السلام عليكم ورحمه الله وبركاته
بنات انا حيرانه مع بنتي اوي
هي دلوقتي تسع شهور وعشر ايام ووزنها 7 كيلو وربعمائه جرام اقل من وزنها وده من زمان
بس انا محتره دلوقتي الدكتور قالي لازم تاكل الزبادي والسيريلاك وصفار البيض والجبنه المثلثات يوميا
وهي رافضه كلا لحاجات ده بس عايزة تاكل اللي احنا بناكل منه يعني شويه رز شويه لسان عصفور صغيرين واي اكل تاني لا
انا طعمتها تطعيم تسع شهور اول امبارح والدكتور قالي الاكل ده ما ينفعش لازم تاكل اللي قولت عليه وانا بدءت اكلها بالعافيه
وبتصعب علي لانها بتاخد وقت كبير وبتشرق وهي بتاكل وعياط وطبعا بهدله لي وليها يعني بعد كل وجبه عايزني نستحمي انا وهي
مش عارفه ايه الصح ابوها بيقولي خليها لما تكبر حتاكل براحتها بدل ما تكره الاكل وتتعقد وانا مش عارفه ايه الصح اسيبها براحتها معتمده على الرضاعه واي حاجه بسيطه معانا وده تعبني انا جدا لانها طول الليل بترضع وطبعا اللبن مش مكفيها
ولا استمر في اني اجبرها على الاكل يمكن تتعود لما تاخد بالغصب في الاول
انا عارفه هي المفروض تاكل ايه بس المشكله عندي ازاي اكلها وهي براحتها مش بالغصب هي بتصعب علي اوي لما بجبرها وبخاف اسيبها براحتها اندم لاني احيانا بقول ياريتني بدءت معها بالغصب من بدري يمكن كانت اتحسنت
هي كانت مولوده وزنها كويس بس مش عارفه ليه كل شهرين اوزن الاقي معدل الزياده اقل ودخلت لها سيريلاك الارز من الرابع وبرضه بتاخد بالعافيه مفيش فايده فيها
حتي السيريلاك بترفضه
الحاجه الوحيده اللي بتاكلها الموز والتفاح المسلوق لكن اي خضار تاني ولا زبادي ولا سيريلاك كله بالعافيه من اول معلقه بالعافيه حتي مش بتبلع شويه وبعد كده ترض مجرد ما تاخد معلقه تفضل تعيط تقعد كتير عقبال ما تبلعها
ياريت اللي عندي فكره يفيدني اعمل ايه
اه نسيت اقول ان الدكتور من الشهر السادس اداها فيتامين وفاتح شهيه اسمه مينادكس وهي طلعت سنتين وبتسند يعني نموها الجسدي طبيعي بس مشكلتي وزنها القليل اوي
الروابط المفضلة