اهلين ياسادة ياكرام عندي لكم حكاية تفطس من الضحك والحكاية صاحبها ولدي المشهور بسهيل ,سهيل هذا قال ايش طفش من الدراسة ويفكر في ال .......... ايش اقول
هذاك اليوم خرج سهيل مع خاله وخاله هذا في آخر سنة من الجامعة , وقال ايش الود بيحكي مأساته لخاله وانه خلاص مقرر يتزوج, تخيلوا طفل عمره ست سنوات قبل اسبوع اتمها
شاف نفسه رجال ويتحمل مسئولية واي مسئولية , المهم وقال ايش هو زعلان عشان اللي كان حاط عينه عليها خلاص ضحكت عليه, وانه هو راح يتكلم معي ومع ابوه عشان نقرر له من هي العروس sid , يوم سالته من هي اللي رفضتبحرف السين احزروا من هي..
طلعت في النهاية ،خالته رفضته بحكم انه ما يصير وهو مو راضي يفهم الوضع , وسوى زعلان واليوم راح كلم بنت عنده في المدرسة وسالها تجي عندنا في البيت , فهي انكسفت على قولت سهيل ,
المهم الولد كلم خاله واتفق معه على اجتماع طاريء عشان يناقش المشكلة العويصة وهو يبغى يتزوجها وجلس يبكي يوم ابوه بيمزح معه وقال له ماني مزوجك نظمية لا واسمها نظمية ليش ياولد ما لقيت اسم احلى .... لا عشان تنظم لكم البيت , هي تنظم الناس , الودل ما فطر من فرحته انه لاقى العروس المناسبة بس اتحطم مني ومن ابوه لاننا رفضنا الفكرة .
تعرفوا فكرة الزواج هذه ليش وايش سببها ..
وهذاك اليوم سمع من ابوه انه راح يوديه الوحدة الصحية لزوم اجراءات التسجيل في المرحلة الابتدائية , وبدا يسال ليش قلت له عشان المدرسة ويشوفوا كيف صحتك وسال في ابرة قلت له وحدة وما تعورالا ما اشوف غير البوز اتمد كيلوين وقال بصوت عالي انا احسن اجلس في البيت واتزوج واجيب عيال , قلت كمان عيال هذا اللي ناقص
المهم غيرت الموضوع واقنعته باني راح اسد الفراغ اللي حاسس به هذا المفعوص الصغير .
لا وازيدكم من الشعر بيت حاجز كم بنت وكم ولد من المدرسة حق اولاده وحق بناته بيفكر في مستقبل عيلته الله يحفظه .
وتوتة توتة خلصت الحتوتة .
رد مع الاستدلال
بس لا تعوريه . عشان لا يبكي لانه حساس .
نحلـة لكِ 
الروابط المفضلة