بالبدايه بشكر بنت الاحرار وام سهيل على هالفكره الرائعه
الله يجزيكن كل خير
متلي متل كل ام بالغربه وقتها كله لاطفالها وحريصه على تعليمهم الاسلام والعربي
وكتيييييييييير بكون خايفه عليهم ويمكن زياده شوي بشعر انو نحن امهات الغربه مسؤوليتنا اكبر بكتير من غيرنا الله يقدرنا جميعنا ونكون قد المسؤوليه يارب
مارح طول عليكن اول شي رح عرفكن على اطفالي وطلب صغير انتظروا على الصور هي بالفوتوسكيب يلا نبدا مع بعض

وهون ونحن رايحين ع الروضه

وبعد مابروحوا الكبار ع الروضه منرجع انا والصغنونه ع البيت بالعاده برجع بنيمها وبعمل شغل البيت اليوم قلتلها لاء اليوم بدنا نلعب مع بعض وصدقوني قضينا مع بعض كم ساعه ماشعرت بالوقت ابدا كنا انا وهي مبسوطين كتير

بعدين رحناوجبنا الكبار من الروضه واكيد قبل اي شي بيتوضوا وبصلوا الظهر لانو يادوب يلحقوا الصلاه قبل اذان العصر واحيانا كتير بكون العصر اذن بس انا مابقلهم وبخليهم يصلوا عادي حتى مايفكروا انو موضوع قضاء الصلاه امر عادي

واكيد صلاة الجماعه ثوابها كتير كبير لهيك دائما منصلي جماعه وبعد الصلاه مندعي
بعد الصلاه فووووووووووووورا ع الاكل

وبعد الاكل بيبدا الجد دراسه والعاب تعليميه

هي اللعبه كتير حلوه ولما بنزلها اولادي كتير بنبسطوا هي خرزات كتير صغار من بلاستيك بيعملوا منها اشكال وبعدين انا بجيب المكواه وبكويها ومنشيلها وبيطلع الشكل يالي عملوه

وهي قصه بكون في صور ناقصه بس موجوده تحت هم بيقصوها وبلصقوا كل صوره مكانها وبعدين منحكي القصه طبعا صورتها قبل وبعد

بعد ماخلصنا العاب صار وقت القراءه بصراحه مو كل يوم منقرأ بس انا عودتهم انو اقرئلهم مره من كتاب رجال حول الرسول ومره من كتاب نساء حول الرسول بتعرفوا ليش والله مشان اعدل بين البنت والصبي وكل مره بسألهم شو اكتر شي عجبهم من سيرة اليوم واليوم قرئنا قصة زينب بنت الرسول عليه الصلاة والسلام

وهيك خلص يومنا الاول وكانوا كتييييييييييييير فرحانين

يومنا التاني
طبعا نحن كل يوم منصحى الساعه 7 الصبح
وبعد ماغسلنا وفرشينا اسنانا وفطرنا نزلنا نلعب بالحديقه يالي جنب البيت

ولعبوا ولعبوا ولعبوا والحمد لله كتير كانوا مبسوطين
واكيد بعد هاللعب كله بدهم حمام غير شكل

بعدالحمام طلبوا يبردوا شوي لانو الجو كان شوي حر وطبعا اليوم كل طلباتهم مجابه

وهلىء صار وقت تدريس الالماني السنه الجايه ان شاء الله صف اول اولادي في فرق بينهم 11 شهر البنت عندي ماشاء الله ماشيه متل اخوها لهيك قررنا ندخلها معه صف اول وانا بالبيت عم درس الاتنين الماني تحضيرا للسنه الجايه

وهلىء صار وقت النوم طبعا بيركضوا ركض لحتى ينظفوا اسنانهم وبعدين بيتوضوا وبصلوا العشا ومنقعد منحفظ شوية قران ومنتذكر مع بعض القديم وبيروحوا ع النوم

وهيك بينتهي يومنا التاني طبعا هنن بيناموا وانا بقعد بدرس وبهتم بحالي شوي يعني بيبدا يومي الي لانو صدقوني اغلب ايامي هيك طول الوقت معهن بس الغريب بهاليومين انو طلعوا كل الالعاب مره وحده انا بالعاده بعطيهم كل كم يوم لعبه
يارب تكونوا ستمتعتوا معنا بهاليومين وكل الشكر لبنت الاحرار وام سهيل الله بيعلم انو دعينالكن انا واولادي كتير يارب يكون الدعاء من نصيبكم كله
ولازم بالنهايه اشكر صديقه عزيزه علي ساعدتني بالصور

الله بحفظ اولادك روعة

ماشاء الله ام عبودي
يومين رووووووووووووووووووووعة تسلم ايدك
الله يحفظهم لك ويبارك فيهم ويعينك على تربيتهم
استمتعت معكم كتير وشكل الكفتة لذييييييييييييييذ جدا
جوعتيني ههههه

يومين رائعين وملونين مع اولادك
بارك الله فيك
والله يحفظهم لك
ويرجع كل متغربة لبلادها
ويوفقك بدراستك
حفظكم الله من كل سوء

ماشاء الله تبارك الرحمن

ربنا يحفظهم ويخليهم لك ويجعلهم قرة عين لكم يارب

يوم ملون ورائع بصحبة الايسكريم واللالعاب

وربنا يتقبل دعواتكم

ويجعلهم من الصالحين والصالحات .

حمد الله عالسلامة يا غالية
ربي ربي يحفظهم وتشوفيهم صالحين
ومن الناجحين
ما احلاهم يومين روووووعة
ما شاء الله نشاطاتكم حلوة
ربي يقدرك على تربيتهم تربية صالحة وتعيشي معهم
احلى ايامك

الله يحفظهم لك ويبارك فيهم

ماشاء الله ولا قوه الابالله
الله يحميلك اياهم وتشوفيهم في اعلي المستويات ويبعد عنهم الحساد يارب
والله استمتعنا كتير معاكم

ماشاااااااااااااااااء الله ام عباده
يومين روووعة تسلم ايدك
الله يخليلك اولادك
الله يحفظهم لك ويبارك فيهم ويعينك على تربيتهم
ويكونو من حفظة كتاب الله يارب