السلام عليكم
الحقوني يا بنات و الله تعبت و احترت
انا عارفة اني تقلت عليكم بس الدنيا ضيقة بيا جدا

مازن
بعد موضوع الأمساك رااااااااااااااااافض الرضاعة سواء طبيعي او صناعي
و عايش بقاله 3 أيام علي اليانسون و اي أعشاب انما لبن لاااااااااااااااااااااااا

أخدت مازن علي الدكتور

الدكتور قال مش لاقي اي سبب علمي او منظقي عشان يعمل كده و قال هنفترض ان العملية بتوجعه بالرغم من تأكيد الجراح ان المفروض ان الألم انتهي بس انا قلت له لو فيه ألم ما كانش يرضع خالص لا لبن و لا يانسون و قال معاكي حق
المهم قال نستني كمان يوم لو ما رضعش نبقي نتصرف و انا يا بنات مش عايزاه يتصرف لأن التصرف الوحيد هو تركيب محاليل
و انا تعبت وهو كمان تعب علي طول جعاااااااااااااااان و علي طول بيصرخ ليل و نهار لما خلاااااااااااااااااااااص قلبي تعب بأحاول أفضل متماسكة بس مش قادرة
دلوني لو عندكم اي فكرة اعمل ايه؟

اختى الفاضله بيرو
الف سلامه عليه
اول ما شفت الموضوع حسيت بالم
وحزن شديد
ربنا يعافيه يارب
بصى طالما انه الطبيب طمنك وقالك
ان العمليه مش السبب
خلاص سيبيه يجوع
وبلاش تعطيه الببرونه نهائى لان لو كانت
فتحتها كبيره اللبن او السوائل هتنزله اكثر من
اللبن بتاعك وبالتالى هيرفضك
وكمان حاولى تشوفى نوع الاكل اللى بتاكليه
لو كنتى بتاكلى اشياء نفاذه هتخليه يسيب ثديك
وكمان لو بتاكلى حاجات تعمل امساك هتعملو هو
كمان يعنى راقبى اكلك
فيه امهات لما بيكون عندهم امساك طفلهم ايضا
بيعانى زيهم من الامساك
المهم دلوقتى جوعيه واستحملى بكاؤه
هتلاقيه فى الاخر اخذ صدرك وشرب
وان شاء الله تعالى ربك قادر يشفيه
سم الله وادعيه ان يجعل طفلك يقبل عليك
ويشرب حتى يرتوى
انه ولى ذلك والقادر عليه
تقبلى مرورى ودعواتى لكما

حبيبتي الغالية
ام محمد علي
تسلمي اول شيء علي اهتمامك و بالنسبة للبني فهو قل بشكل كبير بعد عملية مازن و اضطرينا نلجأللبن الصناعي
وحاليا مازن رافض حتي اللبن الصناعي
الدكتور قال خففيه عن العادي بمقدار النصف و لكن للأسف ما زال مصر علي رفضه و كذلك مصر علي رفض لبني الذي اشفطه بالشفاط من أجله و طبعا بأستعمل الببرونة بسبب ظروف عمليته يا أختي
مش عارفة اعمل ايه
بس يانسون و اعشاب
و من نفس الببرونة

ربنا يسهل دعواتك يا اختي

اختى بيرو
والله دخلت قت اشوف يمكن تطمنينا عليه
ودعوت له بالليل كثيرا
بصى انا ابنى مره عمل كده معايا
طبعا قعدت حزينه لانه اصر على عدم الرضاعه
لغتره طويله قمت بصيت فيه ملقتش اى حاجه
حلقه كويس ولسانه وكمان فتحة البول (اكرمك الله))
يعنى بيتبول ويتبرز عادى بالاختصار معندوش ما يمنعه
من انه يرضع
توكلت على الله وسيبته يبكى لما كان صوته يسمع
الجيران كلها وكانت احمله واتمشى واكثف فى الدعاء لله
والصلاه على رسول الله وبين كل كام صلاه ادعو الله
الى ان استجاب لى ربى واقبل ابنى على الرضاعه بشراهه
من الجوع طبعا
والحمد لله فانتى اكيد الطبيب طمنك عليه من كل النواحى
وابنك اكيد محتاج غذا بعد العمليه مش سوائل بس
اديلو مسكن زى السيتال وشوفى لما يهدا هيعمل ايه
وبلاش تحطى سكر فى اى سوائل
واتاكدى ان ما عندوش اى مشاكل فى العمليه او فى اى
مكان اخر فى جسمه
ربنا يعينك ويطمنك وياريت تطمنينا
اللهم اشفيه وعافيه يارب العالمين

حبيبتي بيرو

متابعة أخبارك بصمت وربنا يعلم أنا بدعيلك انتي وابنك أد إيه

بالنسبة للمشكلة....ياتري كنتي بتحطي سكر على الأعشاب اللي بتديهاله
لو كان ده حصل ممكن يكون ده اللي خلاه يرفض اللبن سواء طبيعي أو صناعي
وعموما إن شاء الله تستفيدي من تجربة ونصايح أم محمد علي

ربنا يشفيه ويعافيه
وابقي طمنينا عليه أول بأول

ياحبيب قلبي
فعلا يابيرو هل كنت بتحطي سكر
غير كده اليانسون من غير سكر طعمه مسكر شويه
يمكن ده السبب
انت ممكن تقطعي اليانسون شويه وشربيه ميه بس
لغاية مينسى طعم اليانسون
هوه تلاقيه عجبه وميزه من طعم اللبن

بس مقلتيليش اخبار الامساك ايه
يمكن لو الامساك لسه موجود حاسس ان اللبن تقيل على معدته والاعشاب بتريحه شويه
علشان كده رفض اللبن
ويارب تطمني عليه يارب
وتطمنينا
وممكن برده زي مالاخت الغاليه قالت اديله مسكن
وشوفي لما يهدى هيعمل ايه
وياااااااااااااااااااارب يهديه ويشفيه يارب

حبيبتى عبير صباح الخير عليكى وعلى مازن ومؤمن
بصى حبيبتى انا حصل معايه كده فى فارس ورفض صدرى والببرونه وماكنش بيشرب الا يانسون وانا كنت بعيط حتى كتبت هناا للاخوات وهماا قالولى الحل والحمدلله نفع معايه
انا فارس وقتهاا كان محسود لان حتى الصدر اللى اتشاف وقتهاا وانا برضعه منه لبنه كان قل كتير لغايه ماتكتل وكنت برضع من ناحيه
واحده المهم وقت ماا رفض الرضاعه من الاتنين ومن الببرونه كمان رقيت صدرى ورقيت فارس والحمدلله تقبل الرضاعه بعدهاا
وخصوصاا انه ماكنش بياخد صناعى وانا كنت خايفه اوى لبنى ينشف ولكن الحمدلله الرقيه الشرعيه نفعت جدااااا معانا
جربى وان شاء الله هايرجع يرضع ومن صدرك كمان لان الشفط ده بيكون صعب جداا عليكى

ج

ربنا يفرج كربك يارب
عليكى بالدعاء والقرآن وإن شاء الله يرضع
انا سمعت عن أطفال قبل كده رفضوا الرضاعة وبعدين رضعوا

الله يعينك يارب

والاخوات ما قصرو الله يعينك ويسهل عليك يارب

يارب يارب مازن يقبل الرضاعة يارب العالمين

تسلموووووووووو يا بنات و الله ما قصرتم
بس الوضع زي ما هو و كنت بأحط سكر قليل اوي في اليانسون شيلته لما قريت ردودكم و بردو بياخد اليانسون و بيسب اللبن
اخر حل عملته من خوفي عليه بقيت أحط اللبن بالحقنة في زوره غصب عنه
يا رب افرجها من عندك
و كمان حجزناله عند دكتور أطفال تاني

و بالنسبة للامساك مش بيعمل غير باللبوس او بالعود القطني مدهون بفازلين زي ما قليتم جزاكم الله كل خير
بس بيعمل كمية صغير جدااااااااااااااا و مخاطية
اسفة للقرف بس اعمل ايه
جزاكم الله كل خير

و فعلا يا مروة كل ما أسأل حد يقولوا حسد مش عارفة ليه؟ ده غلبان خالص و تعبان و بيتألم من يوم ولادته
ياللا الحمد لله