السلام عليكم ورحمه الله وبركاته
اخواتي لقد بدءت بعون الله امس في فطام بنوتي لولو ربنا يهديه طبعا بعد معاناه فظيعه في قله اكلها واعتمادها ليل ونهار علي الرضاعه وطبعا قله الاكل مأثره عليها بالسلب وزنها قليل خالص تقريبا 8 كيلو وهي الان سنه وشهر ونص عارفه ان فيكم حيقول بدري علي فطامها بس بجد مش لاقيه حل في الرضاعه والحمد لله بدءت ولا يمكن الرجوع بامر الله
طبعا عايزن نصائحكم لان امس كانت اول ليله وكانت صعبه جدا بما انها اصلا لازم طول الليل بترضع وحاولت كما نصحتينا اخت ام سيف اني اقنن الموضوع فشلت معاها لان الرضاعه بالنسبه لها بالليل لو بطلتها يعتبر فطمتها لانها بالنهار ممكن اشغلها وانيمها باي شكل المهم
امس طول الليل بكاء حضرت عصير ولبن بالفواكه لانها بترفض اللبن دائما قولت اجرب والميه طبعا مفش حاجه عجبها خالص بكاء شديد اول مره يكون الفطام مع ولادي صعب كده واي حاجه اقربها منها تبكي جدا
وبعد محاولات بالعافيه ذاقت اللبن ولم تقرب له والماء اخذت قليل ورفضتها وبكاء مستمر حتي راحت في النوم وبعد ساعه تقريبا نفس الموضوع حتي نامت من البكاء
المشكله مش عارفه اعمل معاها ايه بليل انا عارفه اني لازم اتحمل بس نفسي تاخد اي حجه تشبعها شويه احاول في ايه تاني وصعب اني احضر لهااي حاجه تاكلها لانها بتكون نعاسه عايزه بس ترضع
واخيرا ثدي بيؤلمني جدا وده مزود العبء لانها كلما ارتمت في حضني اتألم بشده وغير قادره علي حملها ابدا وده مزعلني اكتر من الفطام يعني مش قادره اخدها في حضني واطبها وتنام مثلا لازم في الكاري كود بتعها من علي بعد بجد مجرد اللمسه العابره لثديي اشعر بالم فظبع لم اعتاده ايضا من قبل
ياريت دعواتكم قبل كل شئ يعدي اليومين علي خير وتنسي بسرعه وايه نصائحكم بالنسبه ليها وكمان لي علشان الالم ده وحيستمر ولا حيزيد اكتر من كده ده مجرد 24 ساعه مؤلم جدا هل سيزيد الالم ولا حيبدأ يخف وجزاكم الله خيرا
بنات وانا بمر بالمرحله ده طبعا بتفكر في قدره الله سبحانه وتعالي في معجزه اللبن والرضاعه وكتير سمعنا عن المعجزه هذه لكن ما يشغلنا حاليا ونفسي الاقي له ايجابه لاني ما فكرتش فيها غير اليوم ده
ازاي اللبن بعد ما يفرز في الثدي مثل حاله الفطام ولا يكون هناك رضاعه ينصرف اللبن بعد فتره إلي اين يذهب اعذروني لجهلي لاني اول مره اتفكر في هذه المعجزه ايضا
وجزاكم الله خيرا جميعا
الروابط المفضلة