انا حامل بالرابع وبدي تساعدوني كيف افطم بنتي عمرها سبع شهور ووزنها ما شاء الله سبعة كيلو وما عاد فيني اشيلها ارضعها صارت توجعني عشان بحطها عبطني بنتي الحمدلله تاكل كل شئ وبالنهار ما برضعها بس باليل فيا ريت تساعدوني كيف انيمها من دون ما ارضعها مع اني جربت بس فضلت تبكي لحد ما انا زهقت وحطيتها على صدري وايضا ازا صحت باليل خاصةانها تصحى كتير كيف برجع بنيمها بعطيها شئ تاكلو ولا بخليها تبكي لحد ما تنام ساعدونى اجركم الله هيدا اول ولد وانا بغربة ومالي غيركم

ربي يخليلك بنتك ويتمم حملك على خير
اولا الرضاعة وانتي حامل فيه خطر على بنتك حاولي تقطعيها فوراً
انا بنتي كانت كبيرة وماتاخذ الرضاعة الصناعي
بس وحدة سوريا الله يجزيها الخير قالتلي كيف اعلمها على الرضاعة الصناعية
خلي بنتك تشوف انك طلعتي صدرك وكأنك عم ترضعيها قربيه على فمها واول ماتفتح فمها ضعي الرضاعة الصناعية(الببرونة) في فمها
اكيد راح ماتتقبلها مرة ومرتين بس بعدها راح تتعود عليها
وجربي معاها في الوقت اللي تحسيها انها بدها تنام وان شاء الله تنفع
واذا مانفعت لما تصحى شربيها الحليب في الكوب او الملعقة لحتى تتعلم
بس المهم انك تقطعي الحليب الطبيعي عنها لانه مضر فيها
وربي يخليها ألك يارب

ربنا يتمملك ع خير ويهون عليك ربنايسهل ولادتك
أنا بعرف إذا معك مجال بالوقت ممكن تحطيلها بالرضعة أوكاسة حليب طبيعي مع اضافة الحليب الصناعي يكون الطبيعي أكتر ومرة ع مرة تزيدي كمية الحليب الصناعي
بس أنا لمافطمت بنتي بالليل كنت عند اهلي وماما كانت بس تفيق تاخدها تشربها ماءوتقرأ عليها أول يوم فاقت 3مرة وتاني يوم مرتين وتالث مرة بعدين صارت تفيق تشرب مي وتنام بدون بكاء بس هي كانت تبكي كانت ماماتحملها وتمشي فيهالحدماتهدى بعدين تقعد عشان ماتتعود لأنه لوحاولت أنالوحدي رح يضل عندها أمل أرضعها وضل تبكي كتير لهيك ماما كانت تاخدها أناسمعت من دكتور بلشي بالليل بعصير التفاح بعدين بالمي والله يهونها عليكم ويعينكم

مشكورين حبيباتي انا مبارح بديت بالفطام والحمدلله مر على خير بس عندي سؤال اذا صحت باليل اعطيها مي عشان انا بعطيها حليب معقول تضل تصحى باليل يا ريت تساعدوني اكيد في كتير بالمنتدى فاطمين ولادهم

ازا بضل تصحى بالليل كتير بتكون مش شبعانه من الرضعه
حاولي تاكليها اكل قبل النوم و ازا صحيت بالليل حطي بالرضعه مي
و خليها تشربه بضل منيح الها

انا جوعت ابني ولما قرب يناام وهو يبكي استسلم وشربها بس اصبري

أنا بنتي لما فطمتها بالليل صارت تشرب مي بالليل فقط لأنه بضل عندهم أمل للرضاعة فكنت أديها مي بعدين صارت تنام وما تطلب المي

مشكورين حبيباتي والحمدلله مر الفطام على خير