تفتكروا ابني مكتئب ........
السلام عليكم ورحمه الله
انا اسفه لاني ساتطفل عليكم بمشكلتي
لكني فعلا تعبانه ومكتئبه وانا دايما بتصفح ردودك ايمان علي بالذات ومواضيعها وحاول اراسلها عالخاص منفعش واتمنى انك ماتضايقوا من طول رسالتي
ابني محمد 3سنوات والاصغر سنه وشهرين
لاانكر اني فالبدايه كنت اصرخ واضرب في اول سنه ونص من عمره لكن بعدها تعرفت عالمنتدى بعد مالحال تدهور بيني وبين ابني وتعلمت كيف اتعامل معاه وعلاقتنا الحمدلله رجعت رائعه بينا ونسيت الضرب والصراخ وهالكلام
انقلب الحال بولادة اخوه ويعلم الله اني للان ومن ساعه الولاده وانا بهتم فيه اكتر واظهرله حبي اكتر ومابشغل نفسي باخوه بتاتا حتى ان الصغير صار يغار ويخبط راسه فالارض لما يعصب
لكن محمد غيور جدا فوق متتخيلي رغم ان كل وقتي له وحده لكن مافي فايده دائما كان يطلب الخروج والتنزه ورغم ظروف عمل والده الصعبه واني فبلد غريب مابعرف انزل لوحدي اصبحنا نخرج ممكن مرة واو اتنين فالاسبوع
ودائما بنجددله فالعابه باستمرار وطلباته طالما مافيها مشكله تلبى مع كل ده اشعر دائما بعدم الرضى فعيونه بحس انه مكتئب يطلب يروح الملاهي وناخده يلعب وهوه مش مبسوط سرحان فعالم تاني نحاول نضحكه يضحك ليرضينا
دايما يقول انا زعلان طب ليه كده وبس
لاي احد يشوفه انا زعلان منك ليه كده
انا ماعندي اطفال صغار فالوسط هوه لوحده
وديته حضانه من 6 شهور اتبسط اول يومين بعدين صار يبكي ويقلي انت بتسبيني لوحدي وللاسف انقطع لانه كان مريض ومااستمر غير اسبوعين كانوا ويلات وبكا
الان وبعد ماصار يتكلم طبيعي تقريبا بس بعض الكلمات المشقلبه وماشالله عليه ظهرلنا من شهر ونص بشيء مفاجىء تهتهه ويكرر الحرف اكتر من 20 مرة احيانا بقول يمكن مش مركز هوه عايز يقول ايه او مرتبك لكن لأ لانه احيانا اشياء عارفها او فاهم بيتهته فيها اقله قولها صح مرة اتنين بعدين يقولها
رحت لطبيب قال ان عنده لحميه وهنشيلها باذن الله والسمع عنده كويس والتهتهه غالبا ملهاش علاقه باللحميه لانه كان بيتكلم كويس
انا خايفه عليه دايما بحسه مكتئب مش عايزني ابعد عنه لحظه ونقضيها لعب لو قلتله بس اروح اشرب يزعل ويبكي
ودخل في دور عناد ولامبالاه يعني يزعل ابوه ويتعمد مايسمع كلمته فابوه يقله كده تزعلني يقله اه
وده بيحصل مع كل الي حواليه
فكرت اروح لطبيب نفسي بس الموضوع مش سهل بصراحه وخايفه يتعقد اكتر
ارجوكم انا تعبانه ابني بدا مؤخرا يقلل الاكل يعني بيطلب الاكل وياكل قطعه او اتنين ويقلي شبعت
واقعد الاعبه والهيه علشان ياكل
مش عارفه اعمل ايه انا اخدت راي ام سهيل ربنا يباركلها وقالتلي اكشف عليه عند الدكتور بخصوص التهتهه بس هوه قلي ان مش بسبب اللحميه
والله ياجماعه انا تعبانه اوي اوي ابني بيقطعلي قلبي بنظراته وسلوكه
.
رد مع الاستدلال
كتبت بواسطة أم تولينا
الروابط المفضلة