السلام عليكم اخواتي حابة اعرض لكم تجربتي مع ابنتي
بدات معاها لما كان عمرها 4 شهور صرت الحسها كل شئ باكلو وهلئ بنتي عمرها 5شهور عملتلها نظام للاكل طبعا مع الرضاعة
الفطار اول ما تصحى ارضعها رضعة خفيفة بعدين بعملهاpicon مع خبز <ربع رغيف> وشاي مع رشة سكر صغيرة وبطعميها وبعد نصف ساعة برضعهارضعة كاملة
الغداء الساعة2ظهرا عاملتها اكل خصوصي وهو عبارة عن جزرة وحبة بطاطا وربع كوب رز وبصلة صغيرة معربع صدر دجاج او لحمة بسلقهم مع بعض وبعدين بخلطهم بالخلاط حتى ينعمو وبعبيهم بالمراطبين وبحطهم بالتلاجةوكل يوم بطعميا قدر كاسة شاي وبعد شي نصف ساعة برضعها
العشا ربع موزة على الساعة 6
والحمدلله بنتي بتاكل كل ششى كاسترد وهرسلها فواكه مسلوقة بتاكلها
بس عندي سؤال بنتي ما بتنام غير عصدري وبتصحى كتير بالليل بس بدها صدري مع انها مابتكون جوعانة بس بدها صدري يا ريت تساعدوني ما عم نام منيح قد ما بتصحى

ماشاء الله تبارك الله
الله يحفظها يارب

لكن موضوع النوم يحتاج صبر
احيانا الطفل يكون بده حنان يعني ضميها بس واعطيها مويه
ومهم جدا فترة النهار انك تقبليها وتضميها وماتنشغلي عنها كثير
وانتبهي لاتخليها تضحك اكثر من اللازم خاصة قبل النوم لأنه بيخلي الطفل يصحى كل شوي مفزوع....
وعندي ملاحظه بالنسبه لوقت العشاء - كأنه بدري شوي- يعني لو تخليه الساعه 9 افضل
والله يعينك ويبارك في بنتك

الله يعينك لزم تصبرى اشويه لانو بتخذ وقت حتى تبعد عنك

شكرا لردودكم اخواتي

النوم النوم النوم ..... يا ريت نفسي انام 13 يوم ورا بعض..... حبيبة قلبي هاي الغرامة انت بس قبل النوم كوني متأكدة انو معدتها مش مليانة منشان ما تتعب و انها اتكون مرتاحة و نظيفة .. بيضل التعلق العاطفي " لو شو ما اتفلسفنا ما الو حل " الا اممممممممممممم و مالو نحضنهم و نداعبهم و نمسجهم لغاية اما ينامو

مشكوةااختي غربة والله صدقتي هذه ضريبة الامومة

انت لا كلما تصحى بالليل ترضعيها فقطنت اجلسي جانب سريرها وقرائي قران والعبي بايدها اسقيها ماي واتركيها خليها تبكي مو ضروري كلما تبكي تروحي عليها
ولا تعوديها تنام على صدرك رضعيها وبعدين حطيها على المنام تبكي وتنام لوحدها ولا تجي عليها لمدة اسبوع راح تتعود تنام بدون ماتحتاج صدرك ان شاء الله

لما تصحى بالليل شربيها ماء وما تحمليها عشان ما تشم ريحة حليب الام

انا بنتي ما تشرب مي احاول اشربها تجي رح تستفرغ واذا ما شلتها تضل تبكي لحتى ما يعود فيها تتنفس شوو سوي معاها تعبتني

حبيبتي يارب يخليلك بنوتك بالنسبه للاكل متلي ببلش عالاربع شهولر بس حبيبتي بلاش تديها شاي عشان الحديد وبلاش السكر والملح للطفل الي قبل عمر السنه
وبالنسبه للرضاعه بدون جوع كل البيبيات اللي برضعو طبيعي بتعلقو بالصدر وبعملو لهايه فهذا طبيعي