينقلب كل نظامو وبيتغير نومه هالشي طبيعي ..فهمي زوجك انو لو استمر على هالحال وبالتهديد وبالضرب حيلاقي ببنته اللي لايحمد عقباه زي مابيقولو وممكن لاسمح الله تكره ابوها لهالسبب..حاولي رجعي نظام نومها زي ماكان ولو صار وصحيت بالليل حاولي انت خذيها بالهدوء والتفاهم لعبيها واكليها وضميها انشالله بتهدى واصبري عليها شوي شوي بترجع زي ماكانت المههههم لايتعامل ابوها معها بالطريقة..معاه حق هو رجال عندو شغل ولازم ينام ويرتاح من تعبو بس مو يتعامل مع طفل بهالحزم والشده الله ييهديه ويصلحه ويهديلك بنتك ويخليها لك يارب
اعذريني عالاطاله

واللهةمشكورة يا أختي بس اه الحمدلله كيف بدك تقنعي رجال بهالحكي زوجي كتير شديد ع بنتي وصعب معاها هو بحبها لكن دايما قوانين وطول الوقت بزعق عليها وانا دايما بقلو خفف شوي حرام عليك بس مشي الحال والله ياأختي
انا ماعندي غيرها ونفسي احمل وأجيب اخت او أخ يسلي بنتي وحرام عشان هي بتطفش لحالها بس كمان بخاف زوجي يعمل عمايل مع الطفل التاني وحالة ...
الحمدلله على كل حال ..
ومشكورة أختي والله كلامك صح

حبيبتي طريقة زوجك جدا غلط
والتاكيد هي السبب في عصبية بنتكوطبعا زوجك من حقه ينام لانه بيروح الشغل صباحا
لكن الحل لما بنتك تصحى بالليل تظلي جانبها تحكي لها وتقرأي قرءان
وتسقيها ماء وتقولي اذكار وممكن تمسحي على راسها
كل هذا في الضوء الضعيف الى ان تعاود النوم
طفلتك جدا صغيرة على هذا الضرب
لا تتركيها له ليضربها بل اغلقي غرفة النوم على زوجك كي لا يسمعها واجلسي معها الى ان تنام
الله يحميها ويبارك لك فيها يارب

لسة كنت جية اقول لك نفس كلام ام سيف

ابنتك الاه في فترة نقاهة بعد المرض الجسم يحتاج راحة نفسية وجسدية

انتوا بتوتروها بطريقتكم هذه خاصة زوجك
يا قهرني بتصرفه
اكره لارجل اللي يتمرد على طفل او امراة
لانه هذه مو قوة

شي عجيب.


المهم خلينا في بنتك


ابنتك محتاجة لك فعلا بنتك زعلانة منكم ايش طفلة تقعد طول الليل في غرفة لوحدها وهي صاحية

وكمان بعد ما تنضرب مافي احد يحضنها تتركوها تبكي نص ساعة لحتى تسكت لوحدها

ليش ايش عملت من غلط حتى تعاقب هذا العقاب.

حبيبتي بنتك احوج لك من ابوها

خليك جنبها حتى تعدي مرحلة النقاهة

وحتى يرجع نومها يتعدل .

ربنا يحفظها لك ويحميها ويبعد عنها الامراض .

ربنا يخليهالك واقنعى زوجك ان ده غلط

انا بصراحة مش قادرة اصدق وجاية اكتب لك كلام ام سيف وام سهيل

طيب لما هو بيضربها وبيكون بدو ينام انتي شو دورك؟؟؟
اين حب الام ؟!
اين حنانك؟؟!!
اين رحمتك بها ؟!!!

اولا لماذا بنتك لا تريد النوم هل تنام بالنهار؟؟!!
مرات يحصل اذا ابني نام في السيارة ساعة متأخرة مثلا الساعة 6 او 5 ما بيقدر ينام بليل فبفضل معاه اما بنلعب انا وهو على الكمبيوتر او احط له موفي يتفرج لغاية ما يقولي انه بده ينام وبضفي النوم واقعد معاه في فرشته اقرأ له قران وادعية لغاية ما ينام بعدها بروح انام عند زوجي
ولو زوجي لازم ينام قبلنا بسكر عليها باب غرفته وبناخذ راحتنا الى ان يتعب ابني ويحس بالنوم

اذا كان ابوها شديد كوني انتي بلسم الجرح
وذكريه باحاديث الرسول صلى الله عليه وسلم
ارحموا من في الارض يرحمكم من في السماء
ذكريه ان الضرب يكون في 10 سنوات على ترك الصلاه وليس اذا البنت ما بدها تنام تنوموها بالعافية!!!!

يا اختي احتوي بنتك واحتضنيها وخليك معاها في غرفتها حتى تنام
اضفي النور ونامي جنبها الى ان تغض في نوم عميق بعدها قومي لغرفتك

اقرئي عليها الرقية الشرعية وحصنيها بالادعية والاذكار

احرصي انها ما تنام بالنهار او اذا نامت يكون قبل الساعة واحدة تستيقض

اختي المفروض انتي تشعريها بحنانك
يعني تكوني انتي وابوها هيك شو بدها تطلع البنت
انا مستحيل اخليهن ينامو بغرفة لحالن قبل 4 سنين
يعني عالاقلة بكونو كبار ازا صحيو وبفهمو

عزيزتي ليش الام ام؟؟ وليش وصى فيها دينا الحنيف وعطاها الفضل اكثر من الاب؟؟؟
اول شيئ اعانك الله ثاني شيئ بكاء الطفل عادي وكل الامهات بيعانو مو بس انتي واهم شيئ لازم تعرفي ان اسلوبك معاها فيه غلط وابوها كمان غلطان بس المفروض انتي تلطفي الجو وتجي على حالك شوي يعني بس تبكي وابوها بدوه ينام خذيها لغرفه ثانيه وهديها وغنيلها والعبي معاها وتاكدي انها ما بتشكي من اي الم او متضايقه من لبسها او جوعانه اختي بنتك بحاجة حنانك اكثر من زوجك عطيها وقت اكثر وتحملي وانا مستغربه انها بتنضرب بها السن الصغير جداً مافي داعي للضرب اصلاً حرام الله يخليلك بنتك بس بليز عاملوها بلطف اكثر

دمتي بخير ,,

سبحان الله ماتزعلى من ردى بس بجد انا اتضايقت لما قريت كلامك ؟ انتى فين رد فعلك مش تجاه ابوها لا تجاه بنتك لما تلاقيها تبكى قدام عينك جالك قلب تنامى وانتى سامعه صوتها تبكى ؟ هو صعب تغيرى طباع زوجك بس حاولى ولا تيأسى بس انا اللى مش مصدقاه تصرفك انتى مثل ما قالو الاخوات ليه بعد ما بيضربها ما بتحضنيها وتقعدى معاها وتقراى ليها قصه او قران او تلعبى معاها
دا لو طفل غريب فى الشارع بيبكى الواحد قلبه بيوجعه ما بالك ببنتك
ماتزعلى من كلامى بس بجد حطى نفسك مكانها بجد هتكونى محتاجه حضن امك اوى وخلى بالك البنت ممكن تطلع جاحده يعنى قلبها ميت ولا تخاف عليكى ولا تحبك وتشيل منك وربنا يهديكو ليعض