بتدللى نفسك ازاى بعد تعب الاولاد

**ابو الانس** · 16-02-2010, 06:47 PM

السلام عليكم يا احلىامهات

الحقيقه الواحد ساعات بيكتئب من الاحساس انه بيدور في ساقيه

مابتخلصش وطبعا مش هاقول بتعملوا ايه ف وقت الفراغ عشان مفيش اصلا

وقت فراغ بس فكرت

نشارك بعض ايه اللي بتعمليه عشان تخففي الضغط على اعصابك بعد دوشة الولاد

انا مثلا ياما علي الكمبيوتر شويه اشوفكوا ياما اقرا شويه او

وامنيتى اعمل رياضه في جيم

او اعمل ماسكات لوشى اى دلع لنفسي يعنى بس امتى وازاى يلا يا امهات عايزين ندى بعض افكار عشان ف الاخر نبقى فريش عشان نقدر نعطى لاطفالنا وبيتنا بكل حب ونشاط

**ساسوسى** · 16-02-2010, 09:59 PM

ممكن استحمى واقرأ في المصحف واتفرج شوية على برامج التليفزيون بدل سبيستون وبراعم طول النهار ما خربت دماغي ونفسي فعلا زيك العب رياضة واخس شوية واعمل ماسكات واحنى شعرى زى الأول بس بصراحة بعد شغل اليوم ببقى مش طايقة والله المستعان.

**ابو الانس** · 16-02-2010, 10:15 PM

طب وبعدين ياساسوسي هنعمل ايه تفتكري ممكن نعرف نفضي لنفسنا وقت

**غربة 33 عاما** · 17-02-2010, 03:03 AM

اممممممممممممممممممم
هههههههههههههههههههههه
يا بنتي انا مش عارفة اتلايم ع كتاب اكمله.....نفسي اكتب شي الافكار بتترتب في عقلي و بتطير قبل ما الاقي شوية وقت ادونها
الوضع مأساوي بس الصحيح الحب المتبادل بيني و بين اولادي بيحسسني بوجودي

**mona alx** · 17-02-2010, 03:53 AM

انا بقى عندى تؤام ومش قادره اقولكم الواحد لو شغال فى حضانه هاياخد راحه والله هما اربع سنين عمر و جنى ربنا يهديهم بس الحمد لله ماما تسكن جمبى بوديهم كل فين وفين واخرج انا وزوجى نتغدى ونتفسح ونتكلم وارجع اخر اليوم ومرات انيمهم بدرى وبباهم بالمره وابقى حسه بالراحه وانا لوحدى اتفرج على التلفزيون او اعد على النت وممكن اسبغ شعرى واعمل ماسكات بس والله ممكن اليوم ده اعد للفجرما حدش يضحك عليه ههههههههههه هو ده اللى بيحصل والله

**azmiralda000** · 17-02-2010, 04:29 AM

بجد الموضوع جه فى وقته
انا بقول لجوزى انا مش بس زى التور فى الساقية
انا عاملة زى اكل الحمار فى النجيلة
لا النجيلة بتخلص و لا الحمار بيشبع
لا شغل البيت بيخلص و لا البيت بيبان عليه نضافة

اخخخخخخخخخخخخخ

قلبتى علينا المواجع

**خوخه24** · 17-02-2010, 04:43 AM

عن نفسي يا ارسلهم بيت اهلي او بيت اعمامهم
واعمل تنظيف بشره وحمام زيت
واخذ شور
والبس واعمل ميك اب واتعطر واتبخر
وبعديـــــــــــــــن
اجيبهم للبيت (بس طبعاً مره في الشهر) خخخخخخخ
هههههههههههه..

**ام ياسـ مريوم ـر** · 17-02-2010, 04:55 AM

ههههههههههه

موضوع جميل
متابعة عشان اسمع افكار زيادة

**كنزى2009** · 17-02-2010, 08:59 PM

انا بقى كنت بودى بنتى عند ماما فى الاجازة بس يومين وكنا نحرى نجبها
دلوقت بعد ماشرف الاستاذ بيدو 4 شهور معنديش وقت حتى انام خصوصا انى بروح الشغل
الحمد لله انى مش لوحدى ولقيت حد زى

**أم ملك و مريم** · 17-02-2010, 11:46 PM

انا بقي بحب الهدؤ انيمهم هما و بباهم و بعدين اعد اتفرج على التليفزيون شوية و بعدين النت و ممكن اقعد ارغي في التليفون المهم منمش لما ينامو استمتع بوحدتي و هدوئي

انتقلت منتديات لكِ النسائية إلى هذا الرابط:
منتديات لكِ النسائية
هذا المنتدى للقراءة فقط.

الموضوع: بتدللى نفسك ازاى بعد تعب الاولاد

أدوات الموضوع

العرض