السلام عليكم و رحمة الله وبركاته
رمضان مبارك على الجميع
بنات انا عندي استفسار واللي عندها حالة مشابهة لحالة ابني رجاء ترد علي وتذكر اي تفاصيل ممكن تفيدني
انا عندي ولدين الكبير سنتين وسبعة شهور والصغير اربعة شهور
ابني الكبير ما تكلم الى الان مانطق كلمة واحدة كاملة الى الان يستخدم اصوات يعني للباص يقول (با) ولما يشوفني يقول (ما) ويقول (دا) ( تا) وانا تعبانة معاه لاني ماافهم اش يبغى مني معظم الوقت واذا مافهمته يبكي طول الوقت، احس فهمه لي بنسبة 60% و احس انه مهاراته الحركية 100% وذكي جدا لما يلعب وعرضته على اخصائي اطفال في بريطانيا و السمع عنده ممتاز ماعنده مشاكل ابدا وبعدين عرضناه على اخصائي نطق ولغة وصارت تعلمني استراتيجيات تساعد ابني يستخدم صوته اكثر ، وحسب تشخيص الاطباء ابني ماهو متوحد بس يعاني من تاخر في الكلام. صحيح احس تركيزه على التواصل معي ماهو ممتاز. انا اتكلم معاه بلغة صحيحة طوال الوقت. فيه كمان نقطة انه يروح الحضانة و هناك يسمع انجليزي بس وبالبيت يسمع عربي. هل هذا يلخبطه تتوقعون؟
اللي تقدر تساعدني بنصيحة او شافت مثل كذا ياليت تكتب لي رد الله يكتب لكم الاجر جميعا و ينولكم اللي ببالكم,,,
تحياتي
الروابط المفضلة