اهلين حبيبتي جنو
ربنا يفرجها عليكم و على كل المغتربين امين
في عدة نقاط هامة تتمحور عليها المشكلة برايي المتواضع
مشكلة الالمان عموما ان عندهم عنصرية و غرور حتى على بقية الاوروبيين فما بالك على العرب و المسلمين ?
و للاسف معظم تصرفات العرب في الخارج تؤيد فكرتهم السلبية عنا
و مع ذلك فيجب ان يكون عندنا القدرة عموما على اثبات انفسنا و حفظ حقوقنا دون خوف من احد
فالاجانب مهما كأنوا عنصريين فعنصريتهم تزداد امام ضعفنا و ايحاؤنا بأنهم افضل و خنوعنا و سكوتنا و عدم قدرتنا على المعارضة و كاننا أقل أو أنهم لا يعلو على كلامهم كلمة
انا هون مع كلامك مية بالمية فعلا مالازم نسكت وانا زوجي ماعندو وقت يروح ويحكي وبقلي البلد مو بلدنا اصلا زوجي بقلي لو اتعلمتي الماني انا بخاف عليكي لان ما بقدر اسكت لازم اخد حقي ما بقدر اسكت على حقي وحق ولادي مشان هيك دائما معصبية وموترة ومو طالع بايدي شي الحمد لله
هم لا يجبرون ابناءهم على شيء و لا يحفزونهم على شيء
و يتركون لهم حرية الخيار و القرار
و نحن بالعكس نفرض على ابنائنا و نوجههم و نبدي رأينا قبل ان نسمع اراءهم
فنقول : روح العب مع فلان و نصر و لو بقي الطفل لا يلعب نعيد و نكرر
ننسى ان للطفل رغبات و حتى لو خسر فهو من سيشعر بطعم الخسارة و سيعمل في المرة القادمة على تلافي خسارته من اجله هو
بس نحن هون مافينا نقله رافق هاد ولا ترافق هاد لان كلهم طيبنة وحدة ونفس الشي الكل مشان هيك تاركة ولادي ومع كل هاد نحن الي مو عاجبينهون
عندما نحذر الاطفال من الحرام فاننا نحذرهم بشكل مخيف و كانهم لن يستجيبوا الا ان احسوا ان في هذا الامر خطر على حياتهم و غضب الى يوم الدين
بينما من الاولى الاشارة بشكل منطقي و مبسط يفهمونه
بالنسبة للجيلاتين الحيواني
ممكن توجيه الابناء بالشكل التالي :
ممكن زمرؤك في الروضة ياكلون الجيلاتين
نحن مسلمين و نختلف عنهم نحن لا نأكله
لو احد عرض عليك اشكره و اخبره انك سعيد لآنه فكر فيك لكن للاسف لا تستطع ان تقبله
و يمكن ان تقبل شيئا اخر منه او تعطيه انت شيئا بديلا
بالزب2 مثل حكاية حساسية الجلوتامين و الاطعمة
سيتقبل الاطفال الامر بشكل عادي
و نحن غير مطالبين ان نشرح لهم سبب الرفض
يكفي ان يعرفوا و يحترموا رغبتنا
ياانجي الغالية كلامك صح وانا فعلا بس هيك بقول لولادي ما بهمني يعرفو الا هالشي ما بصير ياكلوه وبيجبوه معهم البيت ونتخلص منه هنا في البيت فعلا ولادي هيك
بس المشكلة في انسة قالت لابن صديقتي عم ياكلو خنزير قلها ما بصير ناكل منه نحن اخخدتو على جنب وقالتلو انت كلو وانا ما بقول لامك فعلا الولد خجل واكل امه لما جابته على الطريق بالسيارة الطفل بدء بالاقياء قلها ما ما انا اكلت من وراكي مبالي ماراح يشوفني حدا بس الله شافني وعاقبني وخلاني روحهون كلهون مشان تعرفي انت بس يااما الانسة قالتلي اكل وما راح يصير شي واكلت تاني نهار راح بهدلت الانسة على هاد التصرف الغبي
وانا ابني بيعرف انو الخنزير ابدا ما بصير ياكله وشاف طفل مسييحي بيحكي عربي وبياكل معهون وقله انت بتحكي عربي يعني ما بصير تاكل خنزير الله قايل ما بصير ناكله وحرام ناكله مثلاالام ما حكيتني قلي حكت ابني وحكت الانسات والانسات اجو حكونا انصحو ابنكون ما دخلو بغيروا وينشر الاسلام بيناتهون لك هاد طفل عمره كان 5 سنين بدو ينشر الاسلام شو شايفنه بقا
ومن وقتها ابني زعل كتير انو مارد عليه رفيقه وانا قلتلو ماما انت مالك علاقة فيه شو بدنا فيه انا هون ما عرفت شو بدي قله انا ابني ما بيعرف لسى مسيحي والماني الولد شو بدو يعرف ليعرف لسى ياربي ددخيلك
قلتلو ماما لو شفته شو ماعم ياكل ما تقله شي ومالنا علاقة فيه المهم انت ياماما ما يزعل الله منك ويضل رضيان علينا وما نعمل شي غلط وفعلا ماعاد ادخل ابني فيه
بقا ياانجي هون العنصرية كتير بشعة وفي كتير عالم اغبياء عنجد وهاد شي بيقهر ليش لما بينزل اجنبي لعنا على بلدنا منقوم بواجبه وما مبين غير الطيبة وهون ما بدهم شي منا بس هدول اطفال متلهم متل اطفالكون
ان احببت تصوير ابنتك
ارفعي صوتك و قولي : من يحب ان يتصور معها
لو تقدم احد كان بها و لو لم يتقدم فهي تعتبر حرية شخصية للطفل
لا انا مافي قول هيك لان متاكدة ولا واحد بالمية انو راح يجي حدا ويتصور الا الصبيان وانا ما بدي صور صبيان معها ههههه مشان هيك ما بي اخجل كمان صورتها مع انستها ومفاية رضيت الاخت هههه تتصور معها الانسة بس
الطفل عندهم غير معتاد على الرضوخ للامر الواقع او حركات الحنان الزائدة
صح كلامك والله
لآنهم يتعاملون معه كشخصية مستقبلة بحسب عمره
و هذا له فوائد و ايجابيات مستقبلية و تساعد على تكوين شخصيته
فعلا بتساعده على مستقبله وشخصيته كتيييييييييييييير مو شوي
نحن عاطفيون جدا و هم مختلفون جدا في تلك الناحية و العاطفة عندهم بشكل و بكمية معقولة و في مكانها و بجرعة معينة
حتى طرق تعبيرهم عن الفرح و الحزن مختلفة تماما عنا
يتعاملون بواقيعة اكثر منا بكثير و نحن كشرقيون عاطفتنا تغلبنا ايضا زيادة عن الحد
اخ من العاطفة الي فينا ايام بتمنى ولادي يكونو ما عندهم حنية والله من المجتمع الي صاير وين من كان بس بدونها مافينا نعيش والله يحمي ولادنا كلنا يارب
لذلك من الطبيعي ان تجدي تلك الفروق
مع التأكيد على ان الالمان بالذات كشعب اكثر جمودا و تعصب من غيرهم
الا انهم مجبرون على احترام اي شخص يحترم نفسه و يعرف وضعه و يكون قوي في حقه
هاي يكون قوي في حقه لما اقدر احكي الماني لان فعلا الالمان مع معاملتي معهون اتامدت الا ما جيتهون بالصراخ او بالعين القوية ما بسكتو والله من تعاملي معهون الكلللللللل
لذلك فعليكم اخذالايجابيات التي ستصقل و تقوي شخصية الابناء
و تجعل لهم كيانا خاصا و شخصية قوية
و في نفس الوقت نعطيهم من ديننا و اخلاق الاسلام و اساليب التعامل
و كيف اننا كمسلمون مطالبون بأشياء معينة
يعني باختصار نأخذ ايجابيات الحياة في دولة غربية و نتجنب مساوئ التربية في البلدان العربية و التي تنشئ جيلا مكبوت و مسحوق
صح جيل مكبوت كتير وغير متفتح وعم نحاول فعلا ناخد واتغيرنا كتير بالتفاهم مع اطفالنا وصار عنا صبر اكتر والي اخدناه منهم وطوووووووووولة البال عليهون ومعهون والاستماع قلهون مهما كان الحديث الي بدو الطفل يقوله
في نفس الوقت نربي على تعاليم ديننا و نقوي فيهم الانتماء للدين و الاسرة و الخوف من الله و نبتعد عن انحلال الغرب و تفككه
نعلمهم - و ان كأن صعبا - على التعبير بعيار عن مشاعرهم
و نعودهم ان تكون ثقتهم في انفسهم اقوى من ان يهزها امر بسيط
و نحاول ان نجد لهم البدائل المعقولة
فنتمسك بالاصدقاء في الروضة و خارجها ممن يتفقون مع الابناء و يقضون وقت طيب معا
المشكلة كل من حولي ما عندهون بنات كلهون صبيان الا بنت واحدة والام ما بتخلي بنتها تلعب مع بنتي لان بنتها بتحب بنتي كتير وقال اذا قالالتها بنتي زتي حالك بالماء بتزت حالها هاد المتل يعني من محبتهم ببعض بس الام للاسف قال انسة ومتعلمة بس عقلها احسه للاسف اصغر من عقل ابنتها ومع احترامي قلها بس للاسف عنجد ما بتخلي بنتها تلعب مع بنتي وبنتي مع انها والله طيبة كتير وبتحب كتير بنتها ومستعدة تعطيها كلشي لصديقتها ليكي تفرح ما بدي ادخل بقصص تانية بس علة قولة زوجي قلي انت كوني صديقتها وبس لبين ماارجع لبلدي وتلاقي اصدقاء لها ويحبونها وتحبهون
و في النهاية لكل شيء مساوئ وايجابيات و نحن مضطرون للتأقلم مع الظروف الوقاعين تحته
ربنا ييسر للجميع و يفرجها امين
الروابط المفضلة