السلام عليكم ورحمة الله تعالى وبركاته ....اخواتي اناأعرف ان الموضوع مكرروقرأت جميع التجارب سابقاً وبدون فائدة للأسف...انااعاني من مشكلة ترك الحفاض لابني البالغ سنتين و5 شهور
من ارع شهور تقريباًحاولت معو وعانييييت لمدة شهركامل في موضوع التنضيف وعملت كل الوسائل اللازمة نضف من النونوالكبيرة (اعزكم الله )80% ولكن مشكلة النونو يعملها على نفسو وكنت حامل في شهري التالت رجعت لبستو البامبرز صار برد والجو الان صار دافي عنابلكويت ونحن في غربة وبتعرفو صعوبة هلموضوع بلغربة الولد مابشوف اقرانو حتى يعرف ان هذا الشي صح ولا غلط والأصعب من هيك حملي .ابني كتييير ذكي ولكنه عنييييييييييدانا سأعيد تنضيفه بعد كم يوم بدي أعرف من واقع تجربة شخصية مماثلة كيف ابدا ؟ماذا أفعل؟وقت حيعملها عنفسو ممكن مايلحق يروح علحمام عن جد ضاااايعة ومهمومة كتييييييييييربهلموضوع ومتعقدة بسبب فشلي السابق وخايفةلنو لازم ينضف قبل ماأولد ساعدوني وادعولي جزاكم الله كل الخير

الله معك غاليتي يا رب ويعينك ويقومك بالسلامة
بصراحة اخطأت غاليتي عندما لبستيه البامبرز مرة اخرى
لكن ان شاء الله خيرا
برأيي انه كبير وبيفهم كويس
قلعيه البامبرز وخذيه كل ربع ساعة للحمام
ولو عمل في البوتي صفقي له وشجعيه واعطيه استيكر يلصقه على الحائط
او بنبوني (نوع من الحلوى الصغيرة)
لو عمل على نفسه لا تتعصبي فقط قولي له المفروض نعمل في البوتي
عشان تبقى ولد نضيف وحلو
خلي واللده يشجعه
واوصيك غاليتي اهم شئ بالدعاء
ربك بيده اجهزة جسم طفلك وعقله
ادعي له يطهره وينظفه وينبهه
لا تقنطي ولا تيأسي كل الامهات مثلك مروا بنفس الاوقات الحرجة
الله معك حبيبتي يارب

حبيبتي متعك تعالى بالسلامة ان شاء الله تعالى انا راي مثل راي اختي ام سيف صدكيني كلها تصير والف ديري بالج على نفسج وعلى حملج حبيبتي

ربنا يعينك موضوع تعويد الطفل على استعمال الحمام من اهم التحديات التي تواجه الام وتفقدها اعصابها
بالنسبة لتجربتي مع بنتي الكبيرة ككل الامهات عانيت وعصبية وصراخ ووو بس الحمد لله البنات بيتعلموا بسرعة
اما مع ابني كانت المعناة مضاعفة لدرجة اني رجعت لبسته البامبرز زي ما عملتي بالضبط وبعد كم شهر رجعت قلعتوا وبدينا من اول وجديد وانعادت المعناه بس خلاص ما كان عندي خيار وكان لازم يتعود لاني كنت قربت اولد بنتي ومرة في مرة وبالحنية مرة وبشدة مرة الحمد لله اتعود انت بس طولي بالك حيتعلم في الاخر بس ما تستعملي الشدة طول الوقت مرة بشدة مرة بحنية ولما يعملها في البوتي ويرجع ابوه من الشغل احكيلوا بكل فخر وهو حيحس انه عمل حاجة عظيمة وهكذا وبالتوفيق ويارب تولدي بالسلامة

اختي ربي يعينك والله كنتي ببالي قلت ابنها نظف اولا
اختي انت اخطئتي لما عاودتي ولبستيه البمبرز هلابدك تبلشي من نقطه الصفر معاه
اهم شئ ماتعصبي وماتتوتري لانو اخرته بدو ينظف
روقي كتير منيح وارفعي البامبرز نهائي وماتياسي لهيك لازم تختاري الوقت يلي بتحسي فيه خلاص انت على كامل الاستعداد لتحمل كل المشقه في تنظيفه
كانك مره ذكرتي انك بتشتغلي بنصحك لما تلدي على خير باجازه الامومه مناسبه لتنظيف ابنك حتى يكون تحت مراقبتك طول اليوم
هلا بس تبدئي تنظفيه لبسيه كيلوت وبنطلون وكل نصف ساعه افقديه وديه للحمام واقعدي شجعيه وصقفيلو لما يعملها وما تطولي وانت مجلساه في الحمام فقط 5قائق كاقصى حد لانو الطفل بيمل وبعدين بصير يرفض الذهاب للحمام
وانت كل مايعمل بالحمام صقفيلو وغنيلو واطعميه شئ بحبو ولما يعملها على حالو قرفيه منها قوليلو ماما هيدا كخ ومابيصير نعمل هون لازم بس بالحمام وانت كبرت مالازم تعملها على حالك ومن هدا الكلام واوعك تصرخي بوجهه او تعصبي عليه لانو بيكره اشئ اسمه حمام وماراح تستفيدي شئ سوى تخويفه
الصبر الصبر مفتاح الفرج خلي اعصابك بارده جدا لانهم بدهم صبر ومش بيوم وبيومين راح ينضف كوني مهياه نفسك انو بدو شئ اسبوع لاسبوعين ل تلاحظي عليه انو صار احسن وصار يعمل بالحمام
واوعك تستنيه ليطلب منك توخديه على الحمام بهي الفتره انت تفقديه انا بنتي الي 6 شهور منظفاها لحد الان انا بفقدها على الحمام اغلب الاحيان لانو الطفل بيعتبر الذهاب للحمام تعطيل اله عن اللعب فبيتكاسل يطلب
وربي يصبرك ويوفقك وتقومي بالسلامه
وطمنينا واي سؤال انا بالخدمه

تسلمي أخت ريجيناانابتذكرك وبتذكرتجربتك بس صدقيني الصبي اصعب من البنت بكتييير وانا هلأ بطلت من الشغل (شغلي خاص بمعهد موبمدرسة)مشان هادالموضوع قبل ماأولد.ولبستو البامبرز لأنومااستجاب معي لأكثرمن 40 يوم أول فترة حملي اذابتتذكري وبعدين صار شتا وبرد هلأ بلشت معو اليوم وياسااااتر عملت متل ما قلتيلي وقالولي الزميلات لبستوكيلوت وبنطلون وعرضتو علحمام كل ساعة وعلى النونو بتعرفي العناد مرة يرفض ومرة يجي معي ساواها مرتين عنفسو حاولت ما عصب منو حكيت معو بهدوء وحابسة حالي بلبيت أقل شي 4 أيام الا للضرورة واكيد برة البيت حلبسو حفاض ولكن عشكل كيلوت وتحتو حلبسو كيلوت قطن مشان مايحس حالو لابس حفاض ادعيلي ونشالله ربي يكون معي يااارييت أمي كانت معي بلغربة كانت ساعدتني كتير بهلمسألة وناهيكي عن متاعب الحمل ومسؤولية البيت وححاول أهدي أعصابي وماأتعب نفسي كتير وححكيلك شو بصيرمعي مشكورة عزيزتي انتي وللعضوات الغاليات أم سيف ونور ورشا

الله يكون بعونك انا عارفه انو الولد اصعب من البنت اختي عندها ولد من جيل بنتي وابنك امجننها بكل معنى الكلمه تخيلي الها بتنضف فيه من شهر اب الماضي لهلا جننها وهلا صار يعمل الببي اجلك الله بالحمام بس الكاكا ماراضي يعملها بالحمام مسكينه اختي كتير تعبانه من هادا الشئ وانا دائما بصبرها وبقولها اوعك تتضربيه بس انا عارفه انو شئ بجنن
الله يكون بعونك وانت حامل بهمش اختي اصبري اصبري واول اسبوع هاتلاحظي انو بلش يتحسن وبعديها ماتتراجعي ضلي وراه مع الصبر واهم شئ انك ضلي تصقفيلو وتغنيلو انا بنتي لهلا عم صقفلها واغنيلها واخليها تحكي مع باباها واخواتها تقولهم اني عملت كاكا وببي بالحمام والله كلنا بنصقفلها هههه ايش بدنا نعمل لازم تشجيع لازم والطفل بتمر عليه فتره بعد ماينظف برد ينعكس ببطل يعمل بالحمام بعد مايكون خلاص كلشي تمام لذلك ضلي شجعي واكرميه باشئ بحبه متل قطعه شوكلاته بس خليه يفرك اسنانه لاحسن مايسوسو وانت فهميه دائما انو انت رجال كبير بتعمل بالحمام تعرفي هادا السن الطفل بكون اذكى مما نتصور بيفهم ويستوعب المدح والذم

وربي معك ان شاء الله

اناكتيربشكرتفاعلك معي وبلذات عبمر بفترة عصيبة وزوجي لايساندني بل على العكس بحبطني وبحسسني بلفشل ووقت بكون جالس بلبيت وابني بعملها وبتوتر منو بيلومني وبقلي بردي اعصابك مليت من توترك وشومافي حدا نضف ابنو غيرك روحي انزلي عسوريا نضفيه خلي أمك تعلمك آآآآآآآآآآخ شومضغوطة الله يهدي ابني ويتعلم ادعيلي بظهر الغيب عزيزتي ونشالله أي استفساربسألك