السلام عليكم ورحمة الله وبركاته

أخواتي بصراحه الموضوع اني محتاره جدا ومو مصدقه ياريت تفيدوني اذا صار معكم متل هذا الشيء


شو صار طيب ؟؟؟


بحكيلكم ابني عمره 3 شهور و 22 يوم فقط

من اسبوعين لاحظت انه عم يريل "بسيل لعابه " جدا وبغرق صدره من كتر اللعاب

وبحاول يحط يده بفمه ويعض عليها او باللهايه بحطها على جنب تمه وبعض عليها

انا بعرف انه ممكن يكون بطلع اسنان واجمالا اولادي بتبرز الاسنان عندهم بدري

لكن اليوم كنت بتفقط بلثته لحتىاطمن عليه تفاجأة انه موضع الانياب الاربعه عنده في الاعلى والاسفل موضعهم منتفخ جدا

بصراحه ما صدقت حالي يعني الانياب بتتاخر لتطلع وما بحياتي شفت انياب بتبرز قبل اسنان القواطع

شو رأيكم بنات شيء طبيعي هذا ؟؟ انا مو خايفه بس متفاجأة وحابه بكره بأذن الله اخذه للطبيب لاتاكد

بس حبيت تحكولي خبرتكم وتجاربكم اذا صار مع ابنائكم متل هيك؟؟


وقبلاتي لاطافيلكم الامامير

ما شاء الله
الله يحمي ويخليلك اياه
يمكن عندو زياده بالكالسيوم
انا ابني على 4 شهور طلع اول سن

انا ابنى نفس الحكاية بالضبط والانياب طبيعى كده و مش هتطلع متخافيش ههههههههههههههه
ومش عارفة ليه اللعاب

انا بنتى بتريل جامد كدة بس مكنتش اعارف ان ممكن السبب انها بطلع اسنان

بس كنت فكرة ان كتر السكاتة هى اللى بتعمل كدة عشان كدة بحاول ابطللها

ميسو ما تخافي انتي بس بتهيألك
انا هيك كنت افكر اسنان اولادي بس بعديها بطلعو طبيعي السنين اللي من تحت
الله يحميلك اياه يارب
وانتبهي اللي بطلعو اسنان بكير بكونو عرضة لتسوس الاسنان بسرعة

ههههههههههههههههههه
حاسه اني ما خلفتش من قبله للازعر
يسلموا علىالردود حبيباتي
ممكن فعلا تكون حاجه طبيعيه
بس قلقي زياده لانه البيبي هذا بالذات غير عن كل أخوانه
حمله كان متعب علي وميلاده عجيب وكمان لم يرضع من حليبي
فكل شيء بصير معه بحسه مش طبيعي

ان شا ءالله كل خير

لا تقلقي حبيبتي

هم بارزين ومنتفخين لكن مش هيطلعو حالا

ممكن فعلا القواطع تطلع على ال4 شهور

اولادي اسنانهم بتظل منتفخة من ال4 شهور وما بيسننوا الا على السنة

الله يحفظه لك ياااااااااااااااارب ويحميه

الله يحميلك اياه يا ميسو اوس الازعر
هم الصغار بضلوا يريلوا حتي الشهر الخامس او بدايه السادي حتي يطلعوا اسنان
كمان هو بوخد اصطناعي بكون التغذيه ماشاء الله عليه اقوي بسبب الاضافات البضبفوها للصغار زي الفيتيمنات وجسمه بكون منيح يمكن يطلع بدري انا احمد كان يوخد اصطناعي وطبيعي للسته اشهر بس بلش في الخامس يطلع اسنان

لاتخافي ياغالية
ليونة من الشهر الرابع وانيابها مورمة
وكنت مصدومة مثلك
وللان ماطلعتهم خخخخخخخ
بس كانت بتعض كثير من غير اسنان وبتتوجع
الله يحميلك اياه واخوته يارب
اسئلي سنسن ياقمر

بارك الله فيكم يارب
والله القصه مو خوف بس بحكي بعقلي لسه بدري على نكد الاسنان

الله يطمن بالكم يا غاليات وما انحرم منكم
اممريم يسعدها عروستنا هاد العريس تضامن معها وتورمت لثته
شايفه الحب شو بذل