السلام عليكم ورحمه الله وبركاته
بنتي ميمي في الروضه تمهيدي ومن برامجهم المميزه والمفيده واللي فعلا تشجع الطفل وترفع معنوياته برنامج ام زائره وانا حابه
بالمره اكون ام زائره...
عشان اشجع بنتي وافرحها وخصوصا انها بتغار من اختها الصغيره وحبيت احسن نفسيتها ..
استقبلت دعوه من الرووضه اكون ام زائره وطبعا وافقت بدون تردد..وكان يوم الاربعاء
احترت.. واحترت ..واحترت ايش بقدم لهم بحثت في النت وسالت اخواتي في المنتدى وماقصروا جزاهم الله خير
جمعت افكار كثيره ودي اسويها كلها بس ماكان معاي وقت ..
أول حاجه سويتها ..
1_ سجلت طلبيه عند محل حلويات طبعا مو اي محل ..محل كبير ومشهو رعندنا بالرياض عشان مااتورط واضمن الشغل..
كيكه وعليها صورةبنوتي من غير مااخبرها طبعا.............(مفاجئه
2_بديت اصمم توزيعات كهدايا للاطفال اللي بفصلها بس عددهم 17 وهي بيض الشوكلاته اللي كل الاطفال يحبونه واولهم بنتي سهرت عليها الليل واخيرا طلعت النتيجه


وحسيت انها موكفايه واعطتني الماما فكره وجري على طول سويتها وهي عباره عن الشوكلاته اللي تجي لونين..............ناويه على اسنانهم.....


وفكرت في حاجه مع الكيكه وسويت حلى المارشملو بالشوكلاته بس لللاسف نسيت اصوره
طبعا هم كانوا محددين لي ساعه وحده استاذنتهم وزادولي نص ساعه
.........
وصلت للروضه تقريبا الساعه 9وربع دخلت ورتبت اغراضي كان ودي بقاعه اكبر من فصلهم
لان برنامجي كان على فترتين
برنامج+حفله صغيره
بس ماتوفر فسويت البرنامج والحفله في فصلهم..
اول بدايه دخلت والقيت السلام وكانوا متعودين يردون وعليكم السلام ورحمة الله وبركاته مع بعض وبصوت عالي
وكيف حالكم ياحلوين؟ ردوا بخير والحمدلله ..
عرفتهم بنفسي وطلبت من بنتي تعرفني باصدقائها (طبعا كانو مسوين حلقه وانا وبنتي قدامهم) واستحت شوي من الفرحه وطلبت المعلمه من كل واحد يعرفني باسمه وطبعا كل مايقول طفل اسمه ارد انا بكلمه تشجيعيه مثل شاطر.. بطل ..اهلا بك.. والفت من هنا ومن هنا الين خلصوا .......
وبعدين تكلمت عن بنتي وحكيت لهم عنها اشياء حلوه مثل تنام بدري ..وتكتب واجبها.. وتفرش اسنانها .. وتسمع ماما وبابا ...الخ [COLOR="rgb(255, 0, 255)"]طبعا الاطفال مره تفاعلو معاي وقصوا لي قصة حياتهم
بعدها قلت انتوا شفتوا ميمي وهي كبيره بس ماشفتوها وهي صغيره ايش رايكم نشوفها ؟
( وعرضت لهم على اللاب صور ميمي وهي صغيره بالتدريج لما دخلت الروضه مع خلفية انشودة بنيتي )
وبعد كذا عرضت لهم عاللاب انشوده الارنب والثعلب من انا شيد قناة روضه تفاعلوا معاها بالمره وحكينا عن الانشوده..وسالتهم كم سؤال
ايش سوى الارنب ؟ اكله الثعلب والا هرب ؟
بعدها عرضت قصه مصوره وناقشناها سوا وايش استفدنا من القصه ؟؟
وطبعا الاطفال مره متحمسين ويجاوبون ..واعجبتهم القصه كثير

انتهى العرض وبدات الالعاب :
يتبع.............[/COLOR]

رائع
عم بستفيد منك لما بنتي تكبر و تدخل الروضة
الله يبارك فيكي و في بناتك و في ميمي الأمورة
عند جد مبدعة!

لعبت معاهم لعبتين اول لعبه بما انهم في وحدة الايدي حضرت لهم صندوق ودخلت جواه حاجات من كل نوع فواكه لعبه دبدوب نظاره ....وعملت فيه فتحه
طريقة اللعبه:
كل طفل يغمض عينيه ويدخل يده وياخذ حاجه ويتعرف عليها بايده ..
طبعا الاطفال نصهم مايغمض يعرفون الحاجه قبل يتحسسوها .
.وضحكنا واتحمسوا الاطفال بها اللعبه..
اللعبه الثانيه:
اشعلت شمعتين فوق طاوله ويطلع طفلين كل واحد معاه رشاش مويه يتسابقون من يطفي الشمعه اول
وكنت عامله حسابي في شمعات زياده لانها ماراح تشتعل مره ثانيه يعني كل متسابقين لهم شمعتين وهكذا....
واستاااااااااااانسوا الاطفال من هاللعبه مره .....اطفال ومويه وش تتوقعون:(*):
صح الطاوله جاها مويه بس الاطفال ماتبللوا
بعد مالعبوا الاطفال وفرحوا ..
حكيت لهم ميمي بتقدم لكم كيكه عشان نحتفل مع بعض فرحوا وصاروا ينطون هيييي هي....
[COLOR="Magenta"]ومااخفيكم حتى انا استانست ...استانست لفرحتهم والله ياناس حسيت اني بطير فرحت الاطفال شي ثاني

وفرشنا السفره الملونه وصفت بنتي الصحون ..والملاعق ..والعصير
وحلى المارشملو ونثرت بالونات كنت معبيتها بالبيت واخييييييييييييييييييييرا
الكيكه مزينتها صورة ميمي ......... كل الاطفال سرخوا باسمها لما شافوها ..واااااااااااااااااااو.... حتى معلمتها اتفاجئت كثير وقالت لازم اآخذ لها صوره..
( (طبعا بنتي شافت الكيكه قبل واستانست كثير)
وبديت اقطع لهم واعطيهم وقالوا دعاء الطعام وبدوا ياكلون..
بعدها ..
وزعت ميمي الهدايا اللي اعديناها سوا ..
وبعد في فكره جديده سويت هدايا للمعلمات والمديره عباره عن تولة عطروسجادة جيب وكسر عود كمبودي وغلفتها
وكل معلمه خذت هديه وعطت ميمي بوسه ..
ملاحظة:
طبعا بنتي هي اللي ترتب وتجهز معي ونشيطه ومتحمسه والمعلمة تمدحها لانها تساعد ماما وقلت لهم انتوا تساعدوا ماما؟انا بنتي ماشاء الله عليها تسمع كلامي وتطيعني وتحب تساعدني.. وهذا طبعا يشجعها ويعطيها ثقه بنفسها وصارت ماعاد تشوف احد من الفرحه ..
بعدها اخذت صور مع الاطفال ..وكل طفل يقول : ابقول لامي تسوي حفله ..وشكروني بطريقتهم المميزه ..
وشكرتني المعلمه كثير ابدت اعجابها بالبرنامج وانه فعلا مميز ..........
وانا خلاص ابطيييييييييير من الفرحه والله فرحت اني قدرت احقق لبنتي حاجه تفرحها واسعد الاطفاال ..
انتهت الحفله وودعت الاطفال ..
وهذي بعض الصور

والحين جا دوركم تعطوني ارائكم ادري طولت عليكم ........
ترى تكسرت يديني من الكتابه ..........
واحب اشكر الاخوات اللي ساعدوني في الافكار وخصوصا بنت الشهيده الف شكر......

كنت منتظرة مشاركتك لنا بيوم الام الزائرة


ماشاء الله عليك

اجمل شي في الوجود عندما نسعد اطفالنا واطفال الاخرين .


برنامج حليو وجميل استمتعت معاك وانت تحكين


ربنا يسعد لك صغيرتك ويجعلها قرة عين لك.


بوسيها هي واختها .

ما شاء الله الفكره رائعه وانتى اكتر من رائعه وام جميله جدااااااااااااا
ربنا يخلى لك بنتك يااااااااااااااااااااااارب وتفرحى بيها

ما شاء الله عليكِ أختى

برنامج مميز وأفكار مدهشة

لا يوجد عندنا فى الرياض مثل هذه الأفكار

لكن إن شاء الله أعرضها على معلمة ابنى ونطبقها سوا

حفظك الرحمن وابنتيك ورعاكم

سلمت يمناكِ

ماشاء الله
الله يبارك فيك وفي ابنتك
مجهودك رائع و دليل على وعيك وحرصك

ما شاء الله عليكى
ربنا يحفظلك بنتك يا رب
وفعلا الزيارة للطفل بروضته
رائعة جدا
والتواصل له دور فى رفع معنوياته
ربنا يوفقك

مروركم هو الاحلى والاروع..
سعدت بتواجدكم..
عقبال عندكم..

رهييييييييييييبة يا غيمات و برنامج ام زائرة حلو كثير ربنا يسعد بنوتتك يا رب و تشوفيها باليونيفرستي يا رب