السلام عليكم ورحمة الله وبركاته


اخواتى فى الله وحبايبى الامهات الغاليات ,عندى مشكله مع عموره ابنى ياريت حد يفيدنى,هو دلوقتى بدء فى الشهر التاسع ومبيحبش الاكل ابدا,اى اكل اديهوله بيرجعه,السيريلاك بياخده هو والزبادى بس بالعياط والتكتيف ,انا مبديهوش الزبادى الا قليلا عشان حاسه انه صغير عليه ,والسيريلاك بيهوله من الشهر السادس بالغصبانيه طبعا

بس طبعا مش هفضل اديهوله طول عمره

حاولت اديله بيض مسلوق رجعه

البطاطس المهروسه رجعها

الفاكهه تقريبا زى السيريلاك بالغصب واخره معلقتين

لبنى دلوقت 9 شهور واخره معلقتين سيريلاك الصبح وزيهم باليل وطول النهار والليل رضاعه طبيعى

هو طبيعى بيقعد وبدء يزحف بس انا خايفه عشان بعدين

حد يشور عليا يا اهل الخبره



دمتم بود
فى امان الله

بصى يا رودى
وده عن تجربة اخواتى مع اولادهم

انتى اكلى ابنك كل حاجة مفيدة
والزبادى حلو ليه هو مش صغير ولا حاجة

انا اختى كانت الاول كده مع بنتها ( على فكرة هى من نفس سن عمورى )
بس لما راحت لدكتورة قالتلها وكليها من كل حاجة

زبادى - بطاطس - كبده مسلوقة - رز - بيض

كل الحاجات دى مفيدة جدا للطفل

ابنك بيرجع الاكل عشان انتى ابتديتى معاه متأخر
المفروض يا حبى انك كنتى ابتديتى تطعميه من سن 6 شهور

عموما خليكى وراه ..
وانتى بتوكليه اشغليه بلعبة حلوة
وان شاء الله هيكون زى الفل

السلام عليكم اختي

لا تخافي عليه هو مثل ابني ميحب ياكل لانه معتمد على الرضاعه

ان شاء الله من تبدأين تفطميه حتحسي بفرق كبير انا ابني تعبني ورضعته سنتين وكان يتعبني بالاكل ولكن بعد الفطام اتغير

الله يحفظ ابنك وابناء المسلمين جميعا

حبيبتى حاولى ماتشبعهوش من اللبن الطبيعى اعطية شواية صغيارين وهو بياكل شيلية من فمة واعطية بطاطس او سيريلاك والزبادى مفيدجيدا عموما ابنك ممكن تحفزية شوفى اية اكتر حاجة بيحبها وحاولى تحرمية منها لحد ماياكل مثل مشاهدة الكرتون اولعبة معينة بيحبها اوحلوة مفضلة لحد ما يتعود وحاولى تصبرى عالية شوية ربنا يخلهولك وتفرحى بية باذن الله