السلام عليكم اخواتي الكرام كيفكم انا مشكلتي ابني عمرو سنة ونص وما بحكي مع اني دايما بحكي معو بس على الفاضي مع انو الحمدلله السمع عندو منيح ما في مشاكل .
المشكلة التانية انو كتير متعلق بالتلفزيون وكتيييير بيلفت انتباهو بطريقة مو طبيعية وبحب اكتر قناة كراميش وازا بطفي التلفزيون وبعد العب معو بضل يبكي بدو افتح التلفزيون على الكراميش شو اعمل معو ساعدوني وشكرا اللكم

بالنسبة للحكي بشوف بكير المفروض يحكي كلمات بسيطة . مثلا بنتي 1و3شهور بتنادي علي وعلى ابوها بتحكي تعالي مع التأشير بس بدها شي بتيجي تقومني لعند الشي اللي بدها اياه بس الاهم واللي لازم تنتبهي اله الاستيعاب اول شي لازم ما يضل على التلفزيون كتير لانه بعطل التفكير عند الاطفال اما الاستيعاب فانا عن تجربتي بركز لبنتي كل شوي على شي معين ، مثلا بضل احكيلها اكرمكم الله جيبي البسك الكندرة بتجيبها ، بدك تاكلي بتقول "اه" وبتهز براسها" لما يأذن بحكيلها الله اكبر بتجيب اواعي الصلاة وهيك يعني ما بتحكي بس بتطبق وكتير شغلات مثلا جيبي امشطلك ، هات فاين ، تشربي مي او عصير ، بجيبي الشيبس والبسكوت بحكيلها خذي شيبس وفعلا بتمد ايدها على الشيبس وكله بتفهمه لاني بركز عليها مع العلم انا بشتغل بس كتير بحكي معها وبخليها تختلط باطفال اما التلفزيون بحطلها يا دوب ساعة متقطعة على طيور الجنة وبتميزها بتحب اغنية اكتر من اغنية .
اسفة طولت بس زي ما حكيت ركزي عالاشياء اليومية واطلبي منه وخليكي طافية التلفزيون اخرته بنساه.

ام بانه شكرا كتيييير على كلامك وان شالله رح اعمل بكلامك والله يخليلك بنتك يارب