ابشرووا ياامهات..الفطام الليلى الناجح باذن الله وعن تجربه (شعارتجربة ام ناجحة)
السلام عليكم ورحمة الله وبركاته
ازيكم ياامهات ياحلوات
عاملين ايه
واطفالكم الحلوين
يااااارب تكونو كلكم بخير
بصراحه انا مبكتبش موضوع الا ولازم يكون سؤال واستشاره ماشيه على مبدا اسال استشير وعماله اخد منكم فى خبرات ماشاء الله عليكم
قلت المره دى باذن الله اتقلكم تجربتى فى اكتر حاجه كنت متخيله انها مش هاتحصل ولو حصلت هايحصل معاها خسائر كبيره
تجربة فطاااام عمر فى فترة النوووم
انا هاكتبلكم نصايحى اللى طلعة بيها من الموضوع ده واللى مشيت عليها الحمد لله وجابت نتيجه عظيييمه
اولا :وده اهم حاجه الدعاااااء
ادعى على طول ان ربنا يعينك على فطام طفلك وانه يهديلك طفلك
ثانيا : ادى لنفسك معاد تقريبى يكون اتفطم فيه تماما عن الرضاعه بالليل وانا اديت نفسى من 10 ايام لاسبوعين
والحمد لله فعلا بعد اسبوعين بالظبببط مكنش بيرضع بالليل
ثالثا : شوفى هو بيحب ايه لان ده هاتدخليه مكان اللبن ليلا
(يعنى مثلا مياه او عصير خفيف او حليب خارجى ) انا ابنى بيحب عصير التفاح فدخلته بدل الرضاعه مش ببيبرونه لا بازازة العصير نفسها لو بلاستيك بتاعة الاطفال دى زى عصير اسمه ياس فى مصر
او بالشليموه(الشفاطه بتاعة العصير)
رابعا : انا بدات تدريجى يعنى هو كان بيرضع طبعا طوووول الليل انا قلت هاخلى الرضاعه اول يوم 3 مرات فى خلال الليل ولو صحى فى وسطهم بياخد العصير وتانى يوم على طول لو استجاب للموضوع ده خليها رضعتين فى الليل كله مستجبش اديله فرصه كمان يوم او اتنين بالكتير اوى وبعد كده صممى انها تكون مرتين بس واى وقت تانى يكون مياه او عصير
خامسا: لو بدا يتعود على انهم يكونو مرتين بس هايبقى اسهل باذن الله تبقى مره واحده فى اللييييييييييل كله
وكل ده مع الدعاااااء
ربنا يعينك على فطامه ويهديهولك
سادسا : هايكون عدى 10 ايام مثلا اخرهم انه بيرضع مره واحده فى الليل انوى بقى وامنعيها وادعى كتير اوى اوى وتوكلى على الله
هايتعبك شويه بس هاترتاااااااااااااااااااااااااااااااااااااحى جدا بعد كده باذن الله
بعد كده هايصحى فى الليل كله مره او اتنين بالكتير ياخد شوية مياه او عصير (لو مش بيشتكى من وجع سنان او اى حاجه تانيه ممكن تصحيه)
سابعا : ودى ملحوظه مهمه جداااااااااااااا
لازم تتفقى مع زوجك يعينك ويستحملك ويستحمله الفتره دى ويحس بقيمتها
لان انا زوجى فى الاول كان كل مابنى يعيط طبعا وانا مش عايزه ارضعه يقولى مش عارف انام رضعيه وخلصينا وكنت علشان اسكتهم هما الاتنين ارضع عمر لحد مافهمت جوزى الوضع اللى عايزه اعمله ومساعدته انه يهدا لما بيلاقيه بيعيط ويعرف انه وضع مؤقت فادتنى جداااجداااا
واخيييرا
يااااارب يهدى عمر ويهدى كلل اطفالنا ويجعلهم من حفظة القران الكريم ومن الاطفال البارين ويقر اعيننا بيهم ياااارب العالمين
ويعين كل ام على فطام طفلها
وعقبال فطام البامبرز ياااااااااارب
رد مع الاستدلال
كتبت بواسطة نور هدى 7
الروابط المفضلة