السلام عليكم و رحمة الله تعالى و بركاته

كل عام وانتم بخير بمناسبة السنة الجديدة ربي يجعلها سنة خير علينا كلنا

ما ادري لو تذكروني انا كنت حاطة موضوع عن كيف اكتشفت انه الشعير ريحني من الامساك مع اولادي الحمدلله


و لانه كثير من البنات سألوني عن طريقتي حبيت احط لكم هي بالصور تشوفوها لعل المنفعة تعم الجميع

و على فكرة انا معتمدة هالطريقة من سنة و شوي تقريبا مستمرة عليها يوميا ماشاءالله تبارك الله و ماابغى منكم الا دعوة حلوة في ظهرالغيب انه ربي يحفظ لي زوجي و أبنائي و يرزقني ببنوتة بالحمل الطبيعي بدون ادوية و منشطات و عمليات يارب في هذا اليوم الفضيل يوم عاشوراء

و طبعا بالأول احط لكم صور الشعير والتفاصيل حقته

انا اجيبه من سوبر ماركت الدانوب من قسم المنتجات الحيوية الاورغانيك ب10 ريال

و هادي صورة الكيس موضحة نوع الماركة حقته و طبعا في ماركة ابازير .... وال2 مافيهم فرق



وهادا الكيس من القفا



وهادا شكل الحبوب حقت الشعير اللي جواه



بس من حوالي اسبوع ماني لاقية عندهم قمت رحت اشتريت من ابازير اللي في سوق المساعدية بالكيلو شعير مقشور

اهم شي يابنات شعير مقشوووووووور

هادي صورته



وهنا صورة الحبوب متباعدة



انا بصراحة لقيت بينهم فرق في الشكل بس مافي فرق في المفعول وهادا اهم شي


يتبع

دحين نجي لطريقة الخضار

أول شي اغسل الشعير بالموية مزبوط واحطه بالقدر على النار مع موية نظيفة طبعا او اذا عندك موية سلق اللحم او الدجاج بتكون مغذية جدا

بعدين اطلع الخضار و ابدأ أقشرها و بس اقطعها نصفين مو اكتر

و هي عبارة عن { 2كوسا - 2جزر - نص حبة قرع عسلي - بروكلي} ماعندي جزر
ماأحط بطاطس عشان الامساك و الغازات و لانه طعمه مو حلو

وهنا بعد ماحطيتهم عالنار فوق الشعير

ممكن أضيف زنجبيل اخضر لما بيكونو تعبانين بس بعد ما أخلص سلق اشيله ارميه يعني بس اخد مويته

و احيانا احط سبانخ او ملوخية او بامية او فاصوليا أو فلفل رومي و طبعا لازم مرة بيضة مسلوقة والمرة التانية لحم مفروم و مرة دجاج و مرة سمك او تونة >>> مع مراعاة انه بعض الاطفال بتجيهم حساسية من التونة و ولدي واحد منهم
طبعا انا كل مرة اتفنن في الطعم

ولما اضيف اللحوم بس اضيف للكمية اللي تكفي لوجبة اليوم بس عشان لايجيها طعم زناخة تاني يوم

واحيانا احط ظرف شوربة ماجي بالشعيرية معاهم و احيانا بس احط صرة بهارات الشوربة حقت رمضان و اغير لهم الطعم يعني مو كل يوم نفس الشي

واليوم حطيت لهم معاها شوية ملوخية مع مرقة لحم بس ماحطيت لحم

وبعد ماتستوي اضيف لها 4ملاعق كبيرة شوفان كويكر وأطفي النار و اسيبها ربع ساعة او ثلث ساعة

بعدين قسمتهم على دفعتين و خلطتهم في الخلاط

اخدت جزء و خلطته

وحطيته في برطمان قزاز

يتبع

والدفعة التانية برضو و نفس الشي

بعدين برّدت كمية تكفيهم لليوم بس و عبيتها في الرضاعات اللي بالملعقة

جبتها من الصيدلية ماركة بيجون
بس لونها مصفّر من الجزر تراها هي بيضا هههههههه

بنات لاتضحكو بس انا ما احب استنى الخضار تنزل في القمع وتقعد لي ساعة قمت اخترعت لي قمع من حالي هههههههههههههههههه

وهنا في الأخير حطيتها و استنيتهم الين صحيو

ومن لما صحيو وانا بحاول أأكلهم بس مدري ايش بهم مايبغو ياكلووووووووووووو

وماحسيت على نفسي الا انفجرت وصرت ادعي عليهم يارب لاتستجيب مني ولا دعوة دعيتها عليهم يارب ياكريم

و أي سؤال انا حاضرة لاتترددو في سؤاله

ولو ما رديت عليكم ترا خصخصوني لانه دخلاتي قليلة

الله يحفظهم توأم و مطلعين لي قرووووووووون

و شغالة الله لا يوريكم تشبه كل شي الا الشغالات حسبي الله على ابليسها بس و ربي يعوضني بشغالة بنت حلال يارب ياكريم

سامحوني

كثيرة غلبة و كلامي كثير هههههههههههههه

جزاكي الله خيرا وبارك فيكي وجبه روووووووووووووعه متكامله من كله

بس معلش لي كام سؤال

اولادك الله يحميهم كام عمرهم

وبداتي تعطيه لهم من امتي؟؟؟

وواضح انه ما شاء الله مغذي

نفسي بنتي تاخد منه بس هيه كبيره عندها سنتين كيف اعطيه لها؟؟؟ لانها ما بتاخد ببرونه

واخر شي انتي بتقولي للامساك يعني بتعطيه علشان الامساك بس؟؟؟ يعني مش كل؟؟؟

وجزاكي الله خيرا

جزاك الله خير يانونة وحقق لك الله كل ماتتمنيه بس كنت عايزة اسألك سؤال القرع بعد ماتاخدي منة قطعة ازاي بتحفظي الباقي عشان هو بيكون بأحجام كبيرة فمش بيطبخ كلة انا عندي بعد ماأقطعه بحط الباقي في الثلاجة بس بيخرب بعد كم يوم وكمان البروكلي ازاي بتحفظي الباقي قصدي الي ماطبخش وشكرا

جزاك الله كل خير وحقق امنياتك

قبل فترة قلت لزوجي يجيب شعير جابه مطحون ههههه

وبعدها مااشتريت بس رح اسالك عن موضوع فات الكستر والشوفان كل مااعمله مااااايضبط انا احليه بالتمر وصرت اعملها شوفان وتمر لحاله بس بنتي استحااااااالة تشربه في رضاعة بالملعقه لازم في صحن وانا اكلها شفتي كيف


hoba essam اسمحيلي ارد عنك نونة طالما لسا مادخلتي

تقصد الشعير بتضيفه لكل الاكل عشان مايجيهم امساك يعني الوجبة اللي

عملتها نونة لتوأمها للتغذية بس مو خاصة بالامساك

يارب اكون افدتك

كتبت بواسطة hoba essam

جزاكي الله خيرا وبارك فيكي وجبه روووووووووووووعه متكامله من كله

بس معلش لي كام سؤال

اولادك الله يحميهم كام عمرهم

وبداتي تعطيه لهم من امتي؟؟؟

وواضح انه ما شاء الله مغذي

نفسي بنتي تاخد منه بس هيه كبيره عندها سنتين كيف اعطيه لها؟؟؟ لانها ما بتاخد ببرونه

واخر شي انتي بتقولي للامساك يعني بتعطيه علشان الامساك بس؟؟؟ يعني مش كل؟؟؟

وجزاكي الله خيرا

حبيبتي انا بدأت اعطيهم من لما كان عمرهم سنة بالضبط وحاليا هم اعمارهم ماشاءالله عليهم سنتين ونص بس برضو باعطيهم مهروس عشان لازم ياخدو كمية معينة عشان يروح الامساك

و ممكن تعطيه لبنتك بعد ماتخففي كمية الشعير و تأكليها ياه لانه وجبة كاملة بالنسبة لهم وعلى فكرة انا مابعطيهم الا هالوجبة بسسسس بعدها هم احرار ياكلو اي شي يعجبهم في خلال اليوم كله

كتبت بواسطة sal.mod

جزاك الله خير يانونة وحقق لك الله كل ماتتمنيه بس كنت عايزة اسألك سؤال القرع بعد ماتاخدي منة قطعة ازاي بتحفظي الباقي عشان هو بيكون بأحجام كبيرة فمش بيطبخ كلة انا عندي بعد ماأقطعه بحط الباقي في الثلاجة بس بيخرب بعد كم يوم وكمان البروكلي ازاي بتحفظي الباقي قصدي الي ماطبخش وشكرا

انا بحط القرع بكيس نايلون وبخليه في الثلاجة عادي مابيخرب ونفس الشي البروكلي
بس عموما قبل ما افتح القرع بالنص يعني اول مابجيبه من السوبر ماركت بخليه برا في نفس الرفوف تبعت البطاطس والبصل والثوم مابيخرب

وأهم شي لاتقطعيهم ولا تقشريهم بس خدي الكمية اللي بتكفيكي لليوم والباقي رجعيه الثلاجة بالكيس بدون ماتقشريهم

وجزاكي بالمثل

كتبت بواسطة قلب خالد

جزاك الله كل خير وحقق امنياتك

قبل فترة قلت لزوجي يجيب شعير جابه مطحون ههههه

وبعدها مااشتريت بس رح اسالك عن موضوع فات الكستر والشوفان كل مااعمله مااااايضبط انا احليه بالتمر وصرت اعملها شوفان وتمر لحاله بس بنتي استحااااااالة تشربه في رضاعة بالملعقه لازم في صحن وانا اكلها شفتي كيف


hoba essam اسمحيلي ارد عنك نونة طالما لسا مادخلتي

تقصد الشعير بتضيفه لكل الاكل عشان مايجيهم امساك يعني الوجبة اللي

عملتها نونة لتوأمها للتغذية بس مو خاصة بالامساك

يارب اكون افدتك

هلاياقمر

الشعير المطحون يمكن برضو اهون من اللي مو مقشور وعادي حطيه مع الخضار اعمليه كانه شوربة

وبالنسبة للمهلبية تراها سهلة جدا جدا غريبة انه مازبطت معاكي


حطي في الخلاط الحليب سواء الخاص بالاطفال او النيدو او السائل بس بعد ماتذوبيه و حطي 4او 5ملاعق كاسترد او نشا و حطي معجون التمر جواهم كمان و اخلطيهم بالخلاط بعدين حطيه على النار الين يثقل ولو حسيتيه ماصار سميك جيبي كاسة موية عادية و زيدي عليها نشا او كاستر وبكدا شوي شوي بتصير لوحدك بتعرفي كم الكمية اللي بتحتاجيها
وحيطلع لونه بعدين زي الشوكولاتة

نونتنا الحلوة
تغيب تغيب وترجع لنا بالمفيد
ربنا يقويك ويقر عينك بذريتك.

بس فين الصور اختفت ياغالية ؟


الشعير راااائع انا صرت اضيفه لمعجناتي يكفي انه مذكور في السنة النبوية .

موضوع كتير حلو بس كان نفسي اشوف الصور.....