السلام عليكم ورحمة الله وبركاته


عندي مشكلة وحابة انكم تساعدوني

ابني عمره 3 سنين و5 شهور

وديته حضانة لكن اسلوب الميس معجبنيش شفتها بتزعق في الاولاد

لكن هو مش بيعرف يحكيلي حصل ايه معاه رغم انه بيتكلم حلو


دايما يتكلم مع حد0 شخصية خيالية) ويبق بيزعقله وينتقده

خايفة يكون ده تفكيره ان ده احساس الناس ناحيته


والله بفكر موديهوش تاني
خاصة اني مش بشتغل لغاية ميتعلم يحكيلي عن الناس بتعمل ايه معاه بالظبط

مستنية مشورتكم


لا اله الا الله محمد رسول الله

طيب ليش ما تشوفي حضتنة تانية

لان حتى لو اتعلم الكلام راح يكر الحضانة ومن المدرسة وكل ما يمت لها بصلة وتصير الروحة لها عذاب وبكاء

بالعكس دوري عن حضانة متميزة عشان يحب المدرسة وما تتغلبي معا بكرة لم يكبر ان شاء الله

ربنا يبلغك وتشوفيه عريس ويهدي لك هو يارب

حبيبتي طالما ان الحضانة سيئة ومعاملتهم للاطفال ليست جيدة ولا تراعي نفسية الطفل
الافضل توديه حضانة اخرى
لانه قرب يدخل المدرسة والحضانة هتشجعه على الاندماج في جو الدراسة والاصدقاء
اسحبي من طفلك الكلام حتى يحكي لك ما يحدث في الحضانة
اسأليه بطريقة غير مباشرة
وشوفيه هل بيحب الحضانة؟
هل عنده اصدقاء؟
هل بيتعلم شئ جديد؟
ومن خلال كلامه كوني صورة كاملة عن الحضانة
الله يبارك لك في ابنك ويحميه؟

البنات كلامهم عين العقل

انت جربتي تتكلمي مع الميس

ممكن لو في كلاس تاني تنقلي ابنك

او غيري الحضانه

شوفي ابنك بحاجه للحضانه فالوقت الحالي
لكن

اذا كانت هتفيده مش العكس
برايي
لو لم يكن عندك حضانه تانيه يروحها

وتاكدتي ان اسلوب الميس مش كويس
وانها مش بتفيده

بلاش يروح بس اكيد هوه السنه الجايه مدرسه

ساعتها لازم توديه حضانه قبلها ب3 او 4 شهور
علشان يتعود على الخروج وميقعدش يعيط ويتعبك فالمدرسه

كمان يتعلم حجات كتير محتاجها
لان ماشاء الله الانترفيو الي بيعملوا للطفل قبل المدرسه
عايزة حد في اولى ابتدائي

يعني ممكن في فترة قعدته فالبيت تعلميه الحجات الي المفروض يتعلمها
واي سؤال انا بالخدمه

ربنا يحميه

فعلا الحل انك تنقلى ابنك لحضانه تانيه تكونى واثقه فيها
ومش تقعديه لانه كبر ولازم يبدا يتعلم حاجات تسهل له الدراسه بعد كده لانه اكيد السنة الجايه ان شاء الله هيكون فى كى جى
ربنا يخليهولك يارب ويهديكى لما فيه الخير لابنك

السلام عليكم ورحمة الله وبركاته


اخواتي في الله شكا لكم جميعا

ام زهور الربيع

فعلا انا عندي كذا سؤال
ممكن بالليل ادخل اكتبهم لاني مشغولة شوية



جزاك الله خيرا
يارب مكونش حتقل عليكي




لا اله الا الله محمد رسول الله

اهلا بيك حبيبتي براحتك اي سؤال
انا فالخدمه
واتمنى اني اقدر اساعدك
بانتظارك

السلام عليكم ورحمة الله وبركاته


جزاكي الله خيرا

حبيبتي انا ام قلوقة جداااااااااا
دايما يوسف معايا نت في الاول ممكن اضربه لو عمل حاجة
الحمد لله ربنا هداني ودلوقتي ممنوع الضرب وده من فترة


لكن علي الرغم من كده بحسه مش متعلق بيا

يعني في الحضانة كل الاطفال عاوزة مامتهم ماعدا يوسف

مش عارفة هو كده مش ناسي اني كنت بضربه ولا ايه؟

1-بالنسبة للحضانة بحاول دايما اعرف ايه حصل لكن هو مش بيقول
مش عارفة هو خايف مني ؟

2-نفسي اعلمه بنفسي لكن متسرع اول لما يشوف صورة حاجة مثلا يكون عارفها وانا متاكدة
لكن من السرعة يقول اربع خمس اسماء غلط
مش عارفة اوصله ازاي انه يستني يبص للحاجة الاول قبل ميقول


3-بحسه ساعات نفسه يعمل الحاجات الممنوع منها (زي اكل الشيبسي والمشروبات الغازية والحاجات اللي ملت حياتنا قرف وامراض)هل اسيبه ؟ ولا افضل علي رايي وهويكبر ويعرف


اسفة اني طولت عليكي

بجد الف الف الف شكر


لا اله الا الله محمد رسول الله