الســـلام عليكــــم .
.
.
.
.
////////////////////////////////////////////
.
.
بداية ً هذة مشكلة تتعلق بأحد اخوتي الصغار والذي يبلغ من العمر 11سنة وشوي
ليس كبقية الأطفال في حبه للألعاب التي تهم الذكور ككرة القدم وما شابه بصراحة يموت على أي شيء يخص البنات يعني يقلد تصرفات أخواتي البنات بكثرة مع انه ما شاء الله البيت فيه أخوان ذكور غيره لكن لا يهتم بهم ولا يحتك بهم كثيراً
دائماً يحب يكون قريب منا احنا البنات يعمل كل شي احنا بنسويه أحياناً ألاقيه ينظف المنزل مثلنا يكنس ويمسح ويغسل بصراحة احنا مانبغاه يعمل كده أولاً لأنه طفل صغير وثانياً لأنه ولد أتمنى انه يعمل مثل البقية يطلع مع الأولاد يمارس ألعابهم حتى إني ألاحظ انه صار يميل للانطواء وشديد الخجل ما ياخذ حقه إذا أحد اعتدى عليه بالعكس يسكت ولا يبغى حتى أحد يسأله ولو صار حصل له مشكلة بالمدرسة مع زملائه يخبي علينا مع انه آثار الخدوش تكون واضحة على وجهه بس لوما أخي الأصغر منه بيقولنا انه حصلت له حاجة مع زملائه ماكنا بنعرف إش اللي بيحصل معه بالمدرسة ولما يعرف ان احنا عرفنا أحسه بيخاف ويخبي ولا يبغى أحد يعرف نهائي ولا أحد يسأله عن شيء وهو طفل هادي جداً خجول وبيخاف كثير ونخاف انه بينظلم كثير بالمدرسة وعشان كذا بنسأله اش اللي حصله عشان نكلم المدرسة يتفاهموا معه ومع زملائه بس حتى المدير لما بيناديهم ويناديه مابيقول الحقيقة يخاف من زملائه حاولنا معه كثير بالطيب وبالقوة لكن لا حياة لمن تنادي بالكاد يقولنا حاجة بسيطة ويسكت ،، وفي البيت كمان لما بتحصل مناوشات بينه وبين أخواني أحسهم بيستقووا عليه اللي أصغر منه وإللي أكبر ودايماً بيعايروه أنت بنت أو انت زي البنات
كمان لما نروح عالسوق ويكون يبغى حاجة مايطلب هو من البائع انه يجيبها له دايما بيقول انتوا قولوا وجيبولي والأيام هذة صاير منطوي أكثر
إش نعمل حتى نعزز ثقته بنفسه ؟؟؟وكيف نتعامل معه
وإش ممكن نقدم له ألعاب ليقضي فيها وقت الفراغ؟؟؟
وهل ترون من اللائق أن نجعله يمارس شغلنا في البيت من تنظيف وغيره أو نمنعه من ذلك ؟؟؟
وهل فيه أطعمه معينة تقدم له في هذة السن تساعد على تحسين نفسيته ؟؟
الله يخليكم ساعدونا أخاف يكبر وتكبر الحالة معه ويصير مريض نفسياً لاسمح الله
لأني ملاحظة عليه هذة الأيام شرود الذهن وأحياناً باشوف دموع في عيونه وما بيحب يتكلم عن اللي في نفسه أبداً إذا ما أحد سأله وإلا يموت مايقول وإذا صار وقال يقول شي بسيط
تكفوووووووووووووووووووون ساعدونا الله يجعلها في موازين حسناتكم يوم تلقونه ..
.....
الروابط المفضلة