السلام عليكم ورحمة الله وبركاته

كيفكم يا امهات وبنات ووووو كلكم ^^

من زمان ما كتبت موضوع بهالركن ...

وهلأ رجعت .. ومتأملة تتغير حياتي انا وبنتي بمساعدتكم
لانو اعصابي تعبت ..

...
أكيد كلنا من عاني من صعوبات بالتربية .. ودائما منقول الحل الوحيد .. الهدوء .. وعدم الضرب
..
وناخد الطفل بالحضن ونسمعه الكلام الحلوو وو وو وو

طولت بالي كتير وما قدرت ما اتخطى كل يلي ذكرتهم أولهم الضرب .....
:::::::::::::::
بنتي الله يسلمها ويهديها عمرها سنتين و شهرين

المشكلة الأولى .. الأكل


أكلها قليل جداا .. ودائما بتشبع على شغلات مو مفيدة
متل الشوربة العادية . او احيانا الشوكولا او الشيبس ... يلي هلأ ما نعتهم من البيت او بتاكل كورن فليكس و سيريل ..

بتطلب دائما تاكل بطاطا وبيض ..
لو بخليها كل النهار عالبطاطا والبيض ما عندها ماااانع

يوم عن يوم عم تنحف ... ما بقدر اجبرها تاكل من أكلنا .. واذا قدرت اقنعها لقمتين او تلاتة بسسس

المشكلة التانية .. النوم ..


كانت تنام بكير وتصحى بكير ,, وتنام ساعة ونص عند الظهر
كنت مرتاحة من هالناحية هلأ اختلفت الامور ...

بتسهر لل 12 واحيانا بعد .. و حتى لو صحيت بكير .. ما بتنام الظهر .. للمغرب و بعدها بتسهر

.. واوقات بتصحى بالليل .. بتطلب تاكل .. كورن فليكس او سندويشة جبنة وهي نادرا ما تاكلها ,, وبترجع بتنام



المشكلة الثالثة .. الضرب ..


وهي أصعب الشي ..
عصبية .. اذا ما خليتها تضربني او تعضني او تقرصني بتقتل بحالها
صدقوا يا بنات بتترجاني لتعضني
وقت بمنعها
بتبكيييييييييي وهي عم تقول ماما عضة
!!!!!!!!!!!!!!!
بسبب او بدون سبب لازم تعض .......

و عنيدة كتير .. وقت بمنعها او بجبرها على اي شي
بتعيط بصوت ......... يا ساتر
و بتصير عالارض بالطول وبالعرض هههههه

و كلمة لأا ما بدي دائماً على لسانها ..
..
طولت عليكم يا بناات
قلبي مليان وتعبان
أحيانا ببكي على حالها..
لسى عمرها سنيتن و بتمشيني على كيفها؟؟؟؟
ما بدي كون الأم القاسية والعصبية .. يا جماعة ما عم تزبط معي
هههههه

و بدعيلها كتير الله يهديها يااارب ويهديني ..

..
ياريت من كل أم عندها تجربة او خبرة ما تبخل علينا
خلينا نتبادك الخبرات .. ونشوف اخبار بعض
لنتأمل نتيجة حلوة بأولادنا .. و بانفسنا كمان ^^
الله يخليكم ولادكم ويخليلي بنتي ... ياااااااااارب

ياسمينو حبيبتي ياقلبي عليكي
دندونة الشريرة هالكتك مو هيك هههههههههههه
الله يحميها
والله يا ياسمينو يمكن لانه بنتك لوحدها بالبيت ومافي ولد معها يسليها بتتصرف هيك
هلق ولادي الحمد لله صحيح بتعبوني بس بينشغلو مع بعضن باللعب
وبنتك من الملل هيك بيصير معها
بالنسبة للضرب وعصبيتها اشغليها بشغلات مسلية ومفيدة
مكعبات مثلا مكتوب عليها ارقام بتتعلم وبتستفيد وانتي شاركيها باللعب
ورقة وقلم وخليها تكتب وتلون اي شي بس انتبهي ما يجي القلم على عينها
يعني خليها تتسلى حتى تنسى الملل وما تعصب
واثناء اللعب طعميها
عالتلفزيون طعميها بحيث ما تكون منتبهة
وشوفي شو بتفضل اكلات وحاولي تاكل والله انا ابني بالعياط لياكل وبطعميه غصي عنه مو عكيفه
ههههههههه
مع الوقت صار يخاف وياكل
وانتي هدي حالك معها والله احيانا الطفل بستجيب للكلمة اكتر من الضرب
الله يحميها ويخليها يارب
ويارب اكون افدتك من خبرتي العميقة هههههههههه

اهلا ام شهد ..
هالكتني دندونتي هع هع

..
شوفي كلامك صحيح اكيد لانو لحالها وسفر و و و ..


ما بعرف يعني هيك الضريبة .. لانو وحيدة والله صعبة عليي وعليها

بلعب معها كتير .. رسم والوان و اشكال بالمكعبات

.. يسلمو حبيبتي ما قصرتي بخبرتك العميقة

هههههههه
^^

اعاني نفس المشكله بالضبط مع ابني 2 ونصف قله الاكل والنوم الساعه 2 بليل والضرررررررررررررب وخاصه اذا احنا في السوق ياويلي اذا اكسر كلامو الصراخ والعض
اما اذا عندها اخ او اخت راح تهدأ فهذا مجرد خرافات لان انا عندي ولد اصغر منو اضيفي الى كل هذي المشاكل الغيره من اخوه
ياربي اعنا على تربيتهم

اهلين وايت مون ^^
أكيد مشكلتك أصعب لانو عندك ولد اصغر منه ..
الغيرة شفتها عند ولاد غيري ^^

صحيح الاخ او الاخت ما بتحل هالمشاكل
..
صديقتي وقت شافت عسارة بنتي انها صعبة شوووووي ^^
قالتلي الاحسن ما تجيبي ولد تاني لتكبر شوي كمان و تفهم عليكي

..
يارب يحفظهم و يهديهم

الله يعينك يا يا سمينو
والله حاسة فيكي
بس احسن اشي الاهمال
يعني لما بتشوفيها كتير بتبكي وهيك اتركيها بتهدى لحالها وبترجع لعندك
بالنسبة للاكل طعميه رز ولبن او رز ومرقة البامية
يمكن بتحب اكل الطبيخ مو شرط شغلات ناشفة
اعملي سمك فيله وحطيلها بصحن ما بطاطا وخليها هي تاكل بايدها
اعطيها معلقة وحطيها على مفرش صغير وهي تلعب بالمعلقة لقميها
انا بعودهم من هني صغار ياكلو لحالهم صدقيني بصيرو ياكلو احسن

بالنسبة للنوم فوتي انتي وياها عالغرفة وطفي الاضوية بتنعس وبتنام
شربيها كاسة حليب مع يانسون بتنعس وبتنام
امنعي عنها الشاي وهيك شغلات
ويارب اكون افدتك وحليت مشكلتك

اختي انا بدي قول نفس ماقالته الاخت مجد
بنتي عمرا هلا سنتين واربع شهور بنفس جيل بنتك انا عودتها توكل لحالها لانو من وهي صغيره كان اكلها سئ كنت اجري وراها وانا اطعمي فيها فقررت وهي بسن مبكره كان عمرها تقريبا سنه قررت انو مااطعميها اتركها توكل لحالها وبالفعل اولها غلبتني كتير كانت توسخ الارض اكل على الارض وصارت تلعب فيه مره على مره ماشاء الله شعرت انو صارت توكل افضل بكتير مماكنت انا اطعميها واختي مثال عن وجبه بنتي بحطلها تقريبا ثلاث ملاعق كبيره رز ومرق اما ملوخيه او سبانخ او باميه او حتى سلطه وبفتفتلها البروتين يلي طبخته ايش اطبخ بحطيلهاوبعطيها ملعقتها وبقعدها معانا على السفره بس طبعا بقعدها بكرسيها الخاص وبتوكل صحنها واسم الله صحتها ممتازه اختي ماضروري بنتك توكل كتير نشويات لحتى نحكم عليهن انهم اكلو لا اذا اكلت لقمتين تلاته رز وشويه يخنيه وشويه لحمه اودجاج او سمك ممتاز كتير كتير وعلى العشاء بديها من عشانا بكون بالشتا عامله شوربه بديها زبديه فيها القليل من الشوربه وبديها توستايه واحده خبز بكون مدهنلها فيها لبنه او حمص وبشرحلها نص حبه بندوره وكمن شرحه خيار وبتركها توكل مرات بحسها حبت الشوبه ومااكلت التوستايه بتركها على راحتها ممكن ازودلها شويه شوربه بعد والله يااختي بنتي مابتقبل اطعميها ولا نص لقمه لحالها
بالنسبه للشوكلاته والشيبس نصيحه لا دخليه بيتك لانو الطفل اذا تعود عليه صعب يتركه انت استبدليه بشئ مفيد مثال انا بطعمي بناتي فواكه مجففه متل الزبيب وكان التمر كتير مفيد ولزيز و الشوكلاته قليل كتير ليطلبنها لانهم خلاص تعودوا على طعم الفواكه المجففه فانت حاولي متلا طعميها زبيب وتمر واعمليلها انت شيبسي االبطاطا اولها مارح تحبه بس بعدين بتنسى طعمه الشيبس والشوكلاته وبتتعود على الشئ يلي بتقدميلها ياه
هلا بلعب معها وبتلعب مع خواتها لما تعاند وتبلش تزن وتنكد بهملها مزبوط مزعج صوتها حتى خواتها بيحكولي ماما مش قادرين نحضر الكرتون من صوتها هههه ومش قادرين ندرس هههه

معلش اولها بتكون تعيط كتير وبعديها خلاص بيتعود الطفل انو بعياطه ابدا مارح يتحقق يلي بدو ياه
بس تهدى برجع بلاعبها وبغيرلها اواعيها وبشربها ببرونه وتروح هي واخواتها يفركو سنانهم وخلاص الساعه سبعه المسا بطفي كل ضواو البيت وبترك ضو غرفه النوم خافت كتير بحملها وبحطها بسريرها بحكيلهم قصه صغيره وخلاص بطلع من الغرفه اولهاها راح تبكي كتير وكتير كمان اوعك تستسلمي تركيها قصي قلبك عمرو البكى مااذى الطفل اذا استمرت كتير بالبكى روحي وطبطبي على ضهرها واحكي معها واطلعي وهكذا لتنام اولها راح يكون صعب عليك وعليها معليش لو ضليتي عندها لتنام شوفي يلي بناسبكم بماانه ماعندها اخوه ممكن تنامي جنبها لتنام بس والله خلاص بتتعود وبتعرف انو وقت فرك الاسنان وطفي ضواو البيت لحالها بتروح على سريرها اختي ليش مادخليها حضانه قريبه عليكم كتير بتنبسط وبتغير جو وبنتظم نومها
واختي ماتعودي بنوتك تتحكم فيك لا انت امها انت لازم تربيها على نظامك اختي بنوتي لما تغلبني كتير كتير ومش راضيه تسكت بعاملها متل خواتها لابصرخ ولابضرب ولابعصب بحكي معها استجاابت كان بها ماستجابت بهددها انو في عقاب وانا متبع عقاب التايم اوت فبتصير تقولي لا لا وتصرح بحملها وبحطها بغرفتها بس مابغلق الباب خلاص بتعرف انها معاقبه بتركيها كمن دقيقه وبطلعها اناممكن اكرر عددت مرات العقاب التايم اوت لخلاص تستسلم
اختي كوني معها الام الحنونه وبنفس الوقت صارمه
ربي يوفقكم يارب الاطفال بدهم صبر لانهم اذكيه كتير وبفرضو رائيهم
وانا حبيت احكيلك عن بنتي لانها من جيل بنوتك ربي يكون بعونا يارب على تربايتهم

انا بدي الفت نظركم الى انو ممكن تكون المشكلة طبية ......مثلا بنتي كانت هيك وعملتلها فحص دم حسب نصيحة اختي واكتشفت نقص في مادة الحديد ولما وصفلي اياها الطبيب وكنت اعطيها صارت توكل الي عمرها ما اكلتوا ولما شبعت وملت بطنها خفت العصبية عندها والصراخ وصارت تنام .
وحتى اليوم لما بشوفها بطلت توكل ورجعت نفس الاعراض بروح للطبيب وبطلب حديد وبعطيها وبتتغير على طول .
بدي اختم بسؤال للامهات : انتي وجعانه ومعدتك فاضيي بتكوني عصبية ولا لع وكمان بتقدري تنامي بالجوع ؟
هادا سؤال بجاوب عليه مليح الي جرب فقر الدم .

أهلا يامجد ..
سياسة الأهمال .. ممكن تجيب نتيجة ؟؟
حتى لو بقيت تلحقني من غرفة لغرفة ؟؟ ^^

الله يصبرني و يطول باالي ..

..
بالنسبة للأكل .. بحاول معها رز ولبن .. بعطها تاكل لحالها فبتاكل شي قلييييل جداا

ما بعرف ممكن هدا بكفيها بس شايفة ما بتاكل كفاية
..
نورتيني يا غالية و كلامك فادني أكيد .. و ان شاء الله بمشي بنصايحك ..

كتبت بواسطة امال احمد ابن

انا بدي الفت نظركم الى انو ممكن تكون المشكلة طبية ......مثلا بنتي كانت هيك وعملتلها فحص دم حسب نصيحة اختي واكتشفت نقص في مادة الحديد ولما وصفلي اياها الطبيب وكنت اعطيها صارت توكل الي عمرها ما اكلتوا ولما شبعت وملت بطنها خفت العصبية عندها والصراخ وصارت تنام .
وحتى اليوم لما بشوفها بطلت توكل ورجعت نفس الاعراض بروح للطبيب وبطلب حديد وبعطيها وبتتغير على طول .
بدي اختم بسؤال للامهات : انتي وجعانه ومعدتك فاضيي بتكوني عصبية ولا لع وكمان بتقدري تنامي بالجوع ؟
هادا سؤال بجاوب عليه مليح الي جرب فقر الدم .

.. أهلا يا آمال .. سؤال لو سمحتي ..
عملتي تحليل الدم لبنتك من دون استشارة طبيب ..
يعني ممكن الدكتور يعرف اذا الطفل عنده نقص حديد ؟؟
بفترة قريبة كنت عند الدكتور .. وكان رده انو كل شي طبيعي .. شايفة عكسه
..

الله يجزيكي الخير .. كلامك معقول ..
وقت بجوع بعصب كتير صراحة ههههه
..
أكيد الجوعان ما بيقدر ينام لهالسبب بنتي وقت بتنام بعد جدااااااااال طويل بتصحى بالليل لتاكل ؟؟!!

..
الله يخليك بنتك يارب دائما بصحتها وعافيتها