السلام عليكم ورحمة الله و بركاته

ساعدوني الله يبارك فيكو

ابني عمرو قريب السنتين يعني سنة و 11 شهر الا شوي

يعني في اطباع منيحة الحمدلله احسن من غيرو اطفال بكتير ماشاءالله تبارك الله

بس صوته

عالي و بكاه عالفاضي والمليان بشكل مقرف

يعني يوصل صوتو للشارع عنجد زوجي يسمع صوتو احنا في الطابق التاني وزوجي ينزل باب البيت ويسمع

وازا طلعت الجارة وكان ببكي بسمع

بفتح تمو زي المغارة والصوت يطلع بزمة وضمير

بشكل مقرف ومستفز مستفز للحجر

المشكلة انو كل مبدو شي ببكي بطريقة مقرفة

يعني مثلا هوة بحب الحلاوة الطحينية
طلعها من التلاجة وحطيتها انا فوق التلاجة

واجا يسرخ سراخ وفاتح تمو على مصراعيه وسراخ سراخ بشكل مثير للرغبة في الخنق مش الضرب

اعععععععععععععععع ااااااااااااااااااااااااااااااااااااااااه


ويعني بيشد على نفسه باقصا ماعندو
انا عارفة شو بدو بكون

بس هوة مابكلف نفسه يروح ياشرلي او يحكي كلمة تدل عليها

مع العلم بعرف يحكي ويعبر بس حسب المزاج يعني بس يسمع صوت صحون بجري يقول همممممنااااhamenna

ومرة بقول وين المفتاح خبيتو راح قلي وين المفتاح بس مشبكة ومخربطة

وبحكي زاكي الاكل بطريقته

وبحكي وين الغدا كمان بطريقته

وماما وبابا وكاكا وكاتا

ويعني شوية خرابيش

دليل انو عندو قدرة بس طالع مزاجي وبتساخف علية مابعرف ليش

تطور في السراخ في الفترة الاخيرة يمكن بتقولو غيرة بس انا وهوة بسرخ باجي احضنو مابعجبو

وبحاول ماقصر معاه

بس صوته صراحة بخليني مستفزة من ناحيته دايما

والله لو على نفسيتي او مزاجي يكون نفسي اضربو طول النهار بس امسك نفسي للاخر

احبسو احيانا في زاوية عقاب

يضل يبكي ويحط ايدو جوة تمو ويسرخ اعععععععععععععععععع وزن بطريقة فظيعة

لغاية مااطلعو

هيو مثلا هلأ اجا يزن ويسرخ مابعرف شو بدو

احيانا بكون بدو مية بصير يسرخ
وهوة بعرف انو كبايته الزرقة الي عليها صورة ديك للماء وبس اقلو مية بروح يجيبها

بس لما بدو الشغلة بستهبل عالمزاج

قرفنا صراحة احيانا يصدع راسي من صوته

انا مابقول انو ابني مقرف يعني الحمدلله مريحني من كتير امور ماشاءالله تبارك الله

يعني مؤدب نوعا ما عند الناس صحيح ينطلق يكتشف البيت و يلعب بس مابصير مثلا يسرخ و يرتمي عالارض او يخرب بقصد التخريب

هوة في بيتي ماشاءالله مش مقصر عمللي ريجيم بدون مااسعا الو بسبب طول النهار يخرب واجري وراه

واحيانا احسو بستفزني متعمد بصير يروح عالشغلة الي بتقهرني ويطلع قبلها فية ويضحك بهبل و استفزاز

جربت اطنشو بس يعمل هيك قال يعني

بس ابدا مصمم عنفس الامور الي بتقهرني

وكلها امور مقرفة

مفاتيح الكهربا او مفاتيح الابواب

يعني امور لو تركته ممكن يؤذي نفسه

بحاول اطنش صوته بس والله بيجيني صداع

ماشاءالله صوت جهوري نفسي ابعتو للمسجد يسرخ وقت الفجر يصحي الناس عالصلاة ههههه


شو كمان امثلة

اجي اخدو اغيرلو الحفاضية يصير يجري وبس اقلو يلا حبيبي وامسك ايدو

بصير يرخي حاله عالارض وعايزني اجرو
طبعا مهما حاولت اطنشو وارميه منتظرة انو يجي ورايا فش امل لازم اجرو بنفسي عشان يغير الحفاضة

بس يسرخ بصير اقلو نعم حبيبي شو بدك

بصير يسرخ برضو

واحيانا بنظر فيه بطريقة زعل بسكت وبس ادير وشي برجع يكمل

زهقنا بنقطة الصوت والصراخ شو الحل

اطنش كل ميسرخ لاخر لحظة واخليه يسرخ براحته وبس يسكت التفت الو واشجعه ولا شو؟؟؟؟؟؟؟؟؟؟؟

الحلو مايكملش صحيح ان ريحني في شي لازم اشي تاني يعني

وعليكم السلام ورحمة الله وبركاتة

هلا سوسو كيفيك وكيف الازعر اللي مصدع راسك

عندي وعندك خير انا كمان التوام بيجنوني بصراخهم خصوصا
أذا طلعنا نجيب أغراض للبيت بيحبو يسمعو صوتهم للناس
أحيانا بكون بجهة وهما وأبوهم بجهة بعرف هما فين من صوت صراخهم
لانه مابيكون حد بيبكي بالسوق الا هما الله يهديهم ويصلح حالهم

يالله مستنيا خبرت البنات معاك

بفتح تمو زي المغارة والصوت يطلع بزمة وضمير

ههههههههههههههههه والله العظيم ضحكت ضحك عجبتني بذمة وضمير خخخخخخخخ الله يهديه ويصلحه يارب

الله يعينك يارب
والله شغلة الصوت مزعجة كثييييييير وتفقد الأعصاب ...

سوسو عندنا يامرحبا يامرحبا

نورت يايبطة

كيفك ياحبي وحشتيني؟


ابنك لساته صغير شكلك حتضربيني لاني بادافع عنه صح ؟


اخرج احسن لي وارجع مرة ثانية

حتى اعيش الوضع وارجع ارد عليك بروية.

ملكة بنقابي اهلا وسهلا والله يعينك وان شاءالله نشوف حل بذمة وضمير

ساما شكرا حبيبتي

ام سهيل لا ماحضربك ياحلوة
ومعك حق هوة لسة صغير ولانو صغير ومش عايزة امد ايدي عليه كتير بدي حل لخفض الموجة الصوتية عندو
وتعديل مزاجه هوة مو نكدي ولكن ممكن ابوه يزقه يوم يقلو امشي ياولد يصير يضحك
تاني يوم نفس الموقف يصير يبكي هههه مزاج الاخ
الله يخليه
بس انا عصبية شوي هاليومين وحاسة متاثر فية
حاولت بعد كتابة الموضوع احتوائه لاني حسيته مضطهد مابعرف ليش احنا بنعاملو حلو وبنلعب معاه بس مش عارفة حسيت انو بسرخ كتير وبنضل نقول هس وبس وكثرة الهس والبس وعيب ياماما يمكن يتخليه يعمل هيك
لهيك جربت احتويه واتحملو اكتر واحملو والعب معاه
اشوف بكرة تكملة الخطة

بعتلك رسالة مبارح عالخاص لامر ما شفتيها او لا

هههههههه في اولاد هيك اصواتهم عالية

عندي تقريبا الولد التاني نفس التصرفات و صوته بينسمع من تاني حارة

بس بالتطنيش بيسكت و بيهدى و بيصير محترم خخخخخخ

ههههههههههههه والله ضحكتيني من قلبي .. الله يفرجها عليك ..
اسمعي لاحكيلك هم الصغار بمروا اوقات بفترات زناخة الله يكون بعوننا عليها ..
بس الحل في كل كتب التربية هو الحب والاهتمام
وبعدين الاطفال طاقة يعني بنجنوا بين اربع حيطان
كل ما تشوفيها زنقت معاه احملي حالك ولفيك شوي بالشارع وارجعي .. ان شاء الله تكوني في بلد بتقدري تروحي وتيجي فيها ..
لانه هيك اولادي بطفروا حالهم من البيت مع انه الالعاب موجودة والكرتون وكل شي بس خلص هم بحبوا يشموا هوا ..
بتعرفي انا هون في بريطانيا بطلعوا الانجليز كلابهم ساعة الصبح ساعة المسا عشان ما تعوويلهم وتجننهم في البيت ..
فما بالك بالاطفال ( سوري للمثال بس عشان احكيلك انه الطلعة برة بتغير النفسية حتى للحيوانات ) ..
طولي بالك عليه والله يعينك ويرزقك طولة البال

حبيبتي إحتمال إنه بيعمل هيك حتى تلبيله طلباته إذا شعرتي
إنه بيعمل هيك مزاج طنشي لمدة ثلاث أيام وشوفي إذا بستجيب
أنا عارفه نحن الأمهات حنونات ولكن يجب أن يفهم أنك لما تئولي لا
يعني لآ لازم يفهم لو حسيتي بصرخ مزاج تعال على نفسك واتحملي
وبنصحك عزيزتي شرح ما شرحتيه هنا للطبيب سيجد لك طريقه
للتعامل معه حماة الله وجعله من الذريه الصالحه
أهم شيئ إوعك تضربي عزيزتي الضرب يضخم المسائل
هو آخر وسيله للجوء له والأفضل الإبتعاد إطلاقاً عنه
هناك دكتور إسمه ابراهيم الخليفي عن التربيه تابعيه رائع بفيدك

حبيتي الاطفال بدهم صبررررر الله يارب يحفظلك ياهم
انا بنظري اهمليه الطفل ذكي كتير فهو بعرف انك بتنزعجي من صوتو وبالصوت بتلبيلو طلبه
فانت اذا بدا بالصراخ حاولي اتعاقبيه انو تتبعي اسلوب التايم اوت لمده فقد دقائق معدوده اولها مارح يسمع كلامك بس مره على مره بصير يخاف وانت اهمليه لما يزن انا بنتي بعمر ابنك بتحاول تعند وتزن بتبع معها هدا الاسلوب والحمدلله اهون من اول والله يصبرنا

ضحكتيني يا سوسو يا عسل خخخخخ

لا ما تخافي ما رح بجيك تخلف

ذكرتيني ببنت اختي كالنت كب يوم بعد المغرب تبكي ولا تنام حتى الفجر حتى صارت اختي تتناول المهدئات وصارت حكلية
وفي الاخير اخذها ابوها عند شيخ ورقاها بالقران ومن يومها ما تبكي بالليل

صراحة ممكن هويمل من البيت ويحب يخرج صراحة حتى الكبير وضيق من قعدة البيت
الله يهدييه حبيبي