السلام عليكم

ازيكم يا بنات عاملين ايه؟؟؟ انا جايلكم وجايبالكم تجربتي مع بنوتي في التخلص من الحفاض

اولا انا بدات مع بنتي وهيا عمرها سنتين الا شهر بس كنا في الشتا وبدات معاها في تعليمها البراز انها تعمل في البوتي مش في البامبرز وقعدنا كده فتره شهرين لانها للاسف مكنتش بتتكلم اصلا وبعد شهرين حمدلله مبقتش بتعمل ابدا البراز في البامبرز ولو انا مقضيه اليوم عند اي حد تطلب وتدخل تعمل في الحمام وقلت حمدلله واستنيت لما الجو اتحسن وعلى شهر 4 بدات معاها بقى في تعليم المايه ومامتي قالتلي لازم تعلميها وهيا لابسه البامبرز فطبعا قعدت من شهر 4 لحد اول 5 ومش شايفه اي تقدم خاااااااااااااااااااااااااالص فقررت اني اقلعهولها خالص والحمد لله اول يوم طبعا غرقت الدنيا ههههههههههههه لكن بعدها بيومين كانت بدات تستجيب وكنت بلبسهولها بره البيت وهيا نايمه وبعدين جيت روحت لمامتي فطبعا رفضت اني اوديها من غيره فلبستهولها طبعا استعبطت اقعدها ومتعملش ويدوبك اقومها تقوم عامله في البامبرز فلما رجعت من عند ماما رجعت بدات من اول جديد خااااااااااااااالص ولا كاني عملت حاجة بس حمدلله ماخدتش وقت طويل ورجعت تاني وبعدين اخت جوزي قالتلي قلعيهولها خالص ختى في الخروج فعملت كده ونسيت اقولكوا انها لما بدا تتتعلم كانت بتقوم بالمبامبرز نضيف خالص فقلعتهولها خالص ونسيناه نهائي

نيجي بقى للمشكله انها رافضه رفضا تاما انها تعمل بره البيت حتى لو عند عمتها او عند خالي ادخلها مش ترضى تعمل وتبقى واقفه تتنطط وماسكه نفسها بالعافيه ومصممه انها متعملش غير لما نروح البيت ياترى ده عادي ولا ايييييييييييييييييه؟؟؟؟؟

اتمنى اكون افدتكم ويارب تفيدوني

هههههههههههههههه
ربنا يخلها لك

نسيت اقلك يمكن انو البنت تعودت عالبيت وبتستحي تعمل برا البيت
طبيعي جدن

جزاكي الله خيرا يا عزيزة على مرورك وعلى ردك

هو تقرييا الموضوع ده بيبقى نفسي
انا كمان متعودة اني معملش بره البيت
لو قعدتي فترة مش كبيرة اوي بره خلاص متجبرهاش انها تعملها بره
لكن لو الفترة كبيرة حاولي اقنعيها بهدوء
حبيت اسألك شيء
انا ابنى قرب على سنتين
هل علشان اعوده يقلع البامبرز لازم اقلعهوله خلاص
وهل كده حتكون النتيجة اسرع؟

بصي يا ام باسل بالنسبه للبول لازم يقلعه خالص عشان انا جربت معاها وهيا لابساه منفعش خالص

تصدقى تجربتك دى اللى كنت بدور عليها
هههه
اصلى بحاول اعلم بنتى
بس مش بتعمل طول ما هى لابسة البامبرز وبفكر اعمل زى ما بتقولى اقلعهولها واستحمل يومين البهدله بس تفهم



بصى هاتى قاعدة تواليت حلوة وعليها رسومات وخليها تعمل بيها فى البيت وخديهالها معاكى وانتى خارجة خديها معاكى وقوليها انها هتعمل برضه فى القاعدة بتاعتها
او حاولى تظبطى مواعيدك بحيث تعمل فى البيت ومتتاخريش برة

مبروك يا حبيبتي عقبال ولادنا كلنا يارب
متخافيش كلهم كدا
بنت اخت جوزي اول ما اتعلمت برضه وقلعت البامبرز مش راضيه تعمل الا في البييت
ويا حبيبتي بتروح حضانه ماسكه نفسها لما تروح البيت
بس اسبوع كده وهيبقوا عادي هو بس عشان الموضوع جديد عليهم
ربنا يخليهالك

ما شاء الله الف الف مبروك عليها النضافة
عقبال ما تشوفيها عروسة
فكرة ام توتة معقولة
انا ابني بيبص على البوتي الاول ويشوف نضيف وللا لا
وميرضاش يعمل في اماكن عامة غير واقف
ربنا يبارك لك فيها يا قمر ويخليها لك

متشكره ليكم كلكم على مروركم

يارب تتعود على انها تعمل بره يارب

انا فعلا باخدلها نفس قاعده التاواليت بتاعتها اللي بتعمل فيها في البيت لدرجه اني بدات اخد البوتي كمان معايا وانا بره