بقالى كتير جدا مبكتبش اى مواضيع فى اى ركن

بس النهارده هكتب تجربتى فى الفطام ان شاء ربى

لانى من قبل مافطم ابنى كنت ناويه انى ان شاء الله هكتبها لو الظروف سمحتلى

انا كنت ناويه ان شاء الله افطم ابنى على سنتين وكنت مقررة انه طول ممحتاجلى هديله طول مانا قادرة

لغايه مجيه وقت انا دخلت فى ظروف مرضيه وعمليات فى العين والحمد لله

طبعا كنت باخد كميه قطرات كتيرة ومنها قطرات فيها كورتيزون وكلها بتنزل فى اللبن

ده غير البنج اثناء العمليه

فقررات وماخدتش وقت فى القرار ان ده الوقت اللى هفطم فيه ابنى وكان وقتها سنه وسبع شهور

يعنى وقت مناسب جدا

بس كنت خايفه من الخطوة اوى بس ماما شجعتنى وقالتلى ده وقت مناسب بجانب انه ظرف اضطرارى

فكرت ابعد عنه واسيبه فى مكان مع امى او والدة زوجى واكون انا فى مكان

بس خوفت على نفسيته او انه ياخده صدمه مباشرة من بعدى عنه وفطامه المفاجىء

اول ليله ساعدنى ربنا انه طول اليوم كنا بره البيت ومرضعش

لغايه وقت النوم بالصدفه ومرتبتش احط حاجه تخليه ينفر صدرى بس جيه فى بالى الهوت صوص الشطه الحارة علشان علشان ريحتها نفاذه جدا

وبتلسع لسعه خفيفه

وفعلا دقها مرة واحده بس وبعدها كل ميقرب خلاص عرفها وومن غير ميدوق حتى وهو نايم

وكان طبعا بيقوم فى الليل عصبى وبيعيط بانهيار بس والله ربنا كبير

كنت بحضر عصير ماللى يحبه او ميه جنبى واول محس انه يقدر ياخده اقوله تاخده عصير يا حبيبى يقولى اه واشربه وهو شبه نايم وده كان بيساعدنى انه يكون شبعان ومعوضه عن الرضاعة

ودى من اكتر الحاجات اللى كنت خايفه منها وموترانى كنت مش عارفه هل هيجى اليوم اللى يعرف ينام لوحده من غير رضاعة

الكل اكدلى انه اكيد بعون الله

كنت اخده والف بيه وادعى دعاء مسبتهوش وكنت ادعى على يقيقين ومن قلبى ومعتمده على الله

يارب اهديه يا رب اهديه يارب قدرنى عليه

كان ربنا بيقدرنى ويروح فى النوم ولله الف حمد

لغايه 3 او اربع ايام وكان الحمد لله اتعود

ده بالنسبه للفطام

اما بالنسبه لتنشيف اللبن فبما انى من النوع الخجول مكنتش بسال حد اعمل ايه حتى ماما

كانت مجرد متحس بألمى تنصحنى من نفسها وتقولى مسيره هينشف

بس توجعت كام يوم وخفت الموضوع يطول وسألت صاحبتى ام ياسين هل لازم اخد حاجه ولا هينشف لوحده

هى اقترحت عليا انى اخد حاجه تنشف اللبن خصوصا وكان فى واحده صاحبتنا تعبت منه وراحت للدكتور بسبب الموضوع ده

لكن انا فكرت ازاى الناس بتوع زمان كان عاييشين يعنى اكيد ممكن فعلا ينشف لوحده

والحمد لله نشف لوحده واخد ايام قليله وربنا كرمنى

و ربنا يوفق الجميع

شكرا لك ع الموضوع

انا نفس الشي ابني عمره سنه و 7 شهور وللان برضع و برضع بالليل كتير
قبل حوالي شهر حاولت افطمه بس تاني يوم أزعلت عليه و رجعت ارضعه و ليلتها لم ننام انا و ابوه من البكاء و كل ربع او نصف ساعة يصحا.
الان طبعا رجع يرضع وان شاء الله ناوية اكمل للسنتين و خاصه انني بنظف فيه الان من الحفوضة و ما بفدر افطمه حتى لا يحصل معاه انتكاسه.
و بالنسبه لتنشيف الحليب انا سألت صيدلانيه ووصفتلي دواء
و بالنسبة لطريقه الفطام و ضعت قهوة على صدري و لما شافها حكيتلوا كخ كخ و صار كل ما بدو يرضع افرجي القهوة و يقول كخ كخ و ما يرضع يعني بالنهار كانت الامور ماشية بس المشكله بالليل لانه بصحى برضع و ما بشوف اشي .

يعني أخذ معاك 4 ليالي تقريبا أختي العزيزة ؟ لكن هل كان البكاء يقل كل ليلة ام لا ؟

الف شكر حبيبتي عللى تجربتك الرائعة
وانا ناوية افطم ابني قريبا
لك مني كل الشكر والتقدير

وعليكم السلام والرحمة والاكرام


ده انا مش مصدقة عيوني انه ام هوبا هنا


لا تعالوا اقرصوني يابنات


ايه النور ده كله ؟


























انتظريني لي عودة عشان اكون من جد مصدقة انه سمسم رجعت.

حمد الله على سلالالالالالالالالالامتك ياسمسمه والله وحشتينا
حمد الله على سلامتك من العمليه والبنج ربنا يعافيكى
واهم حاجه حمد الله على سلامتك من الفطام


نصيحتى ياامهاااااات اللى عايزه فطام هادى ومتحسش بيه ولا بالمعاناه بتاعته ولا تتعب نفسية الطفل

افطومى الاول الرضاعه بالليل بجد بتفرق جااااااااااامد
افضلى اسبوع كده افطمى رضاعة بالليل وبالنهار خليكى عادى شويه بشويه هاتلاقيه اتفطم لوحده انا عملت كده علشان ظروف تعب وتشققات وتقطيع فظيع فيا وهو كان بيكمل عليا بسنانه اما مكنش فى حل بصراحه غير الفطام بس اخدته تدريجى تقدرو تقولو الحمد لله هو فطم نفسه من غير ماحس

شكرا لك enno
لكن ارجو توضيح كيف يكون الفطام التدريجي بالليل ؟؟
لان طفلي يصحى و ما يسكت الا اذا رضع مع العلم انو عمره سنة و 7 شهور يعني بفهم

بارك الله فيك وفي ابنك
وقر عينك به

كتبت بواسطة hadsam

شكرا لك enno
لكن ارجو توضيح كيف يكون الفطام التدريجي بالليل ؟؟
لان طفلي يصحى و ما يسكت الا اذا رضع مع العلم انو عمره سنة و 7 شهور يعني بفهم

السلام عليكم

حبيبتى انا عمر ابنى بلا مبالغه والله كان فى ايام بيصحى كل ربع ساعه اما كنت هاتجنن خلاص
وسالت الاخوات هنا وهما اللى شجعونى على الفطام بالليل
شوفى ياقمر
اولا :وده اهم حاجه الدعاااااء
ادعى على طول ان ربنا يعينك على فطام طفلك وانه يهديلك طفلك

ثانيا : ادى لنفسك معاد تقريبى يكون اتفطم فيه تماما عن الرضاعه وانا اديت نفسى من 10 ايام لاسبوعين
والحمد لله فعلا بعد اسبوعين بالظبببط مكنش بيرضع بالليل

ثالثا : شوفى هو بيحب ايه لان ده هاتدخليه مكان اللبن ليلا
(يعنى مثلا مياه او عصير خفيف او حليب خارجى ) انا ابنى بيحب عصير التفاح فدخلته بدل الرضاعه مش ببيبرونه لا بازازة العصير نفسها لو بلاستيك بتاعة الاطفال دى زى عصير اسمه ياس فى مصر
او بالشليموه(الشفاطه بتاعة العصير)

رابعا : انا بدات تدريجى يعنى هو كان بيرضع طبعا طوووول الليل انا قلت هاخلى الرضاعه اول يوم 3 مرات فى خلال الليل ولو صحى فى وسطهم بياخد العصير وتانى يوم على طول لو استجاب للموضوع ده خليها رضعتين فى الليل كله مستجبش اديله فرصه كمان يوم او اتنين بالكتير اوى وبعد كده صممى انها تكون مرتين بس واى وقت تانى يكون مياه او عصير

خامسا: لو بدا يتعود على انهم يكونو مرتين بس هايبقى اسهل باذن الله تبقى مره واحده فى اللييييييييييل كله
وكل ده مع الدعاااااء
ربنا يعينك على فطامه ويهديهولك

سادسا : هايكون عدى 10 ايام مثلا اخرهم انه بيرضع مره واحده فى الليل انوى بقى وامنعيها وادعى كتير اوى اوى وتوكلى على الله
هايتعبك شويه بس هاترتاااااااااااااااااااااااااااااااااااااحى جدا بعد كده باذن الله
بعد كده هايصحى فى الليل كله مره او اتنين بالكتير ياخد شوية مياه او عصير (لو مش بيشتكى من وجع سنان او اى حاجه تانيه ممكن تصحيه)

سابعا : ودى ملحوظه مهمه جداااااااااااااا

لازم تتفقى مع زوجك يعينك ويستحملك ويستحمله الفتره دى ويحس بقيمتها
لان انا زوجى فى الاول كان كل مابنى يعيط طبعا وانا مش عايزه ارضعه يقولى مش عارف انام رضعيه وخلصينا وكنت علشان اسكتهم هما الاتنين ارضع عمر لحد مافهمت جوزى الوضع اللى عايزه اعمله ومساعدته انه يهدا لما بيلاقيه بيعيط ويعرف انه وضع مؤقت فادتنى جداااجداااا

وربنا يعينك ويعين كل الامهات على الفطام ياااارب

جزاك الله الف خير يا enno
وشكرا على الرد و الله يبارك فيك و في اولادك و زوجك

كتبت بواسطة hadsam

شكرا لك ع الموضوع

انا نفس الشي ابني عمره سنه و 7 شهور وللان برضع و برضع بالليل كتير
قبل حوالي شهر حاولت افطمه بس تاني يوم أزعلت عليه و رجعت ارضعه و ليلتها لم ننام انا و ابوه من البكاء و كل ربع او نصف ساعة يصحا.
الان طبعا رجع يرضع وان شاء الله ناوية اكمل للسنتين و خاصه انني بنظف فيه الان من الحفوضة و ما بفدر افطمه حتى لا يحصل معاه انتكاسه.
و بالنسبه لتنشيف الحليب انا سألت صيدلانيه ووصفتلي دواء
و بالنسبة لطريقه الفطام و ضعت قهوة على صدري و لما شافها حكيتلوا كخ كخ و صار كل ما بدو يرضع افرجي القهوة و يقول كخ كخ و ما يرضع يعني بالنهار كانت الامور ماشية بس المشكله بالليل لانه بصحى برضع و ما بشوف اشي .

يعني أخذ معاك 4 ليالي تقريبا أختي العزيزة ؟ لكن هل كان البكاء يقل كل ليلة ام لا ؟

الله يحميلك ابنك
الموضوع اخد فعلا اربع ليالي ولكن لازم تنبقى انتى مستعدة ومتفكريش ترجحعى فى كلامك

الموضوع بسيط متقلقيش ولازم تحطى فى بالى ان هيجى يوم وتنفذيه وكله على حسب استعدادك

ربنا معاكى

كتبت بواسطة ام ريدان

الف شكر حبيبتي عللى تجربتك الرائعة
وانا ناوية افطم ابني قريبا
لك مني كل الشكر والتقدير

الشكر لله ثم لكى على مرورك الله يقدرك عليه